ATALAR YAXŞI DEYİB…

Mövzu muxtəlifliyi ilə yanaşı bitmiş fikir, ümumiləşdirmə və nəticə atalar sözlərinə xas olan cəhətlərdir. Atalar sözləri xalqın həyatda sınanmış, müdrik və nəsihətli fikirlərindən ibarət olur və böyük əxlaqi-tərbiyəvi əhəmiyyət daşıyır. Əsas xüsusiyyəti həcmcə kiçikliyi, lakin mənaca hikmətli və nəsihətli olmasıdır. Atalar sözləri bitkin fikir ifadə edir, həm həqiqi, həm də məcazi mənada işlənir.

Ad adamı bəzəməz, adam adı bəzəyər.

Adam, adamın şeytanıdır.

Adam olmayan başqalarını adam saymaz.

Bərəkət, hərəkətdir.

Bir işi başlamağa çalış, özü qurtarar.

Cavanlıq gözəllikdir, onu boyamaq artıqdır.

Cavanlıqda qocalığa güc saxla, pullu gündə pulsuz günə pul saxla, savaşanda barışmağa üz saxla.

Adam yanıla-yanıla öyrənir.

Araq adamı ardan da qoyar, yardan da.

Az bilmək istəmirsənsə, çox oxu.

Fikirdən iti gedən şey yoxdur.

Ölüm, qaş ilə göz arasındadır.

Pay bölənə pay qalmaz.

Az yeyənin azarı da az olar.

Çalışqan əl nəyə dəysə qızıl olar.

Çox aş ya qarın ağrıdar, ya baş.

Sənət, insan üçün xəzinədir.

Uzaqlaşmaq, yaxınlaşmaq üçün vasitədir.

Yalanla dünyanı dolanmaq olar, amma geri dönmək olmaz.

Yeməyə kömək, işləməyə də kömək.

Yola çıxan yolda qalmaz.

Zəhməti sevən, işdən doymaz.

Düzlük, xoşbəxtliyin açarıdır.

Söz, həyatın bəzəyidir.

Adam, adam sayəsində adam olar.

İstədiyini deyən, istəmədiyini eşidər.

İstək gözdə olar, məhəbbət ürəkdə.

Toyun əvvəlinə getmə, axırına da qalma.

Barmağının beşini də bal elə, pis adamın ağzına sal, yenə deyər: acıdır.

Bir gözü alça dərir, bir gözü gavalı.

Nəğdi qoyub, nisyə dalınca düşmə.

Paxıl olmasan, dərdin olmaz.

Pul verməz, can verər.

Tikan olub ayağa batınca, gül ol, yaxaya sancıl.

Hazırladı: Fidan Aslanova

VN:F [1.9.16_1159]
Rating: +7 (from 9 votes)

Fidan Aslanova

Fitret.az idarəçisi

 
Facebook

LEV TOLSTOYDAN SEÇMƏLƏR

Lev Tolstoydan seçmələrHeç kim, hirsini udmaqdan daha gözəl bir içki içməmişdir.

Qısqanclıq, insanı alçaldan və kiçildən bir duyğudur.

İnsan, öz dəyərini, ancaq çalışaraq qoruya bilər.

Bütün həyatın boyunca bir məqsədin olsun. Müəyyən bir zaman üçün, gün üçün, ay üçün, il üçün, hətta dəqiqə üçün belə məqsədin olsun.

Düşünməyi öyrənə bilmiş insan, bir şeyə kor-koranə inanmaz.

Zarafat etmək, böyük bir özəllikdir. İnsanları, gözəl bir gülümsətmə qədər heç bir şey bir-birinə yaxınlaşdırmaz.

İki güclü savaşçı vardır. Bunlar, səbr və zamandır.

Bir iş üçün ən yaxşı vaxt hansıdır?
Ən önəmli zaman indidir. Bu an, bir şey edə biləcəyimiz, təsir edə biləcəyimiz yeganə zamandır.
Ən önəmli insanlar kimlərdir?
Ən önəmli insan, o an birlikdə olduğun insandır.
Hər zaman ediləcək ən yaxşı şey nədir?
Ediləcək ən önəmli şey, birlikdə olduğun o insana yaxşılıq etməkdir.

Nə istədiyimi özüm də bilmirdim; həyatdan qorxurdum, qaçıb uzaqlaşmaq istəyirdim amma yenə də həyatdan bir şeylər gözləyirdim.

Dincəlmək, təbiət, kitablar, musiqi… Bunlardır, xoşbəxtlikdən anladığım…

Bir üzün gözəlliyi, təbəssümdə yatır , deyə, düşünürəm: əgər , gülümsəmə üzü daha da cazibəli edirsə, o, gözəl bir üzdür. Əgər , təbəssümə rəğmən üz eyni qalıb dəyişmirsə, adi bir üzdür. Əgər, təbəssüm gözəlliyi pozursa, o üz çirkindir.

Zehin, sadəcə, yaxşı qəlbli insanlarda aydınlana bilər. Bir insan, sadəcə, aydınlanmış bir zehinə sahib olduğu zaman yaxşı qəlbli ola bilər. Bunların biri, digərinə kömək edər.

Gələcəyi barəsində əndişə edərək izlədim öz həyatımı.
Xoşbəxtlik və uğur gözlədim, hər zaman.
İkisini də tapdığım zamanlar oldu, ikisini də itirdiyim zamanlar.
Həyatın mənə lağ etdiyi və mənim həyata lağ etdiyim zamanlar oldu.
Xəyal qurmaqdan belə qorxduğum günlər gördüm.
Bəzən, xəyallarımı belə aşan günlər.
Keçmişi unutmağı öyrəndim, gələcək barəsində əndişə etməməyi.

Ən uca xoşbəxtlik, üç şeylə əldə edilir: çalışmaq, fədakarlıq və sevgi.

Pis insanlar bir-birilərinə necə bağlıdırlarsa və necə bir güc yaradırlarsa, namuslu insanların da eyni şeyi etmələri lazımdır. Bu qədər bəsit.

İnsanların, o qədər arxasınca qaçdıqları, dörd əllə sarıldıqları zənginliyin, iqtidarın; hətta həyatın belə bir dəyəri varsa, o da bütün bu şeylərin atılmasındakı zövqdür.

Çətin zamanlar keçirirsinizsə, sevdiklərinizi itirməkdən dolayı acı çəkir və ya gələcəkdən qorxursunuzsa, həyatın sadəcə indiki zamandan mövcud olduğunu ağlınızdan çıxarmayın, bütün düşüncə və xatirələrinizi indiki zamana yönəldin. Belə etdiyiniz təqdirdə, keçmişə aid bütün acılarınız, gələcəyə dair bütün əndişələriniz yox olar, gedər, xoşbəxtliyi və azadlığı hiss edərsiniz.

Uzaq və imkansız görünən bir şey, bir anda yaxın və mümkün ola bilər…

Evliliyə müqəddəslik verən, sevgidir…

Ən yaxşı şeylər hər zaman gözləmədən gələr. Bir şeyin yaxşı olması üçün nə qədər çalışılsa, o qədər pis olar.

Bir üzün gözəlliyi təbəssümdə yatar.

Cahil ilə mübahisə edərkən ona verdiyin hər kəlmə, ocağa atdığın odun kimidir.

Gözəl bir gülüş, qaranlıq bir evə girən günəş işığına bənzəyər.

Hazırladı: Fidan Aslanova 

 

VN:F [1.9.16_1159]
Rating: +8 (from 8 votes)

Fidan Aslanova

Fitret.az idarəçisi

 
Facebook

PABLO PİKASSO: DAHİ RƏSSAMDAN HƏYATİ MƏSLƏHƏTLƏR

Biz hamımız, məşhur rəssam Pablo Pikassonun adını tanPablo Pikasso: Dahi rəssamdan həyati məsləhətlərıyırıq, o, 20-ci əsrin ən özünəməxsus dahilərindən biridir. O, bir çox sınaqlardan çıxmışdır- yoxsulluq və zənginlik, müharibə və sülh, qadın diqqəti və ümumdünya şöhrəti, 2009-cu ildə Forbes jurnalı, onu dünyanın son 100 il ərzində yaşamış ən yaxşı rəssamı adlandırıb.

Onun uğurunun tarixini yəqin ki, təkrarlmaq qeyri-mümkündür, amma Pikassodan öyrənəsi çox şey var. Bu dəfə sizə dahi ustaddan yaşayıb, yaratmaq ilə bağlı məsləhətlər təqdim edirik.

1. Etmək üçün inanmaq lazımdır.

“Bacaracağına inanan hər kəs, bacara bilir. Bacarmayacağını düşünənlər isə bacara bilmir. Bu, təkzibedilməz və dəyişilməz bir qanundur.”

İnanclar, düşüncə tərzi, fəaliyyətin nəticəsini müəyyən edir, onu nəzarətdə saxlayır. Əgər siz hesab etsəniz ki, bu sizdə alınmayacaq, onda təhtəlşüurda, qeyri iradi olaraq həyəcanlamağa, hətta bilmədən səhv etməyə də başlayacaqsınız. Digər tərəfdən, əgər siz düşünsəniz ki, sizdə alınacaq, onda sizin beyniniz başqa istiqamətdə işləyəcək və onda beyniniz kədərlənmək və şikayətlənmək öz faliyyətini problemin həllinə yönəldəcək. Nəticədə isə problemin həll yolları və imkanları öz-özünə ortaya çıxmağa başlayacaq ki, yağışdan sonra hər yerdə göbələklər çıxır.

2. Öz bilik və bacarıqlarınızın sərhədlərini genişləndirin.

“Mən həmişə bacarmadığım işləri də görürəm ki, yeni nəsə öyrənim.”

İnkişaf üçün özünü qabağa itələmək lazımdır. Bu bir az qorxulu görünə bilər. Sizə bu məsələ ilə bağlı verə biləcəyim ən yaxşı məsləhət belə səslənir: Bacarmadığınız bir işi görəndə, özünün mümkün qədər məhz indiki zamanda, olduğunuz anda hiss edin, gələcək barədə düşüncələrə çox qapılmayın. Bu ciddi şəkildə neqativ həyəcanları və narahatlığı azalda bilər. Sizin şüurununzda və vücudunuzda belə bir fikirlər olmayanda isə diqqəti cəmləmək asanlaşır və siz yaxşı nəticələr əldə edir, yekunda isə öyrənmək istədiyinizi mənimsəmiş olursunuz.

3. İlham pərisini gözləməyin, başlayın.

“İlham pəriləri mövcuddur, amma onlar həmişə iş əsnasında gəlir.”

Bəli, ilham və ya ilham pəriləri deyilən anlayış mövcuddur, amma o sizi mütləq iş başında yaxalamalıdır. “Lazımı” anın yetişməsi üçün küllü miqdarda vaxt itirməyin, əlbəttə ki, ilham pərisi lütf edib təşəbbüs buyursa, lap gözəl, yaradın! Amma yalnız bu möcüzəvi varlığın fəaliyyət müddəti ilə özünüzü məhdudlaşdırmayın. Bəzən özünü, xüususi bacarıq tələb etməyən və sadəlövhcəsinə ilham pərisinin dəstəyini gözləməyə ehtiyacın olmadığı işləri görməyə məcbur etməlisən. İlham pərisi ədviyyat kimidir, ondan lap azacıq lazımdır, amma o, hər şeyi dəyişməyə qadirdir.

4. Daha çox və daha çox hərəkət edin.

“Sabaha yalnız ölənə kimi görmək istəmədiyiniz işləri saxlayın. Hərəkət- uğurun əsas açarıdır.”

Hərəkət olmasa, istənilən bir informasiya faydasızdır. Bu şəxsi inkişafın o hissəsidir ki, adətən onu yaddan çıxarır, ya da ona məhəl qoymurlar. Bəzən sizə elə gələ bilər ki, hərəkətə başlamaq çətindir, ya da indi “həmin an” deyil. Amma daha çox etmək vərdişi çox şeyi dəyişə bilər. Bu nəticələrə nail olmaq üçün ən effektiv vasitədir. Hərəkət prosesində siz özünüzü daha yaxşı tanıyır, dünyagörüşünüzü formalaşdırır və öz sahənizin praktikada üzə çıxan xüsusiyyətlərini mənimsəyirsiniz.

5. Düzgün suallar verin.

“Məndən öncəkilər olanları görür və soruşurlar ki, niyə bu var? Mən isə ola biləcəkləri görür və soruşuram ki, niyə də yox ( niyə də olmasın?)

Özünə yalnış suallar vermək çox asandır. Elə suallar ki, onların cavabları sizin səriştəsiz, axmaq və səhv olduğunuzu bir daha təsdiqləyəcək. O suallar ki, sizi yüksəltmək əvəzinə daha da batıracaq. Pozitiv suallar verin, elə suallar ki, imkanlar qapısını bağlamaq əvəzinə , üzünzə açsın.  Demək olar ki, siz istənilən bir situasiyada özünüzə belə bir sual verə bilərsiniz: bu təcrübənin yaxşı tərəfi nə idi?  Bu minnətdarlıq hissi vasitəsi ilə öz əhval-ruhiyyəni və fikirləri pozitivə doğru dəyişmək üçün yaxşı bir üsuldur.

6. Mühakimə etməyin və siz gizli gözəlliyi görəcəksiniz.

Bu günlə, indiki məqamla yaşayın- onda siz daha az analiz edəcək, az mühakimə edəcək və beyninizi mənasız tapşırıqlar ilə çətinə salmayacaqsınız. Hazırkı anla yaşadıqda ədət etdiyiniz dünya qeyri-adiləşir. Siz ağaclarda, təbiətdə, insanlarda daha çox rənglər və canlılıq görürsünüz. Sizə sıravi, labüd və əhəmiyyətsiz görünən hər şey, birdən birə heyranedici və dəyərli olur, sanki siz dünyaya daha aydın şəkildə baxırsınız.

7. Hələ həyata sevinməyə gec deyil.

“Gəncliyin yaşı yoxdur.”

İctimai fikrə, sizə nəyi edib, nəyi edə bilməyəcəyinizi diktə etməyə imkan verməyin, əgər məsələ, təkcə yaş fərqidirsə. Əksər hallarda, yaş sadəcə sizin beyninizdəki bir qeyddir. Əgər siz öz həyat xəttinizə bir zaman kəsiyi kimi baxsanız, onda nəyisə dəyişmək üçün həqiqətən gec ola bilər. Amma əgər, siz daha çox indiki zamanla yaşamağı öyrənsəniz, belə fikirlərin əksəriyyəti sadəcə qüvvədən düşür, siz başa düşürsünüz ki, şüurlu şəkildə istədiyinizi seçə və edə bilərsiniz. Elə indi.

Mənbə: İsmayıl Vəliyev – “Özünü kəşf et” kitabı.
Hazırladı: Fidan Aslanova

VN:F [1.9.16_1159]
Rating: +13 (from 13 votes)

Fidan Aslanova

Fitret.az idarəçisi

 
Facebook

ƏLLƏR VAR…

images (31)Əllər var…
Əllər var ki, qarışdıran əllərdir. Hər şeyi qarışdırar. Nalayiq əllərdir bu əllər. Lazim gəldi‐gəlmədi hər yerə soxular. Toxunmaması lazim olan yerlərə toxunar. O üzdən qarışdıran əllər pislikdən qurtulmaz. Çünki qarışdırma həvəsi hər şeyi əhatə etdiyi üçün zibillikləri də qarışdırar. Bu cür əllər bulaşdıqları zir‐zibilin günahını özlərində görməz. “Sənin nə işin vardı oralarda, nə axtarırdın?” deyənə, “Hər yeri, hər şeyi qarışdıranda belə boğazına qədər nəcisə batarsan!” deyənə verəcək bir cavabı yoxdur.
Əllər var…
Nizamlayıcı və səhmanlayıcıdır. Çöp düşən gözə yumruq atmaz. Heç kimə hiss etdirmədən bir ana şəfqəti ilə çöpü götürər. Üzün və gözün gözəlliyini çöpə fəda etməz. Toxunduğunu bərbad etməz, düzəldər. Düzəldəcəyi şeyi “düz” hətta “dümdüz” etməz. Çünkü bu əllər baş‐ayaq dayanıb dünyanı düzəltmək istəyən “tərs”lərin əlləri deyil.
Əllər var…
Heç bir daşın altında qalmağa razı olmaz. Neçə daşlar, qayalar, dağlar yerindən tərpədilər. O pambıq əllər isə ortalıqdan yox olar. Axtar ki, axtarasan. İsrarla o əlləri axtarar gözləriniz, amma yoxdular… Sıxıntıya girməz pambıq əllər. Fəqət dağlar kimi daşları daşımaqdan yorğun və halsız olduğu üçün ayağı büdrəyənləri, axsayanları görməyə bənd olarlar. Həmən xişmalamağa başlayarlar. Yaxalardan yapışıb yumruqlayarlar. Utanmaz əllərdir bunlar. Daşın altına qoymağa gələndə yox olar, yaxadan yapışmağa gələndə aslan pəncəsinə dönərlər. Qırılmalıdır o əllər.
Extremity-upper-handƏllər var…
Pambıq deyil onlar, qabar bağlamışdır. Niyə? Niyə olacaq, hər yarımçıq qalmış yükü çəkib daşıdığı üçün. Hər xeyirli təşəbbüsün ucundan tutduğu üçün. Hər yükü ağır olana kömək etdiyi üçün. Hər yolda qalmışın qolundan tutub qaldırdığı üçün. Hər dərmanı tükənmişə dərman olduğu üçün. Öpülməlidir, o əllər.
Əllər var…
Vuracağı yeri bilməz, duracağı yeri bilməz. Qarpız gəzdirən qoltuğun əlləridir o əllər. Daima şillə vəziyyətində gəzər. Heç nə tapmayanda havanı şillələyər, suya yumruq atar. Əl‐ələ verənlərin zəncirinə qoşulub digər əllərlə birləşməz bu əllər. Əksinə, birləşmiş əlləri dartıb ayırar, qırıb qoparar. Qırıb qoparmağa əl tapmayanda bu dəfə öz tayına yönələr, özünü vurar.
Əllər var…
Vuracağı yeri də bilər, duracağı yeri də. Dostunu da tanıyar, düşmənini də. Yalnız dosta deyil, düşmənə belə rəhmətdir o əllər. Yara sarıyar, ayıb örtər. Bir ana əlləri kimi, oxşayacaq yetim, göz yaşını siləcək kimsəsiz, qucaqlayacaq sınıq ürək axtarar. Yıxılanlara dayaq olar, dağılanları toplayar, yarımçığı tamamlayar, tamamı qucaqlayar, qırılanı birləşdirər, birləşəni sıxlaşdırar.
Əllər var…
Hər qarşısına çıxandan bir şey istəyər. Heç işə girişməz, həmişə havayı şey axtarar. Daim istəmək üçün açılar o əllər. Almaqdan xoşu gələr, verməkdən nifrət edər. Bu əllərin bildiyi tək dua “Ya Rəbbənə, ancaq mənə ver!” duasıdır. Belə əlləri min dəfə doldursan o, min birincini istəyər. Hamısını da öz cibinə qoyar. Başqa əllərə baxmaq kimi bir dərdi olmaz. Eqoist əllərdir, bu əllər.
Əllər var…
Heç almaz, amma elə hey verər. İddialı deyil, lakin qərarlıdır. O əlləri heç kim ortalıqda görməz. Qarşısındakının gözünə soxulmaz. Alqışa haqq edəni alqışlamaqdan çəkinməz, fəqət özü alqış istəməz. Verərkən görünməmək üçün künc‐bucaqda gizlənər. O əllər bir Allahdan istəyər, başqasından istəmək əvəzinə daş olmağı seçər. Fədakar əllərdir, o əllər.
əllər varƏllər var…
Əllər var daima bəd duaya açılar. Bəd duaya açılan əllər başqaları haqqında şəkkə düşməyə meyllidir. Qara ürəklilərin əlləridir bunlar. Başqalarının gözündə çöp axtarar, amma öz gözündə tiri görməz. Hər kəsə bəd dua üçün açılan bu uğursuz əllər, özü üçün bütün əllərin duaya qalxmasını gözləyər. Buna nail olmayanda isə yumruğa dönər sağa‐sola hücum edər. Həddini bilməz, qədir bilməz əllər…
Əllər var…
Daima duaya qalxar. Sanki peyğəmbərlərin əllərindən bir parçadır. Yalnız dostlarına deyil, düşmənlərinə belə duaya qalxar. Sevdiyi güllərin tikanları onları qanatdıqda gülü kökündən qoparmaq kimi bir cinayət etməz bu əllər. Əksinə, əlini qanatsa belə, gülü sevdiyi üçün tikanını da sevər. Xeyir dolu bir ürəyə bağlı əllərdir bunlar. İçində ümüd və sevgi daşıyan bir ürəyə…

Müəllif: Mustafa İslamoğlu
Hazırladı: Psixoloq Rübabə

 

VN:F [1.9.16_1159]
Rating: +9 (from 9 votes)

Psixoloq Rübabə

Fitret.az yazarı. Psixoloq.

- Sayt ünvanı

ARTUR ŞOPENAUERDƏN SEÇMƏLƏR

ŞopenauerArtur Şopenauer (  1788 –  1860)- Alman  filosofu, yazar və təlimçi. Şopenauer, alman fəlsəfə dünyasındakı ilklərdəndir.

SEÇMƏLƏR:

İnsanlar, ağıl və qəlbi yetkinləşdirməkdən min qat daha çox özləri üçün varlılıq toplamaqla məşğul olurlar. Halbuki, xoşbəxtlik üçün şübhəsiz ki, insanın əlindəki şeylərdən daha çox insanın içindəki şeylər əhəmiyyətlidir.

İnsan, həyatı boyunca, böyük bir uşaq kimi qalmayıb, ciddi, məqbul və məntiqli bir adam olsa, dünyanın çox işə yarayan və ağıllı  bir vətəndaşı ola bilər. Amma artıq dahi ola bilməz.

Əgər gündəlik kiçik hadisələrdə, insan, düşüncəsizcə və yalnız öz lehinə və ya özü üçün uyğun olan, başqalarının haqqına zərər verən şeyləri istəyirsə; hər kəsə aid olan şeyi özü üçün ayırırsa, onun ürəyində ədalət duyğusu olmadığından və ümumi anlamda alçaq biri olduğundan, sadəcə qanun və məcburiyyətlərin əllərini bağladığından əmin ola bilərsiniz.

İntuisiyalarla qərar verə bilmək, çox az adama xas olan bir qabiliyyətdir. İnsanların böyük bir bölümünə isə avtoritet və misallar liderlik edər. Onlar, ancaq başqalarının gözləriylə görərlər. Başqlarının qulaqları ilə eşidərlər.

İnsan ruhuna daha bilavasitə və daha dərin bir şəkildə təsir edən başqa bir sənət yoxdur. Çünki heç bir sənət, dünyanın gerçək özünü, musiqi kimi bilavasitə və dərin bir şəkildə dilə gətirə bilməz. Gözəl və uca melodiyalar duymaq, ruhu yumaq kimidir; insanı bütün pisliklərdən, bütün zavallılıqlardan və bayağılıqlardan arındırar.

Gəncliyin ən başda gələn təhsillərindən biri, yalnızlığa qatlanmağı öyrənmək olmalıdır; çünki təklik, xoşbəxtliyin, ruh dincliyinin qaynaqlarından biridir.

Hər insan, öz baxış sahəsinin sərhədlərini, dünyanın sərhədləri olaraq qəbul   edər..!

Bizi rahat buraxan pislikləri seyr etmək, bizə keyif verər.

İnsanın, içindəkini xaricdəkinə fəda etməsi, sükunətinin, boş vaxtının və müstəqilliyinin bütününü və ya böyük bir hissəsini mövqe, şan-şöhrət, titul və ehtişam üçün qurban etməsi, böyük bir axmaqlılq nümuməsidir.

Bəsit insan, zamanı necə öldürəcəyini, dəyərli insan isə necə qazanacağını düşünər.

Təkliyini sevən və onunla dost olan kəs, qızıl bir damarı tapmışdır.

Bir insan, hər zaman oturub oxuya bilər, lakin düşünə bilməz.

Mümkün qədər az şey diləmək və çox şey öyrənmək istəyirəm.

Hər şey olmağa çalışan insan, heç bir şey ola bilməz.

İnsanların, adətən, alın yazısı dedikləri şey, çox vaxt, sadəcə atdıqları axmaqca addımlardır.

İnsanlar üçün qısqanclıq təbiidir: Yenə də qəsqanclıq həm bir ayıb, həm də bədbəxtlikdir. Buna görə də, onu, xoşbəxtliyimizin düşməni olaraq görməli və pis bir şeytan olaraq boğmağa çalışmalıyıq.

Adi insan, görkəmi və xoşbəxtliyi, toylarda, şənliklərdə və bal gecələrində axtarmağa maraqlıdır. Halbuki, özünə  yetən  ağıllı biri, gerçək görkəmi, dörd divar arasında tək başına tapar.

Yalnızlıq, yerinə heç bir insanı qoya bilməyəcəyiniz qədər dəyərli bir şeydir.

Şeylərin dəyərini, ancaq onları itirdiyimiz zaman anlayarıq.

Hər hansı önəmli bir kitab, ilk oxumanın ardından  vaxt itirmədən bir daha da oxunmalıdır. Çünki, öncəliklə, kitabın məzmunu, bütünü etibari ilə ikinci dəfə oxunanda qavranılır və başlanğıc, ancaq son bilindiyində həqiqətən anlaşılır; və buna əlavə olaraq, kitab ikinci dəfə oxunarkən, insanın içində olduğu ruh halı və zehin quruluşu ilkindən fərqlidir, dolayısı ilə çox vaxt başqa bir təəssürat əldə edilər. Ehtimal ki, məzmun, başqa bir işıqda görünür.

Fəlsəfə, acını bilgiyə çevirir.

Varlılıq, dəniz suyu kimidir. Nə qədər çox içilərsə, o qədər çox susanar. Eyni şey, məşhurluq üçün də keçərlidir.

Hər bir gün, kiçik bir həyatdır: hər oyanış və qalxmaq kiçik bir doğum, hər yeni səhər kiçik bir gənclik, hər istirahət və yuxu, kiçik bir ölümdür.

İki insanın bir-birini sevməyə başladığı an- ingilislərin söylədiyi kimi,bir-birinə heyran olmağa başladığı an-yeni bir fərdin ortaya çıxmağa başladığı ilk an olaraq dəyərləndirilə bilər.

Bacarıqlı, heç kəsin vura bilmədiyi hədəfi vurar. Dahi isə heç kəsin görə bilmədiyi hədəfi.

Sağlamlıq, hər şey deyil, amma sağlamlıq olmadan hər şey bir heçdir.

Bir-birlərinə ən çox heyran olanlar, bir-birlərini ən çox tamamlayanlardır.

Alışqanlıq zəncirləri, öncə duyulmayacaq qədər xəfif, sonra qırılmayacaq qədər güclü olar.

Fəlsəfə, yüksək bir dağ yoludur… tənha bir yoldur və yuxarıya doğru getdikcə daha da tənhalaşır. Bu yolu hər kim izləsə, heç qorxmamalı, hər şeyi geridə buraxmalı və qış qarında güvənlə irəliləməlidir… Qısa müddət ərzində altındakı dünyanı görər; qumsalları və bataqlıqları gözünün önündən itər, düzgün olmayan nöqtələri düzələr, yırtıcı səsləri artıq qulağına çatmaz. Və yuvarlaqlığını da görər. Özü hər zaman saf və sərin dağ havasındadır və günəşi görər, halbuki, aşağıdakı hər kəs gecənin qaranlığı ilə əhatə olunmuşdur.

Hazırladı: Fidan Aslanova

VN:F [1.9.16_1159]
Rating: +10 (from 10 votes)

Fidan Aslanova

Fitret.az idarəçisi

 
Facebook