YENİ İLƏ ÖZƏL 53 KİÇİK DƏYİŞİKLİK

Xüsusi

Həyatımızı yeniləmək üçün dəyişiklik etmə qərarınyenilikı istənilən bir vaxt verə bilərik. Amma müəyyən bir zamanlar var ki, bunun üçün bizə daha da motivasiya verir və bunu etməli olduğumuzu xatırladır. Belə zamanlardan biri də yeni il qabağıdır. Hər yeni bir  il yaxınlaşarkən keçib getməkdə olan ilimizdə yaşadığımız həyatımıza göz atır, yenilənən il tarixi ilə birlikdə həyatımızda da yenilik arzusuyla qərarlar veririk. Unutmaq lazım deyil ki, bəzən kiçik, lap kiçik şeylər həyatımızda böyük fərq yarada bilər. Bu yazıda, bu kiçik şeylərin bəzilərini sizinlə paylaşacam.

1.Səhər tezdən oyanmaq üçün zəngli saatı qurursunuzsa, saatın çaldığını eşidən kimi yataqdan qalxın. (Sonra bunun üçün özümüzə çox təşəkkür edəcəyik.)
2. Səhər yeməyi yeyin. Hər gün eyni səhər yeməyini yeməyin.
3. Yeyib-içdikdən sonra çirkləndirdiyiniz qabları yuyub, qurudub yerlərinə qoyun.
4. Güzgüyə çox baxmayın.
5. Hər gün kifayət qədər su için.
6. Daha çox kitab oxuyun.
7. Daha çox hərəkət edin.
8. İşə gecikməyin. Hətta iş vaxtından biraz tez gedin.
9. Sizə mesaj gələn kimi baxmayın. İcazə verin, yadınızdan çıxsın, yadınıza düşəndə baxarsınız.
10. Səliqəli olun.
11. Bişirib-düşürmək işində ustalaşın. Həm özünüz, həm də başqaları üçün bişirin.
12. Daha çox film izləyin.
13. Bayıra çıxmağa ərinməyin. Evinizin, komfort zonanıza çevrilməyinə icazə verməyin.
14. Gülümsəməyə davam edin.
15. Heç bir sağlamlıq probleminiz olmadığı halda və ya kiçik problemləriniz olduğu halda müayinə və konsultasiya üçün həkimə gedin.
16. Mesaj yazmayın, zəng edin.
17. Yemək aralarında oruc tutun.
18. Mesaj yazan kimi cavab gözləməyin.
19. Daha çox rəqs edin.
20. Daha çox mahnı oxuyun.
21. İşdən qaçmayın, əksinə üstünə gedin.
22. İş vaxtı bitən kimi iş yerindən çıxın, ləngiməyin.
23. Axşam tez yatın.
24. Soyuqqanlı olmağı öyrənin.
25. Kifayət qədər pulunuz olduğunu, hətta varlı olduğunuzu düşünün.
26. Hər evdən çıxanda, atılası zibil olub-olmadığını yoxlayın.
27. Ağız baxımınız diş fırçalamaqdan ibarət olmasın.
28. Templi piyada yeriməklə daha çox məşğul olun.
29. Nəyəsə görə kiməsə hirslənmək istəyəndə, vazkeçin.
30. Marketlərdə alış-veriş etdikdən sonra sizə verilən çekləri atmayın. Toplayın. Mütəmadi olaraq aldığınız şeylərə, onların qiymətlərinə, ümumiyətlə, aldığınız şeylərin qiymətlərinə diqqət edin. Mütəmadi olaraq aldığınız şeylərin siyahısını tərtib edin. Eləcə də həmin şeylərin yaratdığı xərci müəyyən edin.
31. Daha çox oyun oynayın. Söhbət virtual oyunlardan getmir.
32. Bədəninizi sevməyi, komplekssiz olmağı, özgüvənli olmağı, cəsur olmağı, vecsiz olmağı, daxilən güclü olmağı öyrənin.
33. Bilinməyənə açıq olun.
34. Daha çox qonaq gedin, daha çox qonaq qəbul edin.
35. Geyiminizə diqqət göstərin. (Bunun üçün çox pula ehtiyac yoxdur.)
36. Müxtəlif saç düzümlərini yoxlayın.
37. Ayaqqabılarınızın sayını artırın.
38. Alıb bəyəndiyiniz hər hansı bir şeyin şəklini çəkib saxlayın.
39. Yatağınızı toplayın.
40. Gələcək haqqında narahat olmayın.
41. Keçmişdəki səhvlərinizə ilişib qalmayın.
42. Sevmədiyiniz insanları həyatınızdan çıxarın.
43. İnsanların sizin haqqınızda nə düşündüklərinə ilişib qalmayın.
44. Çoxdan arzusunda olduğunuz xobbi ilə məşğul olmaq üçün mükəmməl zamanı gözləməyin.
45. Çox oturmayın. (Yazı yazarkən oturduğum halda, bu maddəni oturduğum yerdən qalxıb yazdım.)
46. Yataq dəstlərinizin təmizliyinə önəm verin. Vaxtlı-vaxtında dəyişdirdiyinizdən əmin olun.
47. Mütəmadi olaraq hər 2 ayda bir dəfə saçlarınızı uclarından kəsdirin.
48. Daha çox sağ əlinizi işlədirsinizsə, arada sol; daha çox sol əlinizi işlədirsinizsə, arada sağ əlinizlə bir şey etməyi yoxlayın.
49. Daha çox kompliment edin.
50. Oturanda imkan varsa ayaqqabılarınızı çıxarın.
51. Davamlı olaraq çox rahat və eləcə də bir qədər narahat ayaqqabı geyinməyin. Bunları, ara-ara bir-biri ilə əvəz edərək geyinin.
52. Vaxtlı-vaxtında kompüterinizin, telefonunuzun ekran şəklini dəyişin.
53. Səhər tezdən oyanıb bayıra çıxın.

2017-ci ildə bunları etməmişiksə, 2018-ci ildə etməyimiz diləyi ilə…

Müəllif: Fidan Aslanova 

VN:F [1.9.16_1159]
Rating: +1 (from 1 vote)

Fidan Aslanova

Fitret.az idarəçisi

 
Facebook

HAVADA YENİ İL QOXUSU VAR… :)

Xüsusi

2016-cı ilin 31 dekabrna az qalıb. Qarşıdan, qeyd edəcəyimiz bir bayram günü və daxil olacağımız yeni bir il gəlir. İçində olduğumuz il, yaxşısı.. pisi ilə tarix olmaq üzrədir. Yaxşı bəs biz, ildə bir dəfə qapımızı döyən bu fürsətləri necə dəyərləndirməkdəyik? Bu bayram ərəfəsində, köhnə ili yola salıb təzə ili qarşılamaq ərəfəsində necə yaşayırıq? Bayram gününü və il dəyişməsini yaxşı mənada bəhanə edib, hansHavada yeni il qoxusu var...ı addımları atırıq? Önəmsəyirikmi…?

Önəmsəmək çox gözəl bir şeydir. Həyatımıza parıltı qatan bir şey. Bu baxımdan, yeni ilin gəlişini önəmsəmək, bu aralar edə biləcəyimiz ən gözəl şeylərdən biridir və yeni ili önəmsəmək adına edə biləcəyimiz bir çox şey var. Bayram əhval-ruhiyyəsi yaratmaq, yeni il abı-havasına bürünmək də çətin deyil.

Belə ki,

Yeni il mahnılarından ibarət bir playlist hazırlaya bilər və yeni il ərəfəsində..bayram günü  bu mahnıları dinləyə və hətta alət çalırsınızsa, ifa da edə bilərsiniz. Musiqinin gücü, müzakirəolunmazdır. : )
Onsuz da, bu mahnıları başqa vaxtı dinləməyin, ifa etməyin dadı yoxdur, yeri gəlmişkən haqqını verin. : )

Geyimlərinizdə, yeni ilin rəmzi olan ağ, qırmızı, yaşıl rənglərdən istifadə edə bilərsiniz.

Evinizi, iş otağınızı bəzəyə bilərsiniz. Satın alaraq və ya özünüz hazırlayaraq zövqlü dekorasiya fikirləri ortaya qoya bilərsiniz. Yaradıcılığınızı işə salın.

Sizin üçün çox gözəl bir xobbi var! Yeni ilə aid min bir əl işi hazırlaya bilərsiniz.

“Gəncliyin sirri nədir?” sualına, “bir əl işi ilə məşğul olmaq” cavabı verilə bilər. Çünki əl-göz koordinasiyasını təmin edən və nizamlı edilən yaradıcı bir fəaliyyət, qavrayışın azalmasını yavaşladaraq beynin gənc qalmasına köməkçi olur.

Şəhərdə yeni il gəzintisinə çıxa bilərsiniz. Tək və ya sevdiyiniz insanlarla birlikdə.

Bayram günü ilə bağlı foto və videolar çəkib, nə vaxtsa baxıb xatırlayacağınız xoş  xatirələr toplaya bilərsiniz.

Yeni il partiləri təşkil edə bilərsiniz.
Dostlar, bir aHavada yeni il qoxusu var...raya gəlmək, rəqs etmək, oyun oynamaq, hədiyyələşmək, təşkilatçılıq.. insana çox yaxşı təsir edən şeylərdən biri.

Gözəl bir bayram süfrəsi hazırlaya bilərsiniz.
Yaradıcılığınızı ortaya qoymaq üçün bundan gözəl incəsənət nümunəsi? : )

Evinizə qonaq dəvət edə və ya siz kiminsə evinə qonaq gedə bilərsiniz.

Sevdiyiniz insanlara yeni il hədiyyələri ala bilərsiniz və ya bu hədiyyələri özünüz hazırlaya bilərsiniz. Xüsusilə də uşaqlara. Üstəlik, bunun üçün çox pul xərcləməyə ehtiyac yoxdur. Önəmli olan, hədiyyənin, kreativ yanaşmağınızı.. içdən və səmimi diqqət göstərdiyinizi əks etdirməsidir.

İş yoldaşlarınızı bir qutu bayram şokoladlarına qonaq edə bilərsiniz.

Təbrik üçün mesaj yazmağa yox, zəng edib danışmağa üstünlük verin. Mesaj yazmaq istəsəniz belə, şablon mesajlardan əl çəkin! Həqiqətən sevdiyiniz insanlara səmimi bayram mesajları göndərə bilərsiniz.

Yola saldığınız ilin son saatlarında səmimi bir yeni il duası edə bilərsiniz. Pulsuzdur və əks təsiri yoxdur. : ) Əksinə, faydaları var. ( link: http://fitret.az/dua-etm%C9%99yin-faydalari/ )
Təəssüf ki, çoxumuz dua etməyi, xüsusilə də səmimi bir dua etməyi unutmuş vəziyyətdəyik. Yaradıcı ilə qırılmış əlaqələrimizi bərpa etmək üçün yaxşı füsrətdir. : )

Dünyaca məşhur Dr. Alexis Carrel demişdi :“Dua, insanın yarada biləcəyi ən güclü enerjidir”.

Yeni ildə həyata keçirmək, etmək istədiklərHavada yeni il qoxusu var..inizi yazdığınız bir siyahı hazırlaya bilərsiniz. İllik plan hazırlamağın əsl vaxtıdır.

Bayram gününə önəm verin. Bütün günü evdə keçirəsi olsanız belə, baxımlı olun.. bayram üçün xüsusi geyinib hazırlaşın. Həmin gün səhər tezdən oyanın və bayrama özəl bir gün keçirin.

Yeni ilə aid gözəl filmlərindən ibarət bir siyahı hazırlayıb, filmlərə baxa bilərsiniz. Bu filmlərdən ancaq bu vaxtı zövq almaq olar. : )

Tanımadığımız insanlarla sevgi paylaşımı etmək üçün də yaxşı fürsətdir. Bunun da min bir yolu var. Ən sadəsi… “Frenk İ. Flatçer, Oppenger Kollin and Kompani şirkətinin sifarişiylə hazırladığı öz reklam şedevrlərindən birində, bizə  Çin fəlsəfəsinin aşağıdakı möhtəşəm nümunəsini təqdim etmişdir:

Yeni ildə təbəssümün qiyməti.

Onun qiyməti heç nədir, ancaq çox şey yaradır.
O, onu alanları zəngin edir, onu verənləri yoxsul eləmir.
O, bircə an davam edir, onun haqqında xatirə isə bəzən həmişəlik qalır.
Onsuz yaşaya biləcək dövlətli çox deyil və elə yoxsul da çox deyil ki, onun mərhəmətiylə varlanmamış olsun. O, evdə bəxtəvərlik, işlərdə xoş niyyətlilik abı-havası yaradır və dostlar üçün parol kimi xidmət göstərir.
O, yorğun adam üçün ilham, naümid olan üçün ümid nuru, başını itirmiş adam üçün günəş parıltısı və dərdə qarşı ən yaxşı təbii vasitədir.
Bunula belə, onu nə pulla, nə xahiş minnətlə, nə borca almaq, nə də oğurlamaq mümkündür. Çünki o özündə elə bir dəyər təcəssüm etdirir ki, saf ürəklə verilməsə, heç kəsə azacıq da olsa, fayda gətirməycək.
Əgər ötüb keçməkdə olan ilin son dəqiqələrində , iş elə gətirsə ki, satıcılarımızdan nəsə alarkən onların yorğun olduqlarını, sizə təbəssüm bəxş etməyə belə heyləri olmadığını görsəniz, öz təbəssümlərinizdən birini onlar üçün qoyub getməyinizi xahiş etmək olarmı?” ( Deyl Karnegi )

Havada yeni il qoxusu var
Bunu unutmayın. Siz, enerji yaradıb ötürə bilən möhtəşəm varlıqlarsınız. Bayram ərəfəsində, sizi gözləyən yeni bir il yaxınlaşarkən, bu gücünüzdən istifadə edin. İl başının önəmi, səhər vaxtının önəmi kimidir. Səhər vaxtını necə dəyərləndirməyimiz günümüzün gedişatına necə təsir edib onu müəyyənləşdirirsə, təzə il gələrkən içində olduğumuz ruh halı da bütün ilimizə bu tip bir effektlə yansıyır. Yeni bir ilin həyatınıza gəlişini önəmsəmək işində hər kəsə uğurlar! : )

Hazırladı: Fidan Aslanova Red

VN:F [1.9.16_1159]
Rating: +1 (from 3 votes)

Fidan Aslanova

Fitret.az idarəçisi

 
Facebook

SEANS… (hekayə)

Xüsusi

seans-psxioloqGünorta görüşməliydilər. Artıq neçənci dəfə idi ki, görüş təyin edilirdi. Seans vaxtı yaxınlaşan kimi, xanım işi çıxdığını, gələ bilməyəcəyini deyirdi. Bu dəfə deyəsən alınacaqdı.

Görüşdülər. Xanım psixoloqun tərifinə başladı. “Çox dünyagörüşlü xanımsınız, savadlısınız. Mən heç vaxt sizə çata bilmərəm. Üstəlik çox xoşbəxt görünürsünüz”.
Bu sözlər eqoya təsir etməyə bilməzdi. Qadının ləhcə ilə danışığı, bəsit, kobud cümlələr qurması buna şərait yaradırdı. Bir an psixoloq özünü bu xanımdan üstün saymağa başladı. Bu çox çəkmədi. Səmimi ifadələrlə “Hamımız qadınıq, savadın xoşbəxtliyə dəxli yoxdu. Siz də bilirsiniz ki, qadınlar qadın kimi xoşbəxt olmağı hər şeydən üstün tuturlar”.

Seans başlandı…

– Bilirsiniz şəxsi məsələdi. Biz Facebookda tanış olmuşuq. Burda çox insanlara rast gəlmişəm. Onu tanıyana qədər elə bilirdim bütün kişilər eynidir. Hamısı bizim zəifliyimizdən istifadə edir. Amma o hamıdan fərqlidir. Ümumiyyətlə, bizim kişilərə bənzəmir. Çox azad fikirlidi, çox sevgi doludu, çox dəyər verən biridi. Çox… Çox…

Danışdıqca gözləri alışıb-yanırdı. Psixoloq düşünürdü ki, bu qadın belə xoşbəxtdirsə, problem nədədir görəsən? Xanım hələ də danışırdı. Çox…
O danışdıqca psixoloqun xəyalında yaranan obraz onu da gülümsədirdi… Tanış obraz, tanış xüsusiyyətlər… O da “uçub getməyə” hazırlaşırdı. Seansda olduğunu xatırlayıb, geri dönməyə məcbur oldu.

Birdən xanımın üzündəki ifadə dəyişdi. Xoşbəxt təbəssümün yerini kədər, üzüntü aldı. Rəngi solğunlaşdı, gözləri doldu.
– Bilirsiniz, təkcə problem ondadır ki, o evlidir. Buna baxmayaraq o məni sevir. İnana bilməzsiniz, bu bir sevgi dastanıdır. Həyatda belə sevgilər çox az olur. Amma bir-birini sevən insanlar həmişə çətinliklərlə rastlaşır.
– Bəs ailəsi haqqında nə düşünürsünüz? Onun həyat yoldaşını deyirəm- psixoloq fikirli-fikirli sual verdi.

Elə bil heç danışmaq istəmirdi. Gözləri bir nöqtəyə zillənmişdi. Daxilində anlamadığı bir sıxıntı vardı, boğulurdu. Növbəti sual onu özünə gətirdi.
– Mənə kömək edə bilərsiniz? Sizin yanınıza ona görə gəlmişəm ki, məni bu sıxıntıdan qurtarasınız. Ailəsi haqqında düşünəndə çox sıxılıram. Nə olur olsun əl çəkən deyiləm. Belə böyük sevgidən əl çəkmək axmaqlıq olar. Həyat yoldaşı da bunu anlamalıdır. Sevdiyim insanı başqa biriylə bölüşə bilmərəm.
– Başqa biri dediyiniz onun həyat yoldaşıdır.
– Onun üçün məndən başqa qadın yoxdur.

Xanımın telefonuna mesaj gəldi. Psixoloq indi xatırladı ki, niyə xanıma telefonu söndürməsini vaxtında deməyib, bu seansı pozur.
Yenə gözləri parladı xanımın, təbəssümlə:
– Odur mesaj yazıb, mütləq görüşək deyir. İstəyirsiniz siz də oxuyun, siz daha yaxşı anlayarsınız.

Bunu deyib, telefonu stolun üzərinə qoymaq istədi.
Psixoloq telefonu əli ilə itələdi.
– Yox, olmaz, mesaj sizə gəlib, mənim oxumam doğru deyil.
Telefon sanki qəsdən qadının əlindən sürüşüb, psixoloqun masasına düşdü. Baxmaq istəməsə belə, qeyri-ixtiyari gözləri telefona yönəldi. Tanış sima baxışlarını bir müddət çəkib özündə saxladı. Elə bil bədənindən şiddətli cərəyan keçdi. Bir “ildırım effekti” yaşadı. Gözlərindən sel kimi yaş tökürdü. Bayaqkı “üstün qadın”dan əsər-əlamət qalmamışdı. Tamamilə “alt-üst”olmuşdu.

Xanım çaşıb qalmışdı, çox təsirlənmişdi. O da ağlayırdı.
– Görürsünüz, sizə dedim axı bu vaz keçiləsi sevgi deyil. İndi deyin mən neyləyim?
Daxilində bu sualı  qarşı tərəfə o da verirdi, var gücüylə qışqırırdı:
– İndi deyin, mən neyləyim ???

Müəllif: SEVƏR

VN:F [1.9.16_1159]
Rating: +11 (from 11 votes)

Psixoloq Rübabə

Fitret.az yazarı. Psixoloq.

- Sayt ünvanı

MÜASİR DÖVRÜN XƏSTƏLİYİ: SƏBİRSİZLİK

Xüsusi

Səbirsizlik insanlarda hər zaman var olan bir xüsusiyyətdir. Tıxacda ilişib qalan, və ya  növbədə gözləyən insanların səbrinin dolduğunu görəndə, hər halda heç birimiz təəccüblənmirik. Lakin, bəzi ekspertlər, indiki zamanda insanların keçmişdəMüasir dövrün xəstəliyi: Səbirsizlikkindən daha səbirsiz olduğu qənaətindədir. Bunun səbəblərini öyrənmək, sizi təəccübləndirə bilər.

Bəzi araşdırmaçılara görə, son illərdə bir çox insanın səbirsiz olmasının səbəbi texnologiyadır.  Monrealda (Kanada) yayımlanan bir qəzetdə mütəxəssislərin bu iddiası yer aldı: “Rəqəmsal texnologiya, yəni cib telefonları, fotoaparatlar, elektron poçtlar, iPod-lar həyatımızı dəyişdirir. Bu texnologiya sayəsində anında nəticəyə çata bilirik; bu da, həyatın digər sahələrində, dərhal nəticə əldə etmə iştahımızı qabardır “(The Gazette).

Ailə psixoloqu Dr. Jennifer Hartstein, üzərində ciddi düşünülməsi lazım olan müşahidələrini açıqladı. O qeyd edir ki: “Dərhal doyum əldə etmək istəyən bir cəmiyyət olduq; bundan başqa, hər şeyin tez, məhsuldar və istədiyimiz kimi olmasını gözləyirik. Əksi olduğunda isə, getdikcə, daha çox xəyal qırıqlığına uğramağa və əsəbiləşməyə başlayırıq. Bütün bunlar, səbrsizliyin əlamətləridir. Sakit qalıb o anın dadına varmaq bacarığımızı itirmişik. “

Bəziləri, elektron poçtla ünsiyyət qurmağın məşhurluğunu itirməyə başladığını, hətta yaxın zamanda tarixə qarışacağını düşünür. Yaxşı bəs niyə? Çünki bir çox insan, yalnız dəqiqələr çəksə belə, göndərdikləri mesaja cavab gəlməsini gözləyə bilmir. Bundan başqa, eynilə məktublarda olduğu kimi elektron poMüasir dövrün xəstəliyi: Səbirsizlikçtlarda da adətən, giriş və qapanış sözlərinin olması gözlənilir. Ancaq, bir çox insan, rəsmiyyət zərurəti  kimi edilən bu kimi şeylərin darıxdırıcı və zaman itkisi olduğunu düşünür. Onlar, elektron poçtlardakı, protokola ehtiyac duyulmayan anlıq mesajları seçir. Belə məlum olur ki, insanların, bir-birlərinə incə salamlama ifadələri yazmağa belə səbri yoxdur! Bununla yanaşı, bir çox adam da yazdıqlarını yoxlamır. Nəticədə, məktublar və elektron poçtlar, ya yalnış insanlara  gedir, ya da yazılan şeylərdə bir çox qrammatika və imla səhvi olur.

BİR ÇOX İNSANIN, UZUN BİR MƏTNİ BAŞDAN SONA KİMİ OXUMAĞA SƏBRİ YOXDUR.

İnsanlar, yalnız rəqəmsal əlaqə dünyasında deyil, həyatın başqa sahələrində də etdikləri hər şeydən anında nəticə almaq istəyirlər və görünən odur ki, gözləmə qabiliyyətlərini getdikcə itirirlər. Məsələn, heç, çox sürətli danışdığınızın, çox sürətli yemək yediyinizin, çox sürətli maşın sürdüyünüzün, və ya çox sürətli pul xərclədiyinizin fərqində olmusunuzmu?  Liftin gəlməsini, nəqliyyatda yaşıl işığın yanmasını, və ya  kompüterin açılmasını gözləyərkən keçən bir neçə dəqiqəlik müddət sizə heç bitməyəcəkmiş kimi gəlirmi?Müasir dövrün xəstəliyi: Səbirsizlik

Mütəxəssislər, bir çox insanın uzun bir mətni başdan sona oxumağa səbri olmadığını müşahidə ediblər. Bunun səbəbi, insanların internet səhifələrində sürətli şəkildə gəzişməkləri və ana nöqtəyə mümkün olduğu qədər tez çatmaq üçün, başlıqdan başlığa atlamağa alışmış olmalarıdır.

 

Mənbə: www.jw.org/tr
Hazırladı: Fidan Aslanova

VN:F [1.9.16_1159]
Rating: +9 (from 9 votes)

Fidan Aslanova

Fitret.az idarəçisi

 
Facebook

“İLK 7 SANİYƏ” QANUNU

Xüsusi

ilk 7 saniyəİlk təəssürat ilk 7 saniyədə yaranır. Siz 7 saniyəyə hədəfinizə çata bilərsinizmi?

Araşdırmalar göstərir ki, bir adamla yeni tanış olmusunuzsa, təəssüratın 93%-i görünüş, bədən dili kimi səssiz informasiya əsasında formalaşır. İstifadə etdiyiniz sözlərin mənası, təəssüratın yalnız 7%-ni əmələ gətirir.

İlk təmas telefon vasitəsilə reallaşsa, yaranan təəssüratın 70%-ni səsinizin tonundan, 30%-i isə sözlərin mənasından asılıdır, yəni, nə söylədiyiniz deyil, necə söylədiyiniz əsas rol oynayır.
İlk 12 sözünüzü diqqətlə seçin. Sözlərin təsiri 7% olsa belə, siz işinizi etibarlı tutun. Görüşdüyünüz şəxslə tanış olduğunuz zaman istifadə etmək üçün, bir neçə təşəkkür cümləsi qurun. “Mənə vaxt ayırdığınız üçün təşəkkür edirəm” kimi… Sizin ehtiram göstərdiyiniz insanlar da sizə ehtiram göstərəcəklər. Müsahibinizin adını mütləq çəkin. Unutmayın ki, dünyada insanın öz adından qulağa daha şirin gələn başqa bir səs yoxdur. İlk 7 saniyədə və ilk 12 sözünüzün içində həm müsahibinizin adından istifadə etməniz, ona dəyər verməyiniz və fokuslaşmağınız mesajını verəcəkdir. Saçınıza mütləq diqqət yetirin, çünki müsahibiniz də diqqət yetirəcəkdir. Biri ilə tanış olduğunuz vaxt, ilk mərhələdə xarici görünüşünüz, ələlxüsus da, saçınız və üzünüz diqqəti cəlb edəcəkdir.
Ayaqqabılarınızın təmiz olmasına diqqət edin, çünki, insanlar da üzünüzdən dərhal sonra ayaqlarınıza baxarlar. Ayaqqabılarınız təmiz deyilsə, müsahibiniz detallara əhəmiyyət vermədiyinizi düşünəcək. Ayaqqabılar silinib-təmizlənmiş, iş mühitinə uyğun olmalıdır. Ayaqqabı evdən çıxarkən geyindiyiniz ən son şey ola bilər, amma insanların ilk diqqət yetirdikləri şeylərdən biridir.

Yerişinizi sürətləndirin! Araşdırmalar göstərir ki, digərlərindən 10-20% daha yeyin gedən insanlar, başqaları tərəfindən işgüzar və enerjili insan kimi qəbul olunurlar. Təsir gücünüzü artırmaq istəyirsinizsə, tempinizi artırın və sanki, harasa tələsirmişsiniz kimi sürətli gedin.

ilk 7 saniyəYaxşı əl sıxmağı öyrənin! Tanış olduğunuz zaman, birinci fiziki əməyiniz, əlinizi uzatmaqdır. Hər bir iş adamı bilir ki, gözəl salamlaşma özündən əmin olmağın əlamətidir. Ancaq təəssüf ki, insanlar görüşən zaman zəif salamlaşırlar. Əgər uğurlu bir başlanğıca  nail olmaq istəyirsinizsə, qarşınızdakının əlini tam olaraq ovuclamalı və özündən əmin bir şəkildə, amma yüngülcə sıxmalısınız. Beləcə, yaxşı bir iş əlaqəsinin bünövrəsini qoymuş olarsınız.

Bədən dilinizlə şifahi nitqinizi uyğunlaşdırın! Təbəssüm və ya məmnun bir ifadə  müsahibinizə orda olmaqdan məmnun olduğunuz mesajını verəcəkdir. Göz təması qurmaqla siz, deyilənlərə diqqət yetirdiyinizi və maraqlandığınızı bildirəcəksiniz.

Müsahibinizə doğru əyilməniz, söhbətə daxil olduğunuzu göstərəcəkdir. Mövzuya maraq nümayiş etdirdiyinizi bildirmək üçün mümkün qədər çox işarə verməyiniz məsləhətdir.

Görüş üçün hər bir hərəkətinizi planlaşdıra bilərsiniz. Görüş təyin edər, hazırlanar, təqdimatınızı edərsiniz. Ancaq potensial və ikiayaqlı pul kisələri hər an, hər yerdə qarşınıza çıxa bilərlər. Buna
görə də, hər an mükəmməl bir təəssürat yaratmaq üçün hazır olun!

Mənbə: “Cazibə Qüvvəsi” jurnalı (Berna Çetin)
Hazırladı: Psixoloq Rübabə

 

VN:F [1.9.16_1159]
Rating: +21 (from 21 votes)

Psixoloq Rübabə

Fitret.az yazarı. Psixoloq.

- Sayt ünvanı