DİQQƏT VƏ KONSENTRASİYANI İNKİŞAF ETDİRMƏK.

diqqətHeç kimsə doğuşdan gələn bir diqqət və konsentrasiya tutumuna sahib deyil. Məqsədimiz bunu qazanmaq və inkişaf etdirmək olmalıdır. Diqqət ancaq şüurlu iş, istəyərək çətinliklərə dözmək və tamamlanan kiçik hərəkətlərlə artar. Bu işlərdə istək çox əhəmiyyətlidir. Bir şeyi bacarmaq üçün həqiqətən istəmək lazımdır, istəmədən əsla edə bilmərik. Şüurlu bir isteyişle, hər şey əldə edilə bilər.
Özünü müşahidə və analiz
Düşüncələrimizi davamlı olaraq müşahidə və nəzarət altında tutmaq istəsək, “diqqət dağılması” mövzusuyla da istər istəməz maraqlanmaq məcburiyyətində qalarıq. Bundan sonra diqqətimizi dağıdacaq və konsentrasiya gücümüzü azaldacaq faktorları maneə törətməməsinə çalışa bilərik. Konsentrasiyada ən əhəmiyyətli ünsür, hər zaman üçün düşüncələrin şüurlu istiqamətləndirilməsidir. Diqqətimi nələr paylayır? Niyə diqqətimi toplaya bilmirəm ? ya da hansı zaman və vəziyyətlərdə ən yaxşı performansı göstərirəm? kimi sualları soruşaraq maneə, zəiflik və güclərimizi fərqinə vara bilərik.

Yalnız bir işi görmək.
Diqqətimizi ən güclü və ən narahat edici şəkildə paylayan yenə öz düşüncələrimizdir. Hər hansı bir iş edərkən düşüncələrimizin başqa istiqamətlərə sürüşməsi, bəlkə ağlımıza çox əhəmiyyətli fikirlərin gəlməsi qaçınılmazdır. Bunları ən minimum səviyyəyə endirmək üçün eyni anda birdən çox işlə məşğul olmamaq lazımdır. Bəzən adi bir işi edərkən eyni anda başqa mövzuları da düşünərək zaman qazandığımızı düşünər, beləcə zaman qazandığımızı düşünərik. İlk baxışda bu səbəblər doğru kimi görünsə də təməldə edilən işin keyfiyyətini salmaqdan və bir az zamanını azaltmaqdan başqa fayda verməz. Özümüzü, etdiyimiz hər hansı bir işə nə qədər konsentrə edə bilsək o qədər qısa zamanda doyurucu bir nəticə ala bilərik. Bunun nəticəsi olaraq da daha qısa zamanda daha çox iş ortaya qoya bilərik. Konsentrasiyanın hədəfi ən qısa zamanda ən çox işi həll etmək deyil, ən qısa zamanda ən çox işi, ən yaxşı şəkildə həll edə bilməkdir.
Buna görə də, bütün diqqətimizi yalnız bir işə versək, zamanımızı və gücümüzü yalnız, bir tək həll üçün işlətsək, bütün bacarıqlarımızı mükəmmələ çatdırarıq və çox daha məhsuldar olarıq. Üstəlik konsentrasiya mövzusunda da zaman içində böyük bir ustalığa çatarıq.

Zamanı sistemləşdirmək.
Zamanımızı planlaşdırmaq, nəyi nə zaman edəcəyimizi bilməyimiz və zehinimizi buna görə təşkil etməmizi təmin edər.

Tamamlanmamış işləri sıralamaq.
Daim ağlımızda olan amma, heç cürə bitirə bilmədiyimiz işlər vardır. Bunlar davamlı olaraq zehinimizi işğal edər və daha əhəmiyyətli mövzular üzərində düşünməmizə əngəl olar. Bu başlanmış amma, bitirilməmiş işləri nə qədər tez həll etsək, o qədər çox konsentrasiya gücümüz daha faydalı işlərdə istifadə etmək imkanı yaranar.

Hədəflərlə iş.
Hər cür konsentrasiya üçün ən başda bir hədəfin olması diqqət və konsentrasiyalazımdır. Bu ən kiçiyindən sadə bir düşüncə, bir təcrübə, kiçik bir vəzifə, yaratmaq istədiyiniz bir əsər ya da ən geniş mənasıyla həyatın məqsədi ola bilər. Müxtəlif istiqamətlərə can atmaq yerinə, özünü tək bir hədəfə yönləndirə bilənlər, konsentrasiya dağınıqlığına qarşı əhəmiyyətli bir addım atmış olurlar. Müxtəlif, bir neçə hədəf yerinə qəti bir hədəf hər zaman üçün daha müsbət nəticələr doğurur. Diqqətin bilərək və istəyərək müəyyən bir nöqtəyə yönəldilməsi, şüurun və şüuraltının çatılmaq istənən hədəfə qarşı həssaslığını artırır. Çoxumuzun böyük və kiçik hədəfləri vardır. Buna görə də enerjimiz bəzən bir yana, bəzən də möxtəlif istiqamətlərə yönələrək dağılıb gedər. Halbuki özümüzü böyük bir hədəfə yönəltsək, bütün enerjiimizi bu hədəfə istiqamətləndirər başqa bir misalla, böyük hədəf bir maqnit kimi bütün enerjini özünə çəkə bilər. Davamlı olaraq özümüzə hədəflər seçməliyik, çünki onlar gələcəyimizə birbaşa təsir edər. Buna görə də  gözəl xəyallar qurub müsbət  düşünməli, motivasiyasının təsirini göz ardı etməməliyik. Bizi əlçatmaz sandığımız hədəfimizə yaxınlaşdıran ən kiçik bir addım belə doğru istiqamətdə atılmış bir addımdır. Əhəmiyyətli ünsürlərə konsentrə olunca, duyğularımız hədəflərimizlə əlaqədar olan hər şeyi qəbul etməyə hazır olur. “Özünü hədəfinə görə redaktə et.” Bu sözlər Fransız mütəfəkkir və yazar Jean Paul Sartra aiddir. Özümüzü hədəfimizə yönləndirdiyimiz anda getməmiz lazım olan istiqaməti bildiyimiz və izlədiyimiz üçün lazımlı qərarları daha asan verə bilərik. Özümüzü hədəfimizə çatdırdığımızda necə hiss edəcəyimizi gözümüzdə canlandırmamızın da çox faydası vardır. Hədəfi gözümüzdə nə qədər diqqətə çarpan şəkildə canlandıra bilirsək, konsentrasiya gücümüz də o qədər artar. Beləcə şüuratlımız da hədəfimizlə əlaqədar hər cür məlumatı qəbul etməyə hazır olmasına proqramlaşdırırıq.

İşə kiçik hədəflərlə başlamaq.
Etməyib ertələdiyimiz, əhəmiyyətli olmayan kiçik bir hədəfi ələ alıb və onu məqsəd edə bilərik. Araya başqa bi işin qarışmasına icazə verməmək lazımdır. Hədəf yalnız o olmalıdır. Müvəffəqiyyətli olduqdan sonra daha böyük bir hədəfə keçə bilərik. İnsanı edə biləcəyi kiçik şeylərdən vazgeçiren şey anormal ehtirasdır. Bu ehtirası yox etmək və böyük şeyləri unutmaq lazımdır. Əvvəlcə belə kiçik lakin fəsadı böyük olan vərdişləri aradan qaldırmalıyıq.

Maraq sahələrini və onların əhəmiyyətini müəyyənləşdirmək.
Diqqət və konsentrasiya işlərində ən əhəmiyyətli addım, həqiqətən maraqlandığımız mövzuları ortaya çıxarmaq və onları ara vermədən müntəzəm izləməkdir. Zehni səviyyədə şüurun ön şərti, maraqlandığımız mövzuların, görünəndən daha dərin mənalarını tapmaqdır. Əvvəlcə etdiklərimizin arxa plandakı səbəblərini axtarıb tapmaq lazımdır. Bizi bu davranışlara itələyən gerçək səbəblər nədir? Həyat çox istiqamətlidir və yalnız gündəlik problemlərin çözülməsiylə kifayətlənməz. Əgər nəyi niyə etdiyimizi tam olaraq bilsək müvəffəqiyyətə çatmamız çox daha asan olacaq.
İlk baxışda özünü ələ verməyən, dərhal aydın olmayan davranışlarımız və seçimlərimizdə səbəbləri araştırmalıyıq
Etməmiz lazım olan iş və məşğuliyyətlərin məqsədi, bizə gətirəcəyi qazanclar və seçimlərimizin həyatımızdakı mənası, bizi bu qərarlara itələyən səbəblərin nələr olduğu üzərində düşünək. Bu ünsürlərin bizə nə kimi motivasiya verdiyini araşdırmalı və kimliyimizin inkişafı üçün necə yararlı olması bizi motivasiyadüşündürməlidir;  Bu ünsürlər bizi ümumiyyətlə həyatımızda dəstəkləyirmi, yoxsa bizə daha çox mane olur?

Motivasiya.
Diqqət və konsentrasiyada motivasiya ən əhəmiyyətli faktordur. Motivasiyası təmin edəcək nə isə əvvəlcə bunun təmin edilməsi lazımdır. Əgər konsentrasiya qabiliyyətimizi inkişaf etdirmək istəyiriksə, etdiyimiz işin bizi cəzb etməsini təmin edərək işə başlamalıyıq. Bu etdiyimiz hər işi sevinclə etmək baxımdan olduqca əhəmiyyətlidir. Əksinə, əgər işimizi bir yük olaraq alqılayırıqsa, bu bizə həqiqətən bir yük olur və ondan heç bir zaman məmnun olmarıq. Konsentrasiyanın sıxlığı motivasiyamıza və iradəmizə bağlıdır. Sıx və qısa bir konsentrasiya, yüz metrlik qaçışla müqayisə edək; hər ikisində də qısa, sıx bir güc istifadəsindən sonra dayanma vardır. Uzun, davamlı konsentrasiya da eyni marafon qaçışında olduğu kimi, yavaş ancaq həmişə eyni qalan tempdə balanslı bir şəkildə istifadə edilir. Hər iki vəziyyətdə də konsentrasiyasının kafi olması motivasiyanın vəziyyətinə bağlıdır.
Zəhmət və səbr.
Diqqət və konsentrasiyanın inkişaf etdirilməsində əhəmiyyətli digər faktorlar isə səbr və səydir. Çaba şüurlu varlığı avtomatik varlıqdan ayıran ən əhəmiyyətli və ən birinci amildir. Bezmədən, istəklə davam etdirilən hər səy sonunda meyvəsini verir.

Müəllif: Mütəxəssis Psixoloq Nihal Araptarlı
Mənbə:  www.durupsikolojimerkezi.com
Hazırladı:  Fidan Eyvazzadə

VN:F [1.9.16_1159]
Rating: +6 (from 6 votes)

Fidan Eyvazzadə

Fitret.az yazarı. Müəllim.

 
Facebook

DİQQƏT- ÇOXCƏHƏTLİ PSİXİ PROSES KİMİ

Gündəlik həyatda insana yüzlərlə qıcıqlayıcılar təsir göstərir. Lakin insan onların hamısını əks etdirmir, ən vaciblərini seçib ayırır, fəaliyyətinin icrasına kömək edənləri saxlayır. Bunlar diqqətin fəaiyyəti ilə bağlıdır. Diqqət, idrak proseslərindən biridir. Başlıca xüsusiyyətlərinə görə diqqət digər idrak proseslərindən (duyğu, qavrayış, təfəkkür, hafizə və s.) fərqlənir.
Diqqət psixi fəaliyyət obyektinin aşkar əks etdirməsini təmin edir. İş nə qədər çətin və mürəkkəb olarsa, o qədər artıq diqqət tələb edir. Deməli, diqqət fəaliyyət prosesi zamanı insanın idrak proseslərinə qoşulur, onların daha müvəffəqiyyətli cərəyan etməsini təmin edir.

Diqqət – şüurun müəyyən bir obyekt üzərinə yönəlməsi və mərkəzləşməsindən ibarət psixi hadisədir.

Bu halda fərdin həm sensor, həm də intellektual hərəki fəallığının səviyyəsi yüksəlir, bu cisim və hadisələrə seçici münasibət bəsləməyə başlayır. Seçicilik təkcə müəyyən fəaliyyətin təsirinin ayırd edilməsində deyil, eyni zamanda onların hifz olunmasında (onların uzun müddət şüurda saxlanılmasında) təzahür edir. Demək ki, diqqət, şüurun müəyyən bir obyekt üzərinə yönəlməsində, onun üzərində mərkəzləşməsində və nəticədə cism və hadisələrə seçici münasibət bəsləməsində təzahür edir. Diqqətin əmələ gəlməsi üçün ilk növbədə onun obyekti ayırd edilməlidir. Diqqətin obyekti həm xarici aləm, cisimlər, həm də insanın rəftarı və davranışı ola bilər.

diqqət haqqındaDiqqətin funksiyaları

İlk olaraq seçmə funksiyası tələbatlarla bağlı mövcud fəaliyyətə uyğun gələn təsirləri seçməkdən təzahür edir. Bu funksiyayla yanaşı olaraq, idrak fəaliyyəti və ya davranış aktı başa çatana qədər diqqətin onların üzərində saxlanması funksiyası da vardır. Diqqətin mühüm funksiyalarından biri də fəaliyyətin gedişini tənzim etmək və ona nəzarət etməkdən ibarətdir.
Bu funksiyalar iki mühüm nəticə çıxarmağa imkan verir:
1. Diqqət mürəkkəb psixi proses kimi bütün hadisələrə sensor fikrı və hərəki proseslərə nüfuz edir, onların fəaliyyətinin daha səmərəli olmasını şərtləndirir.
2. Diqqət hadisəsi mühüm idrak prosesi olan hafizənin nəinki bir sıra ixtiyari proseslərinin mahiyyətini düzgün başa düşməyə, həm də onları məqsədə uyğun surətdə təşkil etməyə imkan verir.

Diqqətin növləri

Fəaliyyətin məqsədindən asılı olaraq, eləcə də diqqətin ixtiyarı şəkildə tənzim edilmə səviyyəsindən asılı olaraq bu psixi hadısənin 3 növünü fərqləndirmək olar :

1. Qeyri-ixtiyarı diqqət
2. İxtiyari diqqət
3.İxtiyari diqqətdən sonrakı diqqət

Qabaqcadan qarşıya qoyulmuş məqsədlə, heç bir xüsusi niyyətlə bağlı olmayan və iradi cəhd etməyən diqqətə qeyri-ixtiyari diqqət deyilir. Qeyri-ixtiyari diqqət zamanı insandan xüsusi səy tələb olunmur. Bu diqqət növü insanın hazırlığı olmadan qıcıqlandırıcının bilavasitə təsiri ilə əmələ gəlir və yalnız qıcıqlandırıcının təsir etdiyi müddətdə mövcud olur. Qeyd etmək lazımdır ki, hər bir hadısə və ya qıcıqlandırıcı qeyri-ixtiyarı diqqət yaratmır, bunun üçün qıcıqlandırıcının bəzi xüsusiyyətləri olmalıdır:

1. Qıcıqlandırıcının qüvvəsi və gözlənilmədən təsiri
2. Qıcıqlandırıcının yeniliyi və qeyri-adiliyi
3. Obyektin hərəkətdə olması

İxtiyarı diqqətin yaranması insanın xüsusi niyyəti və məqsədi ilə bağlıdır. Qarşıya qoyulmuş şüurlu məqsədlə bağlı əmələ gəlib və müəyyən iradi səy tələb edən diqqətə ixtiyari diqqət deyilir.
İxtiyarı diqqət zamanı cisim və hadisələr insan üzərində deyil, əksinə insan onların üzərində hakim olur. İxtiyari diqqət prosesində biz heç də təsir edən bütün qıcıqlandırıcıları deyil, yalnız məqsədimizə müvafiq olanları seçirik. İxtiyari diqqətin əmələ gəlməsi üçün bir sıra şərtlər vardır :

1. Fəaliyyətin yüksək səviyyədə yerinə yetirilməsi üçün borc və məsuliyyəti aydın dərk etmək
2.İcra edilən işin və ya fəaliyyətin məqsədini tam dərk etmək
3. Adəti iş şəraitinin olması 
4. Əlavə maraqların yaranması

Diqqət onunla xarakterizə olunur ki, o nə dərəcədə bu və ya digər obyekt üzərində mərkəzləşə bilir. Diqqətin nə qədər obyekti əhatə edə bilməsi, bir obyektdən digərinə nə dərəcədə asanlıqla, ya da çətinliklə keçə bilməsi və s bu kimi cəhətlər isə diqqətin xüsusiyyətləri ilə bağlıdır.

Diqqətin xüsusiyyətləri

1. Diqqətin mərkəzləşməsi
2. Diqqətın həcmi
3.Diqqətin paylanması
4. Diqqətin davamlılığı
5. Diqqətin keçirilməsi

Diqqətin mərkəzləşməsi zamanı şüurumuz bir obyekt və ya fəaliyyətə yönəlir, başqalarından uzaqlaşır. Diqqətin mərkəzləşməsi obyektə olan dərin, fəal maraqla bağlıdır.
Diqqətin həcmi eyni vaxtda əhatə olunan, aydın dərk olunan obyektlərin miqdarı ilə müəyyən edilir. Əgər eyni vaxtda təsir edən 10 obyektdən 5-i aydın qavranılırsa, deməli, diqqətin həcmi 5 obyektə bərabərdir. Diqqətin həcminin böyük olması bir sıra fəaliyyət sahələrində çox əhəmiyyətlidir. Məsələn, kəşfiyyatçı eyni zaman içərisində nə qədər çox obyekti əhatə etsə, kəşfiyyat işi bir o qədər səmərəli olar.

diqqət.1Diqqətin paylanması eyni vaxtda iki müxtəlif və daha artıq işi yerinə yetirmək bacarığı ilə xarakterizə olunur. Əgər eyni vaxtda 2 və ya 3 işlə məşğul olursunuzsa, deməli, diqqətiniz 2 və ya 3 iş üzərində paylanır. Avtomobil idarə edən insanın diqqətini bir neçə yerə paylaması vacibdir. Bir sahədə lazımı vərdiş toplamış insanlarda diqqətin paylanması müvəffəqiyyətlə baş verir.


Diqqətin davamlılığı onun ümumi bir məqsədə tabe olan obyektlər üzərində uzun müddət və fasiləsiz olaraq saxlanılmasında ifadə olunur. Burada diqqət bir obyektdən başqasına keçirsə də onlar ümumi məqsədə tabe olan fəaliyyət obyektləri kimi qalır. Şagird misal həll edərkən, onun diqqəti dərsliyə, oradakı misallara, rəqəmlərə,işarələrə, keçmiş təcrübəyə yönəlsə də, əgər misal həlli davam edərsə, deməli, diqqət davamlıdır. Çünki burda bütün bu obyektlər ümumi məqsədə- misal həll etmək məqsədinə tabedir.

Diqqətin keçirilməsi  onun şüurlu surətdə bir obyektdən başqa obyektə və ya bir fəaliyyətədən başqa fəaliyyətə yönəldilməsidir. Bu, fəaliyyətin ümumi istiqamətinin dəyişməsi ilə əlaqədardır.
Diqqətin keçirilməsi onun yayınmasına çox oxşayır, lakin onlar arasında keyfiyyətcə fərq var.
Diqqətin yayınması onun hazırda qarşıda duran məqsədlə ılaqədar olmayan cisim və hadisə üzərinə yönəlməsində ifadə olunur. Müəllimin dərs izah edərkən şagirdin küçəyə baxması onun diqqətinin yayınmasını göstərir.

Diqqətlilik və ya diqqətsizlik şəxsiyyətin xarakter əlamətinə çevrilə bilir, insanlara münasibətdə də təzahür edir. Bu cəhət şəxsiyyətin aldığı tərbiyədən, öz üzərində işləmək, özünütəkmilləşdirmək cəhdindən, onun sərvət meyllərindən, dünyagörüşü və əqidəsindən və s. asılıdır.
Unutmaq olmaz ki, insanlara diqqətli olmaq şəxsiyyətin mənəvi aləmini xarakterizə etmək üçün ən vacib göstəricidir.

Mənbə:  Ə. Əlizadə, Ə. Bayramov “Psixologiya”
Hazırladı : Psixoloq Rübabə

 

VN:F [1.9.16_1159]
Rating: +22 (from 26 votes)

Psixoloq Rübabə

Fitret.az yazarı. Psixoloq.

- Sayt ünvanı

YARADICILIĞIMIZI VƏ MƏHSULDARLIĞIMIZI ÖLDÜRƏN ŞEY- MULTİTASKİNG

MULTİTASKİNG – ingilis sözü olub, “eyni anda birdən çox işlə məşğul olmaq” anlamında işlənən bir anlayışdır.  Günümüzdəki insanlar, hardasa , gündə 8 saatını internetdə gəzişərək keçirir və bunun nəticəsi, yorğun bir beyin olur. ForensicPsychology tərəfindən  edilən bir araşdırmaya əsasən, bu şəkildə edilən çoxlu işlər, stress səviyyəsini artırmultitaskingır və yaradıcı düşünməni azaldır. Online mühitdə eyni anda bir çox işlə məşğul olmaq,  beynimizə və zehin durumumuza müsbət təsir etmir. Ağır internet istifadəçiləri depressiyaya girməyə 2,5 qat daha meyillidir.
Yaradıcılıq tələb edən bir layihə üzərində çalışırsınız. Birdən telefon zəng çalır və sizi dərin bir konsentrasiyadan çəkib çıxarır. Telefona cavab verməsəniz belə, öncədən etdiyiniz işə dönmək bir neçə dəqiqənizi alır.
Bu zaman aralığı, bəlli bir hədəfi və “qaydalar” dəsti olan bir vəzifədən tamamilə fərqli bir hədəfi və qaydalar dəsti olan bir başqasına keçməkdə olan “zehni CEO” nuzdur. Bu keçid  zaman alır. Vəzifələr nə qədər qarışıqdırsa,  keçid o qədər uzun çəkir.
Bu məqaləni oxuyarkən başqa nə etməyə çalışırsınız?
Əlbəttə, birdən çox işi eyni anda edə bilərik. Məhsuldarlığı itirmədən bunu edə biləcəyimizə belə inana bilərik. Amma özümüzü aldatmış oluruq.
İşləri  bir-birinə bağlamağın, beyni yavaşıtdığı  elmi olaraq sübut edilmişdir. Əslində, eyni anda birdən çox işlə məşğul olmaq bizi bir anlıq sərsəmləşdirir; öncəlikləri, fokus nöqtəsini müəyyən etmə ya da yeni bir şeyi inteqrasiya etmək bacarığımızı itirir.
Bir yandan toplantıya qatılarkən bir yandan da e-poçtunuzu oxumağı heç yoxlamısınız? Yaxşı,  bəs bir yandan avtomobil idarə edərkən bir yandan da mobil telefonunuzla ciddi bir danışıq aparmağı?
Cavabınız, “hə” dir? O halda, heç bir için tam iştirak ya da məhsuldarlıqla edilə bilmədiyini bilirsiniz. Sanki zamanın yarısında orada yoxsunuz kimidir. Nə, e-poçtları tam anlaya bilirsiniz, nə də toplantının təqdim etdiklərini tam qavraya bilirsiniz. Ya da avtomobil idarə edərkən telefonla danışdığımız zaman şüurumuzun çox azı avtomobil idarə etməyə həsr olunur və ya telefonda etdiyimiz söhbətə tam olaraq daxil ola bilmirik.
Hamımız, eyni anda birdən çox işlə məşğul olmağın həqiqətən bir bədəli olduğunu bilirik. Elə isə niyə hələ də belə davranmağa davam edirik?
Bu davranış, alışqanlıqlarımızda yer almışdır. Texnologiya dövrümüzün bütün zaman qazandıran cihazları, bizi bemultitaskingyni  qarışıq olmağa və fokuslanma bacarığımızı itirməyə təşviq edir. Bu da önəmli bir itkidir; çünki fokuslanma, uğuru gətirər. Diqqət dağınıqlığı, bizi bundan uzaq tutar.
Fokus, diqqətinizi tam olaraq toplama anlamına gəlir. Müəyyən olunmuş fokusa çatmağınız və eyni anda birdən çox işlə məşğul olmağı buraxmağınız üçün gündəlik tətbiq edə biləcəyiniz beş üsul təqdim edirik.

1. Mövcud hədəfinizlə əlaqədar olmayan heç bir şeyi masanızda saxlamayın. Əşyalar, diqqətə hökm edərlər. Önünüzdə nə qədər az şey olarsa, diqqətinizin dağılma ehtimalı o qədər azalar.

2. Zamanınızı hissələrə ayırın, beləcə bir dəfədə tək bir işə fokuslana bilərsiniz. Vacibliyi yüksək  olan işləri, e-poçt göndərməyi, müştərilərlə çalışmağı, planlamağı və başqa işləri  bitirmək üçün ayrı hissələr yaradın. Ardınca, bu işlərin ətrafına müqəddəs sərhədlər çəkin. Birini tamamladıqdan sonra digərinə keçin.

3. Ən önəmli şeyi, ən öncə edin. Vacibliyi yüksək olan işlər, uğurunuzda ən böyük pozitiv təsiri yaradacaq şeylərdir. İstədiyiniz nəticələri sizə ən sürətli gətirəcək şey nədir? Buna hər zaman öncəlik verin.

4. Zaman blokları ya da işlər arasında texnologiyadan uzaq qısa aralar verin. Piyada gəzintiyə çıxın, musiqi dinləyin, fiziki ya da yaradıcı bir şeylə məşğul olun. Bu, zehninizi təmizləyəcək və zehni CEO-nuza , bir sonrakı iç üçün yenidən nizamlama etməkdə yardımçı olacaqdır.

5. Sabahı planlaşdırın. Bir sonrakı iş günü üçün 1-3 vacibliyi yüsək fəaliyyətlər  proqramı hazırlayın.Multitasking

Tək bir işi etməkdə usta olun!

Sonrakı “30 gün”  təcrübə  edin. Eyni anda birdən çox işlə məşğul olmaq kimi alışqanlıqlarınızın yerinə,  hər gün bu beş üsulu yoxlayın və necə daha az stresslə daha çox uğur əldə etdiyinizi görün.

Mənbə: blog.aku.edu.tr
Hazırladı: Fidan Aslanova 

 

VN:F [1.9.16_1159]
Rating: +13 (from 13 votes)

Fidan Aslanova

Fitret.az idarəçisi

 
Facebook

SAĞLAM OLMAQ ÜÇÜN SU İÇİN!

Orta hesabla, hər gün 8 stəkan su içmək yaxşıdır.

Bədənimizin suya olan ehtiyacı, qidaya olan ehtiyacından çoxdur. Su içmək kimi bir vərdişiniz yoxdursa, bugündən başlayaraq bundan sonra bol -bol su içməyinizi tövsiyyə edirik. Orta hesabla, hər gün 8 stəkan su içmək yaxşdır.

Az su içən insanlarda yorğunluq, diqqət dağınıqlığı və yaddaş pozğunluqları ortaya çıxır. Sağlam bir yetkin kişidə bədən ağırlığının 60 faizini, qadında isə 50 faizini su təşkil edir. Bu səviyyə, yeni dünyaya gələn bir körpədə 70-75 faiz ikən, yaşa dolduqca azalır. İnsan beyninin 95 faizini və ağciyərlərin 90 faizini su təşkil edir. Bədəndəki bütün sistemlər, orqanlar və hüceyrələr kifayət qədər su olmadan funksiyalarını davam etdirə bilməzlər. Hüceyrə içərisində gedən  bütün həyati metabolik hadisələr, ancaq hüceyrə içərisində kifayət qədər su olanda həyata keçə bilir. Bədən mayesinin 2 faiz kimi kiçik bir nisbətdə azalması belə xəfif yorğunluq ,qısamüddətli  yaddaşda  xəfif pozulma, diqqəti toplama və görülən işə diqqət vermədə çətinliklərə səbəb olur. Bədən mayesinin azalmasına sadə şəkildə “dehidratasiya” deyilir. Gün boyunca davam edən xəfif yorğunluğun ən çox görülən səbələrindən biri də dehidratasiyadır.

SU:

İmmun siteminin öz vəzifəsini yerinə yetirməyi üçün su lazımdır. Bu vəzifəsi ilə gümrah və dinc olmağa kömək edir.

Oynaq sürüşkənliyini təmin edir.
Bədəndə daşıyıcı vəzifəsi yerinə yetirərək hüceyrələrə qida və oksigen daşıyır , tullantı maddələrini uzaqlaşdırır.
Böyrəklərin toksik maddələrdən təmizlənməsinə kömək edir.
Qan və limfa sisteminin böyük bir qismini əmələ gətirir.
Bədən istiliyinin qaydaya salınmasında vəzifəlidir.
Qan təzyiqini idarə edən elektrolitlərin tarazlaşmasına və daşınmasına kömək edir.
İsti havalarda bədəni sərin saxlayır və soyuq havalarda bədən izoliyasiyasını təmin edir.
Kifayət qədər içildiyi zaman, dərinin daha hamar, daha yumşaq, daha parlaq və daha elastik olmasını təmin edir.
Tüpürcək və mədə ifrazında iştirak edərək qidaların həzm edilməsinə kömək edir.
Körpə əmizdirən qadınlarda südü artırır.
İmmun siteminin öz vəzifəsini yerinə yetirməyi üçün su lazımdır. Bu vəzifəsi ilə gümrah və dinc olmağa kömək edir.
Qəbulu azaldıqca, bədəndə toplanan yağ miqdarı artır və çəki artımı başlayır.
Çatışmazlığı, bədənin bəzi funksiylarını əvvəlcə zəiflədir daha sonra da tamamilə öldürür.
Başlıca enerji qaynağıdır.
Bağırsaqları ən yaxşı işlədən yağlayıcı maddədir.
Gözlərə canlılıq və parlaqlıq verir.
Çəki itirməyin ən yaxşı yoludur.
Kafein, alkoqol və bəzi dərmanlara olan asılıqları aradan qaldırır.
Su, bədənin bütün funksiyaları üçün əsas ehtiyacdır və mütləq gərəklidir.

Xəstə olmamaq üçün bədənimizi susuz qoymamalıyıq.

Bədən su qıtlığı çəkəndə:

1) Onurğalardakı suyu istifadə etsə, bel və boyun yırtığı xəstəliyinə tutula bilərsiniz.
2) Sümüklərdəki suyu istifadə etsə, revmatik xəstəliklərə tutula bilərsiniz.
3) Ağciyərdəki suyu istifadə etsə, astma xəstəliyinə tutula bilərsiniz.
4) Mədəaltı vəzidəki suyu istifadə etsə, şəkər xəstəliyinə tutula bilərsiniz.
5) Mədədəki suyu istifadə etsə, mədə xorası xəstəliyinə tutula bilərsiniz.
6)Bağırsaqlardakı suyu istifadə etsə, qəbzlik meydana gələr və “Kolon xərçəngi” xəstəliyinə tutulma təhlükəsi ilə üz-üzə qalarıq.
7) Hüceyrədə su çox azalsa, beynimiz hüceyrəyə oksigen göndərməyi dayandırar . Oksigenin kəsilməsi nəticəsində də hüceyrə xərçəng təhlükəsi ilə üz-üzə qalar.

Xəstə olmamaq üçün bədənimizi susuz qoymamalıyıq.
Xəstə deyilsiniz, susuzsunuz!

Hazırladı: Fidan Aslanova

VN:F [1.9.16_1159]
Rating: +21 (from 23 votes)

Fidan Aslanova

Fitret.az idarəçisi

 
Facebook