KÖHNƏLMƏ…

Xüsusi

Yeni olan hər nə varsa, marağımıza səbəb olar, diqqətimizi çəkər, enerjimizi alar. Bu marağın müşaiyətində müxtəlif təlabatlar formalaşar. Yeni olanı tanımaq, yaxınlaşmaq, bələd olmaq. Maraq o qədər güc gələr ki, sirli tərəf qalsın istəmərik, bacardıqca mənimsəyərik.
Qəbula balaca bir oğlan gəlmişdi. Aktiv uşaqdı, hərəkətli oyunlara daha çox yer verdik. Bu onun xoşuna gəlmişdi.
-Həmişə mənimlə belə oynayarsan?-dedi.
-Əlbəttə, oynayaram -deyə cavab verdim.
-Lap köhnəlsəm də hirslənməzsən?
O gündən bu “köhnəlmək” sözü beynimdə o qədər düşüncələrə səbəb olub ki…
Köhnə- istifadə müddəti bitmiş, yararlılığını itirmiş, heç kimə lazım olmayan…
“Planlı köhnəlmə”ni də xatırladım.

Doğurdan da biz təzə olan, yenilik hiss etdiyimiz hər şeyi sevirik. Canlı, cansız olmasından asılı olmayaraq könlümüzü yenilər oxşaya bilir. Ta ki köhnələnə qədər əzizləyirik nə varsa. Yəqin ki, hər zaman üçün köhnəlmək keçərli olub. Baxmayaraq ki, həmişə  “Hər şeyin təzəsi, dostun köhnəsi” deyilib. Baxmayaraq ki, qırx illik şərab daha keyfiyyətli sayılıb.
Qədim Yapon mədəniyyətinə görə parıldayan hər şey dəyərsiz və bayağı qəbul edilirdi. Çünki parıldayan hər şey yenidir və yeni olduğundan hələ istifadənin ona qazandırdığı dəyərə çatmamışdır.

Köhnəlmiş, dəfələrlə çay içilməkdən qaralmış bir fincan səbrimizi, duyğularımızı yüklədiyimiz bir əşyadır və zamanla həm bizim xasiyyətimizi, həm duyğularımızı yüklənmiş, o da bizə xidmət edərək bunun qarşılığını vermişdir.

Bəzi insanlar köhnə əşyaları saxlayar, dəyər verdiyi insanlarla paylaşdığı ortaq anları bu əşyalarda tapar. Bir fincan kimi dostluqlar, tanışlıqlar, paylaşımlar illər keçdikcə dəyər qazanır.

Onların yalançı parıltısı yoxdur. Özlüyündən parıldayar və bu parıldama cilalanma ilə deyil, illərin verdiyi güvənlədir.

Gündəlik istifadə olunan əşyalarda da dostluqlarda olduğu kimi çatlamalar, ləkələr ola bilər. Amma bunlar əşyanı atmanıza səbəb deyil. Tam tərsinə, çatlar və ləkələr təbiidir, dəyərlidir.

Bir əşyanı və ya dostu həyatınızdan silməmək üçün səbr və sədaqət kimi iki böyük duyğu lazımdır. Səbr sevgiyə bağlıdır. Xəta üzündən illərin dostunu, sevgisini silməkmi, yoxsa “xətanı anlamaq böyüklük istər” deyərək köhnə deyil, köhnəlməyən dostlara sahib olmaqmı?

Hal-hazırda elə bir dövrü yaşayırıq ki, insanın köhnəlməsi qaçınılmazdır. İnsanlar texnologiyalar sayəsində saysız-hesabsız insan tanıya bilir, dünyanın hər yerindən tanışlar qazanır.
Əgər planlı köhnəlmə haqqında eşitmisinizsə, yəqin ki, elə insanın bugünkü halını da bu cür qəbul etmək olar.
Kaliforniyada olan  bir yanğınsöndürmə binasına 1901-ci ildə taxılan elektrik lampası, artıq 115 ildir ki, yanmağa davam edir. Amma bizim aldığınız elektrik lampası cəmi bir neçə aydan sonra xarab olur.

Planlı köhnəlmə necə baş verdi?

1924-cü il, İtaliya, Cenova şəhəri
Elektrik lampasının günümüzdəki kimi ortalama 1000 yox, 2500 saat və daha çox ömrə sahib olduğu zamanlar. Bu zaman bu məkanda görüşənlər elektrik lampası istehsalçıları iqtisadi vəziyyətlərinə neqativ təsir edən çox önəmli bir məsələ üçün görüşmüşdülər. Elektrik lampaları o qədər dayanıqlı idi ki, bir şəxs yalnız uzun müddət sonra təkrar olaraq elektrik lampasına ehtiyac duyurdu. Bu da gəlirlərə təsir edirdi. Bu görüşdə iştirak edənlər bir qərar alırlar – bundan sonra elektrik lampasının ömrü 2500 saatdan 1000 saata qədər azaldılacaq. Və buna əməl olunması ciddi şəkildə yoxlanılacaq.
Bununla da elektrik lampaları daha tez xarab olmağa başladılar, insanlar daha çox almağa məcbur oldular və istehsalçılar da bu vəziyyətdən gəlirli çıxdılar.
Baxmayaraq ki, 100.000 saat ömrə sahib elektrik lampaları çoxdan kəşf olunmuşdu, bu məsələ heç kəsə sərf etmirdi.

Bu Planlı köhnəlmənin əsasının qoyulmağı demək idi.
Planlı köhnəlmə günümüz həyatında geniş şəkildə istifadə olunur, xüsusilə də texnoloji sahədə.
Planlı köhnəlmə əşyaların ömürlərinin qəsdən müəyyən bir zamanda limitli tutulması deməkdir. Və alış-verişləri tezləşdirməkdir.
Əvvəllər uzun müddət işləyən, amma indi zəmanət müddəti bitən kimi xarab olan soyuducular, telefonlar. Xarab olan, ehtiyat hissəsi tapılmayan, təmiri yenisindən daha baha başa gələn alətlər. Az qala hər il çıxan Samsung, Iphone moddelləri. Hər il, az qala hər fəsil dəyişən moda trendləri. Proqram yaddaşı yetmədiyi üçün yararsız qalan smartphone modelləri və s. Hər yanımızda var. İstəsək də, istəməsək də bu hadisənin bir parçasıyıq.

Şirkətlər 3 növ planlı köhnəlmə metodundan istifadə edirlər.:
1. Birbaşa metod:
Yəni ki, hazırlanan əşyanın ömrünün qabaqcadan limitli tutulması.
Məsələn, deyirlər ki, bu televizora 2 il zəmanət var, elə 2 ilin sonunda da mütləq xarab olur.
Əsasən də, elektrik cihazları: Kompüter, televizor və s.
2. Dolayı metod:
Aldığımız əşyanın xarab olması yox, istifadə edə bilməyəcəyimiz vəziyyətə gətirilməsi
Yəqin qarşınıza çıxıb komputeriniz xarab olur, servisə aparırsınız, servis deyir ki, bunun ehtiyat hissəsi artıq çıxarılmır, ya da bunun təmir edilməsi yenisindən baha başa gəlir. Biz də “məntiqi” variantı seçib, yenisini alırıq.
Ya da ki, telefonlarınız çox qəşəng işləyir amma istifadə etdiyiniz Facebook, Whatsapp application-larının həcmi o qədər artır ki, artıq telefona zorla proqram yükləyirik. Və ya şirkət elan edir ki, artıq bu telefon modellərinin proqram təminatını yeniləməyəcəyik..
Microsoft Office 2007 çıxanda da etmişdilər bunu. Əgər sizdə Microsoft Office 2003 idisə 2007 fayllarını aça bilmirdiniz, açılmırdı. Məcbur etmişdilər ki, 2003 paketi işləyə işləyə 2007 paketini alaq.
Bunun örnəkləri kifayət qədər boldur, çoxdur.
3. Psixoloji metod.
Hər il yeni telefon çıxır.
Hələ ötən il aldığın model artıq köhnədi.
Hər il yeni dəb elan edilir. Bu ilin, bu fəslin dəbi budur. Hələ keçən il aldığın köynəyi bu il geyinməkdə tərəddüd keçirirsən.
Xanımlar bir gecəyə geyindiyi paltarı artıq ikinci dəfə geyinmir. Psixoloji köhnəlməyə diqqət etməklə özümüzü kapitalizmin heç olmasa bir tələsindən xilas etmiş olarıq.
Təbii ki, həyatda irəlilədikcə təzə olan hər şey köhnəlir. Floberin dediyi kimi, “Hər şey, hər şey, hətta dərdlər də köhnəlir”.
Eyni zamanda, “Necə köhnələr var ki, heç köhnəlməz” düşüncəsi ilə sevdiyimiz insanları, dəyərləri, texnologiyanın inkişafı ilə həyatımıza daxil olmuş”planlı köhnəlmədən” qorumuş olarıq.

Müəllif:  Psixoloq Rübabə
İstifadə edildi: (Birbirbil.com)

 

Beyenmeler
0   1  
VN:F [1.9.16_1159]
Rating: +9 (from 9 votes)

Psixoloq Rübabə

Fitret.az idarəçisi. Psixoloq.

- Sayt ünvanı

SOSİAL ŞƏBƏKƏ İLƏ BAĞLI MÜSBƏT VƏRDİŞLƏR

Xüsusi

Sosial şəbəkə, başqalarının həyatlarının tamamını və ya gerçəkdə necə olduğunu tamamilə göstərən bir yer deyil. Əgər bunu unutsanız, öz həyatınızı başqalarının paylaşdığı həyatı ilə müqayisə etmə tələsinə düşməkdən başqa çarəniz qalmaz.

Əslində bu durum son dərəcə təhlükəli ola bilər. İnsanın öz həyatını başqalarının həyatı ilə müqayisə etməsi acizlik, qısqanclıq və hətta nifrət kimi duyğuların yaranmasına səbəb ola bilər. Bu cür duyğularla mübarizə aparılmadığı zaman isə, stres, narahatlıq ve depressiya qaçınılmaz hala gələr. Əgər, onsuz da sıxıntı ve depressiya ilə mübarizə aparırsınızsa, bu duyğular, vəziyyəti daha da pisləşdirə bilər.

Həyatınızda olub bitənlərə, düşüncələrinizə, duyğularınıza biraz daha yaxından baxdığınız zaman, əslində ətrafınızda sizi tükəndirən bir çox neqativ şeyin olduğunu görə bilərsiniz. Sosial şəbəkədəki bütün o gözəl bədənlər, mükəmməl münasibətlər, möhtəşəm dostluqlar öz həyatınızın mükəmməl olmadığı hissini oyandırır. Özünüzü, tez-tez boşluqda və hər kəsin sahib olduğu şeylərdən məhrum imiş  kimi hiss edə bilərsiniz.

Halbuki, sosial şəbəkədən daha şüurlu istifadə edərək, bütün bu neqativ şeyləri pozitivə çevirə bilərsiniz. Öncəliklə bunu bilməlisiniz ki, şüurunuza diqqət göstərmədiyiniz zaman, o öz-özünün qayğısına qala bilməz. Yəni əgər şüurlu olaraq pozitiv düşüncələrə fokuslanmasanız, zehniniz öz-özülüyündən neqativ düşüncələrə yönəlir. Əgər facebook və ya instagram səfhənizdə aşağıya doğru enərkən düşüncələrinizə qarşı fərqindəlik inkişaf etdirməsəniz, zehniniz öz-özünə mənfi düşüncələr inkişaf etdirəcək. İkinci olaraq bilməli olduğunuz şey isə, düşüncələrinizin duyğularınıza təsir etməsidir. Yəni mənfi düşünclər sizi mənfi hiss etdirir, pozitiv düşüncələr sizi pozitiv hiss etdirir.

Başlamadan öncə…

1. Niyyətinizi müəyyənləşdirin

Sosial şəbəkə hesablarınızla maraqlanmadan öncə dayanın, nəfəs alın və özünüzə, hədəfinizin pozitiv bir təcrübə olduğunu xatırladın.

2. Olduğunuz anda qalmağı unutmayın

Həqiqətən xoşbəxt olmağın tək yolu, yaşadığınız anda qalmaqdır. Bunu həyatınızda nə qədər çox tətbiq edə bilsəniz, neqativ hissləriniz o qədər azalar. Ekrana toxunan barmaqlarınızı hiss edin, oturduğunuz kreslonu və ya stulu düşünün. Düşüncələrinizin arasında itməmək üçün zaman-zaman nəfəsinizə fokuslanın.

3. Təmizləyin. 

Davamlı olaraq nələrdənsə şikayətlənən və neqativ paylaşım edən insanları izləməyi tərk edin. Pozitiv insanları və səhfələri izləyin. Bunu edərək, şüursuzca aşağıya doğru enərkən nə qədər çox şeyin fərq etdiyini görəcəksiniz. Zehniniz hər zaman yaxşı bir seçim etməyə bilər, amma siz edə biləsiniz.

Paylaşım edərkən…

4. Nə qədər “like” alacağınızı düşünmədən paylaşın

Şüuraltınızda nə qədər “like” toplasanız, o qədər çox təsdiq aldığınızı düşünə bilərsiniz. Əksinə isə, “like” toplamayan bir paylaşım, sizi sevgisiz də hiss etdirə bilər. Halbuki bu bəyənmələr, sizin şəxsiyyətinizlə, şəxsi keyfiyyətlərinizlə bağlı deyil. Bəzi insanlar sırf “like” toplamaq üçün pul ödəyir. Bunun əslində nə qədər anlamsız olduğunu düşünün. Halbuki, özünüzə və paylaşdığınız şeyə güvənsəniz, bax o zaman həqiqətən xoşbəxt ola bilərsiniz.

5. Şikayət etmək əvəzinə, başqalarına köməyi toxunacaq müsbət şeylər paylaşın

Bu həm paylaşımlar, həm də rəylər üçün keçərlidir. Özünüzə bu sualı verin: Paylaşdığım bu şey müsbətdirmi? Şikayət etməkdən və ya mənfi mübahisələrə çevrilə biləcək paylaşımlardan qaçın. Bu, boş-boşuna enerjinizi tükəndirməkdən başqa bir işə yaramaz.

Hər gün ən az bir nəfərə kompliment etməyi və ya təşəkkür etməyi vərdiş halına gətirin. Online olduğunuz zaman, başqalarına müsbət və sevgi dolu mesajlar verməyə çalışın. Bunun sadəcə başqaları üçün yox, sizin yaxşılığınız üçün olduğunu unutmayın.

6. İçinizdən gələn tənqid istəyi ilə  mübarizə aparın

Neqativ bir rəy aldığınız zaman, bunun gerçəkliyini sorğulamaq üçün özünüzə biraz vaxt verin. Bu asan olmaya bilər, lakin eqonuzdan uzaqlaşıb özünüzə qarşı dürüst ola bilmək üçün bunu yoxlaya bilərsiniz. Əgər doğrudursa, sözü gedən neqativ şərhi edən insana bu mövzuya diqqət çəkdiyi üçün təşəkkür edin. Əgər doğru deyilsə, üzərində durmayın və o şərhi silin və ya üzərində durmayın və boş verin.

Aşağıya doğru enərkən…

7. Mühakimə etməyin

Bunu hamımız bilirik, bəs yaxşı nə qədər tətbiq edirik? Kimisə mühakimə etməyin nəticələrini zaman -zaman özünüzə xatırlada bilərsiniz. Biri haqqında neqativ düşüncələr bəslədiyiniz zaman, özünü pis hiss edən, o insan yox, siz olursunuz. Üstəlik, neqatİv düşüncələrin, neqativ duyğulara çevrildiyini unutmayın.

8. Qısqanmağın, ilham almaq üçün bir çağırış olduğunun fərqinə varın

Başqalarına qısqanclıqla baxmaq əvəzinə, onlardan ilham almağa çalışın. Sizin əldə etmək istədiyiniz şeyi bir başqası əldə edibsə, bu, həmin şeyin sizin üçün də mümkün olduğu deməkdir.

9. Zehninizin uydurduğu hekayələri sorğulayın

Bunu bir təcrübə olaraq görə bilərsiniz. Facebook səhfənizdə 5-10 dəqiqə boyunca aşağıya doğru enin və diqqətinizi intensivləşdirin, zehninizdə yaranan bütün heakyələrin fərqinə varın. Zehninizdə nələrsə yarananda, özünüzə bu hekayəyə inanmağın faydalı olub-olmadığını soruşun. Kifayət qədər yaxşı olmadığınızı düşünməyin sizə bir faydası varmı? Və ya başqalarının həyatdakı seçimlərini mühakimə etməyin sizə bir faydası varmı?

Zehninizi mühakimə etmək və ya ona hirslənməəvəzinə onu sorğulayın. Daha şüurlu və fərqindəliyi inkişaf etmiş bir insan olmaq istəyirsinizsə, zehninizi hər zaman sorğulayın.


Mənbə: www.uplifers.com

Hazırladı: Fidan Aslanova

 

Beyenmeler
0   3  
VN:F [1.9.16_1159]
Rating: +3 (from 3 votes)

Fidan Aslanova

Fitret.az idarəçisi

 
Facebook

“FOMO” NƏDİR ?

Xüsusi

“Qəbul edirəm… Bəzən dostlarımla bayıra çıxanda q"FOMO" nədir?almaq istədiyimdən daha uzun bir vaxt yanlarında qalıram; çünki mən yanlarında olmayanda maraqlı bir hadisənin yaşanmasından və bunun xaricində qalmaqdan çox qorxuram. Vecimə olmayan filmləri sırf müzakirələrdən uzaq qalmamaq üçün izləyirəm. Olduğum yerlərdə ətrafımdakı insanlarla danışmaq əvəzinə bir neçə dəqiqədən bir Facebook və Twitter hesabımı yoxlayıram, çünki önəmli bir şey yaşandığı zaman hər kəs sosial mediada bu mövzular haqqında danışır. Gündəmdən uzaq qalıb özümü xaric olunmuş hiss etmək istəmirəm. “

“Yenilikləri qaçırma qorxusu” – FOMO ( Fear of Missing Out ) – son zamanlarda adını tez-tez eşitməyə başladığımız bir növ narahatlıq şəklində psixoloji pozulma  və “gərəksiz yerə peşmanlıq duyma” davranışı ilə təsvir olunur. FOMO, insanların, ətraflarındakı bir çox alternativin fərqində olması və daima daha çoxunu istəmək, olmaq və ya etmək istəməsindən qaynaqlanır.

FOMO, hər nə qədər yeni bir trend kimi görünsə də, əslində uzun müddətdir ki, həyatımızdadır. Lakin müəxəssislər, bu pozulmanın, internetin həyatımızda daha çox yer alması ilə artım göstərdiyi fikrindədirlər.

Sosial mediaların FOMO -nun ortaya çıxmasını dəstəkləməsi; insanların Facebook, Twitter, Linkedin üzərindən ətraflarındakı insanların nə etdiklərini, inkişaflarını və nələrə sahib olduqlarını görmələrindən və öz həyatları ilə müqayisə etmələrindən qaynaqlanır. İnsanların bu alternativlərin fərqində olması, öz həyatları ilə bağlı məmnuniyyətsizlik yaradır, çünki eyni mərhələlərdən  keçdikləri insanların daha yaxşı yerlərə gəldiklərini görmək, peşmanlıq duyğusunu tətikləyir.

Bundan başqa, FOMO, insanların sosial münasibətləri üzərində də böyük bir təsirə malikdir. Bunu, aşağıdakı nümunədən də görə bilərik:

“Çox sosyal bir işim var və davamlı olaraq işimlə əlaqədar orqanizasiyalar üçün "FOMO" nədir?dəvətlərə qatılıram. Bu dəvətlərə etiraz edə bilməyim mümkün deyil, çünki ertəsi gün ofisdəki hər kəs gecədə yaşananlar haqqında danışarkən özümü yadlaşmış hiss edirəm. Məhz bu səbəbdən, iş xaricindəki dostlarla görüşlərə gedə blmirəm. Zamanla, dostlarımın artıq bir yerlərə gedərkən  mənə xəbər vermədiklərinin və iş xaricindəki sosial həyatımın yavaş-yavaş yox olmağa başladığının fərqinə vardım. Etiraf etməliyəm ki,  işlə bağlı orqanizasiyalarda  elə də əylənmirəm. Lakin hər dəfə bu orqanizasiyalara qatılmaq məcburiyyətindəymiş kimi hiss edirəm. Çünki getmədiyim təqdirdə o gecə gerçəkləşə biləcək maraqlı bir hadisəni və ya  kariyera fürsətini qaçıracaqmış kimi bir hissə qapılıram.”

FOMO-nun ən böyük təhlükəsi, zamanınızı boş yerə tükətməsidir. FOMO yaşayan insanlar, adətən, o anda etdikləri şeyə fokuslanmaqdan çox, etmədikləri şeylər üçün peşmanlıq keçirərək zamanlarını öldürürlər. Yəni bir şeylər edərkən, edə bilmədikləri şeyləri qaçırdıqları üçün böyük bir peşmanlıq və suçluluq hiss edirlər.

2013-cü il əslində FOMO-nun artım göstərməsi baxımından önəmli bir dönüm nöqtəsi olaraq görülə bilər. Çünki bu il ağıllı telefon satışları ilk dəfə kompüter satışlarının önünə keçdi. İnsanlar artıq sosial medyalardakı varlıqlarının ev və iş yerləri ilə limitli olmasını deyil, 24 saat online ola biləcəkləri alternativ yolları dəyərləndirmək istəyirlər. Ağıllı telefonlar, insanların 7 gün 24 saat sosial mediyalarda yaşanan  dinamikaları saniyəbə saniyə təqib etməsinə imkan verir.

Şübhəsiz, FOMO hər birimizin həyatına fərqli şəkildə təsir edir. London School of Economics’də Sosial El"FOMO" nədir?mlər İnstitutu professoru Benjamin Voyer, yenilikləri qaçırma qorxusunun tamamilə, sosial olaraq təcrid olunma narahatlığı səbəbi ilə ortaya çıxdığını söyləyir.

“Sosial statunuz yüksək olduğu zaman, sosial olaraq təcrid edilmə narahatlığınız olmur. Çünki insanlar üçün referans nöqtəsi sizsiniz və başqalarını örnək alan deyil, başqaları tərəfindən örnək alınan bir pozisiyadasınız. Bu səbəblə, FOMO adətən yeniyetmə dövründəki, yəni şəxsiyyət böhranı yaşayan  fərdlərdə daha tez-tez rast gəlinir.”

FOMO, hər nə qədər yaşla və statusla əlaqəli bir fenomen olaraq görünsə də, əslində yaşa və ya statusa bağlı olmadan hər tip insanda görülə bilər. Burada önəmli olan nöqtə, insanlar üçün nəyin önəmli olduğu və insanın dəyərlərinin nəyə əsasən müxtəliflik göstərməsidir.

McGuire-Snieckus’ hesab edir ki, FOMO-nun ortaya çıxması, sosyal status və ya yaşdan çox, insanların şəxsiyyət xüsusiyyətləri ilə əlaqəli bir vəziyyətdir. Həyatdan zövq ala bilən, nə istədiklərinin, necə bir həyat tərzini mənimsədiklərinin fərqində olan insanlarda  FOMO-nun görülmə ehtimalı daha azdır. Çünki bu insanlar,  istədikləri hədəflərə çatdıqdan sonra dayanmaları olduğu nöqtələrin şüurundadırlar və əllərindəki ilə kifayətlənməyi bacarırlar.

Bunun əksini yaşayan insanlar isə, etdiklərinə yox, daima daha artıq nə edə biləcəklərinə fokuslanaraq hərəkət edirlər. Bir mövzuda qərar alana qədər, ola biləcək bütün alternativləri dəyərləndirməyə çalışırlar. Nəticədə bir qərara gəlsələr belə, bunun ən yaxşı nəticə olmadığına inanırlar və gördükləri heç bir işdən məmnun olmurlar.

FOMO, hər nə qədər neqativ təsirləriylə müzakirə olunan bir pozulma olsa da, bəzi insanlar üçün olduqca motivasiyaedici ola bilir. FOMO sayəsində bir çox insan sərhədlərinin xaricinə çıxaraq, özlərini hər gün daha çox inkişaf etdirməyə və yeni şeylər öyrənməyə çalış"FOMO" nədir?ırlar.

FOMO-nun narahatlıq və stres yaratması, və ya motivasiya qaynağı olaraq istifadə edilib fərdi inkişafınıza faydalı olması arasında incə bir cizgi var. Bu cizgidə qala bilmək üçün də, daima anı yaşamaq, başqalarının həyatlarına yox, öz həyatımıza fokuslanmaq, və sosial medyada keçirdiyimiz zamanı düzgün tənzimləmək lazımdır. 
Edə bildiklərinizə fokuslanıb bunlarla qürur duymağı bildiyiniz müddətcə, FOMO-nu, həyatınızı müsbət yöndə inkşaf etdirəcək bir vasitə olaraq istifadə edə bilməyiniz mümkündür.


Mənbə:  uplifers.com

Hazrıladı:  Fidan Aslanova 

Beyenmeler
0   3  
VN:F [1.9.16_1159]
Rating: +6 (from 6 votes)

Fidan Aslanova

Fitret.az idarəçisi

 
Facebook

“SERVER” NƏDİR? NƏ ÜÇÜNDÜR?

Xüsusi

server-room-hd-free-23325111Server nədir?
Server, komputer qaynaqlarının paylaşdırılması deməkdir. Misal üçün, sizin
komputerinizin sabit diski 500 GB-dır. Siz komputerinizin 500 GB-ını 1 GB, 5 GB, 10 GB
və digər ölçülərdə paylaşdıra bilərsiniz. Bunun üçün sizin internetə daimi çıxışınız
və fasiləsiz elektrik enerjisi olmalıdır. Komputeriniz də fasiləsiz olaraq işlək vəziyyətdə
olmalıdır. Performansın daha yüksək olması üçün, komputerinizin göstəriciləri də yüksək
olmalıdır. Misal üçün, ən əsası komputerinizin CPU-su yüksək olmalıdır.
Çünki, CPU (Central Processing Unit – Mərkəzi əməliyyat vahidi) komputerdəki ən önəmli
komponentdi. İstifadəçi sayı artdıqca CPU istifadəsi də çoxalır və serverdə yavaşlamalar
meydana gəlir. Bu halda serverdə yer alan saytlara giriş çətinləşir, bəzi hallarda giriş
mümkün olmur. Bunun üçün də, sizdən hostinq alan istifadəçilərə müəyyən şərtlər qoya bilərsiniz.
Sizdən hostinq alan hər bir istifadəçilərə bu şərtlər bildirilməli, və hostinq sifariş edən
şəxslər də bu şərtləri qəbul etməlidir.
Siz komputerinizin yaddaşını müəyyən qiymətlərlə, hostinq istifadəçilərinə təklif
edə bilərsiniz. Hostinq istifadəçilərinə narahatlıq yaratmamaq üçün, internet provayder seçimində düzgün
seçim etməlisiniz. Serverinizdə hostinq istifadəçilərinin sayı artdıqca serverinizin parametrlərini
yüksəltməli və yeni serverlərinizin sayını artırmalısınız. Ümumi serverlərinizin sayı 2 və 2-dən yuxarı ola bilər.
Bu rəqəm hostinq istifadəçilərinin sayı artdıqca yüksələ də bilər. Bu serverləri təkcə bir layihə üçün də istifadə etmək üçündür.
Əgər ki, yüksək reytinqli bir layihəniz varsa, serverinizi vəya serverlərinizi bu layihəniz üçün
istifadə edə bilərsiniz. Misal üçün, internet nəhənglərindən biri olan “facebook”-un 2012-ci il statistikasına görə 180.000 serveri var idi.
Bu rəqəmin hələ də sabit qalması mümkün deyil. Hər il, serverlərin sayı artırılır.

Müəllif: Abdunnur Rüstəmov

Beyenmeler
0   3  
VN:F [1.9.16_1159]
Rating: +7 (from 7 votes)

MARKETİNQ İŞİNƏ SƏRMAYƏSİZ NECƏ BAŞLAMAQ OLAR ?

Xüsusi

Sərmayə olmadan başlaya biləcəyiniz iş sayı çox deyil, ancaq marketinq cəhdləri istisnadır. Doğru bacarıqlara sahibsinizsə və fəaliyyətə keçmədən əvvəl hazırlıq işləri görə bilərəm deyirsinizsə, marketinq işinə pulsuz və ya az bir pulla başlaya bilərsiniz. Ata biləcəyiniz addımlar:

1 – Əsas biznes rəhbərliyi funksiyalarınızı təşkil edin

Bank hesabına, biznes ünvanına, xidmət tarifinə və biznes adına ehtiyacınız olacaq. Marketinq işinə pulsuz başlamaq ödəmələr üçün ev ünvanınızı, fərdi bank hesabınızı və öz adınızı istifadə edəcəyiniz mənasına gəlir.

2 – İstiqamətinizi təyin edin

Nə satacaqsınız və kimə satacaqsınız? Yazıçılıq, veb dizaynı və qrafik dizayn kimi sahib olduğunuz bacarıqlarınızla başlayın. Dost olduğunuz sektorları araşdırın.

3 – Marketinq planı hazırlayın

Online olan ödənişsiz marketinq planı şablonlarından faydalanın və ya hədəflərinizi yazmaq üçün bir təqvim istifadə edin. Marketinqin 4P -ni, yəni məhsul, qiymət, paylama və ayaq üstə durmağı marketinq planınıza daxil edin.

4 – Ola biləcək bazarların siyahısını hazırlayın

Yoldaşlarınıza, yerli qruplara və iş görəcəyiniz yerlərlə əlaqə qurun. Məsələn: Motosiklet həvəskarısınızsa motosiklet sürücüləriylə, motosiklet mağazalarıyla və ya işinizlə əlaqəli bizneslərlə başlayın. Ailənizdə həkim, vəkil və ya təşəbbüskarlar varsa bir sonrakı internet lahiyəniz, broşuranız və ya fəaliyyətiniz üçün təklif verib verə bilməyəcəklərini soruşun.

5 – Online reklam edin

Fəaliyyətə keçmənizə kömək etmələri üçün ödənişsiz sınaqlar və ya pulsuz xidmətlər təqdim edən internet saytlarını araşdırın. Gec ya da tez internet saytınız üçün bir domain yəni sahə adına ehtiyacınız olacaq. Bununla birlikdə iş şablonları təqdim edən ödənişsiz internet saytlarını istifadə edərək də başlaya bilərsiniz.

6 – Facebook, Twitter və LinkedIn kimi bütün fərdi ictimai media hesablarınızı yeni blogunuza, internet səhifənizə və ya online məlumatlarınıza əlavə edin

Marketinq işinizlə əlaqədar xəbərlər paylaşmaları üçün yoldaşlarınızdan kömək istəyin. Müştərilərinizə yeni işinizdə ən təsirli qaynaqları istifadə etdiyinizi göstərməlisiniz.

7 – Dayanmadan marketinq və təqdimatlar hazırlayın

Yeni marketinq işinizlə əlaqədar göndərdiyiniz hər e-poçtda şüarınız, veb ünvanınız və ya ictimai media hesablarınızla əlaqədar məlumatlar iştirak etməlidir. Tətillərdə və ya bayramlarda Facebook səhifəniz vasitəsilə təbrik kartları nəşr edin. İctimai yığıncaqlar yeni işinizdən bəhs etmək üçün mükənməl yerlərdir.

8 – Referans istəyin

Müştərilər tapmağa başladıqca bu müştərilərdən başqalarına sizdən bəhs etmələrini xahiş edin. Sizə yeni müştərilər gətirmələrinə qarşılıq bir sonrakı proyektdə endirim etməyi təklif edin.

Tövsiyyələr:

Kompüterlərin bir çoxunda təməl iş proqramları vardır. Hansı proqramların olduğunu yoxlayın, çünki sadə marketinq lahiyələrinə başlamaq üçün lazımlı olan hər şeyə sahib ola bilərsiniz. Ödənişsiz marketinq bülletenlərinə və ya bloqlarına üzv olun. Online bir çox qaynaq vardır. Bu səbəblə seçici olun. Sizin üçün qiymətli və faydalı olanları seçin. Xoşunuza gedən fikirləri təqlid etməyə çalışın ancaq öz blogunuzun orijinal olduğundan əmin olun. Özünüzü ucuza satmayın. Ən az bir il boyunca hər gün bir şəkildə yeni işinizin təqdimatını edin və daha sonra marketinqlə davam edin.

Xəbərdarlıqlar:

İnternet fırıldaqçılarına qarşı diqqətli olun. İnternet marketinqiylə pul qazana biləcəyinizi iddia edən bir çox internet saytı vardır. Hər hansı bir şey etmədən əvvəl əhatəli bir araşdırma etdiyinizdən əmin olun.

Hazırladı: Müşviq Osmanlı

Beyenmeler
0   4  
VN:F [1.9.16_1159]
Rating: +2 (from 2 votes)