TƏKƏBBÜR NƏDİR

təkəbbür-fitretTəkəbbür, özünü başqalarından üstün görməkdir. Başqalarını bəyənməmə və özünü digərlərinin üstündə görmə davranışıdır. Bir davranış olaraq kənardan görünməyə bilər. İnsan öz içində gizli bir təkəbbür hissinə sahibdir. Bu hiss onsuz da gizlidən gizliyə aparılır. İnsan ümumiyyətlə təkəbbhürünü açıq etməz. Hamımızın içində bir şəkildə böyüklük motivi var. Bunun fərqinə varmaq çox çətindir. Az ya da çox, böyüklük iddiasındayıq. Bu iddianın təkəbbür olması ölçüsünə bağlıdır. Böyüklük iddiasının həddindən artıq olanda, cəmiyyət tərəfindən günah, yəni cinayət sayılmışdır. Davranış olaraq sosiallaşdıqda cəmiyyət tərəfindən cəzalandırılır.

Həyata qarşı böyüklənməsək nə insan ola bilərdik, nə də yetkin fərdlər. Təbiətin şərtlərinə meydan oxuyub ən çətin şərtlərə belə uyğunlaşma ortaya qoyduq. Həmişə eyni nümunəni verirəm, amma kainat olmaq belə bir böyüklük iddiasının məhsuludur. Kiçik bir nöqtədən böyüyünə genişləmək və insan deyilən uzantıda böyüklənmənin zirvələri çatmaq. Körpəlikdən başlayaraq böyüklük iddiamızı görmək mümkündür. Həmişə böyükləri təqlid edirik və yetkin olana qədər ən böyük olma həvəsində oluruq. Böyük olmaq ümumi bir varlıq təmayülüdür. Nəticədə cazibə deyə bir şey var. Varlıq böyümək istəyir. Hər maddə bir cazibə sahəsinə sahibdir və içində olduğu bütünə görə böyüyür.

özünü böyük sanmaq-fitret.azBununla birlikdə, heç bir şeyinmütləq böyük ola bilməyəcəyini gözdən qaçırmayaq. Böyük dediyimiz hər şey bizim qəbullarımız qədərdir. Bir isnad nöqtəmiz var, müqayisəmiz var. Saylar dəyişə bilər, statistika arta bilər, ancaq böyüklük istinada bağlıdır. Öz içimizdəki böyüklük ilə öyünə bilmərik. Böyüklük hər zaman çölə görədir. Dünya böyükdür, fərd olaraq kiçik bir hissəsini təcrübə edə bilirik. Ancaq bu planet Günəş Sistemində bir toz dənəsi belə deyil. Dünyadan minlərlə qat böyük olan göy cisimləri də kainatın atom altı səviyyəsi deyilə biləcək kiçiklikdədir.

Böyüklənmə təbiidir, ancaq həddindən artıq olanı, yəni əsassız təkəbbür xoş görülməz. Təkəbbürün sosiallaşması isə ayıbdır. Təkəbbürü əxlaqsız edən də sosiallaşmasıdır. Böyük olduğunu söyləmək ədəbsizlikdir. Gizli-gizli böyüyəcəksən ki, dadı çıxsın. İnsanlar minlərlə ildir belə edir. Təbii həyatdan sıyrılmaq tamamilə bunun sayəsində oldu. Aslan, fil, mamont belə ovladıq, amma heyvanların qarşısına çıxıb göstəriş edərək deyil, həmişə birlikdə böyüklüyün əsl qaynağını meydana gətirərək, cəmiyyət sayəsində etdik. Yəni birlikdə böyük olduq. Dövlət halına gəlincə də böyüklüyün təşkilati şəklini gördük. Təşkilatlanmadan sonra böyüklüyü ilə öyünən cəmiyyətlərin də bir şəkildə yox olduğuu gördük. Əslində tarixdəki bütün dövlətlər bir şəkildə yox olmuşdur. Bizim baxacağımız şey yox olma mərhələsidir. Osmanlının son dövrünə baxaq. Son əsrdə qərbin bir müstəmləkəsi olmasına baxmayaraq böyüklük iddiasını davam etdirmiş və göstərişə qaçmışdır. Almaniya təvazökar Fridrix ilə böyüyərkən, bizimkilər borc pul ilə dəbdəbəli saray tikdirib “hələ də böyüyüm” deməyə çalışmışdır. Təəssüf ki, böyüklük göstərişlə olmur.

təkəbbürlü-adamDilimizdə bu hissin bir çox adı var. Təkəbbür etmək, özünü bəyənmək, əzəmət və s. bunlardan bəziləridir. Təbii bir davranış olduğu üçün dildə yer alması adidir. Həyatda yer almasından da qorxmamalıyıq. Hər canlı bir əməliyyatın tərkib hissəsidir. Öz ölçüsünü müəyyən etmək ehtiyacındadır. İctimai rolumuzu ölçüb-biçərkən təkəbbürlü olduğumuz deyilə bilməz. Mənlik dizaynı sınama-yanılma ilə təcrübə edilir. Ancaq başqasına göstəriş etmək və gerçəkdən uzaq davranmaq təkəbbür suçluluğu meydana gətirər. Təkəbbürlü olanla olmayanın ayrı-seçkiliyi cəmiyyətdəki davranışlarımızda gizlidir. Bir şeyi pis edən başqalarının ona baxışıdır. Cəmiyyətin digər parçalarını gücəndirəcək hərəkətlər pis sayılır.

Təkəbbür ilə acizlik arasındakı sahəyə da diqqət çəkmək lazımdır. Çox böyüklənirsəniz, əxlaqsız olarsınız. İnsandan böyük şeylər var, bunlardan ilki də cəmiyyətdir. Cəmiyyət kiçik bir parçası olduğunuzu sizə xatırladır. Bununla birlikdə çox altda qalsanız da əzilərsiz. Bu da təhqir gətirər və cəmiyyət bunu da xoş görməz. İkisinin arasında bir yerdə tarazlığı tutdurmaq lazımdır. Kimsə ətrafında əzilmiş aciz insanlar görmək istəməz. Bu, eynilə təkəbbür kimi, aid olduğumuz bütünü axsadar.

Təvazökarlığı acizliklə ilə qarışdırmayaq. Təvazökarlıq, yəni alçaq könüllülük tam da olması lazım olan “davranışdır.” Özünüzü istədiyiniz qədər böyük bilərsiniz, ancaq bunu davranışa tökmək qəbul edilə bilməz. Hər kəs xəyal qurar və dünyanın hakimi olduğunu belə hazırlayar. Xəyallara mane ola bilmərik. Əhəmiyyətli olan, məcburən bunu həyata keçirməmək və başqalarına mane olmamaqdır. Biz ictimai canlılarıq. Təkəbbürə dözə bilmirik. Tam tərsi olan təvazökarlıq isə savab, yəni doğrudur. Nə qədər böyük olsaq və böyük olmağı xəyal etsək də cəmiyyət hər kəs üçün alçaq könüllü olmamızı gözləyər.

Mənbə: www.dmy.info
Hazırladı: Vüsaləddin Rüstəmov

Beyenmeler
0   6  
VN:F [1.9.16_1159]
Rating: +10 (from 10 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

ƏLİF ŞƏFƏQ – “EŞQ”

elif-şafak-aşkƏlif Şəfəq,  25 oktyabr 1971-ci ildə Fransada, Strasburq şəhərində dünyaya gəlmiş türk əsilli yazardır. Atası sosial psixoloq Nuri Bilgin, anası diplomat Şafak Ataymandır. Doğulandan qısa bir müddət keçəndən sonra atası və anası ayrılıb, anasının himayəsində böyüyüb və soyadı kimi anasının adını götürüb. Orta təhsilini anasının çalışdığı yer olan Madriddə, daha sonra lisey təhsilini “Ankara Atatürk Anadolu Lisesi”ndə alıb. Ali təhsilini Orta Şərq Texniki Universitetinin Beynəlxalq Əlaqələr fakültəsində alıb. Onun 2009-cu ildə çap edilən Eşq (Aşk) adlı romanı ən qısa müddətdə ən çox satılan türk romanı olub. Əsər ingilis dilində yazılıb.

Ella Rubenşteyn 40 yaşlı evdar qadındır. Tipik burjua dəyərlərinin hakim olduğu çox varlı ailəsi, görüntüdə olduqca sağlam və problemsiz ailəsi var. Üç uşağını böyütdükdən sonra bir nəşriyyatda redaktor assisenti kimi işə düzəlir. İlk işi A. Z. Zahara adlı tanınmamış bir yazıçının təsəvvüf fəlsəfəsi mövzusunda olan tarixi romanı “Eşq şəriəti”  haqqında rəy yazmaqdır. Lakin həyatının kritik məqamında əlinə aldığı bu kitab, heç gözləmədiyi şəkildə Ellanı sarsıdacaq, dünyəvi eşqi kəşf etmək adına çətin və təhlükəli bir yolçuluğa çıxmasına səbəb olacaqdır.
Həyatımızın durğun gölünü dalğalandıran daş misalı…
A. Z. Zaharanın  “Eşq şəriəti” adlı əsərində Mövlanə və Təbrizli Şəms arasındakı ilahi eşqdən söz açılır, Şəmsin dilindən sufilərin 40 qaydası qələmə alınır. Sufilərin 40 qaydası tamamilə Əlif Şəfəqin xəyal gücünün məhsuludur.

KİTABDAN SEÇMƏLƏR:

Daş çaya düşəndə təsiri bilinmir. Suyun üzü azca aralanır, dalğalanır. Aşkar-gizli bir cür səsi çıxır, axıntının ortasında belə eşidilmir, uğultuda itir. Olub-qalanı ancaq budur.
Amma bir də eyni daş gölə düşsün… Təsiri daha davamlı, sarsıdıcı olur. O daş var ha, o daş durğun suları təlatümə gətirir. Daşın suya dəydiyi yerdə əvvəl bir halqa yaranır. O halqa tumurcuqlanır, o tumurcuq çiçəklənir, elə hey açır, pardaqlanır. Göz açıb-yumana qədər balaca bir daş başa nə işlər aça bilər. Bütün səthə yayılır əksi, bir də baxırsan ki, hər yeri bürüyüb. Ta ki ən sonuncu həlqə də sahilə çırpılıb yox olanadək həlqələrdən həlqələr yaranır.

İnsan illərlə çalışır, öz sözlüyünü yaradır. Əhəmiyyət verdiyi hər anlayışa bir təyin tapır. “Həqiqət”, “xoşbəxtlik”, “gözəllik”, “qürur”,” etibar”, “sədaqət…”. Həyatın hər mühüm dönəmində öz şəxsi sözlüyünü açıb baxırsan. Vaxtilə etdiyin tanımları bir daha hələ-hələ soruşmursan. Qəfildən bir gün, bax, o yad adam gəlir, qiymətli sözlüyünü götürüb tullayır. “Bildiyin hər şeyi unutmaq vaxtı çatdı”- deyir.
Sən sorğu-sualsız sahib çıxdığın hər təyini yenidən yazmağa başlayırsan.

Bu dünyada baş verən münaqişələrin, davaların “din problemi” yox, “dil problemi” olduğuna inanırdı. İnsanlar bir-birlərini mütəmadi səhv başa düşür, bir-birləri haqqında səhv hökmlər verirdilər. “Səhv tərcümələrlə” yaşayırıq. Belə bir dünyada hər hansı məsələdə inadkar olmağın nə mənası vardı?! Ən güclü qənaətlərimiz də adi bir səhv başa düşmədən yarana bilərdi. Çünki həyatda heç bir məsələdə sabit fikirli, qəti olmağa ehtiyac yox idi: axı yaşamaq demək daim dəyişmək deməkdir.

Yolun ucunun haraya gedəcəyini düşünmək bihudə cəhddən ibarətdir. Sən sadəcə atacağın ilk addımı düşünməyə borclusan. Gerisi onsuz da, öz-özünə gələcək.

Dünya nəhəng qazana bənzəyir. İçində mühüm xörək bişir. Gördüyümüz, hiss etdiyimiz, söylədiyimiz, hətta düşündüyümüz hər şey ədviyyat kimi o qazana daxil olur. Ona görə də bu dünyəvi xörəyə nə qatdığımızı özümüzdən soruşmalıyıq. İncikliklər, ehtiraslar, qan davaları və zorakılıqlarmı? Yoxsa eşq, inam, ahəngmi?

Dünyanın lütf etməsi, yaltaqlanması xoş loxmadır, amma az ye.
Çünki oddan bir tikədir!
…mədh edilmək dadlıdır. Qınanmaq acı olduğundan dərhal pis görünür.
Halbuki qınanmaqdan da ululuq gəlir, sına və bax!

Allah, eşqi dərya-dəniz kimidir. Öz xasiyyətinə görə hər insan ondan su götürür. Amma kimin nə qədər su götürəcəyi qabının böyüklüyündən asılıdır. Kiminin  qabı çəllək, kiminin ki tuluq, kimininki bardaqdır, kimininki səhəng.

Eşqin heç bir təyinə ehtiyacı yoxdur.
Azad dünyadır, eşq. Ya düz ortasında, mərkəzindəsən, ya eşiyində, həsrətində.

Hazırladı :  Psixoloq Rübabə

Beyenmeler
0   6  
VN:F [1.9.16_1159]
Rating: +13 (from 15 votes)

Psixoloq Rübabə

Fitret.az idarəçisi. Psixoloq.

- Sayt ünvanı

DUYĞULARIN BƏDƏN XƏRİTƏSİ

 2013-cü ilin son günlərinə doğru  Finlandiyalı bir araşdırmaçı olan Lauri Nummenmaa və iş yoldaşları Finlandiya, İsveç və Tayvandan olmaq üzrə, tam 700 adam üzərində maraqlı bir təcrübə reallaşdırdılar. İnsanlar üzərində təcrübə aparıb duyğuların insana necə təsir etməsini göstərən xəritə hazırladılar.

 Aşağıdakı sxemdə insanlardan əldə edilən duyğu vəziyyətləri göstərilir. Bu xəritədə sarı və qırmızı rənglər  duyğunun aktiv hiss edildiyi qisimləri bildirir. Məsələn, xəritəyə görə sevgi və xoşbəxtlik bütün bədənimizlə hiss olunsa da, depressiya vəziyyətində bu tam əksidir. Rəsmə baxdığınız an elə biləcəksiniz ki, bu duyğular zamanı bədənin temperaturu da ölçülüb. Lakin araşdırmalarda  bədən temperaturundan söhbət getmir.

Screenshot_1nb

 Təcrübənin aparılması.

 Əslində təcrübənin quruluşu çox sadədir. Sizə müxtəlif duyğuların adı ya da bu duyğunu yaşamanızı təmin edəcək şəkil, hekayə və ya filmlər göstərilir. Bu sırada ekranda sol və sağ tərəfdə 2 ədəd boş bədən silueti var. Təcrübənin daha yaxşı başa düşülməsi üçün vəziyyəti nümunə bir duyğu ilə ifadə etməyə çalışaq. Məsələn, aşağıdakı şəkildə qısqanclıq yazısı göstərilmişdir. Bu vəziyyətdə etməniz lazım olan, qısqanclıq hiss etdiyinizdə bədəninizin hansı qisimlərində bu duyğunu güclü hiss edirsinizsə sol bədən üzərində o qisimləri rəngləməniz lazımdır. Sağ bədəndə isə qısqanclıq hissini bədəninizin hansı qisimlərində daha zəif hiss edirsinizsə o qisimləri rəngləməniz istənmiş.

Screenshot_2

Rənglənmə bitdikdən sonra komputer hər iki şəkli birləşdirmiş, nəticədə bu xəritə alınmışdır.
Aktiv və deaktiv sxemin birləşməsindən III sxem alınıb.

Mənbə:  www.nbeyin.com
Hazırladı: Naz Ramizqızı

Beyenmeler
0   6  
VN:F [1.9.16_1159]
Rating: +16 (from 18 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

TƏVAZÖKARLIQ NƏDİR?

tevazu-nedir-alcak-gonulluluk-nedir-aileTəvazö nədir? Təvazökarlıq aktual lüğətdə: Öz dəyərini olduğundan aşağı göstərmək, başqalarını kiçik görməməkdir. Təvazökar, alçaq könüllü isə bu xüsusiyyətə sahib olub böyüklənməyən ( kimsə) deməkdir. Qavramsal lüğətdə: Ərəb – Va z ( d ) وضع “aşağı endirmə” mənasını verər. Qısaca: İnsanlığını ucaltmayan, özünü önə çıxarmayan mənasını gəldiyi deyilə bilər. Qərbi Avropada istifadə olunan “humble” (məzlum) kəliməsinə bənzərdir. Bu dillərdə və bir çox dildə: daha alçaq, yer üzündə, aşağı sözlərindən törəyən şəxsiyyət xüsusiyyətidir. Qürur, özünü bəyənmişlik və eqoistliyə zidd mənadadır.

Alçaq könüllü olmaqla nə qazanarıq? Özümüzü qazanırıq deyilə bilər. İnsanın istəkləri məhdud deyil. Yetinməyi bilmədikdən sonra ən böyük sərvət belə insanı qane etməz . Həyatı eşitmək və ondan kef ala bilmək alçaq könüllü olmağa bağlıdır. Fərdin həyatı üçün yetinməyi bilmək tək çıxarlı yoldur. Başqaları tərəfindən dünyaya gətirilən, ətrafı tərəfindən öyrədilən və həyatının qaydaları başqaların təyin olunan fərdin böyüklənməsi etibarlı bir fəaliyyət deyil. Nə vaxt gəlib nə vaxt yaşayacağımızın bilmədiyimiz və gözlə görülməyəcək qədər kiçik bir sahədə olan həyatlarımız nə qədər ucaldıla bilər ki? Haqq edilmiş bir həyat yox, ancaq bəxş edilmiş bir quruluşdan söz edilə bilər. Bizim olduğunu iddia etmək üçün belə möhkəm bir təməl də yoxdur həyat haqqında, ki həyat sonsuz kosmos-zamanda gəlib keçici bir həvəs kimidir. Bu səbəbdən Təvazökarlıq insanın qəbulunu tamamlayan həyati xüsusiyyətlərdəndir.

Alçaq könüllü adamın bəzi xüsusiyyətləri: sərhədlərini qəbul etmək, hər şeydə yaxşı ola bilməyəcəyini qəbul etmək, öz səhvlərini tanımaq, sahib olduqlarından məmnun olmaq, səhv etməkdən qorxmamaq, səhv etdiyini qəbul etmək özünü tərifləməkdən qaçınmaq, hər şeyi özünə mal etməmək, başqalarına minnətdar olmaq, özünü başqalarıyla qarşılaşdırmamaq, öyrənməyə açıq olmaq, başqalarına kömək etmək və s.

988866_632589763482518_3319360001650774204_n

Bəsit şeylərdən kef almağı təvazökarlıq sayəsində bacararıq. Eyni şəkildə , təvazö sayəsində həyatın çətinlikləri ilə mübarizə edəcək gücü özümüzdə taparıq. Təvazökar bir insansınızsa, heç bir təcrübəni aşağılamazsınız, heç bir iş yoldaşınız dəyərsiz deyil, heç bir anınızı diqqətinizi vermədən keçirməzsiniz. Təvazö sizi hər detala diqqət göstərməyə itələyər. Bir işi darıxdırıcı, yorucu, mənəvi pozucu və ya vaxt itkisi olaraq görüb keçmək yerinə, başdan sona səbr göstərər, işi ən incə nöqtəsinə qədər öyrənərsiniz.

“Hər cür yaxşılıq bir evdə toplanmış və onun açarı təvazö olmuşdur. Hər cür pislik bir evdə toplanmış və onun açarı qürur olmuşdur.”
Yunus ibn Hüseyn

“Bəy təvazökar və alçaq könüllü olmalı, günahkar kəslərin də günahını əvf etməlidir. Bəy məğrur, qoçu və qürurlu olmamalı; bəylər böyüklük göstərər və qürurlu olsalar, ey oğul onlar şübhəsiz etibar görməzlər.”
Kutadqu Biligi -Yusif Has Hacib

“Həqiqətən alçaq könüllü olan bir insan, özündən heç söz etməyən insandır.”
Jan de Labrüyer

“Böyüklənmə paltarını geyindi isə dərhal üzərindən çıxarıb at. Xalqa qarşı qürurla sinə qabartdınsa , dilini dərhal düzəlt . Allahın varlığına və birliyinə inancın əlaməti təvazökar olmaqdır . Əgər sən də mömin isən alçaq könüllü ol.”
Edib Əhməd Yükneki

Mənbə: www.dmy.info
Hazırladı: Vüsaləddin Rüstəmov

Beyenmeler
0   4  
VN:F [1.9.16_1159]
Rating: +37 (from 39 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

AQİL İNSANLARIN ETMƏDİYİ 10 ŞEY

Bir insanın Aqil (ağıllı) olmasını ətrafınızdakılardan eşidərkən siz nə düşünürsünüz?  Yəqin ki, gözünüzün qarşısında ziyalı bir insan obrazı canlanır. Ancaq aqil olmaq sadə bir suala qisa bir zamanda cavab verməkdən və ya testlərdən yüksək qiymət almaqdan daha da üstün olan bir şeydir. Aqil insanlar hər zaman yaradıcı, başqalarına qarşı şəfqətli, məzlum və şükürlüdürlər. Onlar özlərini dünyanın bir parçası kimi görürlər və başa düşürlər ki, böyük işlər etmək iqtidarındadırlar. Qətiyyən də bu işləri etməzlər:

 

1. Keçmiş səhvlərinin yeni işlərinin maneəsinə yol verməzlər.                   

Bu insanlar bilirlər ki, məğlubiyyətsiz qələbə yoxdur. Ümumiyyətlə keçmşdə baş verənləri bu günə daşıyan insanlar az deyildir. Lakin bu gələcəkdə qarşıya qoyulan hədəflərə çatmağa maneə yaradır. Aqil insanlar fərqli olaraq anlayırlar ki, olan artıq olmuşdur, bundan sonra irəliyə baxmaq lazımdır və edilmiş səhvlərin üzərindən daha da inkişaf edərək daha da mükəmməl olmaq lazımdır.

2. Neqativlərlə heç bir zaman yüklənmirlər.

Bu insanlar idarəçiliklərinin  öz düşüncələrinə söykəndiyini çox gözəl anlayırlar və buna görədə ancaq pozitivlərlə yüklənirlər. Fikir və düşüncələrin maddi olduğuna inanclıdırlar və başa düşürlər ki, həyatı yüngülləşdirən insanların istək, yaradıcılıq, quruculuq, sevgı, təəcübləndirmək və dəyişdirmək  qabiliyyətlərinin geniş istifadəsidir.

3. Problemlərdən qaçmırlar.

Hər bir kəsin problemləri olmuşdur, vardır və olacaqdır ki, bunlar bir işlə məşgul olduqda, pul olaraq, ailədə, sağlamlıqla əlaqəli və s. kimi qarşıya cıxır. Aqil insanlar bu problemlərin qarşısıına keçir və onların həllində  yaradıcı üsulları axtarırlar. Hətta büdrəyərkən belə, qalxıb yollarına davam edirlər. Onların daxillərindəki qorxuları dəf edəcək cəsarətləri tükənməzdir. Problemlərin olmasını və onun həllini aqil  insanlar öz  həyatlarını  daha da yaxşılaşdırmaq  üçün bir fürsət kimi görürlər.

4. Özləri haqqında başqalarının nə düşünduklərinə əhəmiyyət vermirlər

Aqil insanlar başqalarının neqativ düşüncələrinin öz həyatlarındaki uğurun və xoşbəxtliyin qarşısına keçməsinə heç bir şəkildə icazə vermirlər. Ətraf inancsız, əxlaqsız və düşmənlə dolmuşdur. Ancaq bu kəsləri məcazı mənada bir kənara atar və çevrələrini dəyərlərini və meyarlarını bölüşə biləcək aqil insanlarla doldurarlar və bir məsəli qeyd edərdim: “ Əgər sən bir otaqda hər kəsdən ağıllısansa, demək otağını düzgün seçməmisən.”

5. Boş yerə vaxt itirməzlər

Aqil insanlar boş şeylərə vaxt sərf etməzlər. Özlərini məhsuldar vərdişlərlə zənginləşdirirlər ki, bu da gələcəkdə onların cətinliklə  deyil aqilliklə işləmələrinə şərait yaradır. Mənasız işlərlə məşğul olmasalar da gecə və gündüz, istirahət etmədən işləmənin tam əksinədirlər. İnsana fiziki olaraq və eyni zamanda beyinə  istirahət vacibdir.

6. Qisa zamanda məmnuniyyət gözləməzlər

Aqil insanlar anlayırlar ki, yaxşı nemətləri gözləyə bilənlər əldə edə bilər. Məmnuniyyəti qisa bir zamanda əldə etməyə çalışan bir cəmiyyətdə yaşayırıq. Daha doğrusu əldə etmək istədiklərimizə qisa zamanda və cox rahat bir şəkildə nail olmaq istəyirik. Lakin aqil insanlar unutmurlar ki, az bir zamanda alınan nəticənin məmnunlugundan daha üstünü, nəticəyə qədərki gedən prosesin özünün verdiyi həzzdir, hansı ki, bu proseslə siz sevə sevə günlərlə məsğul olrsunuz.

7. Nəzarət edə bilmədiklərinə fokuslanmırlar

Gündəlik həyatda qarşılaşdığımız, lakin bəzi hallarda nəzarət edə bilmədiyimiz şeylər vardır, məsələn yollardakı tıxaclar, kobud insanlar və s. Aqil insanlar bu hadisələrə sakit yanaşar və nəzarət edə biləcəyinə cəmlənər. Onlar başa düşürlər ki, sakit düşüncə tərzi – müdrikliyin ən parlaq mirvarisidir. Və bu nemətdən maksimum yararlanırlar.

8. Onlara mane olan kimsələrə vaxt sərf etmirlər

Aqil insanlar özlərini digər aqillərlə əhatə edirlər. Onlar öz vaxtlarından ailələrinə dost və tanışlarına sərf edirlər, hansı ki, həyatı anlamaqla və dəyərləndirməklə seçilirlər. Və dərk edirlər ki, neqativ insanalarla keçirdikləri vaxta məhdudiyyət qoymalıdırlar. Buna görə də bu insanlar pozitiv, intellektual və sevincli insanlarla bir arada olmağa daha çox vaxt ayırırlar.

9. Onlar qürurlarını nümayiş etdirmirlər

Aqil insanlar öz üstünlüklərini dillərinə gətirmirlər. Yəni heş vaxt deməzlər ki, mən ağıllıyam. Çünki onlar təvazökardırlar. Onlar öz uğur və nailiyyətləri ilə qürurlanmırlar.

10. “Təşəkkür edirəm” deməyi unutmurlar

“Təşəkkür edirəm” deyin. Bu, deyərdim sizin edəcəyiniz ən vacib şeydir. Təbii ki, siz əgər aqil olmaq istəyirsinizsə. Aqil insanlar anlayırlar ki, dunya onlarin ətrafında fırlanmır. Onlar yaxşılıqların nələrə qadır olduqlarına inanır və bilirlər ki, hər hansı  təmənnasız kiçik bir hərəkət, məsələn tanımadığınıza belə bir təbəssüm etmək, kimlərinsə və öz həyatini dəyişdirə bilər.

Hazırladı: Paul Schlemmer
Tərcümə edən: Qüdrət Hidayətov

Beyenmeler
0   6  
VN:F [1.9.16_1159]
Rating: +23 (from 23 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus