DUA HAQQINDA

Xüsusi

DUA NƏDİR?

Dua, ilk öncə insanın özünü motivasiyadır.
Dua, öz iç üzünü özünə açıb göstərməkdir. İnsanın özü ilə tanışlığıdır.
Dua, nə istədiyini bilməkdir. İstədiklərini müəyyənləşdirən insan bunu həyata keçirmək üçün hərəkətə keçər.
Dua, Allahla ünsiyyət fonunda önəmli bir çəkiyə malikdir. Dua, insanın yerini müəyyən edər. İnsan hansı fəzada hansı nöqtədə hansı görəvdə olduğunu aydınlaşdırar özü üçün.

DUA ETMƏK NƏDİR?

Dua etmək, özünü ifadə etmək, istək və arzularını bəyan edəcək qədər cəsarət toplamaqdır.
Dua etmək, insanın özü üçün müəyyən etdiyi hədəfinə doğru yolçuluq üçün isinmə hərəkətinə başlamaqdır.
Dua etmək, iş öncəsi planlarını səhmanlamaqdır.
Dua etmək, Allahin iradəsini dəyişmək deyil. Dua etmək, Allahın iradəsi ilə (səbəb-nəticə qanunu) özünü dəyişdirmək, öz iradəni hərəkətə keçirmək istəyidir.

Niyə dua edir insan? Allah iradəsini insana görə dəyişmir dedik. İnsan öz istəklərini Allahın iradəsinə görə dəyişir. Hər dua və ondan sonrakı duruma baxan insan, Allahın qanunlarının onun istəklərinin fövqündə olduğunu fərq edər, öz yerini bilər, həddini bilər və istəklərini bu böyük iradənin axınına uyğun formalaşdırar. Təslimiyyət də budur. Quran deyər: “Duanız olmasaydı Rəbbim sizə nə deyə dəyər verərdi.” Bəli, sizin dəyəriniz Allahın verdiyi qədərdir. Onun iradəsi mütləqdır və insanlar öz iradələrini bu vahidə uzlaşdırmağa cəhd etməldir. Xoşbəxtlik və bədbəxtlik də bu fonda özünü aşkar edir.

Tanrı uşaqları tez eşidir deyirik. Niyə? Çünki uşaqlar dinləmək istəyir, öyrənmək istəyir. Uşaqlar bütün hüceyrələrini qulağa çevirirlər dua etdikləri zaman. Çünki uşaqların duaları içdən gələn istəkləridir, ritualları deyil. Uşaqların tək ritualı var, o da öyrənmək. Böyüklər isə bildiklərini təsdiq etmək üçün qulaq asırlar. Böyüklər ritualları ilə öyünərlər.

Dua-dua etməkDindarların məntiqincə isə dua Allahın iradəsini dəyişə bilər. Yəni dua etməklə olduqları durumdan fərqli bir şey istəyir, əldə edə bilmədiklərini əldə etmək istəyirlər. Öz durumunla razılamamaqdır bu, “Ya Rəbb, sən elə edirsən, mənsə belə istəyirəm” deməkdir. Sanki duaları ilə Allah mövcud durumu dəyişəcək, bilavasitə öz qərarını dəyişəcəkdir. Bu yanaşma dua haqda çıxılmaz problemlər yaradır, insanları paradokslar qarşısında bu cür qoyur.

1. Allah dua qəbul etməklə birinin qədərini dəyişir. Belə çıxır ki, dua Allahın iradəsinə təsir edir?
2. Allah qəlbləri bilir və qəlblərə görə verir. Qəlbləri duyur. Onun bu cür xəbərdarlığa ehtiyacımı var?
3. Allaha nə edəcəyini söyləmək yersizdir. O hər şeyi biləndir. Nə edəcəyini də bilmir?
4. Allaha edilən dua, başqası üçün bəddua ola bilər. Birinə yağmur, digərinə quraqlıq sərf edir. Allah kimin tərəfindədir?
5. Allaha dua etmək, mövcud durumla razılaşmamaq deməkdir. Allah isə layiq olmayanı verməz. Üsyanmı edirsən?

Beyenmeler
0   0  
VN:F [1.9.16_1159]
Rating: +11 (from 15 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

NİTSŞENİN DƏCCALI VƏ MƏSİHİ

Xüsusi


Heçlik. Düşünən insanın müəyyən bir zamandan sonra, suallarına cavab tapmaq üçün başladığı axtarışların sonunda gəlib çatdığı önəmli bir nöqtə. O nöqtə ki, insana onun indiyə kimi düşündüklərinin mənasız, inanclarının əsassız, dəyərlərinin əhəmiyyətsiz olduğunu anladacaq. Və budur, düşünərək özünə davamlı sual verən insan artıq kim bilir nə qədər sürəcək və bəlkə də heç vaxt bitməyəcək nihilizm dövrünü başlatmış oldu.

Biz hər zaman dəyərlərin yıxılmasından çox bəsit bir hadisəymiş kimi danışır və bununla onun mahiyyətini əks etdirməmiş, hətta gizlətmiş oluruq. Axı insanın həyat boyu inandığı Tanrının mövcud olmamasını dərk etməsi, öz varlığına olan inanc və bağlılığının yox olması, qoruduğu əxlaq normalarının çökməsi ağrılı və acılı bir prossesdir… Amma insanı üstün edəcək, güclü iradəsini və xarakterini formalaşdıracaq şey də elə həmin prosses boyu çəkdiyi acı və ağrılardır. Bizim mövzumuz bax burda açılır.

nihilizm-nitsşe-dəccal-məsihÇöküş

Fəlsəfə hər zaman insanlar üçün cəlbedici görünüb. Amma eyni zamanda, həqiqətən öz sualları doğrultusunda müəyyən bir nöqtəyə gəlməyən, sadəcə fikirlərin təsirinə düşərək həyatını bu fikirlər üstündə qurmağa çalışan bir insan üçün böyük təhlükədir. Çünki uçuruma düşən insanın o uçurumdan çıxması üçün zəkası və gücü olmalıdır. Əks halda o, düşdüyü yerdə ilişib qalacaq və heç vaxt çıxa bilməyəcək. Düşüncələrlə zarafat etmək olmaz. Nihilizm düşünən insan üçün qaçınılmazdır. Çünki həyatın mənasını, mövcudluğunu və Tanrını sorğulayırsansa, gerçəklərlə mütləq üzləşirsən. Və bu zaman çöküş baş verir. Səni indiyə kimi ayaqda saxlayan bütün sütunlar, dirəklər çökür. Ancaq bu həmçinin tamamlanma və zərurətdir. Çünki əgər axtarırsansa, sorğulayırsansa demək ki, bütün bunların kökündə bir ehtiyac var. İllərlə filosofların öz fikirləri ilə anlamını daha da genişləndirdiyi bu hadisəyə ilk dəfə Şopenhauer maraqlı və yeni bir fəlsəfi cərəyan yaradacaq şərh verdi. Yuxarıda qeyd edilən fikir məhz onun fəlsəfəyə qazandırdığı yeni baxışdır. O, çöküşü insan üçün qaçınılmaz hesab edirdi və buna iradə adı qoyurdu.

İradə

Şopenhauerin bu fikiri ən çox Nitsşe üçün cəlb edici və düşündürücü görünürdü. Axı mükəmməllik axtarışında olan insan köhnəldiyini, öz gücünü itirdiyini düşündüyü dəyərləri yıxdıqdan sonra necə daha möhtəşəm olanını yaratmaya bilərdi? Bununla da Nitsşe iradə fəlsəfəsini insanlar üçün başa düşülə biləcək hala gətirmiş oldu. Bütün köhnəlmiş dəyərlər, əxlaq normalarını yıxdıqdan sonra insan daha mükəmməl olanını yaradacaq və üst insan olacaq. Bu iradədir. Güclü və zəif insanların ayrıldığı önəmli nöqtə.

Dəccal və Məsih

İnsanlar hər zaman çarəsizlikdən, çöküşdən azad olmaq üçün xilaskarlara ehtiyac duyurlar. Əslində xilasın hər hansısa bir insanda yox fikirdə, onun şəxsində deyil, daşıdığı ideyada olduğunu anlamırlar. Bunun üçün peyğəmbərlər hər zaman məcazi şəkildə həqiqətləri yazmağa və çatdırmağa çalışıblar. Bütün müqəddəs kitablar əslində həqiqətin kodlaşdırılmasıdır. Axı peyğəmbərlər əslində öz dövrlərinin aydını və yenilikçiləridir…

antixrist-nihilizmNitsşenin “Antixrist” (Dəccal) əsərini oxuyanda obrazlaşdırılma mənə çox maraqlı gəlmişdi. Həqiqətən də yaradıcı insanlar öz fikirlərini müəyyən kodlaşdırma ilə göstərməyi… məhz göstərməyi sevirlər. Bütün səmavi dinlərdə bir dağıdıcı var. Yəhudilikdə Armilus, Xristianlıqda Antixrist, İslamda isə Dəccal. Hər kəs bilir ki, Dəccal gələcək, insanları Tanrıya olan inancdan döndərəcək, bir sözlə mövcud dəyərləri yıxacaq. Sonda isə Məsih gələrək onu məğlub edəcək və Tanrının krallığını quracaq, yəni hər şey əvvəlkindən daha yaxşı olacaq. Bu sizə nəyisə xatırladır? Nitsşenin nihilzm zəruridir, mövcud köhnəlmiş dəyərlər yıxılmalıdır və üstün insan yeni və möhkəm olanını qurmalıdır fikiri ilə eyni deyil? Dolayısı ilə mif gerçəklə uzlaşır. Əfsanə realdır.

Dəccal nihilizmdir. O inancları, daxili əxlaq normalarını məhv edəcək. Cəmiyyətin bütün saxta dəyərləri darmadağın olacaq. Sonda isə Məsih, yəni üst insan (və ya yeni fikir) gələcək nihilizmi bitirərək Tanrının krallığını – üstün cəmiyyəti formalaşdıracaq. Çünki Məsih xilaskar deməkdir. Konkret olaraq bir şəxs deyil. Yəhudiliyin Maşiahı, Xristianlığın İsa Məsihi və İslamın Mehdisi əslində Nitsşenin üstün insanıdır. Bütün dahilər hər zaman bir həqiqətdən danışıb, lakin şərhlər və anlayışlar fərqlidir. Güclü insanlarla zəif insanlar bunu hər zaman bir-birindən fərqli şəkildə qavrayır.

Mənbə: Etatist.com
Müəllif: Həbib Rüstəm (Kabus)
Beyenmeler
0   2  
VN:F [1.9.16_1159]
Rating: +21 (from 21 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

İMMANUEL KANT SÖZLƏRİ

Xüsusi

 

İmmanuel Kant, idrakı ilə təcrübəsini birləşdirərək nəhəng bir şəxsiyyət portreti cızmışdır. O portretdən bəzi cizgiləri sizə təqdim edirik:

* Başqalarını şəxsi məqsədlərini gerçəkləşdirmək üçün vasitə olaraq görmə.

* Ağlımda maraq,şübhə və hörmət oyandıran iki şey var: Üzərimdə ulduz kimi parıldayan cənnət və içimdəki əxlaq qanunu.

* Bizlər sirlərlə dolu bir kainatda bir yuxunun yuxusunu görməkdəyik. Gerçəkdə bildiyimiz heç bir şey yoxdur. Bildiyimizi sandığımız şey yalnız hadisələrdir. O hadisələr ki, bilmədiyimiz bir varlıqla əsla bilməyəcəyimiz bir varlığın bir-birlərinə olan əlaqəsindən doğulmuşdur.

* Böcək olmağı qəbul edənlər, ayaqlar altında qalıb əzilməkdən şikayətlənməməlidir.

* İnanca yer vermək üçün məlumatı bir kənara qoydum.

* Elə davran ki, davranışların prinsip halına gəlsin.

* Məcburi yalana güzəşt getmək olar, amma ona haqq qazandırmaq olmaz.

* Təsəvvür böyük rəssamdır, daha artıq, sehrkardır.

* Аğıl ən çox qaranlıqda yaxşı işləyir.

* Əgər kimsə bütləşdirilirsə və göylərə qaldırılırsa, onda digər adamlar arasında fərq itir, çünki yeganə meyar həmin bütə pərəstiş dərəcəsi olur.

* Biz ancaq öz elədiklərimizi anlayıb başqalarına anlada bilərik.

* Dünya nizamı özünün ölçüyəgəlməz möhtəşəmliyi, hər yerdən parlayan sonsuz rəngarəngliyi və gözəlliyi ilə bizi səssiz təəccübə gətirir. Əbədi və ciddi nizama müvafiq olaraq vahid ümumi qanundan necə gözəlliklərin, necə möhtəşəmliyin çıxdığını görəndə isə ağıl bir başqa cür heyrətlənir.

* İztirab fəaliyyətə çağırışdır. Yalnız iztirablar vaxtı biz həyatımızı hiss edirik.

* Bir balaca fikirləşsək, o saat özümüzdə hər hansı günah tapmış olaraq.

* Döyüş xalqların heyvanca var olma vəziyyətidir; barış isə insanca var oluş vəziyyətidir.

* Başqalarının etdiyi səhvlərdən ötrü hirslənsəniz, onları deyil özünüzü cəzalandırmış olarsınız.

* Bütün sahib olduğumuz məlumatın təcrübə ilə başladığına şübhə yoxdur.

* Əxlaq insanın xarakterində olmalıdır.

* Zaman, səssiz bir mişardır.

* Əgər insan Allahın iradəsinə tabedirsə, onda o, təbiətlə həmahəngdir.

* Fərd ölməyə məhkumdur, bəşər övladı – olümsüzdür.

* İnsan öz yaxın ətrafından, digər insanlardan hətta zəhləsi də getsə, onlarsız yaşaya bilməz.

* Dahilik elə işlər görməkdir ki, onları başqalarından öyrənmək və başqalarına öyrətmək mümkün deyil.

* Hər nə qədər inanmasam da Tanrının varlığını qəbul etmək lazımdır.

* Aydınlanma adamın öz ağlını istifadə etməyə cürət etməsidir.

* Gözəllik əxlaqi xeyirin rəmzidir.

* Əgər insan Allahın iradəsinə tabedirsə, onda o, təbiətlə həmahəngdir.

* İnsanlar işığı görməz, işıqla görər.

* İki cür könül xoşbəxtliyi var: I. Ruhi sakitlik vә ya taledәn razılıq (qәmli vicdan). II. Hәmişә şәn ürәk. Birincisi insanın özündə heç bir günah hiss etməməsi nəticəsində, dünyəvi firavanlığın heçliyini aydın dərk etməklə yaranır, ikincisi isə təbiətin bəxşişidir.

* Bütün canlıların qulaq asdığı ilahiyyat səsidir. Heyvanlar dünyaya gәlәn kimi öz qüvvәlәrindәn düzgün istifadә etmәyi bacarırlar, yәni özlәrinә ziyan vurmurlar. Мәsәlәn, qaranquş yumurtadan çıхan kimi, hәlә gözlәri açılmamış elә elәyir ki, nəcisləri yuvaya düşmәsin. Buna görə heyvanların qulluğa (yemək, istilik və müdafiə tələbatından başqa) qətiyyən ehtiyacı yoxdur.

* Həyatın müxtəlif çətinliklərinə qarşı üç şey hədiyyə edilmişdir; Ümid, Yuxu və Gülmək

Hazırladı: Psixoloq Rübabə

Beyenmeler
0   2  
VN:F [1.9.16_1159]
Rating: +14 (from 16 votes)

Psixoloq Rübabə

Fitret.az yazarı. Psixoloq.

- Sayt ünvanı

İMTİNA ETMƏK…

Özün olmaq cəsarəti: Şübhə və inancdan güvənə doğruElə an olur ki, imtina etmək məcburiyyətində qalırsan. Və elə an da olur ki, əldə etməyin qaçılmaz olur. Belə bir halda hər iki məhfumun nə qədər həssas və özəl xarakter daşıdığı aydın olur. Bu iki anlayışı bir-biri ilə müqayisə etmək çox çətindir. Məsələ insanın bu anlayışlara yerinə görə, olay və hadisələrin fonunda baxması ilə anlam qazanmasındadır. Yerinə görə qərar vemək, davranmaq hər iki anlayışın ayrılıqda insan həyatı üçün faydalılıq əmsalını təyin edir. Eyni zamanda hər ikisi birlikdə və ya bir-birini izləyərək faydalı ola bilir.
İmtina etmədən ancaq əldə etmək üçün çabalayan insana acgöz deyirik. Nə gəldi udar, mənimsəyər, ağına-bozuna baxmaz. Əldə etməyən və edə biləcəyi halda imtina edən insana isə fərsiz, bacarıqsız deyirik. Dünya aləm vecinə olmaz, əlində-ovcunda bir şey qalmaz, imtina etməsi ilə sanki bir xarakter formalaşdırar. Hər iki tip insanlar ətrafımızda çoxdur və biz də bu insanlara biganə qala bilmirik. Hətta müxtəlif vəziyyətlərdə hər hansı tipə qibtə də edirik. Qazandı, bacardı, mənimsədi deyə. Və ya imtina etdi, dözdü, dik durdu, xarakter nümayiş etdirdi deyə.

Demək ki, bu iki anlayışın həyatda rolu böyükdür. Bu böyüklüyün faydalılığı isə onlar arasında sərhəddin müəyyən olunmasıdır. Sərhəd, hər bir şeyin tərif almasından və özününü aydın ifadə edə bilməsindən başlar. Hər biri hadislərədə, olaylarda təzahür edən anlayışdır. Nədən imtina edəcəyimizi və nəyi əldə edəcəyimizi mövcud olduğumuz vəziyyət təyin edir. Vəziyyəti oxumaq, buna görə də sərhədləri müəyyən etmək lazımdır.
Dahilər, imtina etməklə əldə etməyin sərhədlərini müəyyən etmiş insanlardır. İmtina edə bilmək nemətdir. Nemətlərdən imtina etmək isə sərhədləri bilməkdən keçər. Bir şeyi nemətə çevirmək bu sərhəddin varlığından asılıdır. Bu sərhədləri əldə etmək lazımdır ki, imtina etməyi də bacaraq.

Əldə etməyi cəsarətə, imtina etməyi isə iradəyə bağlayırıq çox zaman. Cəsarət və iradə, müvafiq olaraq əldə etmə və imtina etmənin bazası sayıla bilər bəlkə də. Amma hər əldə edənə cəsarətli, hər imtina edənə iradəli deyə bilərikmi? Vəya, hər cəsarətli olan mütləq əldə etməldirmi? Hər iradə sahibi ancaq imtinamı etməldir? Əslində çox həssas mövzudur. Elə insanlar var ki, sadəcə əldə edə bilmirlər, amma imtina etmiş kimi görünürlər. Bunda diqqətli olmaq lazımdır. Necə ki, danışa bilməyən insanları susan müdriklərlə qarışdırmamalıyıq.

əldə etmək-imtina etməkMəncə, imtina edən insan əldə etməyi bacarıb da bunu edən insandır.  Əldə etmədən, əldə etməni bacarmadan imtinaya qol qoymaq, bunu iradə gücü ilə etmənin nəticəsinə oxşamır. İmtina edə bilmək iradəli bir addım olursa, o zaman bu elə ən böyük cəsarətdir. İnsan üçün ən böyük cəsaqrət elə iradə sahibi olmaqdır. Hələ də bu sahibliyi əldə etmək üçün deyil, imtina etmək üçün istifadə edəsən.

İmtina etməyi bacarmaq lazımdır. İmtina, nəticəsini və həzzini uzun zamanda biruzə verən bir nemətdir. İmtina edənlər, səbr edənlərdir o zaman. Səbr etməyi bacaranlar, imtina edərək qazanmaqdan həzz alanlardır. Müdriklər çox sözlər demişlər bu haqda. Bunun bir məqam olduğuna inanıram mən. Əks halda, əldə etməklə alışıb yanan fərdin imtinadan xoşlanması sadəcə bir özünü aldatmadır. Özünü aldadan insan isə nə əldə edər, nə də imtina etməyi bacarar.

Müəllif: Vüsaləddin Rüstəmov

Beyenmeler
0   2  
VN:F [1.9.16_1159]
Rating: +6 (from 8 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

ROBİN ŞARMA – “FERRARİSİNİ SATAN MÜDRİK”

Robin ŞarmaRobin Şarma-  Şimali Amerikanın ən görkəmli natiqlərindən biri kimi məşhurdur.  O, liderlik və həyatı təkmilləşdirmə sahəsində ən parlaq ulduzlardan biridir. Yazıçılıq və eyni zamanda da iki hüquq təhsili almış Robin Şarma “Şarma- beynəlxalq liderlik” şirkətinin prezidentidir. “Ferrarisini satan müdrik” kitabı, yazıçının bestseller-lərindən biridir. Paulo Koelyo, bu kitab haqqında deyir: “Bu cəlbedici kitab həm öyrədir, həm də heyran edir”.

 

KİTABDAN SEÇMƏLƏR:

“Pul qazanmaq” la “həyat qazanmaq” arasında yerlə göy qədər fərq var.

Mən də çoxları kimi tələbəlik illərində idealist idim. Yataqxana otağında bir fincan soyuq qəhvə arxasında  dünyanı necə dəyişdirməyi müzakirə edərdik. O vaxtdan təqribən 20 il keçib və mənim dünyanı təkmilləşdirmək istəyim evin kreditini ödəmək və özümə yaxşı təqaüd təmin etmək istəyi ilə əvəz olunub.

Edə biləcəyin ən faciəli işlərdən biri, həyatını “sonraya” saxlamaqdır.

Sən etməyi xoşlamadığın şeyləri etməyə başlamalısan. Sənin halında bu, məsələn, səhər yatağını yığmaq və ya işə maşınla deyil, piyada getməyə cəhd göstərmək ola bilər. İradənin gücündən istifadə etməyi vərdişə çevirməklə sən zəifliklərinin qulu olmaqdan çıxacaqsan.

Arxayınlıq, öldürücüdür.

Fikirlərini idarə etməyə vaxt tapmırsansa, fikirlər səni idarə edəcəkdir.

Dəmir iradə tərbiyə etmək üçün hər gün səni şəxsi intizam keyfiyyətinə doğru aparan kiçicik addımlar atmaq lazımdır.

Emersonun dediyi kimi: “ Xasiyyət, intellektdən yuxarıdır. Böyük ruhun həm yaşamağa, həm də düşünməyə gücü yetər.”

Sən gün ərzində nə düşünürsənsə, o-san.

Musiqinin gücünü heç vaxt yadından çıxarma.

Yadında saxla ki, yataqda uzanmaq, istirahət etmək və bütün günü veyllənməklə əsl xoşbəxtliyə çatmayacaqsan.

Ümumiyyətlə, xoşbəxtliyin sirri çox sadədir. Ən çox nə ilə məşğul olmağı istədiyini müəyyən et və bütün gücünü bu işə ver.

Gənc adam müdriki tapan kimi soruşur: “Sənin kimi aqil olmaq üçün mənə nə qədər vaxt lazım olacaq?”. O dəqiqə də cavab alır: “5il”. Cavan, – bu çoxdur. – deyir, – mən iki dəfə daha gərgin işləsəm, necə? Müəllim, – onda buna 10 il lazım olacaq, – deyir. – 10! Bu lap çoxdur. Bəs gecə-gündüz dayanmadan məşğul olsam? Müdrik cavab verir: – 15 il.
– Mən başa düşə bilmirəm, məqsədimə çatmaq üçün daha çox enerji sərf etməyə söz verdikcə, deyirsən ki, buna daha çox vaxt gedəcək. Niyə? – Cavab sadədir. Bir gözün son nəticəyə zillənibsə, səyahət zamanı səni istiqamətləndirmək üçün cəmi bir gözün qalır.

Mən birdən adət etdiyim steril dünyanın insanı kütləşdirdiyi, yaradıcılıq qabiliyyətlərini məhdudlaşdırdığı və zəka üfüqlərini daraltdığını anlamağa başladım.

Mən ofisimdə sakitcə oturub dünyamızın nə qədər dar olduğu haqqında düşünürdüm. Mən barmaqlarımın ucunu da batırmamış olduğum bütöv bir bilik dənizini fikirləşirdim.

Əsas müşkül, insanların çoxunun bəhanə azarına tutulmasıdır.

Nə etdiyini düşünmək üşün vaxt tap.

Müntəzəm olaraq kitab oxu. Gündə 30 dəqiqə oxumağın möcüzələr yaradacaq. Lakin səni xəbərdar etməliyəm. Nə gəldi, oxuma. Şüurunun möhtəşəm bağçasına nəyi daxil edəcəyini seçməlisən. Oxu, qida verməlidir. Özünü və həyatının keyfiyyətini yaxşılaşdıracaq şeyləri oxu.

Dördüncü ayin, Biliyə Dalmaq ayini adlanır. O, bütün həyatın boyu davam edən öyrənməkdən, biliklərini özünün və ətarfındakı insanların rifahı naminə daim genişləndirməkdən ibarətdir.

Təklik və sakitlik səni yaradıcılıq mənbəyinlə bağlayır və Kainatın hüdudsuz şüurunu sərbəstləşdirir.

– Sözdə demək asandır.
– İşdə də asandır.

Bu axşamdan başlayaraq həyatını tam nəzarətə götür. Həmişəlik öz taleyinin sahibi olmağa qərar ver. Öz oyununu apar. Öz təyinatını tap, onda ilhamlı həyatın sevincini yaşayacaqsan. Və nəhayət, həmişə yadında saxla: arxanda və qabağında olan şey, daxilində olanla müqayisədə heç nədir.

Görmədiyin hədəfə vurmaq mümkün deyil. İnsanlar ömürlərini daha xoşbəxt olmaq, daha böyük həyat qüvvəsi ilə yaşamaq və həyatlarını şövqlə doldurmaq haqqında xəyallarla keçirilər. Öz hədəflərini kağız üzərində yazmaq və həyatının məqsədi, özünün Dxarması haqqında ciddi düşünmək üçün isə ayda 10 dəqiqə belə vaxt ayıra bilmirlər. Məqsədin qoyuluşu, sənin həyatını əhəmiyyətli edəcək. Sənin dünyan daha zəngin olacaq, heyranlıq və möcüzə ilə dolacaq.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +6 (from 6 votes)

Fidan Aslanova

Fitret.az idarəçisi

 
Facebook