“SANDIQ”LARIM

Xüsusi

savaş“SANDIQ”LARIM…

Mən sandım ki, bütün uşaqlar həmişə xoşbəxt olur… müharibənin ortasında ölüm qalım savaşı verən uşaqları görənə qədər..
Mən sandım ki, müharibələrdə ancaq haqsız tərəf itki verir..
Mən sandım ki, bütün atalar hamıdan güclüdür, “şəhid” atasının çarəsizliyini görənə qədər..
Mən sandım ki, anamı kimsə üzə bilməz, mənim ağladığımı görüb nə qədər üzüldüyünü görənə qədər..
Mən sandım ki, təsir həmişə əks təsirə bərabərdir, təsirin təsirsiz qaldığını görənə qədər..
Mən sandım ki, kimsə bir-birini incitmək istəmir..
Mən sandım ki, incidən hər kəs könül almasını da bilir..
Mən sandım ki, hər şey həmişə pis getməyə də bilər..
Mən sandım ki, dəyər verdiyi qədər dəyər görər insan, dəyər verdikcə dəyərsizləşdirənləri görənə qədər..
Mən sandım ki, hər kəs hər şeyi edər deyə bir şey yoxdur.. Bəzi insanlar bəzi şeyləri etməyəcək qədər çox sevir bizi..
Mən sandım ki, sevgi olan yerdə maneələr toz yığını qədər mənasızdır..
Mən sandım ki, “sevirəm” deyən hər kəs həqiqətən sevir..
Mən sandım ki, hiss edilməyən heç bir duyğu dilə gətirilmir..
Mən sandım ki, gerçək duyğuların olduğu yerdə “söz vermək” deyə bir şeydən söhbət gedə bilməz..
Mən sandım ki, bəzi insanlar “SÖZ”süz güvəniləcək qədər etibarlıdırlar..
Mən sandım ki, hesablamalar ancaq mühasiblərin işidir, münasibətlərdə “hesab-kitab” söhbəti olmur..
Mən sandım ki, “doğma olmaq ” qan qohumu olmaqla əlaqəli deyil.. Nə “doğma”lar var “yad” olduğumuz..
Mən sandım ki, əsl dostluqlar heç bitmir.. Ən yaxın dostumun mənə ayıracaq vaxtının olmadığını görənə kimi..
söz verməkMən sandım ki, tarix heç vaxt təkrarlanmır, eyni zərbəni eyni insandan təkrar- təkrar alana qədər..
Mən sandım ki, həyat bu qədər bəsit deyil.. bir gün hər kəs bunu anlayacaq..
Mən sandım ki, bir güllə də bahar olur.. yetər ki, “gül”üşümüz solmasın..
Mən sandım ki, qaranquş həmişə baharın xəbərçisidir, onun mənə payızı yaşatdığını görənə qədər..
Mən sandım ki, insan ancaq fiziki və zehni işləməkdən yorulur.. düşündüklərimin məni taqətdən saldığını görənə kimi..
Mən sandım ki, küsülü olsa belə sevdiklərim yenə məni düşünür, mənim onları düşündüyüm kimi.. )
Mən sandım ki, insan məfhumu 30% cisim, 70% ruhdan ibarətdir..
Mən sandım ki, dar günündə yanında olduğun insanlar xoş günlərində səni silib atmır..
Mən sandım ki, bəzi insanlar gülüşümdən daha dəyərlidir, məni ağladıb başqaları ilə gülə bildiklərini görənə qədər..
Mən sandım ki,insan özünü ancaq düşməndən qorumalıdır..
Mən sandım ki, bir gün hər kəs dəyişər, hər şey dəyişər,dünya tərsinə dönər amma bəziləri həmişə istisna olaraq qalar..
Mən sandım ki, həyat nə qədər çətin olsa da yenə də gözəldir..
Mən sandım ki, ölümlər ancaq cismən baş verir, ruhumu öldürənləri görənə qədər..
Mən sandım ki, ən çətin anlarda filmlərdəki kimi kimsə çıxıb bütün bunların zarafat olduğunu deyəcək..
Mən sandım ki, baş qəhrəmanlar nağıllarda olduğu kimi sonda xoşbəxt olur..
Sandım ki, həyat da nağıllar kimi “Happy End” ləri sona saxlayır. .
Mən sandım ki, qarşılıq görməyən bütün hisslər sönür, qarşılıq gözləmədən sevdiklərim gözümün önünə gələnə qədər..
Və Mən sandım ki, bütün bu “SANDIQ”larım hər kəs üçün keçərlidir, onların yalnız mənim “UTOPİYAM “da real olduğunu görüb məyus olana qədər..

Müəllif: Esmira Talıbova

Beyenmeler
0   6  
VN:F [1.9.16_1159]
Rating: +22 (from 22 votes)

Psixoloq Rübabə

Fitret.az idarəçisi. Psixoloq.

- Sayt ünvanı

PABLO PİKASSO: DAHİ RƏSSAMDAN HƏYATİ MƏSLƏHƏTLƏR

Biz hamımız, məşhur rəssam Pablo Pikassonun adını tanPablo Pikasso: Dahi rəssamdan həyati məsləhətlərıyırıq, o, 20-ci əsrin ən özünəməxsus dahilərindən biridir. O, bir çox sınaqlardan çıxmışdır- yoxsulluq və zənginlik, müharibə və sülh, qadın diqqəti və ümumdünya şöhrəti, 2009-cu ildə Forbes jurnalı, onu dünyanın son 100 il ərzində yaşamış ən yaxşı rəssamı adlandırıb.

Onun uğurunun tarixini yəqin ki, təkrarlmaq qeyri-mümkündür, amma Pikassodan öyrənəsi çox şey var. Bu dəfə sizə dahi ustaddan yaşayıb, yaratmaq ilə bağlı məsləhətlər təqdim edirik.

1. Etmək üçün inanmaq lazımdır.

“Bacaracağına inanan hər kəs, bacara bilir. Bacarmayacağını düşünənlər isə bacara bilmir. Bu, təkzibedilməz və dəyişilməz bir qanundur.”

İnanclar, düşüncə tərzi, fəaliyyətin nəticəsini müəyyən edir, onu nəzarətdə saxlayır. Əgər siz hesab etsəniz ki, bu sizdə alınmayacaq, onda təhtəlşüurda, qeyri iradi olaraq həyəcanlamağa, hətta bilmədən səhv etməyə də başlayacaqsınız. Digər tərəfdən, əgər siz düşünsəniz ki, sizdə alınacaq, onda sizin beyniniz başqa istiqamətdə işləyəcək və onda beyniniz kədərlənmək və şikayətlənmək öz faliyyətini problemin həllinə yönəldəcək. Nəticədə isə problemin həll yolları və imkanları öz-özünə ortaya çıxmağa başlayacaq ki, yağışdan sonra hər yerdə göbələklər çıxır.

2. Öz bilik və bacarıqlarınızın sərhədlərini genişləndirin.

“Mən həmişə bacarmadığım işləri də görürəm ki, yeni nəsə öyrənim.”

İnkişaf üçün özünü qabağa itələmək lazımdır. Bu bir az qorxulu görünə bilər. Sizə bu məsələ ilə bağlı verə biləcəyim ən yaxşı məsləhət belə səslənir: Bacarmadığınız bir işi görəndə, özünün mümkün qədər məhz indiki zamanda, olduğunuz anda hiss edin, gələcək barədə düşüncələrə çox qapılmayın. Bu ciddi şəkildə neqativ həyəcanları və narahatlığı azalda bilər. Sizin şüurununzda və vücudunuzda belə bir fikirlər olmayanda isə diqqəti cəmləmək asanlaşır və siz yaxşı nəticələr əldə edir, yekunda isə öyrənmək istədiyinizi mənimsəmiş olursunuz.

3. İlham pərisini gözləməyin, başlayın.

“İlham pəriləri mövcuddur, amma onlar həmişə iş əsnasında gəlir.”

Bəli, ilham və ya ilham pəriləri deyilən anlayış mövcuddur, amma o sizi mütləq iş başında yaxalamalıdır. “Lazımı” anın yetişməsi üçün küllü miqdarda vaxt itirməyin, əlbəttə ki, ilham pərisi lütf edib təşəbbüs buyursa, lap gözəl, yaradın! Amma yalnız bu möcüzəvi varlığın fəaliyyət müddəti ilə özünüzü məhdudlaşdırmayın. Bəzən özünü, xüususi bacarıq tələb etməyən və sadəlövhcəsinə ilham pərisinin dəstəyini gözləməyə ehtiyacın olmadığı işləri görməyə məcbur etməlisən. İlham pərisi ədviyyat kimidir, ondan lap azacıq lazımdır, amma o, hər şeyi dəyişməyə qadirdir.

4. Daha çox və daha çox hərəkət edin.

“Sabaha yalnız ölənə kimi görmək istəmədiyiniz işləri saxlayın. Hərəkət- uğurun əsas açarıdır.”

Hərəkət olmasa, istənilən bir informasiya faydasızdır. Bu şəxsi inkişafın o hissəsidir ki, adətən onu yaddan çıxarır, ya da ona məhəl qoymurlar. Bəzən sizə elə gələ bilər ki, hərəkətə başlamaq çətindir, ya da indi “həmin an” deyil. Amma daha çox etmək vərdişi çox şeyi dəyişə bilər. Bu nəticələrə nail olmaq üçün ən effektiv vasitədir. Hərəkət prosesində siz özünüzü daha yaxşı tanıyır, dünyagörüşünüzü formalaşdırır və öz sahənizin praktikada üzə çıxan xüsusiyyətlərini mənimsəyirsiniz.

5. Düzgün suallar verin.

“Məndən öncəkilər olanları görür və soruşurlar ki, niyə bu var? Mən isə ola biləcəkləri görür və soruşuram ki, niyə də yox ( niyə də olmasın?)

Özünə yalnış suallar vermək çox asandır. Elə suallar ki, onların cavabları sizin səriştəsiz, axmaq və səhv olduğunuzu bir daha təsdiqləyəcək. O suallar ki, sizi yüksəltmək əvəzinə daha da batıracaq. Pozitiv suallar verin, elə suallar ki, imkanlar qapısını bağlamaq əvəzinə , üzünzə açsın.  Demək olar ki, siz istənilən bir situasiyada özünüzə belə bir sual verə bilərsiniz: bu təcrübənin yaxşı tərəfi nə idi?  Bu minnətdarlıq hissi vasitəsi ilə öz əhval-ruhiyyəni və fikirləri pozitivə doğru dəyişmək üçün yaxşı bir üsuldur.

6. Mühakimə etməyin və siz gizli gözəlliyi görəcəksiniz.

Bu günlə, indiki məqamla yaşayın- onda siz daha az analiz edəcək, az mühakimə edəcək və beyninizi mənasız tapşırıqlar ilə çətinə salmayacaqsınız. Hazırkı anla yaşadıqda ədət etdiyiniz dünya qeyri-adiləşir. Siz ağaclarda, təbiətdə, insanlarda daha çox rənglər və canlılıq görürsünüz. Sizə sıravi, labüd və əhəmiyyətsiz görünən hər şey, birdən birə heyranedici və dəyərli olur, sanki siz dünyaya daha aydın şəkildə baxırsınız.

7. Hələ həyata sevinməyə gec deyil.

“Gəncliyin yaşı yoxdur.”

İctimai fikrə, sizə nəyi edib, nəyi edə bilməyəcəyinizi diktə etməyə imkan verməyin, əgər məsələ, təkcə yaş fərqidirsə. Əksər hallarda, yaş sadəcə sizin beyninizdəki bir qeyddir. Əgər siz öz həyat xəttinizə bir zaman kəsiyi kimi baxsanız, onda nəyisə dəyişmək üçün həqiqətən gec ola bilər. Amma əgər, siz daha çox indiki zamanla yaşamağı öyrənsəniz, belə fikirlərin əksəriyyəti sadəcə qüvvədən düşür, siz başa düşürsünüz ki, şüurlu şəkildə istədiyinizi seçə və edə bilərsiniz. Elə indi.

Mənbə: İsmayıl Vəliyev – “Özünü kəşf et” kitabı.
Hazırladı: Fidan Aslanova

Beyenmeler
0   7  
VN:F [1.9.16_1159]
Rating: +13 (from 13 votes)

Fidan Aslanova

Fitret.az idarəçisi

 
Facebook

OŞODAN SEÇMƏLƏR

Sevgi

“Üsyankar ruh” ya da “provokativ mistik” kimi də bilnən Oşo, 1931-ci ildə Hindistanda dünyaya gəlmişdir. Uşaqlıq yaşlarından etibarən, başqaları tərəfindən verilən bilgilər və inancları qəbul etməkdənsə, gerçəkliyi özü təcrübə etməkdə israrçı olan üsyankar bir ruhu vardı. Bu vəziyyəti özü belə dilə gətirir: “Uşaqlığımdan xatırlaya bildiyim qədəriylə sadəcə tək bir oyunu sevdim: Müzakirə etməyi, hər şey haqqında müzakirə etməyi… Çox az yetkin insan  mənə dözə bilirdi. Məni qətiyyən anlamırdılar. Məktəbə getmək heç marağımda deyildi. Ora, ola biləcək ən pis yer idi. Sonda getməyə məcbur oldum, amma əlimdən gəldiyi qədər müqavimət göstərdim, çünki orada sadəcə mənim maraqlandığım şeylərlə maraqlanmayan uşaqlar var idi və mən də onların maraqlandığı şeylərlə maraqlanmırdım. Buna görə də hər zaman qrup xaricində qaldım.”

1990-cı ilə qədər davam edən həyat yolçuluğu müdəttində bütün dünyayı yerindən oynadacaq ifadələri və inkişaf etdirdiyi meditasiyaları ilə günümüzdə hələ də aktuallığını qoruyan qeyri-adi bir şəxsiyyət olan və Bhagwan Shree Rajneesh adıyla da bilinən Oşo, din, fəlsəfə, psixologiya, siyasət və insanı maraqlandıran bir çox sahədə hər cür ənənəni təməldən sarsıdan şərhləriylə böyük maraq və  reaksiyalar toplamışdır. İyirmi bir yaşında universitet təhsilini tamamlayan Oşo, Jabalpur Universitetində illərlə fəlsəfə dərsləri vermişdir. Eyni zamanda da bütün Hindistanı gəzib söhbətlər etmiş, xalqa açıq müzakirələrdə mühafizəkar dini liderlərə meydan oxumuş, ənənəvi inancları sorğulamış və həyatın bütün sahələrindən insanlarla bir araya gəlmişdir.

SEÇMƏLƏR: 

Çıx bayıra! Dünya çox gözəldir, macəra doludur… Bu bir dəvətdir, sənə dəyər qatar. Qorxusuzca çıx bayıra… İtirəcək bir şey yoxdur. Hər şey qazanmaq üçündür… Və qətiyyən soruşma: “Kim mənim gerçək dostumdur” deyə… “Mən kiminsə gerçək dostuyammı” deyə soruş. Doğru sual budur. Daima özünlə əlaqəli ol. Kəşf et, özünü… Əks halda, hələ özünü belə bilməyən başqa insanların fikirlərinə bağlı qalacaqsan. Bu həyatda, səni maraqlandırmalı olan tək fikir, öz haqqındakı fikrin olmalıdır.

Qapını aç. Təzə hava içəri girəndə, təhlükələrin də içəriyə girməyi üçün hər cür ehtimal mövcuddur.  Dost gəldiyi zaman düşmən də gələr, çünki, gündüz və gecə birlikdə içəriyə girər, acı və zövq birlikdə içəriyə girər, yaşam və ölüm birlikdə içəriyə girər. Acıdan qorxma, əks təqdirdə anesteziya altında yaşayacaqsan.

Zehnində bir çox insanla rastlaşarsan: “Din adamı, müəllimlər, dostlar, qonşular, qohumlar…”  Onlarla dalaşmağına ehtiyac yoxdur. Sadəcə bu səsin, sənin səsin olmadığını bilməyin kifayətdir. Başqa  birinin səsidir, o… Hər kimindirsə, o, başqa biridir. Nəticəsi hər nə olursa, olsun: “Yaxşı ya da pis” onu təqib etməməlisən. Onu dinləmədiyin zaman özün qərar verərək hərəkət edirsən. Yetkinləşməyə qərar verirsən. Bir uşaq olaraq qaldığın, bəsdir ! Bu qədər asılı qaldığın, bəsdir! Bəsdir, bütün bu səsləri dinləyib durduğun…

Uşaqlığından bəri davamlı olaraq,  “qızıl gül çox gözəl bir çiçəkdir, əla bir çiçəkdir” sözlərini eşidirsən. Buna görə də bir qızıl gül gördüyün zaman, dərhal düyməsinə basılmış bir kompüter kimi, “bu çox gözəldir”, deyirsən. Bunu həqiqətən hiss edirsənmi? Bu sənin içindən gələn duyğulardırmı? Əgər deyilsə, söyləmə. Bir şeyi hiss etmirsənsə, qətiyyən söyləmə.

Yetkin bir zehnin tək bir sualı var : “ Kiməm mən?”

Savaş problem deyil, problem, fərdi təcavüzkarlıqdır. Savaş, sadəcə, fərdi təcavüzkarlığın toplamıdır. Sən etiraz yürüşləri etməkdə ol və savaş dayandırılmaycaq.  Əyləncəni sevən bir neçə insan var, onları hər hansı bir etiraz yürüşündə tapa bilərsən.

Zehin, sadəcə bir aynadır, xəzinəni yansıtmaqdadır, amma öz içində bir xəzinə deyil. Xəzinə, zehnin arxasındadır, sənin öz mənliyindir.

Beyin yumaq, cinayət deyil. Cinayət, insanların zehnini kirlətməkdir.

Hiyləgərlik, qorxudan qaynaqlanır. Buna görə də, insan nə qədər qorxu içində olarsa, o qədər hiyləgər olduğunu görəcəksən. Cəsur bir insan, hiyləgər deyil, cəsarətinə söykənə bilər, lakin qorxan bir insan ancaq hiyləgərliyinə bel bağlaya bilər. İnsan nə qədər aşağıdırsa, o qədər hiyləgərdir- nə qədər üstündürsə, o qədər məsumdur.

Müsəlman, xristian, hindu maskasının altındakı  “gerçək insan” eynidir.

Unutma ki, həyatda sadəcə tək bir yalnış var, o da heç hərəkət etməməkdir, sadəcə qorxaraq oturmaqdır, sadəcə hərəkət etdiyin zaman bir şeylərin düzgün getməyəcəyindən qorxmaq, yəni gözləmənin və oturmağın daha yaxşı olduğunu düşünməkdir. Tək yalnış budur. Təhlükədə olmazsan, amma böyümə də olmayacaqdır.

Bir şeyi böyütməmək istədiyin zaman onu sadəcə özünə saxla və o, öz-özünə ölər. Eynilə, laqeyd qalınmış , sulanmamış bir bitki kimi o, durmadan solar və ölər. Elə isə nə zaman gözünə saxta bir şey dəysə, sadəcə onu bir kənara qoy…

Dərinlərdə bir yerdə sevilmək istədiyimi fərq edirəm, deyirsən. Sevilmək istəyirsənsə, sev! Çünki verdiyin hər şey sənə geri qayıdar. Sevilmək istəyirsənsə, sevilmək istəyini unut, sevgi min bir yoldan sənə gələcəkdir. Həyat yansıdar, həyat əks edər, həyat sənin həyata verdiyin hər şeyi geri gətirər. Buna görə də sevilmək istəyirsənsə, istəməyi və sevilməyi unut- o zaman problem bu deyildir. Qayda sadədir: Sev.

Mənim Tanrım xristian deyil, bir hindu, ya da yəhudi də deyil. Mənim tanrım bir fərd deyil, yalnız varoluşdur. O, çiçəkdən çox qoxuya bənzəyər. Qoxunu duyarsan, amma yaxalaya bilməzsən. Onunla dolub daşarsan amma sahiblənə bilməzsən. Mənim təsəvvürüm və təcrübəmdəki Tanrı, sinaqoqlarda, məbədlərdə , məscidlərdə, kilsələrdə, Himalaylarda, monastrlarda axtarılmaz. O, oralarda deyil. O, daima buradadır. Və sən davamlı olaraq, başqa bir yerlərdə Onu axtarırsan. Tanrı, həyat ilə eyni anlamdadır. Tanrıdan başqa bir şey yoxdur.

Siyasətçilər, uğurlu cinayətkarlar, cinayətkarlar isə uğursuz siyasətçilərdir. Cinayətkarlar da güc və etibar sahibi olamq istəmiş lakin uğursuz olmuşlardır. Lakin, siyasətçinin onlardan yeganə fərqi, uğurlu olmasıdır.

Özünü, öz şüurunu, öz varlığını yaratmağın yanında, şeir yazmaq, musiqi bəstələmək bir heçdir.

Bir dəfə yaşamın nə olduğunu bildiyin zaman, ölümün var ola bilməz. Ölüm, sadəcə, sən yaşamın nə olduğunu bilmədiyin zaman var, çünki, hələ yaşamın, onun ölümsüzlüyünün fərqində deyilsən. Yaşama toxunmamısan, bu səbəbdən  ölüm qorxusu mövcuduur. Bir dəfə həyatın nə olduğunu bildiyin zaman, tam da o zaman, ölüm, varoluşsal olmayan bir hala gəlmişdir.

Daha çox yaşa və daha intensiv  bir biçimdə yaşa. Təhlükəli yaşa. Onu sənə öyrədilmiş olan heç bir axmaq şey üçün fəda etmə. Bu sənin həyatındır: Yaşa onu! Onu kəlmələr, nəzəriyyələr, ölkələr və siyasətçilər üçün fəda etmə. Onu heç kim üçün fəda etmə. Yaşa onu! Ölməyin cəsur bir hərəkət olduğunu düşünmə. Tək cəsarət, həyatı bütünüylə yaşmaqdır, başqa cəsarət yoxdur.

Əgər sən fərqindəliklə yaşasan, hər gün sənin üçün qızıl bir  fürsətə çevriləcək. Hər şey sənin fərqindəliyinə bağlıdır.

Həyatı bütünüylə yaşa.  Və dünyada yaşamaq onun bir parçası olmaq deyildir. Su zanbağı kimi yaşa. O suda yaşayar amma su ona toxunmaz.

Həyatın hər bir anı önəmlidir. Və heç bir an, digərindən daha az ya da daha çox dəyərli sayılmaz. Xoşbəxtliyi tapmaq üçün müəyyən bir anı gözləmək boş yerədir. Bunun fərqində olanlar, hər anı xoşbəxtliyə çevirə bilərlər. Doğru fürsət üçün gözləyənlər isə o fürsətin özünü itirərlər. Yaşamın tamamlanması tək bir dəfəyə əldə edilə bilməz, bu böyük bir yığın deyildir. Əksinə, hər bir anın içində kiçik parçalar halında kəşf ediləcəkdir..

Özünə güvənən insan, bunun gözəlliyini anlayar və görər ki, özünə nə qədər güvənsən, o qədər böyüyərsən. Özünü nə qədər azad edər və rahatlasan, o qədər sakitləşərsən, o qədər soyuqqanlı, səssiz və dinc olarsan. Bu elə gözəldir ki, getdikcə daha çox insana güvənərsən; çünki sən nə qədər güvənsən, dincliyin o qədər dərinləşər; sükunətin varlığının ən dərinlərinə, özünə qədər çatar. Və nə qədər güvənsən, o qədər yüksəklərə çıxarsan. Güvənə bilən insan tez ya da gec, güvənin məntiqini anlayar. Və bir gün bilinməyənə güvənməyi sınamağı qaçınılmazdır.

İnsanları sevə bilsən, demək ki, ilk  addımı atmısan. Lakin bu zavallı dünyada tam əksi gerçəkləşməkdədir. İnsanlar Tanrını sevər və insanları öldürər. Əslində, onlar Tanrını  çox sevdikləri üçün öldürmək məcburiyyətində olduqlarını söyləyərlər. Xristianlar müsəlmanları öldürər, müsəlmanlar xristianları öldürər, hindular müsəlmanları öldürər, müsəlmanlar hinduları öldürər, çünki hamısı Tanrını sevir. Tanrı adına insanları öldürürlər. Onların tanrıları saxtadır. Çünki əgər sənin tanrıların həqiqidirsə, əgər sən Tanrısallığın nə olduğunu həqiqətən bilsən, əgər bir azca da olsa, fərq etmisənsə, Tanrısallığın nə olduğunu bir an olsa belə, anlamısansa, insanları sevəcəksən.

Şəfqət və mərhəmətdən doğan arzunu yerinə yetirmək üçün bütün evren hərəkətə keçər.

Yaşam bir sənətdir. Və insanoğlu, yaşamın həm sənətçisi, həm də alətidir. Özünü tam olaraq necə yaratdısa, elə olacaqdır. İnsanoğlunun hazır olaraq doğulmadığını unutmayın; nə zaman doğuluruqsa, doğulaq.. bizlər, yontulmamış daşlar kimiyik. Və o daşların çevriləcəyi heykəllərin gözəl ya da çirkin olacağını müəyyən edəcək, onları yaradacaq olan da bizlərik.

Özünə yaxşı təsir etmək istəyirsənsə, bir başlanğıc et. Bitmiş hər hansı bir yerdən. Yeni bir başlanğıc.

İnsan başqalarına gülə bilər amma əsla özünə gülə bilməz. Əgər özünə gülə bilirsənsə, ciddiliyin çoxdan yox olmuşdur. Özünə gülmək, eqonu ortadan qaldırar və dünyəvi həyatında səni daha şəffaf, daha qayğısız bir hala gətirər. Əgər özünə gülə bilirsənsə, o zaman başqalarının sənə qarşı gülüşləri səni narahat etməyəcək. Özünə gülməyi öyrən…

Mən sənə cahillik öyrədirəm. Və mən sənə, bir uşaq kimi ol, deyərkən, hər zaman öyrənməyə davam et, heç bir zaman bilgili olma, demək istəyirəm. Bilgi, ölü bir şeydir..öyrənmə, canlı bir prosesdir.

Əgər dünyanı dəyişmək istəsən, öncə özünü dəyişmək məcburiyyətindəsən… İnqilab, ilk öncə sənə gəlməlidir… Sadəcə ondan sonra onu başqalarının qəlbinə yaya bilərsən… İlk öncə sən rəqs etməlisən və ondan sonra bir möcüzə görəcəksən, digərəri də rəqs etməyə başlayıb…

Eşq, ikinizin də eyni sürətlə inkişaf etməyinizi, eyni yüksəkliklərə çatmağınızı və günəş işığında, küləklərin önündə, yağmurların altında birlikdə rəqs etməyinizi istəyər. Bilrikdəliyinizin bir sənət halına çevrilməsi gərəkdir. Eşq, varoluşun içndə yer alan ən gözəl sənətdir.

Sənə çiçəyi verə bilərəm, amma qoxunu necə verə bilərəm. Burnunu təmziləmək və daha duyarlı olmaq məcburiyyətindəsən.

Yaxınlıq yaxşıdır və tək həyat yoldaşına bağlılıq gözəldir. Əgər mümkünsə, tək bir insanı sevirsənsə və bütün həyatını onunla keçirirsənsə, arada böyük bir yaxınlıq doğular və eşq sənə yepyeni üzlərini göstərər. Çox tez-tez partnyor dəyişdirsən, bu mümkün olmaz. Eynilə, bir ağacın yerini tez-tez dəyişdirməyə bənzəyər. O zaman heç bir yerdə kök sala bilməz. Kök salmağı üçün eyni yerdə qalmağı gərəkdir. O zaman dərinlərə enər, güclənər.

Gülə bilməsən, sağlam olsan belə, əvvəl-axır sağlamlığını itirərsən. Gülmək, hər zaman dərmandır.

Qısqanclıq, sadə bir gerçəyi görə bilməməkdir. Sənə, özünü başqalarından aşağı və ya başqalarından üstün bir yerə qoymağın öyrədildi. Və sən, hardasa, bu olan bitənə şüursuz hala gəldin və davamlı olaraq, insanları üstün, alçaq; yaxşı, pis; doğru, yalnış olaraq mühakimə etdin. Mühakimə etmə. Hər kəs sadəcə özüdür. Hər kəsi olduğu kimi qəbul et. Amma bu vəziyyət, yalnız sən özünü olduğun kimi, utanmadan, dəyərsizlik hissi olmadan qəbul etsən, mümkündür. Müqayisə ilə hər iki yöndən də çox uzaqlara getmiş olarsan. Birinci yön, səndən üstün olan insanların bitməyən sırası; digəri isə səndən aşağıda olan insanların sırasıdır. Və sən, ikisinin arasındasan. Sənin, özünü anlayacaq zamanın yoxdur. Sən, önündəki insanın yerini almaq üçün davamlı olaraq bir mübarizə içindəsən və eyni zamanda arxandakı insanı da itələməkdəsən. Rəqabəti burax, qısqanclığı burax. Bu vəziyyət tamamilə anlamsızdır. Buna görə əsla özün ola bilmirsən.

İnsanlar, eşqi bilmədiklərinin fərqində deyillər. Eşq əsla şübhə duymaz, əsla qısqanclıq hiss etməz. Eşq əsla digərinin azadlığına müdaxilə etməz. Eşq əsla digərinə bir şeylər dirəməz. Eşq, azadlıq verər və bu azadlıq, sadəcə birlikdəliyin içində boşluqlar varsa, mümkün ola bilər.

Müqəddəs savaş imiş… Əgər savaşa müqəddəs desən, müqəddəs olmayan nə qalar ki, daha? Heç bir savaş müqəddəs deyil. Din adına savaşa bilərsən amma savaşmanın özü dinin əleyhinədir. Savaş çıxarmaq insan həyatındakı ən çirkin şeydir. Və bu müqəddəs savaş adı arxasında hər şey edilə bilər.. təcavüz, canlı-canlı insan yandırmaq, məsum uşaqları öldürmək, hər şey… Müqəddəs savaş, bütün bunları ört-basdır edən bir termindir…

Bu cür pərişan olmağı necə bacara billirsən? Hər yerdə yağış yağır, sən susamaqdasan. İmkansız olanı bacarırsan. Hər yer aydınlıqdır və sən qaranlıqlarda yaşayırsan. Ölüm bir yerlərdə deyil amma sən davamlı olaraq ölüb durmaqdasan. Həyat bir rəhmətdir, sən isə fəlakətlərdəsən. Daha yaxşı bir yer olmağı üçün dünyaya kömək et. Dünyanı tapdığın kimi tərk etmə… Bir az daha yaxşı, bir az daha gözəl bir yer halına gətirməyə çalış…

Yaşam, qorxunun sona çatdığı yerdə başlayar.
Yaşam, addım atdığın an başlayar.
Yaşam, özünə güvəndiyin an başlayar.

Mən sadəcə bir dostam. Səninlə bir yolda qarşılaşdıq, bir-birimizə yadıq. Səninlə yol getməyimi istəsən, yol gedərəm səninlə… Mən də istəyərəm, mənimlə yol getməyini, birlikdə əylənərik. Amma nə zaman ki sən: “İndi ayrılmaq vaxtıdır” desən, göz yaşı tökmədən, sevinc ilə ayrılmağımızda sənə kömək edərəm. Çünki sən müstəqil biri, özün olacaqsan…

Mən sənə heç bir əxlaq təlimindən bəhs etmirəm. Əxlaq, öz-özünə ortaya çıxan bir şey olmalıdır. Mənim sənə öyrətdiyim şey, birbaşa öz varlığının təcrübə edilməsidir. Daha səssiz, daha hüzurlu, daha sakit olduğun zaman, öz şüurunu anlamağa başladığın zaman, daxili varlığın getdikcə daha mərkəzləndiyi zaman, hərəkətlərin əxlaqını yansıtmağa başlayar.

Əgər eşq yoxdursa, eqo var ola bilər; Əgər eşq varsa, eqo var ola bilməz.

Mən, “Tanrı yoxdur” dediyim zaman, deyirəm ki, “Tanrı kimi bir şəxs yoxdur. Bütün şəxsiyyətlər insan modelidir.” Mən bütün şəxsiyyətləri ortadan qaldırmağını və Tanrını azad buraxmağını istəyirəm. Onu, onun üzərinə yüklədiyin şəxsiyyət əsarətlərindən azad et..

Daha yaradıcı hala gəldikcə daha ilahi bir alarasan.

Bəzən insanlar özlərini bilmək istəyərlər. Bu zaman dərhal kəlmələrin, teoriyaların və ideologiyaların qurbanı olarlar. Əsl olan təcrübədir, ancaq təcrübə etdiyiniz şeyləri həqiqətən qavramış olarsınız.  Bilməklə, bilgi toplamağın ayrı şeylər olduğunu görün. Bilgi toplama, hafizədə yığıb saxlamaqdan başqa bir şey deyildir. Bir kompüter də bunu edə bilər. Bunda, insan olmağın gətirdiyi özəl bir hal yoxdur.

Tələsmə. Çox vaxt tələsmək, gecikməyə səbəb olur.

Biri ilə birlikdə olduğunuz hər anın son ola biləcəyini ağlınızdan çıxarmayın. Bunu önəmsiz detallarla xərcləməyin; gərəksiz problemlər ya da anlaşmazlıqlar yaratmayın. Ölüm yaxınlaşarkən heç bir şeyin önəmi qalmaz. Biri bir şey edər, bir şey söyləyər və hirslənərsiniz; o zaman sadəcə ölümü düşünün, onun nə söylədiyinin nə önəmi qalar? Bəlkə də elə demək istəməmişdir, onu siz elə şərh etmisiniz. Yüz hadisədən doxsan doqquzu fərdin öz şərhidir.

Unutmayın, biri ilə birlikdə olduğunuz zaman o heç də yaşlı biri deyil, çünki, hər şey dəyişməyə davam edər. Eyni çaya iki dəfə rast gələ bilməzsiniz.  Ananızı, atanızı, qardaşınızı, bacınızı, dostlarınızı görməyə gedərsiniz amma onlar dəyişmiş ola bilərlər. Heç bir şey eyni qalmaz. Siz də dəyişdiniz, siz də eyni deyilsiz və onları eyni görə bilməzsiniz.
Əgər bu iki şey yaddan çıxarılmasa, sevgi, ikisi arasında tumurcuqlanar.
Biri ilə görüəşərkən, hər zaman onunla ilk dəfə qarşılaşırmış kimi davranın.
Əslində olan da budur.
O zaman kiçik görüşmə anı çox böyük bir xoşbəxtlik verər.

Bayağı sevgi çox uşaqcadır, o yeniyetmələr üçün yaxşı bir oyundur. Nə qədər sürətlə onun xaricinə çıxa bilsən, o qədər yaxşıdır, çünki sənin sevgin, kor bir bioloji gücdür. Onun, sənin mənəvi inkişafınla heç bir əlaqəsi yoxdur. Buna görə də də bütün sevgi münasibətləri, qəribə bir şeyə çevrilir, çox acı bir hal alar. Son dərəcə cazibədar, son dərəcə həyəcan verici, son dərəcə meydan oxuyucu olan, uğrunda ölə biləcəyin şey… İndi, yenə ölə bilərsən.. lakin onun üçün yox, ondan qurtulmaq üçün!

Eşq, sadəcə azadlıq gətirdiyi zaman doğrudur. Əsarət gətirərsə, zəncirlər yaradıb səni həbs edərsə, eşq deyildir. O tam olaraq eşqin ziddidir. Eşq kimi görünər amma nifrətdir.

Səhər, günün sənə bir fürsət də verdiyini an, minnətdar ol..

Qorxuların, sən onları qoruduğun üçün vardırlar.

Hazırladı: Fidan Aslanova

Beyenmeler
0   7  
VN:F [1.9.16_1159]
Rating: +25 (from 25 votes)

Fidan Aslanova

Fitret.az idarəçisi

 
Facebook

RONDA BERN “SİRR”

RONDA BERN-sirrƏlimdə bir “Sirr” tutmuşam. Ronda Bernin mənə verdiyi “Sirr”i. İnsanlar onlara etibar edilən sirləri saxlamağa çalışar, mən isə bu sirri sizinlə də bölüşmək istəyirəm.

Kitab avstraliyalı televiziya yazıçısı və prodüsseri Ronda Bernin eyni adlı filmi əsasında, mənəvi özünə yardım janrında yazılmışdır.

BU SİRR NƏDİR?

Biz hamımız hədsiz-hüdudsuz gücün qarşılıqlı təsiri sahəsində yaşayırıq. Harada olmağımızdan asılı olmayaraq – biz eyni güclə üzləşirik.
Bu cazibə qüvvəsidir!
Həyatın sirri – cazibə qüvvəsindədir!
* Siz həyatınıza daxil olan hər şeyi özünüz-özünüzə cəzb edirsiniz. Daima ağlınızda tutduğunuz obrazları özünüzə cəzb edirsiniz. Bunlar sizin həyat haqqındakı düşündüklərinizdir. Deməli, ağlınıza gələn hər şeyi özünüzə cəzb edirsiniz.
* Cazibə qanunu bildirir: “Hər tezlik özünə bənzər tezliyi cəzb edir” və bu o deməkdir ki, siz düşünərkən şüalandırdığınız tezlik dalğaları Kainatda olan ona bənzər tezlik sahəsi ilə birləşir.
* Düşüncələr maqnit xassəlidir, onlar xüsusi tezliyə malikdirlər. Siz düşündüklərinizi Kainata göndərərkən, onlar həmin dalğalar tezliyində olan hər şeyi sizə doğru yönəldir. Nə olmasından asılı olmayaraq Kainata göndərilən hər şey, öz mənbəyinə geri dönür, mənbə isə sizsiniz.
* Siz öz fikirlərinizlə müəyyən tezlik translyasiya edən, insan vücudunda yerləşən ötürücü stansiyaya çevrilirsiniz. Əgər həyatınızda nəyisə dəyişmək istəyirsinizsə, düşüncə tərzinizi dəyişərək, başqa tezliyə köklənin.
* Sizin indiki fikirləriniz gələcək həyatınızı qurur. Ən çox nə haqqında fikirləşir və ya diqqətinizi hansı düşüncəyə səfərbər edirsinizsə, onlar mütləq həyatınızda təzahür edəcəkdir.
* Fikirləriniz əşyaviləşəcəkdir.

SİRR SADƏLİKDƏN İBARƏTDİR

* Cazibə qanunu hissiyatsızdır.
* Öz ardıcıl düşüncələriniz vasitəsilə israrla çağırmadığınız müddətcə həyatınıza heç nə daxil olmayacaq.
* Nə düşündüyünüzü bilmək üçün, özünüzdən nə hiss etdiyinizi soruşun. Nə düşündüyümüzü bizə çatdıran ən qiymətli vasitə -emosiyalarımızdır.
* Kefsiz olub eyni zamanda yaxşı şeylər düşünmək mümkün deyil.
* Xoş xatirələr, təbiət mənzərələri, sevdiyiniz musiqi sizin ovqatınızı bir göz qırpımında dəyişərək, başqa bir tezliyə köklənmənizə yardım edir.
* Sevgi hissi- şüalandıra biləcəyimiz tezliklərdən ən yüksəyidir. Sevgini nə qədər çox hiss edirsinizsə və şüalandırırsınızsa, demək bir o qədər böyük güc sizin xeyrinizə işləyir.

SİRDƏN NECƏ İSTİFADƏ EDƏK

Yaradıcılıq prosesi cəmi üç addımla istədiyinizi yaratmağa kömək edir: İstəmək, İnanmaqQəbul etmək
İstəmək– Kainatdan öz arzunuz barəsində istəməyiniz, özünüzün nə istədiyinizi anlamaq imkanıdır. Siz yalnız bunu özünüz üçün aydınlaşdırdığınız zaman istəyirsiniz.
İnanmaq– istədiyinizi sanki artıq almısınızmış kimi düşünmək, danışmaq və hərəkət etmək mənasını verir. Bu tezliyi şüalandırdığınız zaman cazibə qanunu insanları, hadisələri və şəraiti bütövlükdə sizi istədiyinizə çatdırmaq üçün hərəkətə keçirir.
Qəbul etmək– arzunuzun yerinə yetəcəyi zaman hiss edəcəklərinizi əvvəlcədən duymağınız deməkdir.

ƏN TƏSİRLİ ÜSULLAR

ÜMİD– nəhəng cəzbedici qüvvədir. İstəmədiyinizi gözləməyin, istədiyinizin olacağına ümid edin.

MİNNƏTDARLIQ– istədiyinizi həyata gətirmək üçün edilən səyləri artıran ən təsirli üsuldur. Sahib olduqlarınız üçün minnətdarlıq edin və siz daha çox yaxşılıqlar cəzb edəcəksiniz. Əvvəlcədən öz istəyiniz üçün edilən minnətdarlıq, Kainata ən güclü siqnalı göndərər, arzunuza xüsusi güc verər.

TƏXƏYYÜL– idrakınızda arzuladığınızı mənimsəməyinizin təsirinin yaranması üsuludur. Təxəyyül zamanı siz arzuladığınızın artıq sizə mənsub olması kimi hisslər və düşüncələr əmələ gətirirsiniz. Cazibə qanunu isə bunu- xəyalınızda gördüyünüzü gerçəkləşdirib sizə geri verəcəkdir.
Cazibə qanunundan yalnız bir səbəb üçün deyil, bunu adətə çevirmək və hər zaman başqa səbəblər üçün də istifadə edin, onu həyat tərzinizə çevirin.
Hər günün sonunda, yatmazdan əvvəl günün bütün hadisələrini yada salın. Əgər hadisələr sizi qane etmirsə, onları şüurunuzda sizin üçün daha xoş ola biləcək şəkildə yenidən səhnələşdirin.

PUL QAZANMAĞIN SİRLƏRİ

* Pulu cəzb etmək  istəyirsinizsə, siz fikirlərinizi zənginlik üzərində səfərbər edin. Daima onun çatışmazlığı barədə düşünərək, həyatınıza daha çox pul cəzb edə bilməzsiniz.
* İstədiyiniz qədər pulun artıq sizdə olmasına özünüzü inandıraraq təxəyyül qurmaq sizin xeyrinizədir. Zənginlik oyunu oynayın və bu zaman maliyyəyə olan münasibətdə özünüzü daha yaxşı hiss edəcəksiniz, xoş ovqatla köklənən zaman həyatınıza daha çox pul gəlməyə başlayacaqdır.
* Pulu ürək açıqlığı ilə verin, onu həyatınıza daha çox cəlb edəcəksiniz. Hər zaman “Buna imkanım çatar”, “Mənim varımdır”- deyə düşünün.

MÜNASİBƏTLƏRİN SİRRİ

* Əgər siz lazımi münasibətləri cəzb etmək istəyirsinizsə, fikirlərinizin, sözlərinizin, hərəkətlərinizin və çevrənizin sizin arzunuza qarşı olmadığına əmin olun.
* Sizin vəzifəniz- Sizsiniz. Özünüzü tam təmin etmədiyiniz müddətdə başqalarına verməyə heç nəyiniz yoxdur.
* Özünüzə sevgi və hörmətlə yanaşın, bu vaxt sizi sevən və hörmət edən insanları özünüzə cəzb edəcəksiniz.
* Fikirlərinizi özünüzdə dəyər verdiyiniz cəhətlər üzərində səfərbər edin və cazibə qanunu sizi öz gözünüzdə böyüdəcək.
* Münasibətlərinizi yoluna qoymaq üçün, digər insanın çatışmazlıqları üzərində deyil, dəyər verdiyiniz keyfiyyətləri üzərində durun. Nə zaman ki, siz onun müsbət keyfiyyətləri barəsindəki fikirlərinizə daha çox yer ayıracaqsınız, o zaman bunu sizə daha çox göstərən hadisələrlə qarşılaşacaqsınız.

SİRR- SAĞLAMLIQ ÜÇÜN

* Plasebo effekti – cazibə qanunu fəaliyyətinin bir nümunəsidir. Xəstə ona verilmiş həbin dərman olduğuna inanır və öz inandığı dərmanı qəbul etdiyini düşünərək sağalır.
* Kamil sağlamlıq üzərində fikirlərini topla, ətrafımızda nə baş verməsindən asılı olmayaraq, bu özümüz üçün edə biləcəyimiz yeganə şeydir.
* Gülüş sizə fərəh gətirər, bədbin hissləri sizdən uzaqlaşdırar və sağlamlığa doğru aparar.
* Xəstəlik vücudumuzda fikirlərimizi və diqqətimizi onun üzərində topladığımız üçün qalır. Yüngül nasazlıq hiss etdiyinizdə onu daha çox qəbul etmək istəmirsinizsə, bu barədə danışmayın. Əgər öz xəstəliyindən şikayət edən insanları dinləyirsinizsə, onların xəstəliklərinə öz enerjinizi də əlavə etmiş olursunuz. Bunun yerinə mövzunu dəyişin, ürək açan şeylər danışın.
* Yaş və qocalıq barədə düşünməyin.

SİRR- DÜNYA ÜÇÜN

* Siz müqavimət göstərdiklərinizi cəzb edirsiniz, çünki bütün duyğularınızla onun üzərində səfərbər olursunuz.
* Siz fikirlərinizi neqativ hadisələr üzərində səfərbər etdikdə dünyaya heç bir yardım göstərə bilməzsiniz.
* Dünyadakı problemlər, müharibələr haqqında düşünməkdənsə, diqqət və enerjinizi sevgi, etibar, bolluq, təhsil, mehribanlıq, barış və sülhə yönəldin.
* Dünyadakı hər şeyi tərif və xeyir-dua edin.

SİRR-SİZİN ÜÇÜN

* Siz mənəvi məxluqsunuz, enerji sahəsisiniz. Enerji isə nə yaranar, nə də məhv olar, o yalnız formasını dəyişər. Məhdudiyyət tanımayan ideyalar mənbəyi sizin üçün əlçatandır. Gələcəyin bütün bilikləri, kəşfləri və ixtiraları hazırda Universal Zəkada bir ehtimal kimi mövcud olub, insan zəkasının onu nə zaman gerçəkləşdirəcəyini gözləyir.
* Sizin gücünüz- sizin düşüncələrinizdədir, bundan agah olun. Başqa sözlə desək: “Xatırlamağı xatırlayın”.

SİRR- HƏYAT ÜÇÜN

* Siz arzuladığınız hər bir şeyi taleyinizin yazı lövhəsində yazmaq imkanı əldə etmisiniz.
* Sizə yalnız bir işi görmək düşür- özünüzü elə indi xoşbəxt hiss edin.
* Öz möhtəşəmliyinizi qəbul edin, daxilinizdəki gücdən daha çox istifadə edin.
* Sevdiyiniz işləri görün.Əgər sizə nəyin sevinc gətirdiyini anlamırsınıza, o zaman özünüzdən soruşun: “Məni nə sevindirir”? Və Siz onunla maraqlandıqca, ondan zövq aldıqca, sevinc hissləri şüalandırır, sizə sevinc bəxş edən şeyləri cəzb edirsiniz.

Hazırladı : Psixoloq Rübabə

Beyenmeler
0   8  
VN:F [1.9.16_1159]
Rating: +29 (from 33 votes)

Psixoloq Rübabə

Fitret.az idarəçisi. Psixoloq.

- Sayt ünvanı

ÖZÜNÜ DƏYİŞ

Anqlikan kilsəsinin keşişinin qəbri üzərində bu sözlər yazılıb:

“Gənc və xəyallarımın sonsuz olduğu dövrdə dünyanı dəyişmək istəyirdim.Yaşlanıb dünya görüşüm artdıqda dünyanın dəyişməyəcəyini anladım. Mən də istəklərimi bir qədər azaldaraq məmləkətimi dəyişdirməyə qərar verdim. Halbuki, o da məndə dəyişilməyəcəyi təəssüratını yaratdı. Daha da yaşlanarkən son bir cəhdlə ailəmi, yaxınlarımı dəyişdirməyi qərara aldım. Amma çox təəssüf ki, onu da bacarmadım. Və indi ölüm döşəyində yatarkən fərqinə vardım ki, əvvəlcə yalnız özümü dəyişdirsəydim, nümunə olaraq ailəmi dəyişdirə bilərdim. Onlardan alacağım cəsarətlə məmləkətimi daha da inkişaf etdirərdim. Kim nə deyə bilər, bəlkə dünyanı da dəyişdirə bilərdim”.

özünü dəyiş-çılpaqQarşımızda olan əslində insanın dəyişmış, deformasiyalara uğramış halıdır. İnsan dəyişərək bu hala gəlmiş. Əgər yenidən dəyişərsə, öz təbii halına, fitrətinə dönər. Bəs insanın yenidən özünə dönməsi niyə bu qədər çətindir? İnsan niyə özü olmaqdan qorxur?
Bəzən insan dərk edir ki, insanlarla nə qədər manipulyasiyalar edib, əgər dəyişərsə onu qəbul etməzlər. Yəni fobik səviyyə yaranır. Anlayır ki, illərlədir əsl “mən”in üzərini örtüb. İnsan o zaman kamil insan olacaq ki, özünü dərk edəcək. Bu kamilləşmə üçünsə, necə deyərlər, “soğan kimi soyulmalısan”. Bütün xaricdən aldığı qiyafəni rədd edən, çılpaq qalan insan özünü tanıyacaq.

“Heç şübhəsiz bir toplumun fərdləri öz iç dünyalarını dəyişdirmədikcə, Allah da o toplumun halını dəyişdirməz.”(Qurani-Kərim 13/11)

Bu ayə cəmiyyət və həyatın inşası üçün insanın özünü inşa etməsini vacib sayır. Yəni Allahın bir cəmiyyətin gedişatı haqqındakı iradəsi, o cəmiyyəti formalaşdıran fərdlərin seçimlərindən bilavasitə asılıdır. Bu ayə gedişatı bəyənməyən insanın qarşısına dəyişimi bir hədəf olaraq qoyur. Bunun başlama nöqtəsi insanın özüdür. Özünü dəyişə bilməyənlər başqalarını dəyişə bilməzlər. İçindən aydınlanmayan çölünü əsla aydınlada bilməz.
İşə özünüzü dəyişdirməklə başlayın. Bunun üçün özünüzü dərk edin. Özünüdərk hər bir inkişafın başlanğıcıdır.

Müəllif :  Psixoloq Rübabə

Beyenmeler
0   7  
VN:F [1.9.16_1159]
Rating: +22 (from 28 votes)

Psixoloq Rübabə

Fitret.az idarəçisi. Psixoloq.

- Sayt ünvanı