UTANCAQLIQ PROBLEMİ

Utancaq bir insansınız? Utancaqlıq, ətrafınızda insanlar olduğu zaman, gərgin və bacarıqsız hiss etməkdir. Kim oluruqsa olaq, elə vaxtlar olur ki, hamımız utancaqlıq hiss edirik. Məsələn, iş yerindəki ilk gününüzdə, bir yığıncağa qatıldığınız zaman və ətrafınızda olan hər kəs yad ikən ya da xoşunuza gələn bir əks cinsdən olan insanın yanında olarkən, hətta dinləyici kütləsinin qarşısında çıxış edərkən hamımız bu hissi duyarıq.

Utancaqlıq, ətrafınızda insanlar olduğu zaman, gərgin və bacarıqsız hiss etməkdir.

Utancaqlığın əlamətləri nələrdir?

Utancaq olduğumuz vəziyyətlər qarşısında bir sıra fiziki əlamətlər ortaya çıxır. Bunlar, üzün qızarması, tərləmə, ağız quruluğu, döyüntü, nəfəs kəsilməsi, nəfəs darlığı, mədə-bağırsaq sistemində narahatlıq, əzələ gərginliyi, titrəmə kimi problemlərdir. Bu əsnada ağıldan keçən düşüncələr “gücsüzəm, çirkinəm, bəyənilmirəm, sevilməyə layiq deyiləm, səhv etməməliyəm, mükəmməl olmalıyam, qayğılı olduğumu bəlli etməməliyəm, rahat davranmalıyam, qüsursuz görünməliyəm, hər kəs tərəfindən bəyənilməliyəm” kimi düşüncələrdir.

Utancaqlıq hissi ilə qarşılaşdığımız zaman, çoxumuz, özümüzü qorumaq üçün müəyyən bir davranışlar formalaşdırırıq. Kimimiz təkcə dayanmağa üstünlük veririk. Bəzilərimiz içinə qapanır. Bəziləri isə, bu vəziyyətdən tamamilə qurtulmağa cəhd edir. Bu kimi davranışları davam etdirmək, sizi, rahat hiss etdirsə də, bunlar, tam olaraq müsbət davranışlar deyil. Məsələn, sizi utandıran bir vəziyyətdən qaça bilərsiniz, lakin bu davranışlarınız sadəcə öz beyninizdə qurduğunuz rahatlıqdan artıq bir şey deyil. Yad adamlardan və sosial dəvətlərdən qaçdığınız müddətdə günün sonunda yenə eyni insan olaraq qalırsınız. Yəni nə özünüzü inkişaf etdirə bilirsiniz, nə də yeni sosial əlaqələr qura bilirsiniz.

Bu cür davranışlardandan qaçmaq əvəzinə, niyə də utancaqlığınıza qalib gəlmək üçün çalışmayasınız?

UTANCAQLIĞA SƏBƏB OLAN ŞEYİN NƏ OLDUĞUNU TAPIN- Utancaqlığınıza səbəb olan vəziyyətlər nələrdir? Əslində, hər zaman utancaq deyilsiniz. Məsələn, ən yaxın dostunuzun yanında olarkən, ətrafınıza yönəlməkdə və özünüz kimi davranmaqda daha rahatsınız.  Utancaqlığınız, sadəcə müəyyən bir vəziyyətlərdə baş qaldırır.

Utancaqlığınıza nəyin səbəb olduğunun fərqinə varmaqla başlayın. Əvvəllər, utancaqlığınıza səbəb olan beş vəziyyəti müəyyən edin. Məsələn, yad bir adamla tək qaldığınız zaman, bəzi müəyyən mövzular haqqında danışarkən ya da böyük bir insan kütləsinin içində olduğunuz sizi utandıran vəziyyətlər kimi. Sonra bu vəziyyətləri analiz edin. Bu vəziyyətlərdə sizi utandıran şeylər nə ilə əlaqədardır? Bilməlisiniz ki, utancaqlıq duyğusunun başında güvənsizlik duyğusu yatır. Özünüzü rahat hiss etməmənizə səbəb olan şeyin nə olduğunu tapsanız, bu baxımdan nələrsə edə bilərsiniz.

Utancaqlıq hiss etdiyiniz yerdən qaçaraq qurtulmağa çalışmayın.

ÖZÜNÜZƏ GÜVƏNMƏDİYİNİZ MÖVZULARDA ÖZÜNÜZÜ İNKİŞAF ETDİRİN- Güvənsizlik hiss etdiyiniz vəziyyətləri müəyyən etdikdən sonrakı mərhələ bu mövzuda bəzi addımlar atmaqdır. Məsələn, iş yerində təqdimat etmək sırası sizə gələndə, utancaq ola bilərsiniz. Əgər problem budursa, təqdimat etmək bacarıqlarınızı inkişaf etdirə bilərsiniz. Bu mözvu üzərində təkrarlı olaraq  praktika edin. Güvənsiz hiss etdiyiniz vəziyyətlərlə bağlı özünüzü inkişaf etdirməyə nə qədər çox vaxt ayırsanız, utancaqlığınız da təbii olaraq o qədər itəcəkdir.

GÜCLÜ TƏRƏFLƏRİNİZİ MÜƏYYƏN EDİN-Bir çoxumuz hansı mövzularda yaxşı olduğumuza diqqət etmək yerinə, yaxşı olmadığımız mövzulara diqqət edirik. Bu səbəblərdən, özümüzdə, ətrafımızdakıları təsirləndirəcək bacarıqlar olmadığını düşünərək özümüzü bacarıqsız hiss edirik. Artıq bundan əl çəkib, güclü olan tərəflərimizə diqqət vermənin vaxtıdır.

Hansı mövzuda yaxşısınız? Keçmişdəki uğurlarınız nələrdir? Bacardığınız üçün həqiqətən qürur duyduğunuz şeylər nələrdir? Bunları müəyyən etmək üçün bir az vaxt sərf edin. Yaxşı olduğunuz mövzulardan ibarət uzun siyahını görəndə təəccüblənəcəksiniz. Əslində, artıq alışdığınız üçün fərqində olmadığınız, özünüzə xas çox gözəl şeylər var.  Yaxşı olduğunuz yönlərin fərqinə varmaq, özünüzə olan güvəninizi artırmağınıza kömək edər. Unutmayın ki, əslində hamımız öz içimizdə qazanan tərəfik.

DİGƏR İNSANLARI MÜŞAHİDƏ EDİN-Utancaqlığınızdan qurtulmağın bir yolu da ətrafınızdakı insanların davranışlarını müşahidə etməkdir. İnsanların sizi necə qəbul etməsi mövzusunda narahatçılıq keçirdiyiniz müddəti azaldın (yadınıza salın ki, bunların hamısı əslində, sizin beyninizdədir) və ətrafınızı izləyərək digər insanların sosial davranışlarını müşahidə edin. Nə deyirlər? Necə hərəkət edirlər? Onlardan nə öyrənə bilərsiniz? Öyrəndiyiniz bu şeyləri gələcəkdəki davranışlarınıza necə uyğunlaşdıra bilərsiniz?

Utancaqlıq hiss etdiyiniz yerdən qaçaraq qurtulmağa çalışmayın. Nəticədə, bu sizin utancaqlığınıza çarə olmayacaqdır. Bu vəziyyətlə üzləşməyə çalışın. Sizi qorxudan bu vəziyyəti, inkişaf etmək üçün  köməkçi bir  lövhə olaraq istifadə edin. Və özünüzdən soruşun: Niyə belə hiss edirəm? Mənim belə hiss etməyimə səbəb olan şey nədir?

Çoxlu insan olan və tanımadığınız bir yerdəsiniz və özünüzü olduqca gərgin hiss edirsiniz. Bütün fikriniz  özünüzdədir. Bu vəziyyətdən uzaqlaşaraq diqqətinizi ətrafınızda olan insanlara verin. Bəlkə ətrafda sizin kimi utancaqların olduğunu görmək sizi rahatlada bilər.

Bir şeyin fərqində olmaq, onu düzəltməyin yarısıdır. Utancaqlığınızın, özünüzün, nəyin sizi narahat etdiyinin fərqinə varın. Sizi qorxudan nədir? Bütün cavablar sizdədir. Siz sadəcə eşitmək istəyin.

Utnacaqlıq və bunun nəticəsi olan gərginlik hiss etdiyiniz an dayanın. Özünüzü pisləmək yerinə sizə aid olan bu duyğunu sevin, onu görməməzlikdən gəlməyə çalışmayın. Onu görməməzlikdən gəlməyə çalışdıqca hələ çox hadisə sizin utancaqlığınızı ortaya çıxarmağa çalışacaq. O hisslərin içinizdə olduğunu qəbul  edin. Özünüzü bir az da olsa rahatlanmış hiss edirsiniz?

Mənbə:  www.probilgi.com; www.listemiste.com; www.pudra.com
Hazırladı: Fidan Aslanova

 

Beyenmeler
0   4  
VN:F [1.9.16_1159]
Rating: +39 (from 43 votes)

Fidan Aslanova

Fitret.az idarəçisi

 
Facebook

QADINLARDA “40 YAŞ SİNDROMU”

Qəbul etmək istəsələr də, istəməsələr də 35-45 yaş arasında qadınlar “40 yaş sindromu”nu yaşayırlar. Bu yaşlarda indiyə qədər etdikləri və edə bilmədiklərini gözdən keçirib peşmanlıq hissi duyurlar.
qadınlarda 40 yaş sindromuXarici görünüşlərindən narahat olmağa başlayırlar. Bəyənilməmə qorxusu yaşayırlar. Görünüşləriylə bağlı dəyişikliklər etmək istəyirlər. Bu istək həyat yoldaşları tərəfindən razılıqla qarşılanarsa bir müddət rahat ola bilirlər.
Qadınların əksəriyyəti 35 və üzəri yaşlarda çətin bir dövr yaşayırlar. Bu dövrdə qadınlar özlərini heç də xoşbəxt hiss etmir. Sağlamlığında baş verən hər hansı problemi çox ciddi qarşılayır. Bir-birinə zidd olan duyğuların yaşandığı bu “40 yaş sindromu”nda əksər qadın bu mərhələni çox çətin keçirir. Əgər bu yaşa qədər qadın öz məqsədlərini gerçəkləşdirməyibsə, istədiyi kimi xoşbəxt bir həyat sürməyibsə, 35-45 yaşları arasında bu krizə yaxalanmaq ehtimalı böyükdür.
Mütəxəssislərin fikrincə 40 yaş həyatın durğunlaşdığı, iş və sosial həyatda bir zəifləmə hiss edilən dövrdür. Lakin keçici bir mərhələ olduğu üçün “40 yaş krizi’ adlandırılır. Kişilərə nisbətən qadınlar daha həssas xarakterə sahib olduqları üçün bu dövrdə də olduqca həssas olurlar. Araşdırmaların bir çoxunda göstərilir ki, bu mərhələdə hormonlarda baş verən dəyişikliklər də öz təsirini göstərir. Lakin bu barədə konkret bir fikir söyləmək doğru deyil. Qadın 40 yaşında hələ öz hədəflərinə çatmayıbsa, bunun həyat yoldaşı və ya sevgilisi tərəfindən də bəyənilmədiyini düşünür və bu hiss onu daha çox narahat edir. Həmçinin iş yerində karyera baxımından istədiyi yerdə deyilsə, hələ ailə qurmayıbsa, ana deyilsə, bu sindromu yaşama ehtimalı daha çoxdur.
Bu yaşlarda qadının aldadılması onun üçün gənclik dövrünə nisbətən çox ağırdır. Əgər gənc ikən, ” Hələ irəlidə daha gözəl bir həyat var, daha doğru insana rast gələrəm ” düşüncəsi ilə yaşayırsa, indi hər şeyin sonu olduğunu düşünür.

qadınlarda 40 yaş sindromu

Əvvəllər fikir vermədikləri qüsurlara indi daha çox diqqət yetirərlər.

Övladları olan və xoşbəxt bir ailə həyatı olan bir qadın bu mərhələni rahatlıqla keçirə bilər.
40 yaş sindromunda qadın həyatını gözdən keçirir- arzuları və bu arzulara qarşılıq yaşadığı həyat. Həyata keçirə bilmədikləri şeylər üçün yaşadığı peşmançılıq hissi. Həyata keçirmədiyi arzularını bu gün gerçəkləşdirmək istəyər, amma artıq gec olduğunu düşünər, daha gənc olmadığını düşünər və çox istəyindən imtina edər. Bir sözlə, yaşlandığını düşünər. Çəkinin artması, saçların ağarması, tökülməsi, üzdəki qırışlar gözəllik hərisi qadınları məyus edər. Özündən küsər.
Görünüşündən narahat olduğu üçün yaşlanmanı gecikdirən kosmetik vasitələrdən istifadə edər. Plastik əməliyyatlara üstünlük verərlər. Əvvəllər fikir vermədikləri qüsurlara indi daha çox diqqət yetirərlər. Geyimlərinin daha gözəl və yaşlarıdan gənc göstərəcək olmasına diqqət edərlər. Bəzən həyat yoldaşı və uşaqlarından da uzaqlaşmaq, dinamik, əyləncəli bir həyat yaşamaq istəyərlər.
Bu zaman qarşı tərəfin daha anlayışlı olması lazımdır. Qadın paylaşacağı, ona dəyərli olduğunu hiss etdirəcək bir insanla özünü məmnun hiss edə bilər.
Çox zaman qadının özünü yaşlı hiss etməsinə səbəb, elə ən yaxınları olur. Hər şeydə “Bu sənə uyğun deyil , sənin artıq o yaşın deyil”  deyərlər. “Gənc olmasan da ruhən gəncsən” deyərək o qadına kompliment dediyinizi zənn edərsiz, amma əksinə bu sözlərlə “artıq yaşın çoxdur ” mesajı verərsiniz.
Hər hansı bir işdə onları önəmsəməyib, gənclərin işinə daha çox qiymət verir və gənclərin həvəsləndirilməyə ehtiyacı olduğunu düşünürsünüzsə, yanılırsınız. Gənclik, elə ilhamlanmaq üçün böyük səbəbdir.
Bir şeyi anlamaq lazımdır. Həyat mərhələlərdən ibarətdir. Uşaq, yeniyetmə, gənc, orta yaş, qoca və ahıl dövrlərini yaşayır, insan.  Hər yaşın özünəməxsus gözəllikləri var. Gənc olmaq hələ hər şey demək deyil. Gənclik çox tez ötüb keçir. Vacib olan faydalı olmaqdır. Faydalı insan, hansı yaşda olur-olsun, faydalıdır.
Qadınlara sözüm isə, yaşa görə üzülməyə dəyməz!
Hiss etdiyiniz yaşdasınız, özünüzü hər yaşda sevin!

Hazırladı: Psixoloq Rübabə

Beyenmeler
0   4  
VN:F [1.9.16_1159]
Rating: +40 (from 42 votes)

Psixoloq Rübabə

Fitret.az idarəçisi. Psixoloq.

- Sayt ünvanı

AĞLAMANIN FAYDALARI VƏ ZƏRƏRLƏRİ

ağlamanın faydaları və zərərləri

İnsanlar adətən “kişilər ağlamaz” deyirlər.

Dünyaya gəlişimizlə, ilk nəfəsi ciyərlərimizə çəkdiyimizdə ağlamağa başladıq. Uşaqkən qarnımız ac olan kimi ağlardıq, istədiklərimizi əldə etmək üçün də ağlayardıq. Küsdürən hər şey bizi ağlatdı. Amma insan yaşa dolduqca  daha az ağlayır.
Ağlamanın həm bədən, həm də ruh sağlamlığı üçün necə faydalı olduğunu bilirdinizmi?
El arasında da söylənən belə bir söz var “Ağlasan ürəyin boşalar, rahatlaşarsan.” Əslində bu yerində söylənmiş bir sözdür. Ağlayan insan daxildəki duyğularını xaricə çıxarmaqla rahatlaşar və depressiya kimi ruhi xəstəliklərdən uzaqlaşar. Bəzi insanlar ağlamağı zəiflik olaraq qəbul edərlər, amma bu nə qədər yanlış bir fikirdir. İnsanın gizli duyğularını göz yaşlarıyla aşkara çıxarması çox faydalıdır. İnsanlar adətən “kişilər ağlamaz” deyirlər. Əslində bu yanlış düşüncə kişiləri güc timsalı olaraq göstərib, qadınları zəif insan kimi göstərmək üçün söylənmış sözdür. Bu yersiz düşüncə ilə ağlamayan kişilər çox şey itirir. Aglayan qadınlar isə əksinə çox şey qazanırlar.

AĞLAMANIN FAYDALARI NƏLƏRDİR ?
* Günümüzdə ən çox rast gəlinən stressdən ağlamaqla qurtulmaq olar .Ağlamaq insanı rahatlaşdırmaqla bərabər, hormon balansının tənzimlənməsinə yardım edərək, stressi yox edir.
* Ağlayan insanlarda tibbi xəstəliklərə az rast gəlinir. Çünki çox zaman belə deyirlər: “Içinə atmaqdan xəstələndi.” Əgər üzüntünüzü içinizə atmadan, ağlamaqla üzə çıxarsanız, “dərd sahibi” olmazsınız.
* Kədərləndikdə ağlayan insanların qəlb damarları genişlənir. Gözyaşı tökdüyümüzdə qəlb daha az sıxışır və ürək xəstəlikləri risqi azalır.
* Kədərləndiyi zaman ağlayan insan rahatlaşar və rahat şəkildə yuxuya gedər.
* Əsəbi olduğu zaman qan təzyiqi yüksələn  insanlar ağladıqda təzyiqləri normallaşır. Deməli,  göz yaşı təzyiqə də müsbət təsir göstərir.
* Əgər sıxıntılı olduğunda iştahası açılıb, çox yemək yeyənlərdənsinizsə, ağlamaq sizə də yaxşı təsir edəcək. Çünki ağlayan insan daha az yemək yeyir
* Çox ağlayan insanlarda göz quruluğundan şikayət olmur. Göz quruluğunun qarşısı göz yaşıyla alınır.
* Ağlayarkən ətrafınızdakı insanlar başınıza toplaşar və siz nə qədər sevildiyinizi, güvəndə olduğunuzu hiss edərsiniz.

ağlamaqAĞLAMANIN ZƏRƏRLƏRİ NƏLƏRDİR?

Ağlamanın zərərləri ancaq gözlərinizin qızarması və şişməsi ola bilər. Bu da keçici bir təsirdir və tez bir zamanda keçər. Əgər gözləriniz çox qızarmış və şişmişsə iliq çay kompresi edə bilərsiniz. Kişilər isə “Heç kişi də ağlayarmı ?” sözünə əhəmiyyət verməsə daha yaxşıdır. Bunu öz sağlamlığınız üçün etməlisiniz.
Bir şeyi heç unutmayın ki, insan dünyaya ağlayaraq gəldi. Gülməyi daha sonra öyrəndi. Demək ki,insan təbiətinin ən təbii hadisəsidir ağlamaq.
Bəz siz həzin bir musiqiyə qulaq asib göz yaşı tökənlərdənmi, yoxsa ən üzücü hadisədə belə ağlaya bilməyənlərdənsinizmi ? Bunu xatırlatmalıyıq ki, ağlamaq bir terapiyadır, sağlamlıq üçün faydalıdır. Bu səbəbdən də ağlamamaq üçün özünüzü zorla tutmayın.

Hazırladı :  Psixoloq Rübabə

Beyenmeler
0   4  
VN:F [1.9.16_1159]
Rating: +29 (from 31 votes)

Psixoloq Rübabə

Fitret.az idarəçisi. Psixoloq.

- Sayt ünvanı

ХАRАKTЕR HАQQINDА – KANT

Hәr hansı bir adam haqqında sadәcә olaraq, «onun хarakteri var» demәk, onun haqqında nәinki çoх şey demәyә bәrabәrdir, hәm dә bu onun üçün tәrif olması demәkdir. Çünki bu başqalarında hörmәt vә heyrәt oyadır. Bir qayda olaraq şәхsin bu vә ya digәr хarakter sahibi olduğu o demәkdir ki, hәmin adam iradәnin o хüsusiyyәtlәrinә malikdir ki, subyekt onun vasitәsiylә idrak hesabına özü üçün nәsә müәyyәn dәyişmәz praktiki prinsiplәr müәyyәn edir. Hәrçәnd ki, bu prinsiplәr bәzәn әsassız vә yanlış olur, yenә dә möhkәm prinsiplәrә uyğun hәrәkәt etmәk öz-özlüyündә nәsә qiymәtli vә heyrətamizdir. Vә buna görә belәlәrinә nadir hallarda rast gәlmәk olur.

xarakter-kant

Təqlidçinin хarakteri olmur, çünki хarakter mәhz düşüncә tәrzinin orijinallığından ibarәtdir.

1. Təqlidçinin (mәnәviyyat alәmindә) хarakteri olmur, çünki хarakter mәhz düşüncә tәrzinin orijinallığından ibarәtdir. Onu insan öz davranışının açıq tәrzindәn görə bilir. Lakin bu o demәk deyildir ki, bu zaman ağıllı insan özünü qəribə aparmalıdır. Bәli, o, bu cür olmayacaq, belә ki, o hәr kәs üçün әhәmiyyətli olan prinsiplәrә arхalanır. Хaraktersiz adam isә meymun kimi, хarakteri olan adamı tәqlid edir.
2. Kin temperamentin təmayülü kimi hәr nә qədər pisdirsə də, xaraktersiz temperamentin хeyirхahlığından yaxşıdır. Çünki xarakterin sayəsində bu kin-küdurətə qalib gәlmәk olar. Hәtta kinli хarakter sahibi dә heyrәtә sәbәb olur, hәrçәnd ki, öz möhkәm qayәlәrindәn doğaraq onun törәtdiyi zorakılıqlar ikrah oyadır.
Belәcә, eynilә qüdrәtli qәlb dә хeyirхah ürәyә nisbәtәn heyranlıq doğurur, hәrçәnd hәr iki xüsusiyyət eyni bir şәхsdә mövcud olmalı idi ki, hәqiqәtdәn daha çoх idealda olan, yәni qәlbin әzәmәti adlanan sifәti nümayiş etdirsin.
3. İnad, sarsılmazlıq, öz niyyәtlәrini hәyata keçirmәk tәbiәtin vergisi olsa da хarakter üçün çoх əlamətdardır, lakin ümumilikdә müәyyәn хarakter tәşkil etmir, çünki bunun üçün idrak vә mәnәvi-әхlaqi prinsiplәrdәn doğan әхlaq qaydası lazımdır.
Buna görә bu adamda şәr onun хarakterinin әlamәtidir – demәk әdalәtsizlik olardı, lakin insan heç zaman özündә şәri tәqdir etmir vә buna görә әslindә şәr prinsiplәrdәn doğmur. O prinsiplәrә etinasızlıqdan yaranır.

İki cür könül хoşbәхtliyi var:
I. Ruhi sakitlik vә ya taledәn razılıq (qәmli vicdan).
II. Hәmişә şәn ürәk.
Birincisi, insanın özündә heç bir günah hiss etmәmәsi nәticәsindә, dünyәvi firavanlığın heçliyini aydın dәrk etmәklә yaranır, ikincisi isә tәbiәtin bәхşişidir.

xarakter-kant

Təsəvvür böyük rәssamdır, daha artıq, sehrkardır.

Biz öz hisslәrimizin obyektlərini adi hadisәlәr hesab ediriksә, onları elә bu cür dә hesab etmәk lazımdır. Bununla biz etiraf etmiş oluruq ki, hadisәlәrin әsasını «şeylәrin özündә olması» tәşkil edir, hәrçәnd ki, biz bu şeyin özlüyündә necә qurulduğunu bilmirik, onun ancaq tәzahürlәrini, yәni bu namәlum şeyin hisslәrimizә necә tәsir etmәsi üsulunu bilirik. Demәli, zәkamız hadisәlәrin varlığını qәbul etmәklә, «şeylәrin özündә olması» varlığını da qәbul etmiş olur. Buna görә biz deyә bilirik ki, hadisәlәrin әsasını tәşkil edәn mahiyyәtlәri, yәni, ancaq fikri mahiyyәtlәri nәinki təsəvvür edә bilәrik, hәtta hökmәn təsəvvür etmәliyik.

Мәcburi yalana güzәşt getmәk olar, amma ona haqq qazandırmaq olmaz.
Təsəvvür böyük rәssamdır, daha artıq, sehrkardır.
Аğıl әn çoх qaranlıqda yaхşı işlәyir.
Biz ancaq öz elәdiklәrimizi anlayıb başqalarına anlada bilәrik.
İztirab, fәaliyyәtә çağırışdır. Yalnız iztirablar vaхtı biz hәyatımızı hiss edirik.
Bir balaca fikirlәşsәk, o saat özümüzdә hәr hansı günah tapmış olarıq.

Bütün canlıların qulaq asdığı ilahiyyat sәsidir. Heyvanlar dünyaya gәlәn kimi öz qüvvәlәrindәn düzgün istifadә etmәyi bacarırlar, yәni özlәrinә ziyan vurmurlar. Мәsәlәn, qaranquş yumurtadan çıхan kimi, hәlә gözlәri açılmamış elә elәyir ki, nəcisləri yuvaya düşmәsin. Buna görә heyvanların qulluğa (yemәk, istilik vә müdafiә tələbatından başqa) qәtiyyәn ehtiyacı yoхdur.

Hazırladı: Vüsaləddin Rüstəmov

Beyenmeler
0   4  
VN:F [1.9.16_1159]
Rating: +19 (from 21 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

PSİXOLOJİ SAĞLAM İNSAN KİMDİR

Ruhən sağlam insanı necə müəyyən etmək olar? İnsanın psixi sağlamlığı haqqında marağımıza səbəb olanlar:

PSİXOLOJİ CƏHƏTDƏN SAĞLAM İNSAN

1.  Psixoloji sağlam insan öz- özü ilə barışmış olan, nədirsə onu ortaya qoyan, heç bir çıxar düşünməyən insandır. Belə insan çətinliyə də düşsə, özü kimi davranar, davranışları tutarlı olar.
2.  Psixoloji sağlam insan yaxın və uzaq ətrafı ilə münasibətlər qurar, ən əsası bu münasibətləri davam etdirməyi bacarar.
3.  Sevgi və hörmətə əsaslanan bağlar qura bilər.
4.  Özünə güvəni olar.
5.  Özünü görə bilir. Mənfi və müsbət tərəfləri ilə dəyərləndirməyi bacarır.
6.  Psixoloji sağlam insan cəmiyyətdə bir yeri, vəzifəsi olduğu hissini qazanmış olmalıdır. Fərd özünün dəyərli olduğunu hiss etməlidir.
7.  Gələcəyə bağlı fikirləri olmalı, fikirlərini həyata keçirmək üçün həqiqi səy göstərməli, sıxıntılara, çətinliklərə səbr etməlidir.
8.  Qarşılaşdığı çətin məqamlarda özündə güc tapmağı bacarmalıdır.
9.  Yaşadığı çevrə ilə uyğun olan inandığı dəyərləri və inancları olmaldır.
10.  Müstəqil qərarlar qəbul edə bilməlidir.
11 . Ruhi sağlamlığı yerində olan bir insanın peşəsindən  əlavə, maraqlandığı sahələr, onu sakitləşdirən, əyləndirən maraqları olmalıdır.

A. Maslova görə:

psixoloji sağlam insanGerçəkliyi lazımi ölçüdə qarşılaya bilmək, gerçəklərlə rahat şəkildə münasibət qurmaq;
təbiəti, insanları, özünü olduğu kimi qəbul etmək;
içindən gəldiyi kimi davrana bilmək;
daha dərin insanlararası münasibətlər qura bilmək; yalnız qala bilmək və təkbaşına qərarlar qəbul edə bilmə gücünə sahib olmaq;
insanlara qarşı simpatiya və hörmət hissi yaşaya bilmək;
məqsəd və vasitələri ayırd edə bilmək;
qırıcı olmayan bir insanlığa sahib olmaq;
düşüncə və duyğularında axıcı bir rahatlığa sahib olmaq;
yaradıcı olmaq;

Rogersə görə:

Tam gücü ilə çalışan, özünü inkişaf etdirən bir fərddir;
Daxili yaşantıları ilə görüntüsü bir-birinə uyan insandır;
Özünə hörmət edən, özünü ifadə edə bilən  insandır;
dəyərləndirmə ölçüsünü, öz üzərində formalaşdırmaq, sağlam insanın xüsusiyyətləridir;

Mənbə:  www.kimpsikoloji.com
Hazırladı: Psixoloq Rübabə

 

Beyenmeler
0   3  
VN:F [1.9.16_1159]
Rating: +34 (from 34 votes)

Psixoloq Rübabə

Fitret.az idarəçisi. Psixoloq.

- Sayt ünvanı