AYNADA MƏN

Xüsusi

  • aynadaAxırıncı dəfə onu 2,3 il əvvəl görmüşdü.. Buna görə də görüncə tanımaması əvvəldə normal görünmüşdü. Amma bir az sonra bunun normal olmaması aydınlaşdı. Çünki, görünüşündə heç nə dəyişməmişdi.. Dəyişən görünüşündən başqa hər şeyi idi.. Məsələn; gözləri eyni, baxışı fərqli idi.. Üzü eyni, gülümsəməsi fərqli.. Qabı eyni, tərkibi dəyişdirilmiş keks kimi.. ) Görmədiyi müddətdə çox şey yaşanmış, amma bunun fərqinə varmamişdi..
    Axırıncı dəfə gördüyü qız xəyallarla öz utopiyasinda yaşayırdı, indi gördüyü isə xəyalları yox, məqsədləri olan, sözün əsl mənasında öz ayaqları üstündə dura bilən gənc xanım idi.. 3 il əvvəl gördüyü qız küsəyənliyi ilə insanı həyatına küsdürəcək qədər ərköyün idi, indiki isə sanki “frozen angel” qədər buzlaşmış, istənilən əks təsiri əks etdirərək özündən uzaqlaşdıracaq qədər soyuq idi.. 3 il əvvəlki qız itirmək qorxusuyla baş edərkən, indiki qız itirilməyəcək qədər dəyərli olanın özündən başqası olmadığını dərk etmişdi.. 3 il əvvəlki qız fədakarlıqları ilə göz doldurarkən, indiki gördüyü qız eqoistliyi ilə qan dondururdu.. Gülərkən belə gözlərindən çəkilməyən hüznün yerini məğrurluq tutmuşdu. Üzləşdiyi çətinliklərdə çarəni anasini qucaqlayıb ağlamaqda görən qiz bu günlərdə anası üzülməsin deyə problemlərini özü həll etməyə çalışarkən, onlara gülümsəməyi də öyrənmişdi.. Daim motivasiyaya ehtiyac duyan qız tələbələrinin ilham pərisinə çevrilmişdi.. Hətta dinlədiyi musiqiçilər belə dəyişmiş, üzülüncə deyil, ürəyi istədiyi üçün musiqi dinləyib zövq almağı vərdiş halına gətirmişdi. İnsanlara inaminin yerini Allaha imanı tutmuş, insanlarla münasibətlərində orta mövqeyi saxlamağı bacarmış, ünsiyyətə ehtiyac olduqca girər, qalan zamanlarda özünə vaxt ayırar, özünü məmnun etməyin yollarını axtarardı.. 3 il əvvəl o qız qayğısız həyatdan ayrılmış, iş həyatına başlamış və həyatının istiqamətini bəlkə də bilərək, ya da bilməyərək dəyişdirmişdi.. Bütün bu dəyişikliklərə rəğmən gülümsəməsindəki saflığı, ürəyindəki sevgi və mərhəmət hisslərini, gözlərindəki parlaqlığı qoruyub saxlaya bilmişdi.. 🙂 Və elə buna görə də özünü xoşbəxt hiss edirdi..

Dərin fikirlərdən onu ayıran “The doors are closing..The next station is …..” sözləri idi.. Bəli!  Bəli! Bütün bu fikirlər onun öz simasini qatarın şüşəsində görüb də tanımadığı anda 3 dəqiqə ərzində ağlından keçmişdi.. Gülümsədi ve tanışlığa çox şad oldu.. Daim simasını bəyəndiyi qızın artıq xarakterini də sevməyə başlamışdı.. Həyatındakı növbəti stansiyanın hansı olacağı isə artıq onu narahat etmirdi..) Nəhayət ki, öyrənmişdi bu günü ilə yaşamağı.. 3 il əvvəlki qız Esya, indiki isə Esmira xanım idi.. 🙂

Tarix: 06.05.2016

MÜƏLLİF : EsYa Talib
Hazırladı : Psixoloq Rübabə

VN:F [1.9.16_1159]
Rating: +12 (from 12 votes)

Psixoloq Rübabə

Fitret.az yazarı. Psixoloq.

- Sayt ünvanı

ÖZÜNÜZƏ DAHA ÇOX ZAMAN AYIRMAĞIN 3 YOLU

Xüsusi

İnsanlardan, etmək istədikləri şeyləri niyə etmədiklərini soruşanda, aldığımız cavab, adətən “Vaxtım yoxdur!” formasında olur. Lakin bu doğru deyil və ola da bilməz, çünki vaxt həmişə var, lakiÖzünüzə zaman ayırmağın 3 yolun insanlar ondan istifadə etməyi bilməz. İnsanlar iş yerində saatlarını keçirər, məsuliyyətlərini şişirdər və əsl zaman ayrılmalı olan şeylərə zaman ayıra bilməyəcək hala gələrlər. Çoxumuzun həyat məqsədi belə yoxdur, bəzilərimiz isə həyat məqsədlərini necə gerçəkləşdirəcəyini bilmir. Özünüzdən soruşun.. bizi, davamlı olaraq bir şeyləri istehlak etməyə yönləndirən hal-hazırkı dünyada, xobbiləriniz, maraq sahələriniz varmı və bunlar üçün nə edirsiniz? Özünüzə necə zaman ayırırsınız?

Yaradıcı və məhsuldar olmaq, insanın, həyatını davam etdirməsi üçün birinci dərəcədə önəm daşıyır. Bir çoxumuz, bunu təməl bir ehtiyac olan yemək hazırlamaq məşğuliyyəti ilə gerçəkləşdiririk, lakin, məhsuldarlıq, eyni zamanda bağla məşğul olmaq, şəkil çəkmək, yazı yazmaq, qaralamaq, bəstələmək kimi saysız- hesabsız məşğuliyyətlə də gerçəkləşdirilə bilər. Doyumlu bir həyat üçün, fiziki, psixoloji, duyğusal və intellektual yönlərimizə  yaxşı baxmalı və onları qidalandırmalıyıq.

Elə buna görə də, gerçəklə üzləşməyimiz çox önəmlidir: Həyatımızın, məhsuldarlıqla əlaqədar olan bu yönləri ilə nə qədər vaxt keçiririk? Toplamda, nə üçün nə qədər zaman ayırdığımızı hesablayanda, nə qədər çox zamanımızın zibil qutusuna getdiyini anlamağımız mümkün olar.
3 yol ilə özümüzə daha çox və daha keyfiyyətli zaman ayırmağımız mümkündür. İndi, bunlara yaxından baxaq.

1. İŞ YERİNDƏ KEÇƏN ZAMAN

Çoxumuz, iş yerimizdə saatlar keçiririk. Bu da bəs deyilmiş kimi, evə işi gətiririk. İş əslində gün boyu və gecə belə zehnimizdə yer alır. Davamlı olaraq ediləcək şeyləri düşünür və yoruluruq. Fərqinə varmırıq. İşin əsli budur: iş, iş yerində edilər və iş yerindən çıxdıqdan sonra başqa bir şey etmək vaxtıdır. İş sonrası rejiminizə keyfiyyətli vaxt qalması üçün iş yerindəki zamanınızı doğru planlayın. Əslində, hər gününüzü diÖzünüzə daha çox zaman ayırmağın 3 yoluqqətli və məhsuldar keçəcək şəkildə planlamalısınız. Əgər işiniz, aşırı intensiv və tələbkardırsa, şəxsi sahənizə yer aça bilmirsinizsə, bu iş, sizin üçün çox da uyğun olmaya bilər. Nəhayətdə, sağlamlığınız və əhval-ruhiyyəniz, iş yerindəki məhsuldarlığınıza da birbaşa təsir edir.

2. İŞ SONRASI REJİMİNİZ

İşdən sonra vaxtınızı necə keçirirsiniz? Məhsuldar keçirilən bir iş gününün ardınca dincəlməli, sizi xoşbəxt hiss etdirən bir məşğuliyyətin içində olmalı və ya yaxınlarınızla vaxt keçirməlisiniz. İşdən sonra olan rejiminizi sorğulayın, TV-dəki lazımsız proqramlarla, səmərəsiz internet gəzintiləri ilə vaxt keçirirsiz bəlkə.. ?
Daha erkən yatmağı, daha erkən oyanmağı və özünüzə səhərin məhsuldar enerjilərini hədiyyə etməyi seçə bilərsiniz. TV-dəki hipnozedici proqramlardan uzaqlaşıb ailəniz və ya sevdiklərinizlə zövqlü bir piyada gəzinti edə bilərsiniz. İş sonrası saatlarınıza uyğun bir kurs tapıb bu kursda səmərəli vaxtlar keçirə bilərsiniz. İndi oturun və hesablayın. İşdən sonrakı saatlarınızı necə keçirirsiniz və əslində necə keçirməyi istəyərdiniz? İstəyiniz istiqamətində dərhal bir addım atmağı unutmayın.

3. DİGƏR İNSANLARLA KEÇİRDİYİNİZ VAXTLAR

Vaxtınızın nə qədərini digər insanlarla birlikdə keçirirsiniz? Vaxtınızın çoxunu uşaqlarınız, partnyorunuz və ailənizlə keçirirsiz bəlkə..? Bu təbii ki mükəmməl bir şeydir, sağlam və keyifli bir ailə həyatı üçün onlarla vaxt keçirməyiniz və bunun sayəsində zənginləşməyiniz çox normaldır. Lakin,  zamanınızın hardasa hamısı bu şəkildə keçirsə, burda biraz problem olduğu söylənə bilər.
“Özünüzü sevmədən digərlərinizi sevməyiniz qeyri-mümkündür.”
Özümüzə yaxşı baxmasaq, digərlərinə də yaxşı baxa bilmərik. Özünüzə daha çox zaman ayırmağın 3 yolu

Nə yaxşı ki, zərərin harasından qayıtsaq, xeyirdir. Həyatlarımızı dərhal indi gözdən keçirə bilər, həyatlarımıza yeniliklər gətirə bilərik. Təki istəyək və səmimi bir niyyətlə yola çıxaq. Ağlımızın, bədənimizin və ürəyimizin ən yaxşı baxmalı olduğumuz şeylər olduğunu və həyatda məhsuldarlığımızı artıran seçimlər etməli olduğumuzu xatırlayaq. 

Həyatda arzularımızın, yaradıcı xobbilərimizin arxasınca getmək qədər bizə zövq verən bir şey yoxdur. Əgər bunlara vaxt ayırmasaq, qalan hər şey ( iş, uşaqlar, ailə, alış-veriş, ev işləri…) bir müddət sonra bizə boğucu gəlməyə başlayacaq. Sizi hansı məşğuliyyətin və ya xobbinin həyəcanlandırdığını hələ kəşf edə bilməmiş ola bilərsiniz. Bunu tapmaq üçün niyyətinizi dilə gətirin. Və unutmayın, həqiqətən istədiyiniz şeyi etmək üçün hər zaman vaxtınız var. 

Mənbə: yeniboyutlar.com
Hazırladı: Fidan Aslanova

VN:F [1.9.16_1159]
Rating: +9 (from 9 votes)

Fidan Aslanova

Fitret.az idarəçisi

 
Facebook

YENİ İL SİZİ GÖZLƏYİR

yeni-ilDaha bir ilin sonuna gəldik…
Yeni ilin yaxınlaşması nə qədər sevindirici olsa da, insanları kədərləndirən məqamlar da var. İlin sonu yaxınlaşan kimi, bu bir il ərzində qarşımıza qoyduğumuz məqsədləri, gerçəkləşdirə bildiyimiz və bilmədiyimiz planlarımızı xatırlayırıq. Əgər kimsə bir il ərzində çox şey qazanıbsa, planları daha çox reallaşıbsa, özünə güvən hissi üstünlük təşkil edir və il sonunda sanki dərindən nəfəs alır, yeni ili daha sevinclə qarşılayır. Geriyə dönüb baxarkən özüylə qürur duyan insan yeni ildən yeni ümidlər gözləyir.
Amma geriyə baxarkən yarımçıq qalmış işlər, həyata keçməmiş arzular görən insan özünün bacarıqsız biri olduğunu düşünür, çarəsizlik, ümidsizlik kimi duyğular yaşayır. Hətta bir il daha yaşlandığını, heç cür geri qaytarılması mümkün olmayan bir ili itirdiyini düşünən insanlar da var. Bu insanlar depressiv vəziyyətə düşür, ancaq keçmiş günlərlə yaşayırlar.
Bir şeyi unutmamalıyıq ki, yeni illə köhnə il sadəcə olaraq saatlarla bir-birindən ayrılır. Əgər uzun müddət köhnə ilin yasını tutsaq, yeni ilin də necə gəlib-necə getdiyindən xəbərimiz olmaz. Yarımçıq qalmış bütün işləri yeni ildə də davam etdirmək mümkündür.
Ümumiyyətlə, zaman Eynşteynin sübut etdiyi kimi, sadəcə, bir xülyadır. Arzularınıza çatmaq, hədəflərinizi gerçəkləşdirmək üçün zamana ehtiyacınız yoxdur. Siz yalnız arzuladıqlarınızın tezliyinə köklənin.
Hədəf seçərkən onun imkanlarınıza, həyat şəraitinizə uyğun olmasına da diqqət edin ki, gerçəkləşməyən planlarınız sizi məyus etməsin. Yarımçıq qalan işləri yeni ildə də davam etdirə bilərsiniz. Yetər ki, dinamik olun, ruhdan düşməyin.
Bunun üçün düşüncələrinizə diqqət edin.
yeni-ilBiz hamımız düşündüklərimizin nəticəsiyik. (Budda)
Sağlam emosional vəziyyətdə olan insanın bütün problemlərin öhdəsindən gəlməsi mümkündür. Həyatınızdakı bütün xoşagəlməzlikləri doğru düşüncə tərzinin köməyiylə dəyişə bilərsiniz.
Yeni ilə doğru gedərkən daxilən sizi incidən, yaxud incitdiyiniz yaxın, dost insanlardan hələ də inciklikləriniz varsa, addım atın, qürur dediyiniz eqonuzu bir kənara tullayın. Bir xoş sözə ehtiyacı olan insanları unutmayın. Unutmayın ki,verdiyiniz hər şey eynilə özünüzə qayıdır. İllərinizin uğurla bitib, uğurla başlamasını istəyirsinizsə sevgi verin. Əmin olun, sevgi alacaqsınız.
Sevgi almaq üçün… özünüzü onunla elə doldurun ki, sevgini cəzb edən maqnitə çevriləsiniz. (Çarlz Enel)
İlin əvvəli, yaxud sonu olması önəmli deyil, önəmli olan hər şeyi zamanında yaşaya bilməkdir. Yeni il sizi gözləyir, onun da sizdən umduqları var. O sizdən yalnız müsbət enerji gözləyir. Yeni ili bacardıqca gözəl əhval-ruhiyyə ilə qarşılayın  və il boyu bu əhval sizi heç tərk etməsin.
Yeni ildə uğurlarınız, nailyyətləriniz bol olsun, arzuladığınız qədər sevinəsiniz!
YENİ İLİNİZ MÜBARƏK!

Müəllif:   Psixoloq Rübabə

VN:F [1.9.16_1159]
Rating: +23 (from 25 votes)

Psixoloq Rübabə

Fitret.az yazarı. Psixoloq.

- Sayt ünvanı

TƏNHA QADIN

tənha-qadın

Kim bilir xəyalən hansı arzularının arxasınca getmişdi?

Qaranlıq gecələrin sönüb yanan işıqlarının, gecə boyu ayaq səslərinin, sərxoşların musiqisinin və sabahın necə açıldığının uzun müddətdir ki, şahidi olurdu. Ürəyində narahatlığın doğurduğu hərarət, gözlərində buza dönmüş göz yaşları. Pəncərənin önü nə vaxtdır ki, onun ayrılmaz məkanına çevrilmişdi. Yenə gözləri onu olduğu yerdən çox uzaqlara aparmışdı.
Kim bilir xəyalən hansı arzularının arxasınca getmişdi? Bir vaxtlar xatırlayarkən çöhrəsini işıqlandıran, zamanla puç olmuş arzuların. Dünyanın ən ağır çətinliklərini yaşamasının əyani sübutu idi üzündəki qırışlar. Birvaxtlar diqqətləri özünə çəkən şux qamətli qadından indi həyat çalmışdı dodağının qırmızılığını, qara saçlarının rəngini, parlaqlığını. Həyat dolu olan bu qadın indi onu görənləri heyrətə gətirirdi. Çünki o, bu həyatda hər şeyin ən çətinini yaşamışdı. Bütün sevgilərin ən çətinini… Dost xəyanətini, sevgi xəyanətini, övlad xəyanətini yaşamışdı. Axı kimi idi bunların günahkarı? Həyat, sevdikləri, yoxsa sevdiklərinə özünü qurban verəcək qədər sevən özü?
Məncə sadaladıqlarımın hər birinin payı var onun bugünkü günündə. Dəfələrlə söz vermişdi, nə olur olsun əyilməyəcəyinə, hər şeyini onlara fəda verdiyi sevdiklərinə göz yaşlarını da qurban verməyəcəyinə söz vermişdi, amma bacarmamışdı.

İndi o romanların şeirlərin qəhramanı olan “Tənha qadın” adını qazanmışdı.

İndi o romanların şeirlərin qəhramanı olan “Tənha qadın” adını qazanmışdı.

Sevdikləri üçün fədakarlıq edərkən içində yığılıb qalan iztirabların, sıxıntının məhsulu idi bugünkü göz yaşları. İndi o romanların şeirlərin qəhramanı olan “Tənha qadın” adını qazanmışdı. Amma bu addan heç məmnun deyildi. Çünki həyatı boyu bir şeyi arzulamışdı- həyatın qəhrəmanı olmağı. Bütün əziyyətlərinə, insanlara bəxş etdiyi sevgilərə rəğmən qazana bilməmişdi. Bu həyatın qəhramanı adını elə bu acımasız həyatın acımasız insanları qazanmışdı. Bütün qınaqlardan qaçmış bu uçuq daxmaya sığınmışdı. Yorulmuşdu həyatdan. Hər şeyə hər kəsə etiraz əlaməti olaraq intaharın ən qatı formasını seçmişdi- ümid damarlarını kəsmiş, öz əllərilə ruhunu tapdalanan torpağa gömmüşdü.

Müəllif: Cəmilə Kərimli

VN:F [1.9.16_1159]
Rating: +18 (from 18 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus