FRENSİS BEKON

Frensis Bekon ( 1561-1626)  ingilis filosof, elm adamı, vəkil, hüquqçu, dövlət adamı və yazıçı. Frensis Bekon, kraliça 1-ci EliFrancis Baconzabeth-in baş prokuroru Nicholas Bekonun oğludur. Hər nə qədər Frensis Bekonun şöhrəti atasının şöhrətini kölgədə qoysa da, Nikolas Bekon da dövrünün məşhurlarından olmuşdur. Frensis Bekon, 12 yaşında daxil olduğu Trinity College, Kembricdə sxolastik fəlsəfə ilə tanış oldu və sxolastik fəlsəfəyə əleyhdar baxışlarının toxumları ilkin olaraq burada atıldı.1576-cı ildə hüquq təhsili almağa başladıqdan sonra Fransadakı ingilis səfirinin yanında çalışmaq üçün təklif aldı. Təklifi qəbul edərək təhsilinə ara verdi və Fransaya getdi. Bekon, fəlsəfəyə olan sevgisinin artmağa başladığı bu dövrdə (1579) atasının gözlənilməz ölüm xəbərini aldı. Pulsuz halda İngiltərəyə qayıtdığında edə biləcəyi tək şey hüquq təhsilinə davam etmək oldu. Təhsilini tamamladıqdan sonra vəkillik etməyə başladı. Bekon, uşaqlığından bəri alışdığı lüks həyat üçün darıxırdı, buna görə də vəkillik edərkən bir yandan da siyasi bir kariyera üçün çalışdı. Beləcə, 1584-cü ildə parlamentə seçildi.

Bacon-un fəlsəfəsinin mərkəzində elm var. Elmin insanları aydınlatma və inkişaf etdirmə funksiyasını önə çıxarmışdır. Bekona görə elm, təbiətin özünə yönəlməlidir. Təbiəti, təcrübə ilə qavramağa çalışmışdır. Praqmatizm ( Faydalılıq; Doğruluğu və həqiqəti tək tərəfli olaraq sadəcə fəaliyyətlərin nəticələri ilə dəyərləndirən və onlara yalnız fayda baxımından baxan axın) ilə nəticələnəcək olan təcrübə təməlinə söykənən İngilis fəlsəfəsinin ilk toxumlarını atmışdır. Bekona görə elmin başlıca üsulu, induksiya üsuludur( Ayrı-ayrı faktlardan ümumi nəticələr, mülahizələr çıxarma üsulu).

Bekon, əsərləri ilə elmin və fəlsəfənin  inkişafını göstərmiş, təbiət və ağıl arasında bir bağ qurula biləcəyi fikrini yerləşdirmişdr.

Bekonu siyasət və fəlsəfə sahələri xaricində, ədəbiyyat sahəsində də böyük bir şöhrətə və önəmə qovuşduran əsəri  şübhəsiz ki, “Essays”- ( “Oçerklər”) dir. 1597-ci ildə ilk dəfə nəşr olunan bu əsəri,  sonralar genişləndirilmiş bir şəkildə 1612 və 1625-ci ildə təkrar olaraq nəşr edildi. Yalın və aydın izahı ilə yanaşı  zəkalı bir şəkildə yaradılmış kompleks formaları da ehtiva edən bu əsəri, Bekonu İngilis ədəbiyyat tarixinin məşhur simlarından birinə çevirmişdir. “Oçerklər”, bir çox fərqli mövzuda Bekonun fikirlərində gəzişməyimizi təmin edən, onu və düşüncə biçimini anlamağımıza imkan verdiyi kimi, gündəlik yaşayışımız baxımından da dəyərli nəsihətlərə və düşüncələrə sahib olan önəmli bir əsərdir.

“Oçerklər” üzərində bir neçə nöqtədə dayanmalı olsaq, bunlardan ən önəmlisi, “Oçerklər” dəki əxlaq fəlsəfəsidir. Xristian əxlaq quruluşunun uzağında olan, daha makyavelist ( Makyavelizm-siyasətdə əxlaq yoxdur, hər şey məqsəd üçündür.)   bir əxlaq baxışı öndədir. Yenə də dolu bir makyavelist reaksiyadan daha çox , ənənəvi xristian əxlaqı ilə makyavelsit reaksiyanın arasında daha barışdırıcı və miyanə bir əxlaq quruluşu gözə çarpır.

“Oçerklər” dən artıqlaması ilə anladığımız qədəriylə, Bekonun ideal idarəçilik sistemi mütləqiyyətdir( tək hakimiyyətlilik). Lakin onun mütləqiyyət anlayışı, orta çağdakından bir az daha fərqli, bəlkə də filosof-krala daha yaxın bir anlayışdır.

Bekon, “Oçerklər” də gənclikdən dostluğa, dostluqdan siyasətə, siyasətdən psixologiyaya qədər çox geniş bir yelpik içində bir çox fərqli baxış təqdim etmişdir.

SÖZLƏRİNDƏN:

Yalanlamaq və rədd etmək üçün oxuma! İnanmaq və hər şeyi qəbul etmək üçün də oxuma! Danışmaq və nitq söyləmək üçün də oxuma! Ölçüb-biçmək, müqayisə etmək  və düşünmək üçün oxu!

Əgər bir insan  bir işə qəti olaraq, mən bilirəm iddiası ilə başlayarsa, sübhə ilə son tapar. Lakin əgər o şübhə ilə başlamağa razı olsa, sonda həqiqəti tapacaq.

Əşya üzərində çalışmaq yerinə, hər kəsin özünə görə istədiyi mənanı verdiyi kəlmələr üstündə dalaşırıq.

Bizi güclü edən yediklərimiz yox, həzm etdiklərimizdir. Bizi varlı edən qazandıqlarımız yox, mühafizə etdiklərimizdir. Bizi bilgili edən oxuduqlarımız yox, başımıza yerləşdirdiklərimizdir.

Oxumaq insanı doldurar, insanlarla danışmaq üçün hazırlayar, yazmaq isə yetkinləşdirər.

Ağıllı adam, tapdığından daha artıq fürsət yaradan adamdır.

Köhnəlmənin gözəlliyi, özünü dörd şeydə göstərir. Yandırmaq üçün saxlanılmış odun, içmək üçün illərlə qalmış şərab, güvənmək üçün köhnə dostlar, oxumaq üçün də köhnə yazarlar ən yaxşısıdır.

Bilgi gücdür.

Sınayın, sınayın, sınamadan heç bir şeyə inanmayın.

Yalnız özünü düşünən insan, yumurtasını bişirmək üçün qonşusunun evini yandırar.

İncəsənət,  təbiətə əlavə edilmiş insandır.

Hazırladı: Fidan Aslanova

VN:F [1.9.16_1159]
Rating: +13 (from 13 votes)

Fidan Aslanova

Fitret.az idarəçisi

 
Facebook

BRUCE LEE-DƏN 20 HƏYAT DƏRSİ

1Bilgi sizə güc verər, lakin hörməti xarakterinizlə qazanarsınız.

2. Hər zaman ÖZÜNÜZ olsun, ÖZÜNÜZÜ ortaya qoyun və ÖZÜNÜZƏ inancınız olsun. Qətiyyən çöl dünyadan müvəffəqqiyyətli bir şəxsiyyət seçib, onu təqlid etməyə çalışmayın!

3. Ən sərt ağac, eyni zamanda ən asan qırılan ağacdır. Buna baxmayaraq bambuk və söyüd ağacları, küləkdə  əyilərək həyatda qalmağı bacarırlar.

4. Bir şeyi sahiblənmə duyğusu, ilk öncə beyində başlayar.

5. Acılar ən yaxşı təlimçidir. Göz yaşı, teleskopdan daha uzaq üfüqləri göstərər.

6. Konsentrasiya, bütün üstün qabiliyyətlərin təməlidir.

7. Özünü tanımağın ən yaxşı yolu, başqaları ilə birlikdə fəaliyyətə keçməkdə yatır.

8. Məğlubiyyət, sadəcə bir ruh halından ibarətdir. Uduzmağı bir həqiqət olaraq qəbul etmədiyi təqdirdə heç kim həqiqətən məğlub sayılmaz.

9. Əgər bir şeyi çox fikirləşməyə başlasanız, heç vaxt reallaşdıra bilməzsiniz. Hədəfinizə doğru ən azından hər gün bir qərarlı addım atın.

10. Sadəlik, əzəmətin açarıdır.

11. Qorxu, naməlumluqdan irəli gəlir və içimizdəki qorxunu ancaq özümüzü daha yaxşı tanıyaraq məğlub edə bilərik.

12. Asan bir həyat diləməyin, çətin olana dözə biləcək güc istəyin.

13. Ölümsüzlüyə gedən yol, xatırlanmağa dəyər bir həyat yaşmaqla başlayar.

14. Fiziki ya da başqa cür, əgər etdiyiniz hər şeyə bir məhdudiyyət qoysanız, bu bir müddət sonra işinizə və bütün həyatınıza yayılar. Limit deyə bir şey yoxdur; sadəcə irəliləmənin dayandığı nöqtələr var və bu nöqtələr qalmaq üçün yox; onları keçmək üçündür.

15. Müəllim sizə həqiqəti təqdim edən adam deyil. O sadəcə bir bələdçidir. Hər bir şagird, onun işarə etdiyi bir gerçəyi özü tapmalıdır.

16. Faydalı olan nə varsa, mənimsəyin; olmayanları isə həyatınızdan çıxarın. Və bu düstura tamamilə özünüzə xas olan bir şeylər də əlavə edin.

17. Niyyətiniz üzməyi öyrənməkdirsə, birbaşa suya dalın. Quruda dayanmağa davam etdiyiniz təqdirdə heç bir düşüncə sizə kömək edə bilməz.

18. Həyatı sevirsinizsə, vaxtınızı boş yerə xərcləməyin. Çünki həyat zamandan ibarətdir.

19. Səhvlər bağışlanmaz deyil; təki, onları qəbul edəcək cəsarətiniz olsun.

20. Hər birimizin içində döyüşdüyümüz şeytanlar var. Bunlar qorxu, nifrət və hirsdir. Bu şeytanları məğlub edə bilməsək, 100 illik həyat bir tragediyadan ibarətdir. Yox, əgər qalib gəlməyi bacarsaq, tək günlük bir həyat belə zəfər sayılır.

Hazırladı: Fidan Aslanova

VN:F [1.9.16_1159]
Rating: +23 (from 23 votes)

Fidan Aslanova

Fitret.az idarəçisi

 
Facebook

FƏLSƏFƏNİ SEVMƏK ÜÇÜN 10 SƏBƏB

Əsrlər öncə Aristotel, insanların fəlsəfə ilə məşğul olmaq məcburiyyətində olduğunu irəli sürmüşdür. Bu gün isə, Amerikalı filosof Martimer Adler, “fəlsəfə hər kəsin işidir”, deyərək, Aristotelin mühakiməsini təkrar edir. Bu mühakimələrdən yola çıxaraq, biz də deyirik ki, fəlsəfə, həyatımızın bir parçasıdır. O zaman, ön mühakimələrimizdən qurtularaq qapımızı fəlsəfəyə açmalı və şüurlu olaraq fəlsəfə etməliyik.

Fəlsəfəni incələmək və sevmək üçün bir çox səbəb var. Bunları, qısaca olaraq, bu cür yekunlaşdıra bilərik:

Fəlsəfə, “müdriklik-hikmət sevgisi” mənalarını ehtiva edir.
Düşünmənin sistematik yoludur, yolda ( bilgi yolu ) olmaqdır. Düşünmə və sual vermək sənətidir. Filosof, bir şeyləri özünə dərd edər və sorğulayar. Sokratın da dediyi kimi: “Sorğulanmamış həyat, yaşamağa dəyməz.”

Fəlsəfə, zehni zənginləşdirər; çünki fəlsəfə oxuyan insan, bir çox bilgi növünü də incələmək məcburiyyətindədir.
Fəlsəfi sualları verə bilməsi üçün, insan, mövzudan xəbərdar olmalıdır. Filosof, bilgini səthi deyil, dərindən təhlil edər. Heç kimin ağlına gəlməyən, əhəmiyyət verilməmiş- sorğulanmağa dəyər görməmiş detalları belə sorğulayar.

Hər kəsin, həyat haqqında müəyyən bir dünyagörüşü, düşüncəsi və sualı vardır.
Filosofun sualları, gündəlik suallardan fərqlidir: Sistemlidir. İnsanın sualları, uşaqlıqda başlayar. Bəziləri, zamanla sual verməyi buraxıb, özünü həyatın axarına buraxar. Bəziləri isə, sualların arxasınca gedər; bu sualların müşayiəti ilə həyatına bir istiqamət verər. Fəlsəfə, bizi yenidən uşaqlıq dövrümüzdəki maraq ruhuna aparar.

Fəlsəfə, fərdi həyatlarımızı zənginləşdirər.
Dünyamızı genişləndirər. Yeni dərinliklər qazanar, yüni üfüqlərə açılarıq. Yeni fikirlər, bizim üçün təhlükəli ola bilər; çünki, bizi sabit fikirli, sakit həyatdan ayırıb, fırtınalı bir həyata sürükləyə bilər. İnsan, ancaq bunu gözə alarsa, hədəfinə çatması mümkün olar.

Fəlsəfə, problemləri həll etməkdə bizə kömək olar.
Filosoflar, “bilgi bilgisizlikdən yaxşıdır, şüur məsumiyyətdən daha dəyərlidir” prinsipinə bağlıdır. Doğruluqla yalnışlıq, gerçək ilə gerçək olmayan arasındakı fərq haqqında açıq bir fikirə sahib olmalıyıq. Fəlsəfə, bizi yalnış olanı təsdiqləməkdən, əhəmiyyətsiz-bəsit şeylərlə kifayətlənməkdən qoruyar. Bunu təmin edən şey, bilgiləri kor-koranə qəbul etmək ya da sorğulayıb mühakimə etmədən qəbul etmək deyil. Onu təmin edən şey; tənqidi şəkildə ayırd etməyimizi təmin edən fərziyyələrin, üsulların və meyarların, israrla və sistematik bir şəkildə ararşdırırlıb tədqiq edilməsidir.

Fəlsəfə, insanların gündəlik həyatlarına dair anlayışımızı zənginləşdirər. Öz həyatımızdakı peşə məqsədləri, əxlaqi dilemmalar və dini bağlanmalar kimi əhəmiyyətli problemlər mövzusunda rasional qərarlar verməyimizə imkan verər.

Fəlsəfə, inanclarımızı diqqətli bir şəkildə araşdırmağımızda, onların doğruluğunu göstərməyimizdə bizə kömək edər.
Beləcə, bağlılıqlarımızın köklərinə enməyə  köməkçi olar. Ön mühakimələrin və alışılmış inancların tiranlığı, sorğulanmamış sabit və qatı inancların qarşısında, insanı azadlaşdırar.

Fəlsəfə, ön fərziyyələri və dəyər mühakimələrini fərq edib tanıya bilməyimiz üçün müəyyən duyğular, düşüncələr və vərdişlər qazandırar. Şeylərin “necə”sini bilməyin xaricidə, şeylərin, “nə üçün” ünü soruşar, çünki bilməklə kifayətlənməz, anlamaqla da maraqlanar.

Fəlsəfə, insana, tutarlı bir şəkildə, müzakirə ustalığı qazandırar.
Filosof, müzakirə edərkən, qarşısındakının fikirlərinə, baxışlarına hörmətsizlik edib, onu təhqir etməz. Bu ustalıqdan istifadə edərək bir çox sahədə müvəffəqqiyyətli ola bilər. İnsan mövcudluğunun təbiəti haqqında qazandıqları qavrayışları, sənət sahəsində də istifadə edən filosoflar, bu sahədə də olduqca müvəffəqqiyyətli olmuşdur.

Fəlsəfə, bəlkə bizə daha yaxşı bir iş imkanı təqdim etməz, amma daha yaxşı-keyfiyyətli bir həyat təqdim edər.
Yaşadığımız şeylərin fərqindəliyinə vararaq yaşayarıq. Bir çox filosof yoxsul olaraq yaşamış, bəziləri isə düşüncələrinə görə mühakimə olunmuşdur. Amma Sokratın da dediyi kimi: “Ən əhəmiyyətli şey, həyat yox, yaxşı həyatdır.”

Fəlsəfə, ön mühakimələrimiz səbəbi ilə uzaq durmalı olduğumuz  bir şey deyil, əksinə, həyatımızın hər sahəsində, faydalanmalı olduğumuz bir şeydir.

Mənbə:  hepsi10numara.com
Müəllif: Safure Nermin Öz
Hazırladı: Fidan Aslanova

VN:F [1.9.16_1159]
Rating: +9 (from 9 votes)

Fidan Aslanova

Fitret.az idarəçisi

 
Facebook

YAZIÇI OLMAQ İSTƏYƏNLƏRƏ…

Nə qədər çox oxusanız, o qədər çox yazmağa hazır bir vəziyyətə gələrsiniz.

Nə qədər çox oxusanız, o qədər çox yazmağa hazır bir vəziyyətə gələrsiniz.

Yazı yazmaq, artıq insanlar arasında çox geniş yayılıb. Bir çox yazıçılar bu vəziyyətdən şikayət edərək, “Hər əlinə qələm alan özünü yazıçı hesab edir” deyirlər. Lakin mən bu fikirdə deyiləm. Çünki yazmağın da insanlar üçün bir ehtiyac olduğuna inanıram. Kimisi gündəlik yazaraq, kimisi dəftərinə qeydlər edərək, kimisi şeir yazaraq bu ehtiyacını ödəməyə çalışır. Bunun heç bir pis tərəfi yoxdur. İçində yazmaq duyğusu olan, qələmlə, kəlmələrlə arası yaxşı olan və “Necə yazıçı ola bilərəm?” deyə soruşan dostlara tövsiyyələrim bunlardır:

OXUMALI – Yazıçı olmaq üçün yazmalı, deməliydim, hə? Xeyr, öncə oxumalı. Yazıçılıq bir stəkan kimidir. Doldurmamış boşaldacağınız bir şey olmaz. Nə qədər çox oxusanız, o qədər çox yazmağa hazır bir vəziyyətə gələrsiniz. Yazıçı ayrı-seçkiliyi etməyin və hər kəsdən bir şeylər oxumağa çalışın.

ARAŞDIRMALI – Yaxşı bir yazıçı, eyni zamanda yaxşı bir araşdırmaçıdır.  Bir mövzunu yazarkən yaddaşındakı məlumatlarla kifayətlənməz. Hər zaman dəyişik məlumatlarla yazısını zənginləşdirər. Yerli, xarici.. tapa biləcəyi bütün mənbələrdən edilən bir araşdırmadan sonra yazılan yazı da dadından doyulmaz.

QEYD ETMƏLİ – Yaxşı yazıçı qələmi və dəftəri öz yanından ayırmaz. Hər zaman ağlına gələnləri qeyd edər. Hətta yuxudan oyananda yuxusunda xatırladıqlarını  qeyd edər. Qələmi yoxdursa, telefonuna qeyd edər. O da olmadı, telefonuna səsini yazar. Yəni nə olursa olsun, qeydini edər. Bu qeydləri də edərkən zamanı gələndə yaxşıca istifadə edər.

MÜŞAHİDƏ ETMƏLİ – Yaxşı yazıçı həm də gözünü dörd açan bir insandır. Baxmaqla görmək arasındakı fərqi anlamış bir şəkildə dünyadakı hər canlını, hər hadisəni, hər hissi görər. İnsanların baxışlarından hekayələr alar. Quşların, çiçəklərin, ulduzların söylədiyi hər şeyi yaddaşına yazar.

DİNLƏMƏLİ –Bir yazıçının ən böyük zənginliyi başqa insanların hekayələridir. O hekayələrdən şeirlər yazılar, romanlar yazılar, kəlmələrlə can verilər. Xüsusilə, uşaqların və yaşlıların dünyaları sehrlidir. Onları dinləmək füsrəti olduğu zaman dərhal “dinləmə rejiminə keçilməli” və hər şey zehinə qeyd edilməlidir.

BİLGİSEVƏR OLMALI- Neçə yazıçılar tanıyıram, ensiklopediyaları, lüğətləri əllərindən yerə qoymazlar. Ensiklopediya və lüğət səhfələrində müthiş bilgilər gizlidir. Həyat boyu eşitmədiyiniz bir kəlməyə bir lüğət səhfəsində rast gələ bilərsiniz. Buna görə də yaxşı yazıçı olacam, deyən hər bir kəs bilginin arxasınca qaçmalı..əlindən lüğət, ensiklopediya əskik olmamalıdır.

GƏZMƏLİ – Çox yaşayanmı, çox gəzənmi, deyə soruşurlar hər zaman, məncə gəzərkən oxuyan çox bilər. Yaxşı bir yazıçı, gəzib dolaşmalı, bir yandan da gəzdiyi yerlərin bilgilərini oxumalı, insanlarla danışmalı, hekayələr yığmalıdır.

DANIŞMALI- İnsanların, hekayələrini danışmaqlarına imkan yaratmağın yolu təbii ki, qarşılıqlı söhbətdən keçir. Elə bir insan yoxdur ki, beş dəqiqəlik səmimi bir söhbətdən sonra bülbül kimi həyatını danışmağa başlamasın. Elə isə, danışın, danışın, danışın. Binanın qapıçısı ilə, avtobusun sürücüsü ilə, qapı önündə söhbətləşən xalalarla , dayanacaqda gözləyən şagirdlərlə..tələbələrlə,  kimi tapsanız. Danışın və danışılan kəlmələri yazıçılıq heybənizə atıb gözlədin.

PAYLAŞMALI: Yazıçılığa namizəd olan biri hər zaman başqalarının hekayələrinin arxasınca düşməməlidir. Öz hekayələrini də paylaşmalıdır. Dostlarına, tanışlarına, ailəsinə və oxucularına danışdıqca danışmalıdır. İnsan danışdıqca hekayəsinin içində gizlənən bir çox detalın fərqinə varar. Bu incə detallar hekayələrin əsl gözəllikləridir.

NİZAMLI OLARAQ YAZMALI : Və yuxarıda saydığımız hər şey edildisə, növbə gəlib çatdı, yazmağa. Yazmaqdan maksimum nəticə almaq istəyiriksə, nizamlı olaraq yazmalıyıq. Könlümüzə düşdükcə yox, bəlli bir intizamda yazılmalıdır. Qələm və kəlmələr yazıçını yox, yazıçı onları idarə etməlidir. Əlbəttə ki, iç səsimiz çox önəmlidir, amma o səsin də bir nizama salınmağı gərəklidir.
Nizamlı olaraq yazmağa başlayanda, onsuz da  bir müddət sonra yazmağın gözəlliyi sizi heyran edəcək. Zaman keçdikcə də özünüzdəki inkişafı görəcəksiniz. Məsələn, bir iki il əvvəl yazdığınızı bəyənməyəcəksiniz. Bu, yazıçılıq yolunda durmadan irəlilədiyinizi göstərən bir vəziyyətdir.
Yazdıqdan sonra yazılarınızı yoxlamağı, yaxşıca gözdən keçirməyi unutmayın. Məncə, yaxşı yazıçı, gəldiyi kimi yazan yox, gələnləri yaxşı bir süzgəcdən keçirən yazıçıdır.

Yazmağı sevən, yazıçı olmaq istəyən bütün namizədlərə bol kəlmələr, cümlələr, durğu işarələri arzu edirəm.

Müəllif: Adem Özbay
Hazırladı: Fidan Aslanova

VN:F [1.9.16_1159]
Rating: +21 (from 23 votes)

Fidan Aslanova

Fitret.az idarəçisi

 
Facebook

KONFUTSİDƏN İNCİLƏR

İntiqam səfərinə çıxacaqsansa, özün üçün də bir məzar qaz.

Xeyirxah bir insan özünü yetişdirərkən başqalarını da yetişdirmək istər. Öz bilgisini genişləndirərkən başqalarının bilgisini də inkişaf etdirməyə çalışar.

Susmaq, insanı ələ verməyən sadiq bir yoldaşdır.

“Ağıl… Mehribanlıq… Cəsarət…” Bunlar insanın, dünyanın hər yerində qəbul edilmiş üç mənəvi dəyəridir.

Gülərüz olmayan bir adam, dükan açmamalıdır.

Köhnəni canlandır, amma yenini də bil, bax o zaman öyrədici ola bilərsən.

Öyrətmək iki dəfə öyrənmək deməkdir.

Ətraflı çalış, doğru bir şəkildə araşdır, diqqətlə düşün, düşündüklərini nəzərdən keçir və tətbiq et.

Həyat həqiqətən sadədir,  amma biz onu qarmaqarışıq etməkdə israr edirik.

Bir insanın özünü reallaşdırması, özünü digərlərinə həsr etmə biçimidir.

Nümunəvi insanlar yumşaq xasiyyətlidir və hirsdən qaçınar ..!

Geniş məlumatı olmaq, sağlam və içdən bir məqsədi olmaq, ciddi olaraq araşdırmaq, dərin- dərin düşünmək: Bax, ərdəm bunların içindədir.

Kimin doğru olduğunu müzakirə etməyin, nəyin doğru olduğuna qərar verin.

Hər kəs evinin önünü süpürsə, küçələr təmiz olar.

Məndə 1 yumurta var, səndə də 1 yumurta var. Mən sənə 1 yumurta versəm, sən də mənə bir yumurta versən, məndə 1 yumurta ,səndə 1 yumurta olar. Məndə 1 bilgi var, səndə 1 bilgi var. Mən sənə 1 bilgi versəm, sən də mənə 1 bilgi versən, məndə 2 bilgi, səndə də 2 bilgi olar.

Bəli, qoyun hər gün yenilik olsun.

Tanrım, mənə kitabla dolu bir ev, çiçəklə dolu bir bağça ver.

Yaxşılığı yaxşılıqla, pisliyi də ədalətlə qarşıla.

Öyrənmə prinsipi insanın təmiz fitrətini ortaya çıxarmaq, insanlara yeni həyat vermək və nəhayət yaxşıya və doğruya çatmaq deməkdir.

Sevdiyiniz peşəni seçin. Beləcə bir gün belə işləmək məcburiyyətində qalmazsınız.

Şagirdlərindən biri Konfutsiyə, “Ölüm nədir?” deyə sual verəndə, Konfutsinin, şagirdinə cavabı belə olub: “Həyat haqqında nə bilirsən ki, sənə ölümdən bəhs edim?”

Həyat yoldaşı seçmək, kitab seçməyə bənzəyir; Yaxşı hazırlanmış bir üz qabığı və cild marağınıza səbəb ola bilər, amma məzmunu sağlam deyilsə,sonunu gətirmək çətindir.

Hazırladı: Fidan Aslanova

VN:F [1.9.16_1159]
Rating: +41 (from 41 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus