FƏLSƏFƏNİN İNSANA FAYDALARI NƏLƏRDİR?

Fəlsəfənin insana faydaları nələrdir?Bu mənada, fəlsəfə də xoşbəxtlik məqsədi üçün bir vasitə ola bilər. Hər insan, maddi zənginliklərə sahib olmaqdan həzz duymaz. Bəzi insanlar, təfəkkürdə olmaqdan, yəni dərin düşünməkdən, insan həyatının anlamını araşdırmaqdan həzz alır. Bu həzzə yad olan insanlar belə onun, keyfiyyət baxımından olduqca zəngin bir həyat təcrübəsi olduğunu qəbul edərlər. Demək ki, fəlsəfə, hər şeydən öncə insana intellektual bir zövq, mənəvi bir həzz verir. İnsanın sadəcə bir bədəndən ibarət olmadığını, onun eyni zamanda mənəvi bir varlıq olduğunu diqqətə alsaq, bu vəziyyət daha açıq hala gələr. İnsan, məqsədinə, sadəcə maddi ehtiyaclarını qarşılayaraq çata bilməz; onun, mənəvi ehtiyaclarını da təmin etməsi gərəklidir. İnsanın mənəvi ehtiyaclarının ən başında isə, marağını qarşılama, öyrənmə, kainatı və özünü anlama, bu dünyada keçən həyatını mənalandırma istəyi vardır. Bu istəyi də, böyük ölçüdə fəlsəfə qarşılaya bilər.

Həqiqətən də fəlsəfə, insanın əhatə edici bir bilgi və ya əhatə edici bir qavrayışa çatma tələbinə cavab verə bilən yeganə disiplin olmaq vəziyyətindədir. Həyatının axarı içində öz qaynaqları xaricində başqa yerlərdən çox zaman əlaqəsiz  inanc və bilgilər, seçim və davranış tərzləri mənimsəyən insan varlığı həyat, dünya və cəmiyyət qarşısında müəyyən bir rəftar inkişaf etdirmək, bu rəftarı  yaşamının təməlinə yerləşdirmək üçün sözü gedən  dağınıq materialı tutarlı bir quruluş içində sistemləşdirmə ehtiyacı duyar. Bunu isə, sözü gedən materialın ünsürləri üzərinə inkişaf etdirilə biləcək  tənqidi və sorğulayıcı düşünmə ilə ancaq fəlsəfə təmin  edə bilər.

Daha da önəmlisi odur ki, fəlsəfə, bizə özümüzü tanımaq imkanı verər. Bu ümumi doğrunu da ilk olaraq və ən yaxşı antik Yunanlılar göstərmişdir. Əslində, hər mədəniyyətdə olan “Özünü tanı!” sözünü ən erkən istifadə edən qövm olan Yunanlılar, bu sözü məbədlərinin qapısına yazıblar. Həqiqətən də insan nə və kim olduğunu ancaq fəlsəfədən və ya fəlsəfənin köməyi ilə öyrənə bilər. Bizim yalın bir ət və sümük yığını olmayıb, eyni zamanda bir ruh varlığı olduğumuzu bizə ən yaxşı fəlsəfə göstərə bilər. Dünyaya, sadəcə nəfəs alıb vermək və ya yalın kef almaq üçün yox, bir az da təbiətə və başqalarına olan vəzifələrimizi yerinə yetirmək üçün gəldiyimizi fəlsəfədən öyrənə bilərik. Çünki fəlsəfə, hər şeydən öncə insan olaraq varoluşumuzun anlamıyla ilgili bəzi təməl sualları ələ alır. İçimizdən hər birinin bu təməl, böyük fəlsəfi suallar üzərində düşünməsində varoluşumuzu mənalandırmaq baxımından böyük yarar vardır. Bu səbəblə, Sokrat, “incələnməmiş, sorğuya çəkilməmiş bir həyatın yaşanmağa dəyər olmadığını” söyləmişdir. Demək ki, fəlsəfəyə prinsipli bir həyat sürmək üçün gərək duyarıq. Çünki insan, heyvanlardan fərqli olaraq ağıllı bir varlıqdır; bu Fəlsəfənin insana faydaları nələrdir?özəlliyi səbəbi ilə, həyatını bəzi  prinsiplərə söykəyir. Prinsipsiz bir həyat, hətta prinsipləri sorğulanmamış bir varoluş, bayağı və təməlsiz bir varoluşdur; həyatımızın bu cür prinsipsiz bir varoluşa çevrilməməsi üçün fəlsəfəyə ehtiyacımız vardır.

Fəlsəfə, yenə fərdi olaraq bu dünyadakı qısacıq həyatımızda bizə, nəyin bizim əlimzidə olub, nəyin olmadığını göstərir. Sadəcə Sokrat yox, 20-ci əsrin önəmli mütəfəkkirlərindən olan Jean paul Sartre (1905-1980) də, faktiki şərtlərimizi dəyişdirməyin, bizim əlimizdə olmadığını söyləyirdi. Yəni bu dünyaya gəlmişiksə, gəlməmiş olmaq əlimizdə deyil. Anamızı-atamızı, doğulduğumuz coğrafiyanı, mənsubu olduğumzu dini, üzvü olduğumuz millət və ya etnik qrupu seçmək əlimizdə olmadı. Boyumuzu, cinsiyyətimizi, digər bioloji özəllilərimizi seçmək də əlimizdə deyildi. Bütün bunlar biz insanlar üçün verilmiş olan, dəyişdirməyin mümkün olmadığı şeylərdir. Lakin xarakterimizi və insanlığımızı inkişaf etdirmək, daha yaxşı və daha ərdəmli insan olmaq üçün çalışmaq, bizim əlimizdə olan bir şeydir. Buna görə də, Sartre, “insan özündən nə yaradarsa, ondan ibarətdir” deyirdi.

Fəlsəfəyə, həyatın axışı içində, qarşılaşdığımız problemlərin öhdəsindən gəlmək üçün ehtiyac duyarıq; ondan, bizi çətinə sala biləcək  biləcək müxtəlif olaylar qarşısında dik duruş sərgiləyə bilmək üçün dəstək alarıq. İsveçrəli psixoloq və mütəfəkkir Karl Qustav Yunqun (1875-1961) söylədiyi kimi, “həyatın axıntılarında  heç kim dərdsiz qalmaz.” Fəlsəfə, qayğılarımızı xəfiflətməyimizi, dərdlərimizi aşmağımızı, bu dünyadakı həyatımız əsnasında yolumuzu itirməməyimizi təmin edən ən önəmli vasitədir. Fəlsəfənin yolumuzu tapmağımızı təmin edən ən önəmli vasitə olduğunu gözlər önünə sərmək üzrə, Wittgenstein, məşhur bənzətmələrindən birində inanın bu dünyadakı vəziyyətini bir butulka içindəki ağcaqanadın vəziyyətinə bənzətmişdir. Wittgenstein-ə görə butulkanın içində qalmış olan ağcaqanad butulkadan bayıra çıxmaq istəyər amma bunu necə bacara biləcəyini bilməz. Fəlsəfənin əsas vəzifəsi, ağcaqanada, butulkadan necə çıxacağını göstərməkdir. Onun bu bənzətməsinə görə, biz insan varlıqları bu dünyadakı həyatımız əsnasında  bəzən özümüzü kəməndə salınmış hiss edər və yolumuzu tapmaqda çətinlik çəkərik. Beləcə, fəlsəfə biz insan varlıqlarının kəməndə salınmışlıq duyğusundan qurtulmağımızı təmin edər, istiqamətimizi tapmağımıza kömək edər.

Fəlsəfə, yenə eyni istiqamətdə, beyin və anlayış qarışıqlığımızı aradan qaldırmağa kömək edər. Çünki, günümüzdə bir çox insan, bəzi zehni qarışıqlıqlar üzündən dərdlər və qayğılar içində qıvrılıb durur. Həqiqətən də insanlar, son zamanlardFəlsəfənin insana faydaları nələrdir?a, artan bir sıxlıqla, imtiyazları hüquqlarla, tərəfsizliyi subyektivliklə, qiyməti dəyərlə, varlılığı müvəffəqqiyyətlə qarışdırırlar. Beləcə, bu beyin qarışıqlığını aradan qaldıracaq, qavramsal açıqlığı təmin edəcək olan  şey, fəlsəfədir. Çünki fəlsəfə, insana bir çox mövzuda doğru və açıq düşünə bilməyi öyrədir. Fəlsəfi düşüncənin üsulları, insana hardasa hər mövzuda ağıl önə sürə bilməsi üçün gərəkli təməlləri hazırlayar. Belə bir düşüncə növü, insanın bir çox problemə bir çox yöndən baxa bilməsini, problemlərə, mühakiməsiz yaxınlaşa bilməyini təmin edər; o insanın heç bir şeyi mütləqləşdirməyib, hər şeyi tənqid süzgəcindən keçirə bilməyini təmin edər. Bütün bunlar bir araya gətirildiyi zaman, fəlsəfənin insanın özgürləşməyində qatqısı olduğunu rahatlıqla söyləmək olar.

Mənbə: www.felsefe.gen.tr
Hazırladı: Fidan Aslanova

 

Beyenmeler
0   1  
VN:F [1.9.16_1159]
Rating: +11 (from 11 votes)

Fidan Aslanova

Fitret.az idarəçisi

 
Facebook

KEYFİYYƏTLİ HƏYAT ÜÇÜN 95 QIZIL TÖVSİYYƏ

Keyfiyyətli bir həyat yaşamaq, hamımızın ortaq arzusu və haqqıdır. Həyat tərzinizdə edəcəyiniz müəyyən dəyişikliklər, standartlarınızı yüksəltməyinizə köməkçi ola bilər.

1. Səhər yeməyini vərdiş halına gətirin. Səhərlər, səhər yeməyi yeyərkən günə yüksək enerji ilə başlamağınızı təmin edən qidalar yeməyi unutmayın.
2. Bir həftəliyinə qlutensiz qidalanın. Aparılan araşdırmalar, üzərində işlənmiş taxılların həzmə əngəl olduğunu göstərir. Həyatınızdan buğdanı və ya arpanı çıxararaq enerji səviyyənizi yüksəldin.
3. Yemək bişirin. Yemək kitabları alaraq ya da internetdə reseptlər araşdıraraq yemək bişirməyi öyrənin. Həm daha qənaətcil, həm də daha sağlam qidalanın.
4. Qeyd dəftəri istifadə edin. Etdiyiniz qeydləri əlinizlə yazmaq, daha asan xatırlamağınıza kömək olar. Tamamladığınız işləri işarələmək isə ayrı bir zövq verəcəkdir.
5. Bitki yetişdirin. Əgər bir baxçanız yoxdursa, pəncərənizin kənarında, çiçək, meyvə və ya tərəvəz yetişdirin.
6. Tullantılarınızı gübrəyə çevirin. Bioloji olaraq torpaqda həll ola bilən qidalar, gübrə olaraq çox təsirlidir. Xüsusilə, baxçanız varsa, tullantılarınızı gübrəyə çevirin.
7. Könüllü olun. Həm özünüzə, həm də çevrənizə faydalı olacaq işlər görə bilmək üçün könüllü olun. Könüllü işlərdə çalışırsınızsa, sahə və ya məkan dəyişikliyi edin.
8. Hər gün özünüz üçün bir şey edin. Özünüzə, sadəcə zövq aldığınız fəaliyyətlər  üçün zaman ayırmağı unutmayın.
9. Ünsiyyət bacarıqlarınızı inkişaf etdirin. Özünüzü inkişaf etdirmək üçün hər zaman fürsətiniz vardır. İşə, e-poçtlarınızı daha anlaşıqlı və yazı qaydalarına uyğun şəkildə yenidən hazırlayaraq başlaya bilərsiniz.
10. Divarlarınızın rəngini dəyişdirin. Ən yaxın inşaat marketinə gedərək hər hansı bir rəngdə boya alın və otaqlarınızı boyayın. Dəyişim və spontanlıq, hər kəs üçün yaxşıdır.
11. Konfranslara qatılın. Nə qədər təcrübəniz olursa olsun, özünüzü inkişaf etdirmək, yeniliklərdən xəbərdar olmaq və fərqli baxış bucaqları ilə tanış olmaq üçün konfranslara qatılın.
12.  Yeni bir idmana başlayın. Qaçın, qolf oynayın və qayaya dırmaşın. Seçiminizi edərkən çox pul xərcəməməyə və asan olan addımdan başlamağa diqqət edin.
13. Yeni bir xarici dil öyrənin. Ana dilinizə yaxın qrammatika formalı xarici dilləri öyrənmək daha asandır. Əlavə bir xarici dil öyrənmək üçün səy göstərin.
14. Təqaüdünüz üçün yığmağa başlayın. Gəliriniz nə qədər olursa olsun, təxirə salmadan və gecikdirmədən təqaüdünüz üçün pul toplmağa başlayın.
15. Mebellərinizin yerini dəyişdirin. Mebellərinizin yerləşməsini dəyişdirərək, sürətli və asan bir şəkildə evinizin havasını dəyişdirin.
16. Yoqa ilə məşğul olun. Günün stressindən qurtulmaq, əzələlərinizi işlətmək və dinc hiss etmək üşün yoqa ilə məşğul olmağa başlayın.
17. İstifadə etmədiyiniz geyimlərinizi bağışlayın. Beləcə, həm dolabınızda yer açılacaq, həm də comərdlik sizi yaxşı hiss etdirəcək.
18. Söz dağarcığınızı inkişaf etdirin. Hər gün yeni bir kəlmə öyrənərək həm öz dağarcığınızı, həm də liberal təhsilinizi inkişaf etdirin.
19. Çalışarkən, klassik musiqi dinləyin. Daha məhsuldar çalışa bilmək və dinc hiss edə bilmək üçün çalışarkən klassik musiqi dinləməyi yoxlayın.
20. Klaviaturanı, daha sürətli istifadə etməyi öyrənin. İnternetdəki yazı yazma oyunları və ya proqramları ilə klaviaturadan istifadə etmə sürətinizi və dolayısı ilə məhsuldarlığınızı artırın.
21. Bir kitab klubu qurun və ya bir kluba üzv olun. Bir kluba üzv olaraq, kitab oxuma motivasiyanızı artırın.
22. Təcili vəziyyət fondu yaradın. Həyatda, qarşınıza nə zaman nə çıxacağı bəlli olmaz. Pul toplamağınızla yanaşı, təcili vəziyyət fondu da yaratmağı unutmayın.
23. Başqalarının nə düşündüyünə önəm verməyin. Özünüz olun və başqalarının sizin haqqınızdakı düşüncələrini özünüzə dərd etməyin.
24. Heyvanları tanıyın. Zooparkları və ya akvariumları ziyarət edərək həm heyvanlar haqqında bilginizi inkişaf etdirin, həm də xoş vaxt keçirin.
25. Ağız sağlamlığınıza diqqət edin. Nizamlı olaraq ağız baxımınızı edin. Ehtiyaclarınıza uyğun bir diş fırçası və məcunundan istifadə edin.
26. Hədiyyə verin. Özünüz üçün alış-veriş edərkən, sevdikləriniz üçün kiçik hədiyyələr alaraq onları gülümsədin.
27.  Evinizin havasını dəyişdirin. Yaşadığınız yerdə hava filteri istifadə edərək, nəfəs alamada istifadə etdiyiniz havanı, burnunuza, hava yollarınıza və ağciyərlərinizə zərərli hissəciklərdən arındırın.
28. Həyatdakı gözləntilərinizin fərqində olun və arxasınca gedin. Nə istədiyinizi bilin. Hədəflərinizi müəyyən etdikdən sonra hərəkətə keçin.
29. Fərdi inkişaf CD-lərini dinləyin. Xüsusuilə də yolda keçirdiyiniz zamanı dəyərləndirə bilmək üçün fərdi inkişaf CD-ləri əldə edin.
30. Alət çalmağı öyrənin. Yeni bir alət çalmağı öyrənin və özünüzü inkişaf etdirə bilmək üçün nizamlı olaraq zaman ayırın. Online kurslardan yararlanın.
31. Dünyadan xəbərdar olun. Ölkələrin paytaxtlarını, pul vahidlərini və bayraqlarını öyrənin. Oyunlardan yardım alaraq, prosesi zövqlü hala gətirin.
32. Kiçik şeylərdən zövq alın. Gözəl bir qoxudan ya da ləzzətli bir içkidən zövq alın.
33. Avtomobilinizi təmizləyin. Avtomobilinizi hər gün istifadə edirsinizsə, təmiz və səliqəli olmağına diqqət edin. Kirli və dağınıq bir nəqliyyat vasitəsi sizi əlavə stressə salacaq.
34. Hər gün sizi qorxudan bir şey edin. Çəkindiyiniz şeylərdən uzaq durmaq sizi rahatlatsa da, kəşf edə bilmək və inkişaf edə bilmək üçün güvənli bölgənizdən çıxın.
35. Kompliment edin. Kompliment etmək, nəzakətin göstəricisidir və qarşınızdakının yaxşı yönlərini görməyinizi təmin edər.
36. Daha öncə heç yemədiyiniz şeylər yeyin. Həm damaq dadınızı inkişaf etdirin, həm də yeni dadlar kəşf edin.
37. Həftədə 3 dəfə ağırlıq qaldırma ilə məşğul olun.  Evinizdə bir neçə dəqiqənizi ayıraraq ağırlıq qaldırma məşqləri edin, bədəninizdəki əzələ səviyyəsini artırın.
38. Gündəlik proqramınızda öncəlik sırası edin. Ediləcəklər siyahınızın ən önəmli və çətin maddələrini ilk sıralara keçirin. Beləcə, maddələri tamamladıqca rahatlaya bilərsiniz.
39. Müəllim olun. Özünüzü, yetkin hiss etdiyiniz hər hansı bir mövzudakı bilginizi, öyrənmək istəyənlərlə paylaşın.
40. Çox təvazökar olmayın. Siz qabiliyyətlərinizi kiçik hesab edəndə, qarşınızdakılara da bunu etmək üçün fürsət verirsiniz. Özünüzü önəmsiz görməyin.
41. Evinizdə və iş yerinizdə yaşıla yer açın. Mühitdəki oksigen istehsalını artırmaq və otağınıza canlılıq qatmaq üçün bitkilərdən yardım alın.
42. Ailənizi tanıyın. Ailənizlə birlikdə böyümüş olsanız da, onlar haqqında bilmədiyiniz çox şey ola bilər. Onları tanımaq üçün zaman ayırın.
43. Fikir sahibi olun. Sizin üçün önəmli olan bir mövzu haqqında araşdırma apararaq bilgi və fikir sahibi olun. Fikirlərinizi, başqaları ilə paylaşmaqdan çəkinməyin.
44. Sosial şəbəkədə keçirdiyiniz zamanı azaldın. Bu müddətdə, sosial şəbəkə üzərindən ünsiyyət qurduğunuz dostlarınızla üz-üzə görüşün.
45. Mənfilikləri neytrallaşdırın. Pessimist olmaq gerçəkçi olmağa daha yaxın olsa da, mənfiliklərə də yaxşı tərəfindən baxmağa çalışın.
46. Qara şokolad yeyin. Qara şokolad, antioksidant baxımından olduqca zəngindir. Sağlamlığınız üçün şəkər istehlakını azaldaraq qara şokolad yeyin.
47. Bədəninizi sevin və ona yaxşı baxın. Sahib olduğunuz ən yaxşı vasitə bədəninizdir. Sağlamlığınıza diqqət edin və bədəninizi sevin.
48. Heyran olduğunuz birinin bioqrafiyasını oxuyun. Oxuduqlarınızdan özünüz üçün dərslər və ipucları çıxarın.
49. Çətin işlərinizi hissələrə ayırın. Beləcə, çatılmağı daha asan hədəflərə sahib ola bilərsiniz.
50. Canlı bir caz musiqisi performansı dinləyin. Cazın rahatladıcı temposuna uyun.
51. Sığınacaqlardakı heyvanları sahiblənin. Ev heyvanları yaxın bir dost olmaqla yanaş, baxım bacarıqlarınızı da inkişaf etdirər. Sığınacaqlardakı sahibsiz heyvanlara sahib çıxın.
52. Sağlam olmayan qəhvə istehlakına yox deyin. Öz qəhvənizi özünüz hazırlayın ya da yerli qəhvə dükanlarındakı fərqli qəhvələrin dadına baxın. Qəhvəyə qatılan siroplardan qaçının.
53. Gündəlik tutun. Gündəlik tutmaq, fikirlərinizi kağıza tökməyinizi, yeni fikirlər istehsal etməyinizi və özünüzü ifadə etməyinizi təmin edər.
54. Düşərgə qurun. Dostlarınızla birlikdə qısa düşərgə proqramları hazırlayın. Həm təbiətlə bütünləşərək yenilənin, həm də texnologiya detoksu edin.
55. İanə verin. Pul yığmaq nə qədər önəmlidirsə, sahib olduqlarını paylaşmaq da o qədər hüzur vericidir. Özünüz üçün önəmli bir mövzu taparaq nizamlı olaraq həmin mözvuda maddi dəstək olun.
56. Televizorunuzu söndürün. Televizor qarşısında başqa insanların etdiklərinə baxmaq əvəzinə, öz hədəfləriniz üçün çalışın.
57. Özünüzü inkişaf etdirin. İşə, hər zaman diqqətinizi çəkən, amma daha öncə öyrənmə fürsəti tapa bilmədiyiniz bir mövzu ilə başlayın.
58. Ehtiyacınız olanda yardım istəyin. Yeni bir şeylər öyrənərkən ya da bir mövzuda həll tapa bilmədiyiniz zaman yardım istəməkdən çəkinməyin.
59. Rəqs dərsləri alın. Rəqs etmək, koordinasiya bacarıqlarınızı artırar. Bundan başqa formada qalağın  də ən zövqlü yoludur.
60. Qısqanc olmayın. Etdiyiniz işdə sizdən daha yaxşı biriləri hər zaman olacaq. Qısqanmaq yerinə, öz müsbət yönlərinizə fokuslanın.
61. Bol-bol su için, meyvə-tərəvəz yeyin. Bədəninizin ehtiyaclarına görə öz qida piramidanızı müəyyən edin və ona bağlı qalın.
62. Başladığınız işi bitirin. Hər hansı bir işə başladığınız zaman hədəfinizə çatana qədər səy göstərin.
63. Tez-tez ara verin. Etməyiniz lazım olan işləri tamamladıqca ara verərək özünüzə zaman ayırın.
64. Kin saxlamayın. Bağışlamaq, həyata baxışınızı dəyişdirəcək. İçinizdən hirsi çıxararaq sevgiyə yer açın.
65. Orkestr konsertlərinə ya da operaya gedin. Hər kəsin həyatında ən az bir dəfə yaşaması lazım olan bu təcrübəni siz də edin.
66.  Gələcəyiniz üçün narahatlıq keçirməyin. Narahatlıq keçirmək sizi əlavə stressə salacaq və sizə zərər verəcəkdir. Narahatlıqlarınızı bir kənara buraxın.
67. Ölkə xaricinə səyahət edin. Həyat bir kitabdırsa, tək bir ölkə haqqında bilgi sahibi olmaq, kitabın tək bir səhfəsini oxumağa bərabərdir. Fərqli ölkələri ziyarət edərək, fərqli mədəniyyətlər haqqında bilgi sahibi olun.
68. Kredit kartı istifadənizi azaldın. Çox sayda kredit kartı istifadə etmək, maddi durumunuzu idarə altına almağınızı çətinləşdirər.
68. Aromaterapiyadan yardım alın. Stressdən arınaraq rahatlaya bilmək üçün aromaterapiya seansları təşkil edin.
69. Özünüzə gülməyi öyrənin. Xətalarınızı qəbul edə bilməyi və özünüzə gülməyi öyrənin.
70. Başqalarının özgüvənini artırmasına kömək edin. Ətrafınızdakılardan, yaxşı olduqları mövzuları sizə öyrətmələrini istəyin. Həm özünüzü inkişaf etdirin, həm də onların özgüvənlərini təzələyin.
71. Başqalarının tövsiyyələrinə qulaq verin. Ətrafınızdakılardan gələn tövsiyyələrə qulaqlarınızı tıxamayın.
72. Bir radio proqramını nizamlı olaraq dinləyin. Həm yeni bir alışqanlıq inkişaf etdirin, həm də zövqlü zaman keçirin.
73. Öz kartvizitinizi yaradın. İşiniz xaricində, özünüz üçün bir kartvizit yaradın.
74. Sağlam və nizamlı yatın. Yatmazdan öncə rahatlayaraq ehtiyacınız olan yetərli və dərin yuxunu alın.
75. Yeni bir xobbiniz olsun. Yaradıcılığınızı qidalandırmaq və bacarıqlarınızı inkişaf etdirmək üçün xobbilərə sahib olun.
76. Özünüzə zaman ayırın. Bu zamanı, spa salonuna getmək və ya şəxsi baxımınızı etdirmək üçün dəyərləndirin.
77. Bəhanələr istehsal etməyin. Daha da önəmlisi, istehsal etdiyiniz bəhanələrə inanan  hala gəlməyin. Əngəllərinizi ortadan qaldıraraq, imkanlarınızı artırın.
78.  Gülümsəyin. Gülümsəmək həm əhvalınızı düzəldəcək, həm də xarici görünüşünüzü gözəlləşdirəcəkdir.
79.  Sənət qalereyalarını ziyarət edin. Dostunuzla və ya təkcə sənət qalereyalarını ziyarət edərək mədəniyyət səviyyənizi artırın.
80. Nəfəsinizin fərqində olun. Nəfəs məşqləri etməyi öyrənərək, özünüzü sakitləşdirin.
81. Orqanik qidalanın. Böcək dərmanları və kimyəvi dərmanlamalar, sağlamlığınıza pis təsir edir. Orqanik qidalar istehlak etməyə diqqət edin.
82. Rejiminizin xaricinə çıxın. Səhər idmanlarını axşam saatlarına keçirin, işə avtobus yerinə velosipedlə gedin.
83. Başqalarından dəstək gözləməyin. Həytatınızla bağlı önəmli mövzularda məsuliyyəti öz üzərinizə götürün.
84. Masaj etdirin. Masaja gedərək, bədəninizdəki əzələ düyünlərinin yaratdığı narahatlıqlardan qurtulun.
85. Ətrafınızdakı tarixi məkanları kəşf edin. Öncə araşdırmanızı edərək bilgi sahibi olun, sonra ziyarət edin.
86. Duruşunuzu düzəldin. Donqar dayanmayın. Pilates kimi duruşunuzu düzəltməyinizə köməkçi olacaq məşqlər edin.
87. Bilməcə həll edin. Fərqli bilməcələr həll edərək beyninizə də məşq  etdirin.
88. “Gələn” qutunuzu nizama salın. “Gələn” qutunuzda dosyalama sistemləri yaradaraq təqibinizi asanlaşdırın.
89. Görüş təyin edin. Biri ilə görüşmək üçün yaxınlığınız olması gərəkli deyil.
90. Orqanik süd için. Orqanik südün dayanıqlıq müddəti daha uzundur. Bundan başqa, omega 3, vitaminlər və antioksidantlar baxımından daha zəngindir.
91. İçinizdəki gözəliyi kəşf edin. Sahib olduqlarınıza yox, kim olduğunza fokuslanın.
92.  Yuxulayın. 5-30 dəq. müddətlə yuxu araları verərək yenilənin.
93. İşlərinizi yığıb saxlamayın. İşlərinizi etməniz lazım olan zamanda edərək, ailənizə və sevdiklərinizə zaman ayırın.
94. Ayaqlarınıza yaxşı baxın. Ayaqlarınıza uyğun gələn, rahat ayaqqabıları seçin. Günün sonunda ayaqlarınıza rahatladıcı baxım etməyi unutmayın.
95. Səbrli olun. Səyləriniz hər zaman mükafatlandırılmaya bilər. Özünüzü inkişaf etdirə bilmək üçün səbrli olmağı öyrənin.

Mənbə: www.uplifers.com
Hazırladı: Fidan Aslanova


Beyenmeler
0   2  
VN:F [1.9.16_1159]
Rating: +5 (from 7 votes)

Fidan Aslanova

Fitret.az idarəçisi

 
Facebook

CƏHALƏT VƏ ONA ATALIQ EDƏNLƏR!

CƏHALƏT VƏ ONA ATALIQ EDƏNLƏR!

“Kiçik başlar şəxsləri, orta başlar hadisələri, böyük başılar fikirləri danışarlar” demişlər. Gəlin bu kombinasiya ilə bir mövzuya həm şəxsdən, həm hadisədən və həm də fikirdən yola çıxaraq yanaşaq:

Əbu Cəhl (Cəhalət atası)… Bəli, bu isim bir şəxsin üzərində formalaşdı. İlk addımda hədəf olaraq o şəxsi götürəcəyik. Amr bin Hişam Məkkənin öndə gələn qəbilələrindən birinə mənsub çox adlı-sanlı, iqtidar və var-dövlət sahibi idi. Zamanının ərəb kültürünü əla bilir, dilçilik sahəsində qatqılar edirdi. Məkkənin bir çox diplomatik gedişatlarını həyata keçirir, bir neçə dil bilirdi. Şəhərdaxili ümumi nizam və intizamın arxasında dayanan simalardan idi. Və bunu da əla bacarırdı. Bu üzdən ilk dövrlərdən Rəsulullaha qarşı gəlmiş və şiddətlə ona qarşı amansız mübarizə aparmışdır. Təbii ki, qarşı gəlməsi də təsadüfü deyil, məhz fəaliyyət və vəzifəsi üzərindən formalaşmışdı. “Əbu Cəhl” isimləşməsini isə buna qarşılıq qazanmışdı müsəlmanlar arasında.

cəhalət-əbu cəhlAmma Əbu Cəhl siması bir şəxsdə qalmaz. Sual edək ki, niyə məhz Amr bin Hişam? Bunun üçün onun həyat fəaliyyətinə baxmaq lazımdır. Hansı hadisələrdən dolayı formalaşdı bu isim? Xırda hadisələrdən deyil, məhz ismin ehtiva etdiyi anlayışdan yola çıxaraq deyə bilərik ki, Amr bin Hişam heç də bu gün dillər əzbəri olaraq işlədilən cahil kəlməsinə uyğun gəlmir. Çox savadlı, yetənəkli və işin içinİ bilən biri olub. Zamanının ərəb dil qavramını əla bilir, keçmiş tarix və olayları mənimsəmişdi. Rəsulullahın mövcud xanədanlıq üçün gətirə biləcəyi təhlükəni də əla anlayırdı. Dini də çox yaxşı bilirdi. Bəs niyə CAHİL? Çünki bütün bu bilgi və yetənəyini özündən xəbərsiz, özünü öyrənmədən digərlərinin istismarı üçün istifadə etdi bir ömür. Dinləmədi, bildiyini bayraq etdi və atalarının yolunu müdafiə etdi. Bilgisi üzündən, məhz bilgisi.

Bu hadisələrdə də qalmayaraq bunu günümüzə daşımaq zorundayıq. Bütün bu hadisələrdən dolayı günümüzdə hansı fikir formalaşa bilər? Nə daşıyarıq günümüzə Əbu Cəhl timsalındakı atalıq və cəhalət mesajlarından?
İdeologiya! Amr bin Hişam atalarının yolunu qoruyaraq təzyiq çıxarmaq, sülhü pozmaq və istismar üçün can-fəşanlıq etməyi bir məktəbə, qırılmaz bir ideologiyaya tabe tutur və mühafizə edirdi. Və özü bir ataya çevrilirdi. Quranda ATALAR dini olaraq verilən fikir ideoloji yanaşmaya işarədir fikrimcə. Çünki ona qarşılıq olaraq Fitrət və Barış olan yeni bir hərəkat ANA (ümmət, imam), yəni doğrumaq, qayğı çəkmək və şəvqət simvolu üzərinə formalaşırdı. Və elə qadınların da yüksək xidmətləri ilə daha da ucalırdı. Bu isə mövcud ərəb mədəniyyətinə, atalıq xanədanlığına tam zidd idi.

Düşünək… Nədir cahillik, kimlərdir ona atalıq edənlər?!

Müəllif: Vüsaləddin Rüstəmov

Beyenmeler
0   2  
VN:F [1.9.16_1159]
Rating: +10 (from 14 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

OŞODAN SEÇMƏLƏR

Sevgi

“Üsyankar ruh” ya da “provokativ mistik” kimi də bilnən Oşo, 1931-ci ildə Hindistanda dünyaya gəlmişdir. Uşaqlıq yaşlarından etibarən, başqaları tərəfindən verilən bilgilər və inancları qəbul etməkdənsə, gerçəkliyi özü təcrübə etməkdə israrçı olan üsyankar bir ruhu vardı. Bu vəziyyəti özü belə dilə gətirir: “Uşaqlığımdan xatırlaya bildiyim qədəriylə sadəcə tək bir oyunu sevdim: Müzakirə etməyi, hər şey haqqında müzakirə etməyi… Çox az yetkin insan  mənə dözə bilirdi. Məni qətiyyən anlamırdılar. Məktəbə getmək heç marağımda deyildi. Ora, ola biləcək ən pis yer idi. Sonda getməyə məcbur oldum, amma əlimdən gəldiyi qədər müqavimət göstərdim, çünki orada sadəcə mənim maraqlandığım şeylərlə maraqlanmayan uşaqlar var idi və mən də onların maraqlandığı şeylərlə maraqlanmırdım. Buna görə də hər zaman qrup xaricində qaldım.”

1990-cı ilə qədər davam edən həyat yolçuluğu müdəttində bütün dünyayı yerindən oynadacaq ifadələri və inkişaf etdirdiyi meditasiyaları ilə günümüzdə hələ də aktuallığını qoruyan qeyri-adi bir şəxsiyyət olan və Bhagwan Shree Rajneesh adıyla da bilinən Oşo, din, fəlsəfə, psixologiya, siyasət və insanı maraqlandıran bir çox sahədə hər cür ənənəni təməldən sarsıdan şərhləriylə böyük maraq və  reaksiyalar toplamışdır. İyirmi bir yaşında universitet təhsilini tamamlayan Oşo, Jabalpur Universitetində illərlə fəlsəfə dərsləri vermişdir. Eyni zamanda da bütün Hindistanı gəzib söhbətlər etmiş, xalqa açıq müzakirələrdə mühafizəkar dini liderlərə meydan oxumuş, ənənəvi inancları sorğulamış və həyatın bütün sahələrindən insanlarla bir araya gəlmişdir.

SEÇMƏLƏR: 

Çıx bayıra! Dünya çox gözəldir, macəra doludur… Bu bir dəvətdir, sənə dəyər qatar. Qorxusuzca çıx bayıra… İtirəcək bir şey yoxdur. Hər şey qazanmaq üçündür… Və qətiyyən soruşma: “Kim mənim gerçək dostumdur” deyə… “Mən kiminsə gerçək dostuyammı” deyə soruş. Doğru sual budur. Daima özünlə əlaqəli ol. Kəşf et, özünü… Əks halda, hələ özünü belə bilməyən başqa insanların fikirlərinə bağlı qalacaqsan. Bu həyatda, səni maraqlandırmalı olan tək fikir, öz haqqındakı fikrin olmalıdır.

Qapını aç. Təzə hava içəri girəndə, təhlükələrin də içəriyə girməyi üçün hər cür ehtimal mövcuddur.  Dost gəldiyi zaman düşmən də gələr, çünki, gündüz və gecə birlikdə içəriyə girər, acı və zövq birlikdə içəriyə girər, yaşam və ölüm birlikdə içəriyə girər. Acıdan qorxma, əks təqdirdə anesteziya altında yaşayacaqsan.

Zehnində bir çox insanla rastlaşarsan: “Din adamı, müəllimlər, dostlar, qonşular, qohumlar…”  Onlarla dalaşmağına ehtiyac yoxdur. Sadəcə bu səsin, sənin səsin olmadığını bilməyin kifayətdir. Başqa  birinin səsidir, o… Hər kimindirsə, o, başqa biridir. Nəticəsi hər nə olursa, olsun: “Yaxşı ya da pis” onu təqib etməməlisən. Onu dinləmədiyin zaman özün qərar verərək hərəkət edirsən. Yetkinləşməyə qərar verirsən. Bir uşaq olaraq qaldığın, bəsdir ! Bu qədər asılı qaldığın, bəsdir! Bəsdir, bütün bu səsləri dinləyib durduğun…

Uşaqlığından bəri davamlı olaraq,  “qızıl gül çox gözəl bir çiçəkdir, əla bir çiçəkdir” sözlərini eşidirsən. Buna görə də bir qızıl gül gördüyün zaman, dərhal düyməsinə basılmış bir kompüter kimi, “bu çox gözəldir”, deyirsən. Bunu həqiqətən hiss edirsənmi? Bu sənin içindən gələn duyğulardırmı? Əgər deyilsə, söyləmə. Bir şeyi hiss etmirsənsə, qətiyyən söyləmə.

Yetkin bir zehnin tək bir sualı var : “ Kiməm mən?”

Savaş problem deyil, problem, fərdi təcavüzkarlıqdır. Savaş, sadəcə, fərdi təcavüzkarlığın toplamıdır. Sən etiraz yürüşləri etməkdə ol və savaş dayandırılmaycaq.  Əyləncəni sevən bir neçə insan var, onları hər hansı bir etiraz yürüşündə tapa bilərsən.

Zehin, sadəcə bir aynadır, xəzinəni yansıtmaqdadır, amma öz içində bir xəzinə deyil. Xəzinə, zehnin arxasındadır, sənin öz mənliyindir.

Beyin yumaq, cinayət deyil. Cinayət, insanların zehnini kirlətməkdir.

Hiyləgərlik, qorxudan qaynaqlanır. Buna görə də, insan nə qədər qorxu içində olarsa, o qədər hiyləgər olduğunu görəcəksən. Cəsur bir insan, hiyləgər deyil, cəsarətinə söykənə bilər, lakin qorxan bir insan ancaq hiyləgərliyinə bel bağlaya bilər. İnsan nə qədər aşağıdırsa, o qədər hiyləgərdir- nə qədər üstündürsə, o qədər məsumdur.

Müsəlman, xristian, hindu maskasının altındakı  “gerçək insan” eynidir.

Unutma ki, həyatda sadəcə tək bir yalnış var, o da heç hərəkət etməməkdir, sadəcə qorxaraq oturmaqdır, sadəcə hərəkət etdiyin zaman bir şeylərin düzgün getməyəcəyindən qorxmaq, yəni gözləmənin və oturmağın daha yaxşı olduğunu düşünməkdir. Tək yalnış budur. Təhlükədə olmazsan, amma böyümə də olmayacaqdır.

Bir şeyi böyütməmək istədiyin zaman onu sadəcə özünə saxla və o, öz-özünə ölər. Eynilə, laqeyd qalınmış , sulanmamış bir bitki kimi o, durmadan solar və ölər. Elə isə nə zaman gözünə saxta bir şey dəysə, sadəcə onu bir kənara qoy…

Dərinlərdə bir yerdə sevilmək istədiyimi fərq edirəm, deyirsən. Sevilmək istəyirsənsə, sev! Çünki verdiyin hər şey sənə geri qayıdar. Sevilmək istəyirsənsə, sevilmək istəyini unut, sevgi min bir yoldan sənə gələcəkdir. Həyat yansıdar, həyat əks edər, həyat sənin həyata verdiyin hər şeyi geri gətirər. Buna görə də sevilmək istəyirsənsə, istəməyi və sevilməyi unut- o zaman problem bu deyildir. Qayda sadədir: Sev.

Mənim Tanrım xristian deyil, bir hindu, ya da yəhudi də deyil. Mənim tanrım bir fərd deyil, yalnız varoluşdur. O, çiçəkdən çox qoxuya bənzəyər. Qoxunu duyarsan, amma yaxalaya bilməzsən. Onunla dolub daşarsan amma sahiblənə bilməzsən. Mənim təsəvvürüm və təcrübəmdəki Tanrı, sinaqoqlarda, məbədlərdə , məscidlərdə, kilsələrdə, Himalaylarda, monastrlarda axtarılmaz. O, oralarda deyil. O, daima buradadır. Və sən davamlı olaraq, başqa bir yerlərdə Onu axtarırsan. Tanrı, həyat ilə eyni anlamdadır. Tanrıdan başqa bir şey yoxdur.

Siyasətçilər, uğurlu cinayətkarlar, cinayətkarlar isə uğursuz siyasətçilərdir. Cinayətkarlar da güc və etibar sahibi olamq istəmiş lakin uğursuz olmuşlardır. Lakin, siyasətçinin onlardan yeganə fərqi, uğurlu olmasıdır.

Özünü, öz şüurunu, öz varlığını yaratmağın yanında, şeir yazmaq, musiqi bəstələmək bir heçdir.

Bir dəfə yaşamın nə olduğunu bildiyin zaman, ölümün var ola bilməz. Ölüm, sadəcə, sən yaşamın nə olduğunu bilmədiyin zaman var, çünki, hələ yaşamın, onun ölümsüzlüyünün fərqində deyilsən. Yaşama toxunmamısan, bu səbəbdən  ölüm qorxusu mövcuduur. Bir dəfə həyatın nə olduğunu bildiyin zaman, tam da o zaman, ölüm, varoluşsal olmayan bir hala gəlmişdir.

Daha çox yaşa və daha intensiv  bir biçimdə yaşa. Təhlükəli yaşa. Onu sənə öyrədilmiş olan heç bir axmaq şey üçün fəda etmə. Bu sənin həyatındır: Yaşa onu! Onu kəlmələr, nəzəriyyələr, ölkələr və siyasətçilər üçün fəda etmə. Onu heç kim üçün fəda etmə. Yaşa onu! Ölməyin cəsur bir hərəkət olduğunu düşünmə. Tək cəsarət, həyatı bütünüylə yaşmaqdır, başqa cəsarət yoxdur.

Əgər sən fərqindəliklə yaşasan, hər gün sənin üçün qızıl bir  fürsətə çevriləcək. Hər şey sənin fərqindəliyinə bağlıdır.

Həyatı bütünüylə yaşa.  Və dünyada yaşamaq onun bir parçası olmaq deyildir. Su zanbağı kimi yaşa. O suda yaşayar amma su ona toxunmaz.

Həyatın hər bir anı önəmlidir. Və heç bir an, digərindən daha az ya da daha çox dəyərli sayılmaz. Xoşbəxtliyi tapmaq üçün müəyyən bir anı gözləmək boş yerədir. Bunun fərqində olanlar, hər anı xoşbəxtliyə çevirə bilərlər. Doğru fürsət üçün gözləyənlər isə o fürsətin özünü itirərlər. Yaşamın tamamlanması tək bir dəfəyə əldə edilə bilməz, bu böyük bir yığın deyildir. Əksinə, hər bir anın içində kiçik parçalar halında kəşf ediləcəkdir..

Özünə güvənən insan, bunun gözəlliyini anlayar və görər ki, özünə nə qədər güvənsən, o qədər böyüyərsən. Özünü nə qədər azad edər və rahatlasan, o qədər sakitləşərsən, o qədər soyuqqanlı, səssiz və dinc olarsan. Bu elə gözəldir ki, getdikcə daha çox insana güvənərsən; çünki sən nə qədər güvənsən, dincliyin o qədər dərinləşər; sükunətin varlığının ən dərinlərinə, özünə qədər çatar. Və nə qədər güvənsən, o qədər yüksəklərə çıxarsan. Güvənə bilən insan tez ya da gec, güvənin məntiqini anlayar. Və bir gün bilinməyənə güvənməyi sınamağı qaçınılmazdır.

İnsanları sevə bilsən, demək ki, ilk  addımı atmısan. Lakin bu zavallı dünyada tam əksi gerçəkləşməkdədir. İnsanlar Tanrını sevər və insanları öldürər. Əslində, onlar Tanrını  çox sevdikləri üçün öldürmək məcburiyyətində olduqlarını söyləyərlər. Xristianlar müsəlmanları öldürər, müsəlmanlar xristianları öldürər, hindular müsəlmanları öldürər, müsəlmanlar hinduları öldürər, çünki hamısı Tanrını sevir. Tanrı adına insanları öldürürlər. Onların tanrıları saxtadır. Çünki əgər sənin tanrıların həqiqidirsə, əgər sən Tanrısallığın nə olduğunu həqiqətən bilsən, əgər bir azca da olsa, fərq etmisənsə, Tanrısallığın nə olduğunu bir an olsa belə, anlamısansa, insanları sevəcəksən.

Şəfqət və mərhəmətdən doğan arzunu yerinə yetirmək üçün bütün evren hərəkətə keçər.

Yaşam bir sənətdir. Və insanoğlu, yaşamın həm sənətçisi, həm də alətidir. Özünü tam olaraq necə yaratdısa, elə olacaqdır. İnsanoğlunun hazır olaraq doğulmadığını unutmayın; nə zaman doğuluruqsa, doğulaq.. bizlər, yontulmamış daşlar kimiyik. Və o daşların çevriləcəyi heykəllərin gözəl ya da çirkin olacağını müəyyən edəcək, onları yaradacaq olan da bizlərik.

Özünə yaxşı təsir etmək istəyirsənsə, bir başlanğıc et. Bitmiş hər hansı bir yerdən. Yeni bir başlanğıc.

İnsan başqalarına gülə bilər amma əsla özünə gülə bilməz. Əgər özünə gülə bilirsənsə, ciddiliyin çoxdan yox olmuşdur. Özünə gülmək, eqonu ortadan qaldırar və dünyəvi həyatında səni daha şəffaf, daha qayğısız bir hala gətirər. Əgər özünə gülə bilirsənsə, o zaman başqalarının sənə qarşı gülüşləri səni narahat etməyəcək. Özünə gülməyi öyrən…

Mən sənə cahillik öyrədirəm. Və mən sənə, bir uşaq kimi ol, deyərkən, hər zaman öyrənməyə davam et, heç bir zaman bilgili olma, demək istəyirəm. Bilgi, ölü bir şeydir..öyrənmə, canlı bir prosesdir.

Əgər dünyanı dəyişmək istəsən, öncə özünü dəyişmək məcburiyyətindəsən… İnqilab, ilk öncə sənə gəlməlidir… Sadəcə ondan sonra onu başqalarının qəlbinə yaya bilərsən… İlk öncə sən rəqs etməlisən və ondan sonra bir möcüzə görəcəksən, digərəri də rəqs etməyə başlayıb…

Eşq, ikinizin də eyni sürətlə inkişaf etməyinizi, eyni yüksəkliklərə çatmağınızı və günəş işığında, küləklərin önündə, yağmurların altında birlikdə rəqs etməyinizi istəyər. Bilrikdəliyinizin bir sənət halına çevrilməsi gərəkdir. Eşq, varoluşun içndə yer alan ən gözəl sənətdir.

Sənə çiçəyi verə bilərəm, amma qoxunu necə verə bilərəm. Burnunu təmziləmək və daha duyarlı olmaq məcburiyyətindəsən.

Yaxınlıq yaxşıdır və tək həyat yoldaşına bağlılıq gözəldir. Əgər mümkünsə, tək bir insanı sevirsənsə və bütün həyatını onunla keçirirsənsə, arada böyük bir yaxınlıq doğular və eşq sənə yepyeni üzlərini göstərər. Çox tez-tez partnyor dəyişdirsən, bu mümkün olmaz. Eynilə, bir ağacın yerini tez-tez dəyişdirməyə bənzəyər. O zaman heç bir yerdə kök sala bilməz. Kök salmağı üçün eyni yerdə qalmağı gərəkdir. O zaman dərinlərə enər, güclənər.

Gülə bilməsən, sağlam olsan belə, əvvəl-axır sağlamlığını itirərsən. Gülmək, hər zaman dərmandır.

Qısqanclıq, sadə bir gerçəyi görə bilməməkdir. Sənə, özünü başqalarından aşağı və ya başqalarından üstün bir yerə qoymağın öyrədildi. Və sən, hardasa, bu olan bitənə şüursuz hala gəldin və davamlı olaraq, insanları üstün, alçaq; yaxşı, pis; doğru, yalnış olaraq mühakimə etdin. Mühakimə etmə. Hər kəs sadəcə özüdür. Hər kəsi olduğu kimi qəbul et. Amma bu vəziyyət, yalnız sən özünü olduğun kimi, utanmadan, dəyərsizlik hissi olmadan qəbul etsən, mümkündür. Müqayisə ilə hər iki yöndən də çox uzaqlara getmiş olarsan. Birinci yön, səndən üstün olan insanların bitməyən sırası; digəri isə səndən aşağıda olan insanların sırasıdır. Və sən, ikisinin arasındasan. Sənin, özünü anlayacaq zamanın yoxdur. Sən, önündəki insanın yerini almaq üçün davamlı olaraq bir mübarizə içindəsən və eyni zamanda arxandakı insanı da itələməkdəsən. Rəqabəti burax, qısqanclığı burax. Bu vəziyyət tamamilə anlamsızdır. Buna görə əsla özün ola bilmirsən.

İnsanlar, eşqi bilmədiklərinin fərqində deyillər. Eşq əsla şübhə duymaz, əsla qısqanclıq hiss etməz. Eşq əsla digərinin azadlığına müdaxilə etməz. Eşq əsla digərinə bir şeylər dirəməz. Eşq, azadlıq verər və bu azadlıq, sadəcə birlikdəliyin içində boşluqlar varsa, mümkün ola bilər.

Müqəddəs savaş imiş… Əgər savaşa müqəddəs desən, müqəddəs olmayan nə qalar ki, daha? Heç bir savaş müqəddəs deyil. Din adına savaşa bilərsən amma savaşmanın özü dinin əleyhinədir. Savaş çıxarmaq insan həyatındakı ən çirkin şeydir. Və bu müqəddəs savaş adı arxasında hər şey edilə bilər.. təcavüz, canlı-canlı insan yandırmaq, məsum uşaqları öldürmək, hər şey… Müqəddəs savaş, bütün bunları ört-basdır edən bir termindir…

Bu cür pərişan olmağı necə bacara billirsən? Hər yerdə yağış yağır, sən susamaqdasan. İmkansız olanı bacarırsan. Hər yer aydınlıqdır və sən qaranlıqlarda yaşayırsan. Ölüm bir yerlərdə deyil amma sən davamlı olaraq ölüb durmaqdasan. Həyat bir rəhmətdir, sən isə fəlakətlərdəsən. Daha yaxşı bir yer olmağı üçün dünyaya kömək et. Dünyanı tapdığın kimi tərk etmə… Bir az daha yaxşı, bir az daha gözəl bir yer halına gətirməyə çalış…

Yaşam, qorxunun sona çatdığı yerdə başlayar.
Yaşam, addım atdığın an başlayar.
Yaşam, özünə güvəndiyin an başlayar.

Mən sadəcə bir dostam. Səninlə bir yolda qarşılaşdıq, bir-birimizə yadıq. Səninlə yol getməyimi istəsən, yol gedərəm səninlə… Mən də istəyərəm, mənimlə yol getməyini, birlikdə əylənərik. Amma nə zaman ki sən: “İndi ayrılmaq vaxtıdır” desən, göz yaşı tökmədən, sevinc ilə ayrılmağımızda sənə kömək edərəm. Çünki sən müstəqil biri, özün olacaqsan…

Mən sənə heç bir əxlaq təlimindən bəhs etmirəm. Əxlaq, öz-özünə ortaya çıxan bir şey olmalıdır. Mənim sənə öyrətdiyim şey, birbaşa öz varlığının təcrübə edilməsidir. Daha səssiz, daha hüzurlu, daha sakit olduğun zaman, öz şüurunu anlamağa başladığın zaman, daxili varlığın getdikcə daha mərkəzləndiyi zaman, hərəkətlərin əxlaqını yansıtmağa başlayar.

Əgər eşq yoxdursa, eqo var ola bilər; Əgər eşq varsa, eqo var ola bilməz.

Mən, “Tanrı yoxdur” dediyim zaman, deyirəm ki, “Tanrı kimi bir şəxs yoxdur. Bütün şəxsiyyətlər insan modelidir.” Mən bütün şəxsiyyətləri ortadan qaldırmağını və Tanrını azad buraxmağını istəyirəm. Onu, onun üzərinə yüklədiyin şəxsiyyət əsarətlərindən azad et..

Daha yaradıcı hala gəldikcə daha ilahi bir alarasan.

Bəzən insanlar özlərini bilmək istəyərlər. Bu zaman dərhal kəlmələrin, teoriyaların və ideologiyaların qurbanı olarlar. Əsl olan təcrübədir, ancaq təcrübə etdiyiniz şeyləri həqiqətən qavramış olarsınız.  Bilməklə, bilgi toplamağın ayrı şeylər olduğunu görün. Bilgi toplama, hafizədə yığıb saxlamaqdan başqa bir şey deyildir. Bir kompüter də bunu edə bilər. Bunda, insan olmağın gətirdiyi özəl bir hal yoxdur.

Tələsmə. Çox vaxt tələsmək, gecikməyə səbəb olur.

Biri ilə birlikdə olduğunuz hər anın son ola biləcəyini ağlınızdan çıxarmayın. Bunu önəmsiz detallarla xərcləməyin; gərəksiz problemlər ya da anlaşmazlıqlar yaratmayın. Ölüm yaxınlaşarkən heç bir şeyin önəmi qalmaz. Biri bir şey edər, bir şey söyləyər və hirslənərsiniz; o zaman sadəcə ölümü düşünün, onun nə söylədiyinin nə önəmi qalar? Bəlkə də elə demək istəməmişdir, onu siz elə şərh etmisiniz. Yüz hadisədən doxsan doqquzu fərdin öz şərhidir.

Unutmayın, biri ilə birlikdə olduğunuz zaman o heç də yaşlı biri deyil, çünki, hər şey dəyişməyə davam edər. Eyni çaya iki dəfə rast gələ bilməzsiniz.  Ananızı, atanızı, qardaşınızı, bacınızı, dostlarınızı görməyə gedərsiniz amma onlar dəyişmiş ola bilərlər. Heç bir şey eyni qalmaz. Siz də dəyişdiniz, siz də eyni deyilsiz və onları eyni görə bilməzsiniz.
Əgər bu iki şey yaddan çıxarılmasa, sevgi, ikisi arasında tumurcuqlanar.
Biri ilə görüəşərkən, hər zaman onunla ilk dəfə qarşılaşırmış kimi davranın.
Əslində olan da budur.
O zaman kiçik görüşmə anı çox böyük bir xoşbəxtlik verər.

Bayağı sevgi çox uşaqcadır, o yeniyetmələr üçün yaxşı bir oyundur. Nə qədər sürətlə onun xaricinə çıxa bilsən, o qədər yaxşıdır, çünki sənin sevgin, kor bir bioloji gücdür. Onun, sənin mənəvi inkişafınla heç bir əlaqəsi yoxdur. Buna görə də də bütün sevgi münasibətləri, qəribə bir şeyə çevrilir, çox acı bir hal alar. Son dərəcə cazibədar, son dərəcə həyəcan verici, son dərəcə meydan oxuyucu olan, uğrunda ölə biləcəyin şey… İndi, yenə ölə bilərsən.. lakin onun üçün yox, ondan qurtulmaq üçün!

Eşq, sadəcə azadlıq gətirdiyi zaman doğrudur. Əsarət gətirərsə, zəncirlər yaradıb səni həbs edərsə, eşq deyildir. O tam olaraq eşqin ziddidir. Eşq kimi görünər amma nifrətdir.

Səhər, günün sənə bir fürsət də verdiyini an, minnətdar ol..

Qorxuların, sən onları qoruduğun üçün vardırlar.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +23 (from 23 votes)

Fidan Aslanova

Fitret.az idarəçisi

 
Facebook

ELMLƏ DOLU DÜNYADA ELMSİZ OLMAQ

insanın inşaasıİnsanın ən böyük problemi elmlə əhatələnmiş dünyada elmsiz, informasiyasız qalması, habelə, bunun fərqində belə olmamağıdır. Çünki informasiyanın onun özündə irəliləmə yaratmadığını, hissi ehtiyaclarını qarşılamadığını hiss edən hər şüurlu varlıq bunu dəyişdirmək üçün həsrətlə və səylə, pərdələnmiş gerçək bilginin axtarışına başlayacaqdır. Başlamırsa, demək halından məmnundur, durumunu kafi görməkdədir, bildiklərinin kənarında sonsuz biliklər olduğunu düşünə bilməyəcək qədər  qavrayış sahəsi dardır.

İnsanlıq minlərlə ildir uyudulmaqdadır. Bəzən görə biləcəkləri həqiqətlər açıqlıqla ifadə edilərkən onlar özlərini  bütün bunlardan məhrum buraxmaq inadındadırlar və beləcə həyatlarına davam edərlər. İnsanın ilk yaradılışındakı böyüklüyünü yenidən əldə etməkdə bilgisiz, istəksiz və çətinliklər içində olması, hətta elə şərtləndirilmiş həyata, bir sıra güclərə  aludə olması, Tanrısal məlumatın insanlıq üçün bu günə qədər bildirilmiş informasiyalarla hər şeyin çözüldüyünü, bütün sualların cavab tapdığını, yaşam tərzlərinin qaydasında getdiyini düşünür və buna inanır.

İnsan təmtəraqlı rəhbərlik mərkəzlərində insanlar, bəzəkli geyimlər içindəki nüfuzlar  tərəfindən yönəldilmiş, hər zaman  nəzarət altında tutulmuşdur. Bəzilərinin böyük maraqları üçün, bu dünyanın hər yerində həmin marağa xidmət edən hər təlimdə belədir. İdarə olunan insan, ona təqdim olunanla kifayətlənər, axtarmaq, daha çoxunu istəmək ehtiyacı hiss etməz. Bu da yaradılışın möhtəşəmliyini, ağlasığmaz böyüklüyünü və onu Yaradanın böyüklüyünü görməməzlikdən gəlmək, hətta dolayı yolla şüursuzca inkar etmək deməkdir.

insanlar uyudulmaqdadırAmma, həyat insanın insan modeli olaraq yaradılmadığını, dəyər və funksiya baxımından çox fərqli və böyük olduğunu göstərir. Çağ bunu reallaşdıracaq çağdır, zaman bu zamandır.

İnsanın bu gün iki  DNT  zəncirinə sahib olduğu məlumdur. Elm tərəfindən bu zəncirdəki şifrələr həll edilməyə çalışılır. Elm, əslində  insanın iki yox,  on iki DNT zəncirinə sahib olduğunu deyir.  Başlanğıcı belə möhtəşəm olan insan deyilən varlıq, davam edən zaman içində özünün DNT- nin dağılmasına səbəb olmuş və varlığını iki  DNT-nin şifrələriylə davam etdirməyə məcbur buraxmışdır, buraxılmışdır. Bu əməliyyat əsnasında xüsusi DNT-nin qəlibi insan hüceyrələrində qalmış amma funksiyasını itirmiş və məlumatdan uzaqlaşdırılmışdır. Kainatda var olan hər varlıq bizim kimi maddi qidalarla bəslənməz. Əslində insan da şüur enerjisiylə bəslənməkdədir, amma bədəni onu saf halıyla işləyəcək quruluşda olmadığı üçün maddi bir vasitə istifadə etmək məcburiyyətindədir. Hər canlı özünə görə şüurludur. Halbuki bəzi aktivlərin buna ehtiyacı yoxdur. Saf şüur enerjisi onların qidasıdır. Bu varlıqlar həm işığın həm də qaranlığın varlıqları ola bilər və onlar da təkamül etmək ehtiyacı hiss edirlər.

İnsan irqi, bu dəyişmənin sonunda yalnız həyatda qalacaq və üst məlumatlardan uzaq yaşayacaq dar bir həyatı davam etdirməyə başlamış, bu qıtlıqda özünə verilən məlumatlar nisbətində bir inkişaf içində yaşamağa məcbur buraxılmış yerdə kölələşdirilmişdir. Bu, həmin əməliyyatları edənlər üçün əhəmiyyətli idi, çünki özləriylə eyni məlumatlara sahib olub idarə edildiyini, kölələşdirildiyini fərq edən lakin şüur açıqlığına hələ çatmamış insan ancaq əslindən uzaqlaşdırılaraq nəzarət edilə bilərdi, bu üsul dünyada hələ də etibarlıdır.

1382121632_65Çoxallahlılıq dövrləri insanı kölələşdirərək təbiətdən qoparma, əslində aid olduğu bütünlükdən uzaqlaşdırma və bir fərqli dəyərə tapınmasına yol açma dövrüdür. Göydən gələn tanrılar, işıq toplarıyla, yüksək titrəşmələriylə və möcüzələri ilə insanları təsirləndirdilər. Kimisi insanlığın xeyirinə çalışarkən əksəriyyəti davaçı, qısqanc, mərhəmətsiz, insan qızları ilə əlaqəyə girib gen dəyişmələrinə səbəb olan, duyğudan xəbərsiz, bir-birləriylə belə dolana bilməyən və o günə qədər çox daha yüksək duyğu ilə yaşayan insana, fərdi sahib olma ehtirası səbəbindən onun istəklərini necə əldə edilə biləcəyini aşılayan, ona qazanmaq üçün müharibə etməyi öyrədən, bir-birləriylə də mənfəətləri üçün muharibə etməkdən çəkinməyən insan beyninin yaratdığı qəribə tanrılar.

İlk tanrıların bu gün dünya üzərində təsvirlənmiş heç bir görünüşləri yoxdur. Onlar ilk mədəniyyətləri qurmuş amma o böyük mədəniyyətlər keçmişin ani qaranlıqlarında itmişdir. Misal, Atlantidadakı Mu və Lemurya. Əvvəlki böyük mədəniyyətin bu gün cənub buzlaqları altında olduğunu izah edir. Bəlkə də qütb dəyişməsində buzlaqlar əriyib bəzi qalıqlar aşkara çıxdığında, insanlıq keçmişinin daha köhnə dövrlərinin yaxın şahidi olacaqdı. Bilinən tariximizdəki tanrılar əvvəl yaradılışı zənginləşdirmək, sonra da onun möhtəşəmliyini öz xidmətlərində istifadə üçün gəlmişlər. Əslində, bu gün onların  çoxu heç də tapınılacaq olmayan varlıqlardır. “Amma, insandan çox daha güclü və fərqli xüsusiyyətləri var, elə isə onlar tanrıdırlar!” Bu anlayışı ustaca insanların zehninə işlədilər və manipulyasiyaya başladılar. Halbuki insanı sevgisiylə ən mükəmməl şəkildə yaradan İlk Yaradıcı Tanrı bu gün də  bilinməyən Tanrıdır. Mifologiya, iz buraxmaq istəyən çox tanrılı dövrün insanlığa özünü unutdurmamaq üçün hədiyyəsidir.

Adəm və Həvva“Adəm və Həvva” hekayəsindəki “insanlığın böyük enişi” bəhsilə DNT-nin dağıdılmasına səbəb olan dövrün – insanların bütün yüksək xüsusiyyətlərini itirdiyi zamanın başlanğıcı, cənnətdən qovulmaq simvolu ilə – insanın yüksək tezliklərdə, gərçək məlumatlardan məhrum buraxılması və yenidən ilk yaradılışındakı mükəmməlliyə çata bilməsi üçün maddi dünyada təcrübələrə girişməsini izah edər. Biz Adəm və Həvva simvolunun məhsullarıyıq. Məlumatlar, on üçüncü Adəm və Həvva nəsli olduğumuzu söyləyir. Adəm və Həvva Yaradılış planının dünya üzərindəki qadın və kişi enerji təcrübə fiqurlarının əsl olan yaradıcı, enerjinin iki qütbünün bütünləşdiyində meydana gələcək üçüncü bir yüksək nöqtənin əldə edilməsi üçün ahəng və tarazlıq içindəki aktdır.

Bu zamanda insanlıq bədənsəl və ruhi sistemsəl yardımlarla reallaşacaq on iki zəncirli xüsusi DNT- sinə qovuşmaq üçün hazırlanmadadır,  Zehni, bədənsəl və duyğu ölçüsündə reallaşan bu hazırlıq, enerjiyə qarşı olan zehinlərdə böyük təxribat edərkən onu qarşılamaq və bəzəmək üçün lazım olan addımları atan varlıqlara yalnız sevinc və sevinc gətirəcək. Bunun üçün – insanın qaranlıqdan və sərhədlənmiş həyatdan xilas olması üçün insanlığa çox şey öyrədilməkdədir. Gələcək olan işıqdır, çünki işıq məlumatdır, qaranlıq məlumat yoxluğudur.

Dəyişməlidir insan! – ilk yaradılışındakı özə qovuşmaq üçün!  O bilinməyən Tək Tanrı bunu murad etmişdir və buna görə də insanın yaradıcı (inşaedici ) tanrılara insanın orjinala  dönməsini təmin edilməsi üçün insanların onlara inanmasına icazə vermişdir.

Kiçik hərflə yazılan tanrı, O bilinməyən Tək Tanrı deyil. Ondan işıqlanan yaradıcı varlıqlardır, eynilə insana da başda verilmiş olan işıq kimi…

Mənbə: http://www.dostsite.org
Hazırladı:  Fidan Eyvazzadə

Beyenmeler
0   1  
VN:F [1.9.16_1159]
Rating: +14 (from 14 votes)

Fidan Eyvazzadə

Fitret.az yazarı. Müəllim.

 
Facebook