BƏHANƏLƏRİ RƏDD ET

“Bəhanələr gətirməkdə uğurlu olan insanlar, digər işlərdə nadir hallarda uğurlu olurlar.” Benjamin Franklin 

Özünə inamı zəiflədən amillər arasında üzərində durulacaq ən mühüm xüsuslardan biri də bəhanələrdir. Bəhanələr, tez-tez müraciət etdiyimiz, hər an köməyimizə çatan və bizə təsəlli verən dostlarımızdır. Bir yerdə qərar verərək artıq daha yüksək standartlara görə yaşayacağam, istədiyimə nail olmaq üçün əlimdən gələni edib mütləq uğur qazanacağam, deyirik və işə başlayırıq. İlk vaxtlar çox həvəsli və həyəcanlı oluruq, amma nədənsə bir müddət keçidikdən sonra o həvəsi, həyəcanı itiririk və eyni  zamanda qabiliyyətə olan inamımız da zəifləyir. Bunun müxtəlif səbəbləri vardır. Bir səbəb də bəhanə gətirmək vərdişimizdir. BəhBəhanələri rədd etanələr,  adətən, hər hansı əhəmiyyətli bir iş üzərində işləyərkən, həyatında nə isə dəyişiklik etmək, nəyisə daha etməmək, tərgitmək və ya hansısa yeni vərdişə yiyələnmək üçün qərar verdikdə və ya qərar verən andan  bir müddət sonra lazım olan kimi heç gecikmədən meydana çıxırlar.
Əldə etmək istədiyimiz hər hansı dəyərli bir şey üçün vaxtımızdan, rahatlığmızdan, bəzi sevdiyimiz şeylərdən fədakarlıq etməliyik. Özümüzü daha çox idarə etməli, daha çox çalışmalı, daha az yatmalı, xoşumuza gəlməsə də əhəmiyyətli və lazımlı işlərə vaxt ayırmalıyıq. Bütün bunlar, adət halını almış yaşam tərzimizdə dəyişikliklər etməyimiz,  yeni və intizam tələb edən və biraz da çətin olan bir proqrama görə yaşamağımız deməkdir. Uğur qazanmağın da ən əhəmiyyətli sirri məhz budur: Etməli olduğun şeyləri istəsən də, istəməsən də; sevsən də, sevməsən də;  etməli olduğun şəkildə və vaxtda etmək lazımdır! Bunu düşünmək, bu cür bir insan olduğunu təsəvvür etmək, xoş gəlir, amma lazımı fədakarlığı göstərmək çətin və əziyyətli görünür. Bütün bunlara baxmayaraq, “mən edəcəyəm” deyib, fəaliyyətə başlayanda mütləq çətinliklərlə mübarizə aparmalı olursan. Bu çətinlikərlə mübarizə aparan vaxtlarda məsələn, yorğun olanda, həvəsssiz olduqda, biraz şübhəyə düşüdüyün anda yeniliyə görə deyil, əvvəlki tərzdə yaşamaq üçün ( bu daha rahat olur ) bəhanələrə müraciət edirik. Bu sadiq dostlarımz da hər an xidmətə hazər olduqlarına görə, heç gözləmək də lazım olmur, elə o an hazır olurlar. Bu bəhanələr çox saydadır və hər vəziyyət üçün də uyğun olan birini tapmaq heç də çətin deyil. Bunlara misal kimi aşağıdakı bəhanələri göstərə bilərik:

-mən həmişə belə olmuşam.
-bu mənim xasiyyətimdir.
-kifayət qədər pulum yoxdur.
-buna gücüm çatmaz.
-heç kim dəstək vermir\verməyəcək.
-vaxtım yoxdur.
-özümü hazır hiss etmirəm.
-bunun üçün çox yaşlıyam və ya gəncəm.
-qorxuludur\ risklidir.
-çətindir və s…

Bunlar hər kəsin tanış Bəhanələri rədd etolduğu və əksəriyyətin bəhanə olaraq deyil, gerçək səbəblər olaraq istifadə etdiyi əsas bəhanələrdir. Çoxları möcüzə gözləyir ki, nə isə bir şey olsun və heç bir əziyyət çəkmədən, fədakarlıq etmədən, oturduğu yerdən istədiyinə nail olsun. Amma unutmamaq lazımdır ki, yataraq uğur qazanan, istədiyinə nail olan sadəcə toyuqlardır.

Halbuki, çalışmaq, hər hansı bir əhəmiyyətli hədəf uğrunda əziyyət çəkmək, fədakarlıq etmək, yuxusuz qalmaq, əhəmiyyətsiz olan hər bir şeyə, hər bir gülünc bəhanəyə böyük bir YOX deyərək günlərini faydalı bir şəkildə keçirmək əsl fəzilətdir. Vaxt sürətlə keçərkən o dəyərli anlara bəhanələr gətirməkdənsə, az da olsa nə isə etmək daha düzgün və məntiqli deyilmi?!

Bəhanə gətirmək səni istədiyin hədəflərdən uzaqlaşdırmaqdan, özünə olan inamını zəiflətməkdən, özünü heç nəyə layiq olmayan, dəyərsiz, bacarıqsız bir insan kimi görməkdən başqa heç nəyə yaramır.

Düşünək ki, iki nəfər var. Hər ikisi də əldə etmək istədikləri şeylər üçün işləməyə, çalışmağa başlayırlar.  Başlanğıcda hər ikisi də həvəslidir, işləməyə inamla başlayırlar. Bir müddət keçdikdən sonra çətinliklərlə üzləşəndə biri, ” bunu necə adlaya bilərəm?” deyə düşünür, yollar axtarır və nə etmək laızmdırsa, istəsə də, istəməsə də onu edir və bəhanə gətirməyə nə səbəbi, nə də vaxtı olur. Digəri isə sanki səbrsizliklə gəlmələrini gözlədiyi çətinliklərlə üzləşdiyi anda, özünün “haqlı” olduğunu sübut etmək  üçün durmadan şikayətə əl atır. Bu zaman da bəhanələr köməyinə çatır. Ola bilər ki, gətirdiyi səbəblər həqiqətən də ona mane olsun. Amma, hər bir maneə də məhz üzərindən aşmaq və istədiyinə nail olmaq üçün bir vasitədir. Hər hansı bir bəhanə şikayət etmək, bəhanələr gətirmək üçün əsaslı bir səbəb deyil. Bu nümunədən də gördBəhanələri rədd etüyümüz kimi, bu iki nəfərin hər biri, hadisəyə yanaşma tərzinə uyğun nəticələr əldə edir. Çətinliklərlə özünü sınamaq, özünü sübut etmək, iradə gücünü, qətiyyətini, əzmini daha da gücləndirmək üçün bir sınaq kimi baxan insan hər mübarizəsindən sonra özünə olan inamını daha da gücləndirir. Bunun əksinə, digəri özünə əziyyət verməkdən, fədakarlıq etməkdən canını qurtarmaq, işin doğrudan da imkansız olduğuna ətrafdakıları və özünü inandırmaq üçün bəhanələri həvəslə, mümkün olan hər anda və hər yerdə danışmağa başlayır.  Bu da onun olduğu yerdə qalmağına və daim yaşaya biləcəyindən daha aşağı səviyyədə bir həyat yaşamağına səsbəb olur.
Bəhanələrlə yaşamaq və nəticədə özümüzə olan inamımızı itirmək, istədiklərimizi real həyatda deyil, sadəcə xəyallarda yaşamaq, ya da bunun əksinə, zehnimizə gələn hər bəhanəni rədd edərək ən yükəsk standartlara görə həyatımızı davam etdirmək bizə qalmış bir seçimdir. Allahın  da bildirdiyi kimi, hər insan çalışdığının qarşılığını görəcəkdir.

Mənbə: İsmayıl Vəliyev – “Özünü kəşf et” kitabı.
Hazırladı: Fidan Aslanova

VN:F [1.9.16_1159]
Rating: +5 (from 5 votes)

Fidan Aslanova

Fitret.az idarəçisi

 
Facebook

YERİMƏYİN İNANILMAZ GÜCÜ

yeriməkYeriməklə, düşünmək arasında müsbət bir əlaqə var. Odla yemək və ya yataqla yatmaq arasında olduğu kimi. Yeriyəndə zehnim açılır. Uzaqlaşmaq istədiyim düşüncələrdən uzaqlaşıram, axtardığım düşüncələri tapıram. Ağlımdakı suallar aydınlanır. Gəzintilərimi başladığım haldan daha xoşbəxt bir halda bitirirəm: Yerimək, xoşbəxtəmsə, xoşbəxtliyimi artırır, xoşbəxt deyiləmsə, bu halımı azaldır. Hirsli başladığım gəzintilərdən sakit halda qayıdıram. Piyada gəzməyi sevən bir tanışım, “evdən çıxan, özünə dönər” deyir. Dünyaya bütün böyük pislikləri gətirənlər, musiqisi olmayanlar və gəzməyənlərdir. Onlar heç bayıra çıxmazlar, özlərinə dönməzlər. Ağacları, göyün üzünü və quşları görməzlər, təbiətin qoxusunu duymazlar. Hər zaman havasız içərilərdə, qaranlıq hesabların edildiyi elektrik yüklü məncil otaqlardadırlar. Siyasətçilərin pisliyi  bundadır. Yerimək, ağlı da yeridir. On doqquzuncu yüzillikdə yaşayan çevrə peyğəmbəri Henry David Thoreau, “Ayaqlarım hərəkət etməyə başladığı anda, düşüncələrim axmağa başlayır” deyir. Miladdan öncə 640-cı ildə dünyaya gələn və Qərb tibbinin atası sayılan Hipokrata görə, insanın ən yaxşı dərmanı piyada gəzməkdir. Bu dərman sadəcə bədən üçün yox, ağıl üçün də yaxşıdır. “Bu, beyindəki  kimyəvi maddələrlə əlaqəli olmalıdır.” deyir, fizikaçı dostum. “Yeriyərkən qan dövranı sürətlənir və beyinə daha çox oksigen gedir. Yanımda gəvəzəlik edəcək kimsə yoxdursa, rahat şəkildə düşünə bilərəm.”

“Rəqs edən bir ulduz doğurmaq istəyənin içində xaos olmalıdır.” deyən alman filosofi Nitşeyə görə, sadəcə yeriyərkən ağıla gələn düşüncələr, həqiqətən böyük düşüncələrdir. On doqquzuncu yüzillikdə dünyaya gələn ingilis tarixçisi George Macauley Trevelyana görə, bir günlük piyada gəzintidən sonra hər şey normal dəyərinin iki misli olar. Düşüncələri qədər, qəribəlikləri ilə də məşhur olan danimarkalı filosof Soren Kirkegaard böyük yürüyüşçülərdən olmuşdur. Yaşadığı mənzildə saatlara irəli geri düşünüb gəzir, sonra “insan duşu” qəbul etmək üçün küçəyə çıxıb Kopenhaqın küçələrini arşınlayardı. Kopenhaqlılar 1830-cu ilin ortalarından başlayaraq 2o il boyunca öz küçələrində başında geniş çərçivəli şapqası, qoltuğunun altında çətiri, bu donqar aristokratla qarşılaşdırlar. Kirkegaard, zaman-zaman qarşısına çıxan insanları o gün ağlına gələn mövzularda sorğulamağa başlayardı. “Təsadüfi qarşılaşmaların ustadı” dediyi Sokrat kimi. “Ən yaxşı düşüncələrimə yeriyərək çatdım” deyirdi. Bu düşüncələrdən biri budur: Özünü sevməyi unutma.

Hardasa, bir yüz il sonra eyni küçələrdə yeriyən İngilis fizikaçısı Paul Dirac da gəzməyi sevən və ən yaxşı düşüncələrini ayaqları ilə tapanlardandır. Amma məşhur bir məsləkdaşının “insanların ən qəribəsi” olaraq tərif etdiyi Dirac, nəinki küçədə qarşılaşdıqları ilə, dostları ilə belə danışmazdı.
20-ci yüz illiyin ən önəmli alman yazarlarından olan Thomass Mann, “İnsan yeriyəndə, düşüncələr aydın gəlir” deyir. Yazar olan dostum, “Ən gözəl düşüncələrimi yeriyərkən və yatarkən tapıram.” deyir. “Açıq havada aydınlaşırsan. Sanki bir qutusan və gəzərkən o qutunun qapağı açılır. Bir növ düşüncə yağmuru yaşayırsan, ulduz yağmuru kimi.”  Yeriməyi düşüncə istehsal edici  edən şeylərdən biri də, tək başına edilmiş olmasıdır. Bir dost və ya sevgili ilə edilən gəzinti də xoşdur amma fərqlidir. Alfred Hitchcock -un Vertigo filmində Kim Novak’ın James Stewart’a dediyi kimi: Qapıdan tək başına çıxan yürüyüşə, iki nəfər çıxan bir yerlərə gedər.

Piyada templi gəzintinin 24 faydası:

1) Qan axınını və qan damarlarının miqdarını artıraraq ,dövranı yaxşılaşdırır,ürək-damar və beynin damar xəstəlikləri riskini azaldır.

2) Ürək əzələsi daxil olmaqla, bədən əzələlərini qüvvətləndirərək, daha təsirli işləmələrini təmin edir.

3) Hər sıxılmada ürəyin qovduğu qan miqadarını artıraraq, istirahətdəki ürək döyüntüsünün sayını (nəbzi) azaldır.

4) Məşq və stress vəziyywalk-feet-2ətində arteriel qan təzyiqində yaranan yüksəlməni azaldır.

5 )Ürək əzələsinin yan damarlardan da qidalanmasına dəstək olur. Beləcə ürəyin ana damarlarında yaranan tıxanıqlıqların verəcəyi zərəri azaldır.

6) Köklük riskini azaldır.

7) Həzmi asanlaşdırır.

8) Beyinə oksigen getməsini artıraraq, zehni itilik və yaradıcı düşüncə potensialını yüksəldir.

9)Limfatik dövrana kömək edir.

10) Məşq əsnasında və məşqdən sonra maddələr mübadiləsini stimullaşdırır.

11) Tənəffüs tutumunu və aerobik gücü artırır.

12) Böyüməyə və zədə sonrası bərpa olunmağa müsbət təsir edir.

13) Qan yağlarının səviyyəsini aşağı salır.

14) HDL / LDL (yaxşı xassəli, pis xassəli xolestrol) tarazlığını nizamlayır.

15) Koordinasiyaya müsbət təsir edir.

16) Oynaq və əzələlərin elastikliyini artıraraq, bel və boyun ağrılarını yüngülləşdirir.

17) Sümüklərin sərtləşməsini və qüvvətlənməsini təmin edir.

18) Dayanıqlılığı artırır.

19) Yorğunluq hissinə maneə olur.

20) Yuxusuzluğu azaldır, rahatlaşmağa kömək edir.

21) Bədənin təbii xoş-əhval ruhiyyə verici hormonu olan endorfinin ifrazını artırır.

22) Yaşlanma müddətini gecikdirərək, gənc görüntünü təmin edir.

23) Əhval-ruhiyyəni qaldırır, özünə inamı və nikbinliyi artırır.

24) Qan təzyiqini nizamlayır.

Mənbə:  www.milliyet.com.tr;  www.huriyyet.com.tr
Müəllif: Mətin Münir

Hazırladı:  Fidan Aslanova

VN:F [1.9.16_1159]
Rating: +11 (from 11 votes)

Fidan Aslanova

Fitret.az idarəçisi

 
Facebook

İDEAL CÜTLÜK

Bir çox insanın prioritetli xəyalları arasında xoşbəxt və sağlam bir birlikdəliyə sahib olmaq var. Məşhur psixoloq, yazıçı və sosial alim David Niven,  ’The 100 Simple Secrets of Great Relationships’ kitabında ( Mükəmməl münasibətlərin 100 sadə sirri ) mükəmməl bir münasibətə çatmağın sirlərini açıqladı. Marie Claire jurnalı bu özəl sirləri tərtib edib..

Etdiyi araşdırmalar səbəbi ilə Ohio Dövlət Universiteti və Harvard universiteti tərəfindən bir çox dəfə mükafata layiq görülən məşhur yazar David Niven xoşbəxt ailələrin, sağlam və uğurlu insanların 100 sirrindən sonra “İnsan münasibətlərinin 100 sirri” adlı kitabı ilə xoşbəxt və sağlam bir bərabərliyə gedən yolda atılmağı lazım olan addımları oxucuları ilə paylaşır.

MÜQAYİSƏ ETMƏYİN

Niven xoşbəxtliyə çatmaq istəyənlərə müqayisə etməkdən qaçınmağı tövsiyyə edir. Həyatımızı başqalarınınkı ilə müqayisə etmək onu dəyişdirməz. Lakin yazarın fikrinə görə öz həyatımız ilə bağlı necə düşündüyümüzü dəyişdirər! Beləcə, bir yoldaşımızın, mükəmməl bir münasibətin xoşbəxtliyini yaşadığını gördüyümüz zaman öz münasibətimizi sorğulmağa başlayırıq. Problemlər yaşadığını gördüyümüz zaman da öz münasibətimizin daha yaxşı olduğunu düşünürük.

PƏRİ NAĞILLARINA ALDANMAYIN

Yazarın fikrinə görə, hər nə qədər hekayələrdə yaşanan böyük sevgiləri yaşamağı gözləməsək də, içdən-içə bunun xəyalını qururuq. Nivenə görə, etməli olduğumuz, xəyalını qurduğumuz sehri, partnyorumuza qarşı duyduğumuz sevgidə görmək və nağıllarda yaşanan şeylərin gözləntisində olmamaqdır.

ORTAQ BİR MARAQ SAHƏSİ YARADINİdeal cütlük

Günümüzün çox hissəsini  kariyera arxasınca qaçmaq və gündəlik vəzifələrimizi yerinə yetirməklə keçiririk. Bu da insanların münasibətlərində ortaq maraq sahələri tapmağa çalışmalarını son dərəcə önəmli edir. Çünki ortaq maraq sahələri, partnyorlar arasında pozitiv bir ünsiyyət və əyləncənin yaranmağını dəstəkləyir.

ZEHNİNİZİ OXUMAĞINI GÖZLƏMƏYİN

Üzücü bir vəziyyətdə olduğunuz zaman partnyorunuzun, sıxıntınızı öz-özündən anlamağını gözləməyin. Qarşı tərəf, zehninizi oxuya bilməz. Əksəriyyətimiz, partnyorumuza duyğularımızı anlatmadan, onu, bizi yalnız buraxmaqda ittiham edirik. Etməli olduğunuz, partnyorunuza hiss etdiklərinizi anlatmaqdır.

TƏLƏSMƏYƏ EHTİYAC YOXDUR

İnsanların evlənməyə və uşaq dünyaya gətirməyə qərar verdiyi yaş dilimi, son yüz ildə, hər on ildə bir artır. Yazarın fikrinə görə, bu halın maddi basqılar və azadlğını elan etmək kimi bir çox səbəbi var. Tələsməyinizə ehtiyac yoxdur. Çünki münasibətlər, birinci gələnin mükafatlandırıldığı bir yarış deyil. Kitabda yer alan araşdırma, gec yaşda evlənməyin nə həyat, nə də yaşanan münasibət üzərində neqativ bir təsiri olmadığını sübut edir.

YUMOR HİSSİNİZİ İNKİŞAF ETDİRİN

Yazarın fikrinə görə bir qadın vİdeal cütlükə kişi münasibətində yaxşı bir yumor anlayışına sahib olmağın orta bir günü daha əyləncəli etməyə və pis bir günün yükünü azaltmağa faydası olar. Yazar, bu yomor hissinin pozitiv bir yönü olmağı gərəkdiyinin altından xətt çəkir. Çünki neqativ zarafatlar sadəcə təzyiqi artırır.

KEYFİYYƏTLİ VAXT

Əgər birlikdə ən çox zaman keçirmək istədiyimiz  insanı tapmışıqsa,  niyə də onunla mümkün olan ən keyfiyyətli zamanı birlikdə keçirməyək! Çünki münasibətlər birlikdə keçirilən zamanın miqdarı ilə yox, keyfiyyəti ilə inkişaf edir!

GƏLƏCƏK ÖNƏMLİDİR

Yazarın fikrinə görə bəzi insanlar münasibətlərinin uğurlu bir keçmişi varsa  o zaman edilməsi lazım olan hər şeyin  öhdəsindən gəlinmiş  olduğunu düşünmə yanılğısına qapılmış olur.  Halbuki, münasibət  keçmişə  yox, gələcəyə doğru inşa edilər.

AÇIQ OLMAQ ŞƏTDİR

Bir münasibətin xoşbəxt və ya xoşbəxt olmadığını düşünün. Partnyorların bir-biriləri ilə necə ünsiyyət qurduqları çox önəmlidir.  Yazarın fikrinə görə sağlam bir münasibət içində olan cütlüklər, yaxşı ya da pis hər nə yaşayırlarsa, bunu partnyorları ilə paylaşırlar. “Heç bir şeyi içinizdə saxlamayın! Çünki öz gerçəkliyinizi paylaşdığınız zaman həyatınızı da paylaşmış olacaqsınız və bu müddətdə partnyorunuz ilə aranızda yaranacaq olan bağ hər şeyin öhdəsindən gəlməyinizdə sizə kömək olacaqdır! ”

ONUNLA DOST OLUNİdeal cütlük

Fərz edin ki, biri ilə maşında uzun müddət davam edən bir yolculuğa çıxacaqsınız.! Bu müddət ərzində bu insana son dərəcə yaxın olacaqsınız. Dolayısı ilə həmin insanın eyni zamanda dostunuz olmağını da istəyərsiniz. Münasibəti davam etdirən, keçici həyəcan və ya zövqlərdən daha çox dostluq, qarşılıqlı hörmət, heyranlıq və maraq olacaqdır. Uzun müddətli münasibətlər, inkişaflarını və həyatda qalmalarını sağlam bir dostluq təməlinə borcludurlar!

XOŞBƏXTLİYİ ÖNCƏ ÖZÜNÜZDƏ AXTARIN

İnsanlar, sevgi dolu münasibətlərə ehtiyac duyarlar. Hamımız yaxın sosial münasibətlərdən fayda görərik. Lakin çoxumuz, münasibətin bizi tamamlayacağına, həyatımızdakı boşluqları dolduracağına inanarıq! Halbuki, gerçəkdə kim olduğunuzla bağlı olaraq xoşbəxt deyilsinizsə, bir münasibət bu vəziyyəti dəyişdirməyəcəkdir! Bu, sağlam bir münasibəti davam etdirməyinizi də çətinləşdirəcəkdir!

PULUN ÖNƏMİ AZALIR

Xəyalımızdakı partnyor varlı biri ola bilər. Lakin varlı bir insanla bir münasibət yaşamağa başladıqdan sonra pulun önəmi , münasibətinizi dəyərləndirərkən təsirsiz bir hala gələcək! Kitabda yer alan araşdırma nəticəsinə görə, sadəcə gəlirin hakim olduğu bir münasibətin uğuru ilə bağlı bir söz demək  imkansızdır! Çünki sərvət , bir münasibətin uzunluğu və məmnuniyyət  dərəcəsi üzərində əlaqəsizdir!

ONA ƏHƏMİYYƏT VERİN

Fikir, zövq və seçimlərinizin mükəmməl bur uyğunluqla görüşdüyü  bir münasibəti təəssüf ki, yaşamayacaqsınız! Niven, bu boş fantaziyaya üstünlük verməməyinizdə də  israr edir..  Ziddliklərin daima münasibəti canlı tutduğunu, uyuşuqluq hissindən uzaqlaşdırdığını və fərd olaraq inkişafı artırdığını müdafiə edir. Münasibətinizdəki çətin zamanlarda sizin üçün ən önəmli olanın nə olduğunu qarşı tərəfə göstərməlisiniz! Fərqliliklərə rəğmən ona dəyər verdiyinizi göstərməyiniz , sağlam bir münasibətin təməlini yaradar.

SORĞULMAĞI BURAXIN

Çoxumuz,  birlikdə olduğumuz insanın keçmişi ilə maraqlanırıq. Xüsusilə də ciddi münasibətləri ilə. Bu, zamanla narahatlıq, müqayisə etmə və sonda  dalaşmaq həddinə gətirib çıxaracaqdır. Siz, birlikdə olduğunuz insanın keçmişdəki partnyorları ilə  yarış içində deyilsiniz.

ÖZÜNÜZƏ İNANIN

Münasibət bir ehtiyac deyil. Əslində, sağlamlığınız və xoşbəxtliyiniz üçün bir münasibətə ehtiyacınız yoxdur. Yaşadığınız münasibət bəlkə də həyatınızın önəmli bir hissəsini təşkil edə bilər, amma siz həyatda qalmaq və inkişaf etmək üçün gərəkli olanlara onsuz da sahibsiniz! İçində olduğunuz vəziyyət hər nə olursa olsun, özünüzə inanın və öncə tək başınıza ayaqda dura bildiyiniz gerçəyini qəbul edin.

ÇEVRƏNİZDƏKİLƏRİN FİKİRLƏRİNİ DİNLƏMƏYİNİdeal cütlük

Önəmli bir qərar verməli olduğunuz zaman adətən,  ikinci bir fikir alırıq! Niven, bu cəhdi  qətiyyən dəstəkləmir. İki insanın yaratdığı dünyanı, aradakı ünsiyyət ya da elektrikin seyrini üçüncü insanların əsla analiz edə bilməyəcəyini  vurğulayır və maraqlı  fikirlər söyləyir : “Birincisi, heç kim sizin həqiqtən nəyə ehtiyac duyduğunuzu  və nəyə dəyər verdiyinizi sizdən yaxşı dəyərləndirə bilməz.  İkincisi , insanlar başqalarının münasibətləri mövzusunda öz münasibətlərinə nəzərən daha mənfidirlər. Qısası, fikrini aldığınız insanlar,  münasibətinizdə neqativ yönləri görməyə pozitiv yönləri gömrəkdən daha çox meyillidir! ”

QORXUYA MƏĞLUB OLMAYIN

Öz ayaqları üzərində duran, nə istədiyini bilən bir qadın olmağınıza rəğmən mənliyinizi doğru şəkildə yansıtmağınız,  bəzi zamanlar mümkün olmaya bilər. Fobiyalar, münasibətlərə mənfi yöndə təsir edən səbəblər arasındadır. O, əslində necə biridir, keçmişdə yaşadıqlarınızı yenə yaşayacaqsınızmı, sizdən necə bir birlikdəlik gözləyir, məncildirmi, məsuliyyətsizdirmi? Bu kimi suallar hər qadının həyatının bir dönəmində zehninə toplana  bilər. Halbuki, mənfi bir vəziyyət ilə qarşılaşdığınız zaman münasibətinizi sorğulamağı buraxmağınız lazımdır.

İŞLƏRİNİZİ EVƏ GƏTİRMƏYİN

İş gününüz bitəndə işiniz tamamilə ofisdə qalmalıdır. Zehninizdən də silinməlidir! Kitabda yer alan bir araşdırma nəticəsinə görə işləməyə ya da iş düşünməyə hardasa heç ara verməyən iş düşkünlərinin  digər insanlara nisbətən özəl yaşamlarından məmnun olduqlarını söyləməmələrinin 3 qat daha mümkün bir hal olduğu bildirilir.

ACILARINIZI UNUTMALISINIZ!

Qırıldınız və sonra sizdən üzr istənildi. Çox acı çəkdiniz amma qarşı tərəfi bağışlamağa qərar verdiniz. Lakin içinizdəki acı dərhal ortadan itmir və hiss etdiyiniz bu acının travmasını içinizdə daşıyırsınız. Lakin bu acını geridə buraxa bilməyi öyrənməlisiniz! Çünki acını içinizdə tutmağınız, yaranın təzə qalmasına səbəb olar.

MÜKƏMMƏLİ AXTARMAĞI BURAXIN

Günümüzdə xoşbəxt olmayan birlikdəliklərin bəlkə də ən böyük səbəbi, “Daha mükəmməlini yaşaya bilərəm” düşüncəsindən qaynaqlanır. Sağlam və qane edici bir münasibət daima mövcuddur ya da yaradıla bilər! “Mükəmməl münasibət” deyə bir anlayış əsla var olmamışdır. Bu səbəblə, hər mövzuda sizinlə həmfikir olan ya da hər an sizi xoşbəxt edə biləcək biri ilə qarşılaşmağı israrla gözləmək yerinə, sizi ən çox qane edən münasibəti yaşıllaşdırmağı yoxlamalısınız.

 Mənbə:  www.kigem.com
Tərcümə etdi:  Fidan Aslanova

VN:F [1.9.16_1159]
Rating: +14 (from 14 votes)

Fidan Aslanova

Fitret.az idarəçisi

 
Facebook

VİLHELM REYX, “DİNLƏ, KİÇİK ADAM”

VİLHELM REYX, "DİNLƏ, KİÇİK ADAM"Vilhelm Reyx ( 1897-1957), Amerikalı psixiatr, Psixoanalizin Avropa məktəbinin banilərindən biridir. “Faşizmin kütlə psixologiyası”, “Şəxsiyyət təhlili” kimi çox tanınan və eləcə də digər diqqətə dəyər kitabların müəllifi olsa da, əsərləri zaman-zaman qadağan edilmiş, yandırılmışdır. “Dinlə, Kiçik Adam” adlı  kitab elmi bir əsər deyil, oxucu ilə səmimi söhbətdir. 1946-cı ildə akademik dairələr üçün yazılmış bu kitabı, müəllifin geniş kütlə üçün çap etdirmək niyyəti olmamışdır. Bu sadəcə olaraq, naturalist alimin və həkimin, uzun illər boyunca, əvvəlcə uşaqsayağı bir saflıqla, daha sonra böyük bir heyrətlə və nəhayət dəhşət içində araşdırmaqda olduğu “kiçik adam” la bağlı öz daxilindəki qarmaşıq fikirləri sistemləşdirmək cəhdi olmuşdur.

KİTABDAN SEÇMƏLƏR:

“Təbii və pozulmamış fərd, bütün insanların təbii olduğuna inanır və ona görə davranır. Epidemiyali fərd isə bütün insanların yalan söylədiyinə, çapıb-taladığına, başqalarını aldatdığına və üstünlüyü ələ keçirmək cəhdiylə çırpındığına inanır.”

“Qorxudulmuş olmaq əvəzinə azad yaşamaq, fəndlər işlətmək əvəzinə səmimi   davranmaq, bir oğru kimi gecənin qaranlığında sevmək əvəzinə açıq-aşkar sevə bilmək düşüncələrini özünə yaxın buraxmırsan.”

“Səndən fərqli olaraq böyük adamın həyatının məqsədi varlanmaq, övladlarına ictimai nüfuzlu nikah qıymaq, siyasi karyera əldə etmək, adının əvvəlinə bir çox böyük sözlər əlavə etmək və ya Nobel mükafatı almaq deyil. Böyük adam səndən fərqləndiyinə görə ona “dahi” və ya “qəribə” deyirsən. Halbuki, o, özünü dahi yox, sadəcə adi bir canlı hesab edir. Sən ona “asosial” bir insan kimi baxırsan, çünki böyük adam sənin düşük boşboğazlıqlarınla keçən “qonaqlıq”larına getməkdənsə təklikdə otağında öz-özünə düşünməyi və ya laboratoriyasında işləməyi üstün tutur. Pulunu sənin kimi hissə sənədinə yatırmayıb, elmi araşdırmalarına xərclədiyi üçün ona dəli deyirsən. Kiçik Adam, sən drəin bir ümidsizliklə sadə və dürüst bir insanı “normallığın” bir pillə aşağısında olan özünlə, yəni “homo normalis” lə müqayisə edərək “anormal” hesab edirsən. Sən onu özünün təhrif olunmuş tərəzinə qoyursan və sənin normallıq standartlarına uyğun gəlmədiyini görürsən.”

“Sən düşüncələrinin səhv olub-olmadığını özündən heç vaxt soruşmadın. Qonşunun düşüncələrin haqqında nə deyəcəyini ya da dürüstlüyün sənə çox pula başa gəlib gəlməyəcəyini soruşdun, Kiçik Adam, sən özündən sadəcə bunu soruşdun, başqa heç nə.”

“Mənə qulaq as, Kiçik Adam: Səndə olan yaxşı və dəyərli şeylərə qarşı həssaslığını itirmisən. Sən bu yaxşı hissləri yerindəcə boğursan. Başqalarında, yəni uşaqlarında, arvadında, ərində, atanda və ananda nəsə böyük və yaxşı bir şey hiss edəndə onlardakı yaxşı şeyləri də öldürürsən. Sən kiçiksən və kiçik qalmaq istəyirsən.”

“Kitabxanaya getməklə davaya baxmaq arasında seçmək məcburiyyətində qalsan, heç şübhəsiz davanı seçərsən.”

“Xoşbəxtlik yaratmağı, ondan həzz almağı və onu qorumağı heç vaxt öyrənmədiyinə görə cəsarətin və dürüstlüyün nə olduğunu bilmirsən.”

“Sən ancaq yeməyi axıra kimi tıxmağı yaxşı bacarırsan, amma yaradıcılıqdan məhrumsan. Məhz buna görə beləsən, buna görədir ki, həyatın boyunca darıxdırıcı bir ofisə və ya bir rəsm masasının başına qapanırsan, əyninə dəli köynəyi keçirirmiş kimi barmağına evlilik üzüyü keçirirsən. Və buna görə də uşaqlara nifrət edən bir müəllimsən. İnkişaf yoxdur səndə, yeni bir düşüncə yaradıcılığına imkan yoxdur, çünki sən ancaq bu günə kimi alırsan, bir başqasının gümüş nimçədə təqdim etdiyi şeyi ancaq qamarlayırsan.”

“Sevginin, əməyin və biliyin vətəni yoxdur, gömrük nəzarətindən keçməz bunlar, uniforma tanımaz. Onlar universaldır və bütün insanlığı ehtiva edər. Ancaq sən kiçik bir vətənpərvər olmaq istəyirsən, əsl sevgidən qorxursan, çünki işinə qarşı olan məsuliyyətdən, bilikdən qorxursan. Buna görə də sən ancaq başqalarının sevgisini, əmək və biliyini istismar etməkdən başqa bir şey bacarmazsan, bunları özün əsla yarada bilməzsən. Buna görə də öz xoşbəxtliyini aydınlıqdan ürkən bir gecə oğrusu kimi oğurlayırsan və buna görə də başqalarının xoşbəxt olduğunu görəndə qısqanclıqdan partlayırsan.”

“Azadlığı həyasızlıqla səhv salmaq köləliyin özünəməxsus xüsusiyyətlərindəndir.”

“ Bundan sonra həyatın üçün kitabxananın boks döyüşündən daha vacib olduğunu anlamağa başlayacaqsan; meşədə düşünə-düşünə gəzməyin küçələrdə mərasim yürüşü etməkdən daha vacib olduğunu, sağaltmağın öldürməkdən, sağlam bir özünə inamın milli şüurdan daha vacib olduğunu və təvazökarlığın bir sıra boş hay-küydən daha yaxşı olduğunu anlamağa başlayacaqsan.”

“Bu gün atdığın hər addım, sənin sabahkı həyatındır.”

“Heç bir böyük amala pis və alçaq üsullarla çatmaq olmaz.”

“Özünə baxmaq cəsarətinə sahib olsaydın, fransız, alman ya da afrikalı bir yerli olsan belə, özünü hər yerdə tapa və tanıya bilərdin.”

“Hər şey səndən və sənin sağlam və ya yalnış fikirlərindən asılıdır.”

“Sənin gözündə həyat rifahdan, sevgi puldan, azadlıq isə partiya xəttindən və ictimai mövqedən daha böyük məna daşıyanda həyatın gözəl və təhlükəsiz olacaq. Bethoven və Baxın musiqisinin əhvalı sənin bütün həyatının əhvalına yansıyanda ( bu sənin daxilidə var, Kiçik Adam, sadəcə mövcudluğunun dərinliklərində gömülüdür) həyatın gözəl, düşüncələrin harmoniya içində, hisslərin sabit olanda, öz həyatının gənclik və qocalıq dövrünün fərqinə varmağı öyrənəndə, nəhayət, böyük cinayətkarların və döyüşçülərin yox, böyük adamların düşüncələrini daxilində duya biləndə, müəllimlərin siyasətçilərdən daha çox əmək haqqı qazananda, qadınla kişinin arasındakı sevgiyə nikah kağızına etdiyindən daha çox hörmət edəndə həyatın gözəl olacaq.”

“Sən öz sənətinlə məşğul olanda taxta oymaqdan, binalar tikməkdən, rəsm çəkməkdən, tarlanı becərməkdən ruhlananda, bu işləri sevərək görəndə çox böyük olursan, Kiçik Adam. Mavi səmanı, bir ceyranı, yaşıl çəmənləri örtən qar dənələrini sevgi ilə, məmnunluqla müşahidə edəndə böyüksən. Musiqidən, rəqsdən zövq alarkən, uşaqlarının böyüməyini xoş nəzərlərlə müşahidə edərkən sən böyüksən. Günəş və planetlər sisteminin hərəkətlərini müşahidə edərək səmada baş verənləri öyrənmək istəyəndə və ya kitabxanaya gedib başqa insanların həyat haqqında nələr düşündüyünü oxumaq istəyəndə böyüksən.”

Hazırladı: Fidan Aslanova

 

VN:F [1.9.16_1159]
Rating: +20 (from 20 votes)

Fidan Aslanova

Fitret.az idarəçisi

 
Facebook