İŞ AXTARANLARA 10 TÖVSİYYƏ

İş axtaranlara tövisyyələr1. Nə istədiyinizə qərar verin: Necə bir iş istəyirsiniz? Tam zamanlı, yoxsa part-time-lı bir iş? Təhsil aldığınız sahədə, yoxsa xəyallarınızdakı işdə? Təcrübəli olduğunuz sahədə, yoxsa yepyeni bir sahədə? Pul qazanmaq üçün, yoxsa pulu hələlik ikinci planda saxlayıb təcrübə qazanmaq üçün? Kariyera qurmaq üçün, yoxsa günün ehtiyaclarını ödəyə bilmək üçün? Bunu müəyyən etdikdən sonra addımlarınızı o istiqamətdə atın.

2. Özünüzü, müəyyən bir sahə ilə məhdudlaşdırmayın: Sahib olduğunuz qabiliyyət və təcrübələrinizi zənn etdiyinizdən daha çox sahədə istifadə edə bilərsiniz. Bu sahələri araşdırın, müraciət yelpiyinizi genişləndirin.

3. Ətrafınızı məlumatlandırın: Yoldaşlarınıza, qohumlarınıza, dost-tanışa iş axtardığınızı bildirin. Əvvəlki iş və ya məktəb ətrafınızdan insanlarla əlaqə saxlayın. Onların işləri haqqında məlumat əldə edin. Bütün bu kəslərə necə bir iş axtardığınızı və uyğun bir iş olduğu zaman sizə xəbər vermələrini söyləyin. Heç ümid etmədiyiniz bir yerdən sizə uyğun iş xəbəri gələ bilər.

4. CV-niz vitrindir, onu maraqlı hala gətirin:  CV’nizi alt- alta darıxdırıcı maddələrdən ibarət olan bir sənəd olmaqdan qurtarın.  Fərqli CV nümunələrini araşdıraraq sizi ən yaxşı yansıdanı seçim edin.  Müraciət edəcəyiniz firmaların siyasətinə görə fərqli CV’lər hazırlamaqda fayda var. Rəsmiyyətə əhəmiyyət verən firmalar üçün siz də rəsmi biİş axtaranlara tövsiyyələrr CV hazırlayın. Eyni zamanda reklamçılıq və ya  dizayn şirkətinə də müraciət edəcəksinizsə, bura üçün yaradıcılığınızı ön plana çıxaracaq, canlı və rəngli bir CV’niz olmalıdır.

5. İş axtarış platformanızı geniş tutun: Qəzet elanlarını, internetdəki onlarla iş axtarış saytını dəyərləndirin. Buralara CV qoyun, yeni və yenilənən elanları nizamlı olaraq təqib edin. İşi çox istədiyiniz və mövqeyi üçün tamamilə uyğun olduğunuzu düşündüyünüz firmaların insan qaynaqları birliyi ilə görüş təyin edərək birbaşa əlaqə saxlaya bilərsiniz.

6. Müraciət etdiyiniz firmaları diqqətlə seçin:  Meyarlarınıza və təcrübələrinizə uyğun firmalara müraciət edin. Sizə uyğun olmadığını düşündüyünüz firmalara CV göndərmək vaxt itkisidir. Qəbul edilsə belə istəmədiyiniz bir işdə çalışmaq sonralar  böyük problemlərə yol aça bilər.

7.Özünüzü davamlı olaraq inkişaf etdirin: Bir-iki ay iş tapa bilmədiniz,  deyək. Dərhal ümidsizliyə qapılmayın və bu müddəti özünüzü inkişaf etdirib CV’nizi zənginləşdirmək üçün bir fürsət olaraq görün. Sahənizlə əlaqədar kurs, seminar və konfranslara qoşulun, kitablar oxuyun. Daha sonra bu təcrübələrinizi CV’nizə əlavə edərək firmalara bir daha göndərin. İnternet saytlarındakı CV’lərinizi də bu istiqamətdə yeniləyin.

8. Özgüvən sahibi olun:  İş görüşməsində içiİş axtaranlara tövsiyyələrnizə qapanıq, utancaq və istəksiz bir görünüş sərgiləməyin. Bu işi həqiqətən istədiyinizi və təcrübələrinizə güvəndiyinizi müəyyən edən bir rəftar ortaya qoyun. (Çox da özündən razı bir halda olmadan, təbii ki!) İşin detalları ilə əlaqədar suallar soruşun. Müsbət istiqamətlərinizi vurğulayın. O işi sahiblənin.

9. Recycling istəyin: Görüş etdiyiniz firmadan,”biz sizinlə əlaqə saxlayarıq” kimi bir cavab alsanız,  qəbul edilmədiyiniz təqdirdə də səlahiyyətlilərdən sizinlə əlaqə saxlamalarını və bunun səbəblərini bildirməklərini istəyin. Bu, sonrakı müraciətlərinizdə nələrə diqqət etməyiniz lazim olduğunu və əskikliklərinizin nələr olduğunu görmək mövzusunda sizə köməkçi olar.

10. Buraxmayın:  Bu günün müvəffəqiyyətli iş sahibləri ilk işlərinə girmək, ilk müvəffəqiyyətlərini əldə etmək üçün heç də asan yollardan keçmədilər . İş tapmaq prosesinin asan bir proses olmadığını, aylarla davam edə biləcəyini bilin. Səbirli olun.

Mənbə: www.kigem.com
Hazrıladı: Fidan Aslanova

Beyenmeler
0   2  
VN:F [1.9.16_1159]
Rating: +10 (from 10 votes)

Fidan Aslanova

Fitret.az idarəçisi

 
Facebook

CV NECƏ TƏRTİB EDİLİR

CV- CURRİCULUM VİTAE (TƏRCÜMEYİ-HAL). Hansı kariyeranı seçirsinizsə seçin, CV-ni ən başdan düzgün hazırlamaq sizə böyük bir üstünlük verəcəkdir. Bildiyimiz kimi minlərlə məzun iş bazarına eyni zamanda daxil olur, dolayısı ilə sizin ayırd edici bir yönünüzün olmağı lazım gəlir. CV-niz potensial bir iş verənin diqqətini çəkmək və bir müsahibə təyin etmək üçün istifadə etdiyiniz bacarıqlarınızın, uğurlarınızın və təhsilinizin xülasəsisdir. Hazırlayacağınız CV-ni oxuyan insanın məşğul bir insan olduğunu düşünərək iki səhfədən daha uzun yazmayın. Bundan başqa CV hazırlayarkən aşağıdakı qaydalara da riayət etməyiniz tövsiyyə edilir:

  • Yazı qaydaları və durğu işarələrinə diqqət edin.
  • Xüsusiyyətləriniz və təcrübələriniz barədə qətiyyən yalan deməyin.
  • Dil və kompüter kimi bacarıqlarınızı qeyd edin.
  • Sürücülük vəsiqənizin olub olmadığını bildirin.
  • Fotonuzu mütləq əlavə edin. ( Fotonun sadə olmasına diqqət edin. “Məni görünüşümə görə yox, biliklərimə əsasən qiymətləndirməlidirlər” kimi yersiz fikirlərdən tamamilə qaçının. CV-ə qoyulan foto, sizi yansıdan önəmli nöqtələrdən biridir.)
  • Evlilik vəziyyətinizi qeyd edin.
  • Əvvəlki işlərinizdə nə qədər maaş aldığınızı və bu işdən olan maaş tələbinizi yazmayın.
  • CV-ni kompüterdə yazın, beləcə lazım gələndə asanlıqla yeniləyə bilərsiniz.
  • Ad, familiya, adres və telefon nömrənizi yazmağı unutmayın.
  • Bəzəkli yazı şriftlərindən istifadə etməyin. İstifadə etdiyiniz şrift , açıq, oxuna bilən olsun.

A4 formatlı vərəqin sağ tərəfində foto, fotonun solunda isə:  Ad, familiya, ata adı, doğulduğunuz tarix, hal-hazırda yaşadığınız yer , əlaqə vasitələri olaraq mobil və ev telefonu, poçt adresləriniz;  ailə vəziyyəti (evli, subay), hərbi status ( əsgərlik xidmətinin olub olmaması) qeyd edilməlidir. Daha sonra isə  təhsil; dil və kompüter bilgiləri; ixtisasla bağlı bilgilər; iş təcrübəsi; getdiyiniz kurs və bu kimi fəaliyyətlər; xobbiləriniz və şəxsi keyfiyyətləriniz ( bunlar barədə çox uzun və xeyli dərəcədə əsas məqsədə yönəlik olmayan şəkildə yazmayın) göstərilməlidir.

CV-ni həm doğma, həm də xarici dildə hazırlayın. Xarici dilə önəm verən iş yerləri üçün bu dildə hazırladığınız CV-ni göndərin.

Bəzi iş yerlərinin tələbləri arasında  CV ilə yanaşı,   niyə müraciət etdiyinizi açıqlayacağınız  bir “Ön yazı” da göstərilə bilər.

Ön yazının başlığını “Hörmətli səlahiyyətli şəxs” deyə başlaya bilərsiniz. Sonu isə “Diqqətiniz üçün təşəkkür edirəm. Hörmətlə X” kimi bitirilə bilər.

Ön yazı CV-ə nisbətən daha “səmimi” yazılır. Ön yazıda müraciət etdiyiniz yerə necə faydalı olacağınız,  bu işi nə üçün istədiyiniz, özünüzü hansı mövzularda inkişaf etdirdiyiniz barəsində, hansı şəxsi keyfiyyətlərinizin və qabiliyyətlərinizin  bu işə faydalı olacağını düşündüyünüzü, hədəfləriniz barəsində qısa və aydın bir şəkildə yazmalısınız. Lakin ön yazı yazarkən CV- dəki bütün məlumatları təkrar yazmağa çalışmayın. Ön yazıda,  önə çıxarmaq, vurğulamaq istədiyimiz nöqtələr və sırf işlə bağlı olan şeylər haqqında  qısaca bildirilməlidir.

Müxtəlif qaynaqlardan CV və “Ön yazı” nümumələrini incələməyi də unutmayın.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +9 (from 9 votes)

Fidan Aslanova

Fitret.az idarəçisi

 
Facebook