TƏCAVÜZKAR HAQQINDA BİLİNƏN DOĞRULAR VƏ YANLIŞLAR

Xüsusi

 

1 Təcavüz edən əsasən subay və ya yalnız yaşayan, problemli insanlardır
Yanlış   Uşaqlara zərər verən insanların 80%-i ətrafla problemi olmayan, evli insanlardır.

2 Təcavüzkarların böyük qisminin paltarları köhnə, görünüşü anormal, iqtisadi vəziyyəti aşağı səviyyədədir
Yanlış   Təcavüzkarların böyük əksəriyyəti ilk baxışda heç bir şübhə yaratmayacaq qədər normal geyimli insanlardır. Aparılan araşdırmalar göstərir ki, iqtisadi vəziyyətinin yaxşı və ya pis olmasının insanın bu əmələ yönəlməsi ilə heç bir bağlılığı yoxdur.

3 Təcavüzkarlar əsasən orta yaşlı kişilərdir
Doğru   Təcavüzkarların böyük qrupu 24-44 yaş arası kişilərdir. İkinci böyük qrursa 15-24 yaş arasında olanlardan ibarətdir.

4 Təcavüzkar etdiyindən peşman olmaz
Yanlış    Təcavüzün davamlılığı bir müddət sonra həmin insanda emosional və psixoloji böhran yaradır. Təcavüzkarların bir çoxunun əvvəlki həyatı tam normaldır. Hətta təcavüz hadisələrinə şiddətlə qarşı çıxırlar. Bu səbəbdən illər sonra özlərinin bu səhvi etdiklərini qəbul etməkdə çətinlik çəkirlər. Yaşadıqları böhran bu insanları bir müddət sonra intihara sürükləyir. Ancaq özlərini “təcavüzkar” adlandıranlar, artıq duyarsız birinə çevrilmiş insanlar bir uşağa zərər verdiklərindən əsla peşman olmurlar.

5 Cəza artarsa təzavüzkar sayı azalar
Yanlış    Uşaq təcavüzü bir ruhi xəstəlikdir. Bir təcavüzkar həyata keçirəcəyi təcavüzün nəticələrini hesablayaraq bu davranışa yönəlməz. Təcavüz anında insan ağlının deyil, hisslərinin əsiridir. Təcavüzkarlar əsasən ağlı yerində olan insanlardır. Əgər cəzalandırma yoluyla təcavüzün qarşısı alınsaydı Amerika kimi böyük ölkələrdə heç təcavüz hadisələri baş verməzdi. Hətta ölüm qorxusu da təcavüz hadisələrinin qarşısına keçə bilmir.
.
6 Pedaqoqlar, həkimlər, müəllimlər bir şübhəsi varsa ailəylə söbət apara bilər
Yanlış   Ailədən lazımi siqnal almayınca ehtimalı konkretləşdirmək çətindir. Əldə yetəri qədər məlumat olmayınca mütəxəssisin “Uşağınıza qarşı sui-istifadə halları var” deməsi yolverilməzdir.

7 Diqqətdən, qayğıdan kənarda qalan və natamam ailənin uşaqları potensial qurbanlardır
Doğru   Təcavüzkarlar ata-anası ayrılmış, yaxud ailədə diqqətdən kənarda qalmış üşaqları daha asan əldə edəcəklərini düşünürlər və xüsusilə bu qrupdan olan uşaqlara daha çox yönəlirlər.

8 Əsasən hədəf qız uşaqlarıdır
Yanlış   Bu fikir ölkəmizdə ona görə geniş yayılıb ki, təcavüzün cinsi istəkdən qaynaqlandığı düşünülür. Buna bağlı olaraq da bu yanlış fikir çoxları tərəfindən qəbul olunur. Halbuki, qız və oğlan uşaqları eyni faiz nisbətində təcavüzə məruz qala bilirlər. Hətta çox zaman təcavüzkar qız uşağıyla görünməyin başqalarında şübhə doğuracağını düşünərək, oğlan uşaqlarına üstünlük verir.

9 Uşaqlar təcavüzə uğradıqlarını xəyal edib, gerçəkmiş kimi söyləyə bilərlər
Yanlış Uşaqlar hətta təcavüzə məruz qaldıqlarını gizləməyə çalışırlar. Ancaq gizlədə bilməyib söylədiklərinin təxminən hamısı doğrudur. Uşaqlar təcavüzə uğradıqlarını söyləyirlərsə, bunun doğru olduğuna əmin ola bilərsiniz. Əgər uşaq oyun oynayarkən, oyuncaqlarını danışdırarkən, şübhə çəkən ifadələr işlədirsə, valideyn bunu mütləq diqqətə almalıdır. Bu artıq bir siqnaldır. Çünki hafizəsində təcavüz hadisəsi ilə bağlı heç bir məlumat olmayan bir uşaq bu cür oyun, yaxud dialoq qura bilməz.

10 Parklar, ümumi tualetlər, qaranlıq yerlər, yarımçıq tikinti sahələri riskli bölgələrdir
Doğru   Təcavüz hadisəsinin baş verdiyi yerlər uşağın yaşadığı evlə məktəb arasındakı yolda yerləşə, yaxud uşağın əsasən olduğu əhatədədir. Çünki təcavüzkar uşağı tanımadığı yerə aparmağın riskli olduğunu düşünür. Uşaq tanımadığı yerdə tədirgin ola, qorxa və qışqıra bilər. Bununla da, ətrafdakı insanları duyuq sala bilər. Uşağı güvəndiyi yerə aparmaq bütün bu təhlükələri aradan qaldırır.

11 Təcavüzkarlar hədəf olaraq özünü tanımayan uşaqları seçir
Yanlış❎   Təcavüzkarın heç tanımadığı bir səmtdə, heç tanımadığı bir uşağa təcavüz etməsi olduqca risklidir. Anasını, atasını, qonsusunu, qohumlarını tanımadan o uşağın yanına yaxınlaşmaq təcavüzkar üçün yaxalanmağa şərait yaratmaqdır.
Bir təcavüzkarın tanımadığı uşağın əlindən tutub harasa aparması çox zəif ehtimaldır. Təcavüzkarlar zərər verəcəyi uşağın ailəsini əksər hallarda çox yaxından tanıyırlar. Ailənin həssas nöqtələrini, uşağın hansı hadisəyə necə reaksiya verəcəyini əvvəlcədən addım-addım öyrənirlər. Unutmayın ki, təcavüzkarların tamamına yaxını ana-atanın üz-üzə oturub danışdığı adamlardır.

12 Bir zərərvermə hadisəsinin yaşandığı ərazidə hadisənin təkrarlanması zəif ehtimaldır
Yanlış❎  Təcavüz edən o səmtdə olduğu müddətcə bu hallar təkrarlanacaq. Təcavüzkar müalicə edilmədiyi müddətcə bir dəfədən sonra əsla dayanmaz. Dolayısıyla bir bölgədə yaşanan təcavüz hadisəsi, növbəti təcavüz hadisəsinə işarədir. Yaşanan bir təcavüz hadisəsindən sonra təcavüzkarın yaxalanmaması, aşkar edilməməsi yeni belə bir hadisənin baş verəcəyinə şərait yarada bilər. Təcavüzkar müalicə edilməyibsə, hətta bir neçə il sonra da bənzər hadisə təkrarlana bilər.

13 Təcavüzkar təsadüfən, təsadüfi birinə yönəlir
Yanlış❎  Təcavüzkar təcavüz anını ən incə detallarına qədər planlayır və hərəkətə keçir. Demək olar ki, bütün təcavüz hadisələri əvvəlcədən planlanmış, lazımı tədbirlər görülmüş, risk yaradacaq amillər minimuma endirilmişdir. Uşağa zərər vermək üçün plan, proqram, incə detalları hesablamaq olduqca diqqət çəkən məqamdır. Təcavüzkar planını həyata keçirmək üçün illərlə gözləyə bilər.

14 Pornaqrafiya təcavüzün yayılmasına səbəb olur
Doğru   Bir çox təcavüzkar özündə yaşadığı ilk emosional və zehni sapmanın kontrolsuz pornoqrafiyadan qaynaqlandığını etiraf edib.

15 Təcavüzkar, əsasən, uşağa bir dəfə zərər verir
Yanlış❎  Bir təcavüzkarın uşağa zərər vermə müddəti illərlə davam edə bilər. Aparılan araşdırmalarda da bir dəfə təcavüzə məruz qalan uşaqların sayının çox az olduğu diqqət çəkir. Xüsusilə ailə daxilində baş verən təcavüz hadisələrinin 10-17 il davam etdiyi müəyyən edilmişdir.

16 Atanın öz övladına təcavüz etməsi mümkünsüzdür
Doğru   Hər nə qədər mətbuatda “doğma atanın” və “doğma qardaşların” təcavüz hadisələri yer alsa da, bu çox zəif bir ehtimaldır. Normal şərtlər altında bir atanın öz övladına qarşı cinsəlliyə aid psixogenetik qapıları bağlıdır. Yəni bir atanın zehni və ruh dünyası tamamilə alt-üst hala gəlmədikcə öz övladına təcavüz etməsi demək olar ki, imkansızdır.

17 Həddən artıq spirtli içki qəbulu və narkotik maddələrdən istifadə təcavüz riskini artırır
Doğru   Spirtli içki və narkotikin sinir sisteminə göstərdiyi mənfi təsirlər məlumdur. Spirtli içki və narkotik maddə insanın mühakimə, analiz-sintez bacarığını zəiflədir. Bunu nəzərə alaraq deyə bilərik ki, düzən içində çalışmayan bir beynin idarə etdiyi bədən təkcə təcavüz deyil, başqa bir çox riskli davranışlar da edə bilər.

18 Təcavüz sadəcə bir psixoloji xəstəlikdir, fiziki və ya nevroloji səbəbləri yoxdur
Yanlış   Təcavüzkarların bir qismində epilepsiya tutmaları, İQ səviyyəsinin aşağı olması təsbit edilmişdir. Bütün bu fiziki və nevroloji bağlantılara təcavüzkarın yaşadığı həddən artıq aktiv cinsi impulsların səbəb olduğu təxmin edilir.

19 Əgər həyata keçirmirsə, təcavüz meyllərinin olması qorxulu deyil
Yanlış   Bir insanın təcavüzkar olması üçün onun xəyallarını, gizli meyllərini praktikaya daşıması, həyata keçirməsi vacib deyil. Qarşısını ala bilmədiyi duyğu, düşüncə və sapmalarını müalicə etdirməsi vacibdir.

20 Özü zərər görmüş biri təcavüzkar ola bilməz
Yanlış   Təcavüzə məruz qalmış biri mütləq psixoloji yardım almalıdır. Təcavüz görmüş insan intiqam almaq, yaşadığı acını cəmiyyətdə yaymaq, başına gələnlərin yanlış olmadığını, hər kəsin belə bir hadisə yaşaya biləcəyini özünə sübüt etmək üçün başqalarına zərər verə bilər. Yaddaşdakı anormal cinsi bilgilər və onların mübarizəsi bu ehtimalı artırır.

21 Zərər görmüş insan psixoloji yardım alaraq yaşadıqlarını unuda bilər
Yanlış   Təcavüzə uğramış insan yaşadıqlarını xəyal şəklində də olsa, tez-tez xatırlayır.Psixoloji dəstək insana keçmiş gerçəyini unutdurmur, sadəcə onunla birgə yaşaya bilmə gücünün formalaşmasına kömək edir. Təcavüz görmüş uşağın beynində travma qala bilər. Beyin bu travmanın şiddətindən özünü müdafiə etmək üçün “sanki xatırlamır” kimi görünə bilər. Halbuki bu acı hadisə beyində “həzm olunmamış hafizəyə” qeyd edilir. Bu təcavüzü unutmaq deyil, gözlənilməyən anda partlaya biləcək şəkildə hadisənin üstünü örtməkdir.

Adem Güneş “Mahremiyet eğitimi”
Tərcümə etdi və hazırladı : Psixoloq Rübabə 

Beyenmeler
1   0  
VN:F [1.9.16_1159]
Rating: +4 (from 4 votes)

Psixoloq Rübabə

Fitret.az yazarı. Psixoloq.

- Sayt ünvanı

QADINLAR ÜZƏRİNDƏ KİŞİ HEGOMONİYASI

Xüsusi

 

kişi hegemoniyası-feminizmPatriarxat (erkək hegemon) sistemdə qadına nəzarət sahələri…

1) Qadınların istehsal və ya iş gücü:
Erkək hegemon sistem həm ev içində, həm də ev xaricindəki ödənişli işlərdə qadınların istehsal gücünü nəzarət altına alır. Ev içində qadın övladlarına, ərinə və ailənin digər üzvlərinə ömür boyu hər cür pulsuz xidmət göstərir, yəni qadının əməyinə bu pulsuz xidməti alan hər kəs tərəfindən əl qoyulur. Amma qadınların bu cansıxıcı, bitməz-tükənməz və daim təkrarlanan əməyi heç bir zaman iş olaraq qəbul edilməz, qiymətləndirilməz və ev qadınları ərlərindən asılı hesab olunurlar. Qadının evin xaricindəki əməyinə əl qoyulması isə qadınların əməklərini satmağa məcbur edilməsi və onların qazanclarına göz dikilərək əllərindən alınması şəklində başlayır. Qadınların istehsal və ya iş gücü üzərindəki nəzarət sahəsi; erkəklərin patriarxat sistemdən öz maddi mənfəətləri üçün istifadə etdiyi və qadınları çeşidli mexanizmlərlətəzyiq altında tutaraq ekonomik qazanc əldə etdiyi sahəni əhatə edir.

qadın-ana2) Qadınların doğurqanlığı və “Analıq” ideologiyası:
Patriarxat sistem qadınların doğurqanlıq gücünü dövlət, evlilik və qanunlar yolu ilə nəzarət altında tutur. Bir çox toplumda qadınların dünyaya gətirəcəyi uşaqların sayı, nə zaman dünyaya gətirəcəyi, hamiləlikdən qorunma üsullarından istifadə edib-etməməsi, abort olma və s. qərarları verə bilmə azadlığı erkək hegemon dövlətin sərhədləri içərisində tanımlanır. Yəni qadının üzərində fərdi erkək nəzarətindən başqa, çıxardığı qanunlar vasitəsilə dövlət nəzarəti də həyata keçirilir. Patriarxat sistem işçi qüvvəsi, əsgər və s. ehtiyac sahələrinə görə qadınların bədənləri və doğurqanlıqları üzərində nəzarət sahəsi ilə iqtidar quraraq, “analıq” ideologiyasını yaradır. “Analıq” ideologiyası patriarxat sistemin ömrünü daha da uzadan “xarakterik erkək və qadın modellər” yaradır və onlar arasında bölünmə yaradaraq, cinsiyyət ayrı-seçkiliyini daha da gücləndirir. Bu yol ilə qadınların hərəkət sərbəstliyini və inkişafını məhdudlaşdıraraq, erkək hegemon sistemin ömrünü daha da uzadır.

cəmiyyət-qadın-seks3) Qadınların cinsəlliyi üzərində nəzarət:
Cinsəllik, erkək hegemon sistemin qadına nəzarət sahələrinin içərisində ən önəmli yeri tutur. Erkəyin təsadüfi cinsi münasibət yaşamasına ənənəvi olaraq icazə verən və səssiz qalan hər toplumda, qadınların nikahdan xaric cinsi əlaqələrini yasaqlayan əxlaqi və qanuni bir sistem vardır. “Utanc”, “əxlaq”, “namus”, “şərəf” kimi qavramlar üzərindən qadınların cinsəlliyi nəzarət altına alınırkən, taciz və təcavüz kimi bədənin bütünlüyünə qarşı edilən zorakı hərəkətlərdə də yenə qadınlar basqı altına alınır, təzyiqlərə məruz qalır, günahkar hesab olunur. Qadınların cinsəlliyini nəzarət altında tutmaq üçün onların geyimləri, davranışları, ailə və toplum içərisində hərəkətləri və s. – əxlaqi davranış normaları, dini qayda-qanunlar, adət-ənənələr vasitəsilə diqqətlə izlənilir. Patriarxal ideologiya qadınları analar (yəni evləniləcək qadınlar) və cinsi obyektlər (əyləniləcək qadınlar) olaraq, iki bir-birinə zidd qrupa ayırır. Və analar (evləniləcək qadınlar) xaricindəki bütün qadınları erkəyin ehtirası, zövqü, həzzi üçün yaranmış cinsi obyektlər olaraq tanımlayır. Digər tərəfdən də erkək hegemon sistem qadınların bu iki zidd qrupu arasında ayrımçılıq, bir-birinə gizli düşmənçilik və dərin uçurum yaradaraq, əslində öz hakimiyyətini daha da gücləndirir..

qadın azadlığı4) Qadınların hərəkət özgürlüyü:
Qadınların cinsəlliyini, doğurqanlığını və iş-gücünü nəzarət altına ala bilmək üçün patriarxat sistem qadınların hərəkət azadlığını da nəzarət altına alır. Bir qadının gec saatda küçədə gəzməsi və ya təkbaşına hər hansı bir əyləncə yerinə, diskotekaya və s. getməsi erkək hegemon sistem içində yaşayan erkəklər tərəfindən “seksə və ya cinsi münasibətə dəvət” kimi xarakterizə olunur. Qadınlar uşaq yaşlarından etibarən davranış və hərəkətlərini kontrol etməyə, geyimlərinə diqqət etməyə şərtləndirilirlər. Erkək hegemon sistem gündəlik həyatda “yüksək səslə gülmə”, “xanım kimi davran”, “atana, qardaşına, ərinə hər zaman sayğılı və itaətkar ol”, “cinsəlliyini ön plana çıxarma”, “ağırbaşlı və ciddi ol, flört etmə, ucuz qız deyərlər”, “mən sənə güvənirəm, amma çevrəyə güvənmirəm, ona görə də hər hansı əyləncə yerinə, partiyə gedə bilməzsən” , “siyasət yeritmə burda, uşaqlara kim baxacaq?” və s. kimi cümlələrlə qadınların şəxsiyyətini və cinsəlliklərini kontroledici üsul və üsullarla onları nəzarət altında tutarlar. Bütün bu üsullar cinsiyyət ayrımçılığı ilə bilavasitə əlaqəlidir və erkəklər eyni məhdudiyyət və qısıtlamalara əsla məruz qalmazlar.

Bütün bunlardan çıxan son nəticə budur ki, erkək hegemon sistem öz şəxsi özəllik və keyfiyyətlərindən daha çox qadın istismarı üzərində bərqərar olaraq öz hakimiyyətini sürdürür…

Mənbə: http://feministatolye.org/
Hazırladı: Yeganə Ayhan

Beyenmeler
0   2  
VN:F [1.9.16_1159]
Rating: +11 (from 11 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

QADIN, YOXSA KİŞİ HAKİMİYYƏTİ?

matriarxat

Uşaqlar onları dünyaya gətirən analarını tanıyır, onun yanında böyüyür və ona sadıq qalırdılar

Matriarxat dövrü necə formalaşıb?
Bir zamanlar insanlar sürü şəklində yaşayırdılar. Həyatlarının böyük qismi heyvani tərz ilə uyğun idi. Çoxalma da bunun kimi. Düşüncə və bunun üzərinə formalaşan ictimai qınaq deyə bir şey yox idi. Ata ana məhfumu da sosial olaraq mövcud deyildi. Bioloji analıq və atalıq mövcud idi. Bu bioloji tərəflər ancaq cinsi əlaqə zamanı birlikdə olurdular. Sonradan qadınlar bu prosesə təkbaşına davam edirdilər. Uşaqları dünyaya gətirir və böyüdürdülər. Analıq missiyalarını bugünkü kimi olmasa belə, yerinə yetirirdilər. Uşaqlar onları dünyaya gətirən analarını tanıyır, onun yanında böyüyür və ona sadıq qalırdılar. Kişilər isə öz uşaqlarını tanımır, ayrılıqda həyatlarına davam edirdilər. Bu minvalla ətrafı artmış və ona sadiq övladlar tərəfindən qorunan analar toxunulmaz hala gəlmişdilər. Kişilər artıq istədikləri qadına istədikləri şəkildə yaxınlaşa bilmirdi. Və tədricən ana hakimiyyəti yaranırdı.

patriarxat

Daha əmin və cəsarətli, güclü kişilər müstəqil ova başladılar.

Patriarxat dövrü necə formalaşdı?
Bütün bunlar davam edərkən kişilər ovla məşğul olur, anaların hakimiyyətində olan çevrələri qida ilə təmin edirdilər. Ov zamanı hər kəs hər zaman bacarıqlı olmurdu və artıq rəqabət formalaşırdı. Ova getməkdən yayınan, xəstəlik bəhanəsi və s. ilə ova getməyən kişilərə görə digərləri düşünməyə başlamışdı. Onlar artıq kiminsə əvəzinə bunu etmək istəmirdilər. Daha əmin və cəsarətli, güclü kişilər müstəqil ova başladılar. Onlar ov edir, gətirir və sürüdən bir qadın seçərək ayrılırdılar. Özlərinə yeni bir mağara tapır və orda həyatlarına davam edirdilər. Bu zaman doğulan uşaqlar həm anasını, həm də atasını tanıyırdı və AİLƏ formalaşırdı. Müstəqil ailələr isə kişinin gücü sayəsində ayaqda durmaqda idi. Kişinin öz gücünü üstünlük olaraq uyğulaması artıq ailənin və bununla da kişi hakimiyyətinin formalaşmasına səbəb olurdu.

ilk insan-qəbilələr

Ən güclü ailə və ailənin ağsaqqalı qəbiləyə başçılıq etməyə başladı.

Qəbilələr necə yarandı?
Sürü şəklində yaşayan insanların həyatda qalma mənbəyi ov idi. Ov hər zaman uğurlu olmurdu. O üzdən bəzi ailələr davam gətirmirdi. Bu zaman təcavüz hissi formalaşdı. Uğursuz ovu olan güclü bir ailə uğurlu ovu olan digər müstəqil ailəyə hücum edir, ailə başçısı olan kişi öldürülür, onun ailəsi də bu ailəyə ya qatılır, ya da öldürülür və onların ovu sayəsində güclü ailə ayaqda qalırdı. Bu minvalla güclü ailələr, sonra bu güclü ailələrin diqtə etdiyi ailələr birliyi, bu minvalla isə qəbilələr yarandı. Ən güclü ailə və ailənin ağsaqqalı qəbiləyə başçılıq etməyə başladı. İnsanlar uzun zaman, çox uzun illər beləcə həyat sürdülər və hətta müasir dövrdə də qəbiləçilik ehtirası yeni şəkildə təzahür etməkdədir.

qadın və kişi. matriarxat-patriarxat

Ümumiyyətlə, qadının və ya kişinin hakimiyyəti lazımdırmı?

Sözümün canı nədir?
Bütün bunlardan günümüzə dönsək və həmən bir analiz aparsaq, maraqlı faktlar ortaya çıxır. Görəsən, ailənin yaranmasımı qadını kölə halına salıb onu müstəqillikdən məhrum elədi? Həqiqətənmi, dünyada güc ən önəmli duruşdur? Qadın hakimiyyətinə qayıdış üçün kişinin gücümü azalmalı, yoxsa ailə sistemi dağılmalıdır? Ümumiyyətlə, qadının və ya kişinin hakimiyyəti lazımdırmı? Lazım deyilsə, necə bir hakimiyyət onların birgə azad yaşaması və bir-birinin tamamlayıcısı olmasını təmin edə bilər? Bütün bu suallara cavab verə bilməyəcəm, amma anladığım bir şey var. Sanki dünya artıq güc deyil, estetika üzərinə formalaşır. Burda isə qadınlar udur. Kişilər bu fonda qadınlarla bacara bilmir və onları dinləyirlər. Bu yaxşıdır ya pis, doğrudur ya yanlış, bilmirəm, mövzum da bu deyil. Qadınların azad olması və hakim olması da məni narahat etmir. Məni narahat edən bu iki fərqli cinsin hakimiyyət yarışmasına çıxmasıdır. Bu kimə lazımdır, həqiqətənmi belə olmalıdır?!

Müəllif: Vüsaləddin Rüstəmov

Beyenmeler
0   2  
VN:F [1.9.16_1159]
Rating: +12 (from 12 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

MƏN YƏMƏNLİ BİR QIZAM…

Mən ona yaxınlaşanda o otağın küncündə bardaş qurub oturmuşdu; sadəcə gözlərini görürdüm (niqabda olduğu üçün). Məni görən kimi pəncərəyə doğru getdi və heç bir neçə saniyə çəkmədi ki, mənə tərəf dönüb danışmağa başladı…

Ən son nə zaman pəncərədən ətrafa baxdığımı unutmuşam. Nəinki baxmağı, hətta deyərdim ki, qız olduğum üçün varlığımı belə unutmuşam. Yəməndə qız olmaq heç bilirsən necədir?! Düşüncəsi belə sənin ruhuna və ağlına ağırlıq edər, elə ağırlıq ki, onu ya göz yaşlarınla çıxarmalısan, ya da oturub dərin-dərin nəfəs almalısan…  Amma sən də hamı kimi edəcəksən. Bilirəm… Sadəcə mənim üçün bir neçə dəqiqə, yaxud bir neçə saat üzülüb unudacaqsan… Mən isə yenə bu həyatı yaşamağa davam edəcəyəm. Əslində, heç “davam edəcəyəm” sözünün mənasını dərk edə bilmirəm, çünki davamlılıq üçün varlığımın və var olmağımın qəbul olunması lazımdır. Bəs mən qəbul edilirəmmi bu cəmiyyətdə?! Mən qız doğulduğum üçün mənə insan hüquqlarını tanıyırlarmı bu ölkədə?! Nə edim, qadın olduğum üçün utanımmı?! Gülümsəmək istəyirəm bu kəlməni deyərkən amma… Yenə amma… Yəqin ki, artıq bu “amma” kəlmələri ilə yordum səni. Sənə deyim ki, mən heç zaman qadın olmaqdan utanmadım, usanmadım… Bəlkə bunu söyləməm üçün yaşımın az olduğunu deyəcəksən… Yanılırsan! Mən yaşımla deyil, mənə yaşadılanlarla, gördüklərimlə böyümüşəm. Mənim üçün gülmək, danışmaq, düşüncələrimi dilə islam-qadın-örtügətirmək günaha çevrilibdir. Bilirəm heç 18-i görmədən məni də bir kişiyə satacaqlar, elə başqa yəmənli qızlar kimi… Bunun adına evlənmək deyə bilmərəm, biz burada satılırıq, nə fikrimizi soruşan var, nə qəlbimizə qulaq verən. Mən ağlasam, mən qarşı çıxsam, nə dəyişəcək?! Çox uzağa getsəm, amansız şəkildə məni öldürəcəklər, necə ki, qonşu ölkədə- İranda təcavüz edildiyi üçün iffətini qorumaqdan ötrü öldürdüyü adama görə edam edilən 19 yaşlı Reyhanə kimi. Tez-tez divarın bir küncünə sıxılıb qadın olduğu üçün əzab çəkən, ağlayan, saçlarına zamanından öncə dən düşmüş anama baxıram, həyatını düşünürəm və “məgər məni dəmi o sonluq gözləyir?!”- sualını ağlımdan keçirmək belə ruhumu ürpərdir. Bilirsən, burda qadınların oxumaq hüququ yoxdur, işləyib özünə baxmaq hüquqları da artıq sıradan çıxıb. Bir qadın bir kişi ilə eyni işdə çalışırsa, kişi 100 alanda, qadına 30 verirlər. Düşün, burada qadınların kimlik almaq haqları belə yoxdur; ancaq ya atalarının, ya da ərlərinin icazəsindən sonra ala bilərlər. Hər 4 qadından biri aclıq, yoxsulluq çəkir, onlar ehtiyaclarını ödəmək üçün hətta bədənlərini satmaq məcburiyyətində qalırlar. Bir qadının öz iffətini satışa çıxarması bilirsən nə deməkdir?! Özünü məcbur et buna, düşünməyə məcbur et, özünü o qadınların yerində hiss et! Yum gözlərini, yum, canlandır beynində hiss edərək… Məcbur et, özünü. Səni alçaltmaq deyil niyyətim, məni yanlış anlama, məqsədim var sadəcə. Sənin də bunu hiss etməyini istəyirəm ki, bəlkə, ruhunun ən dərinliyində sənə çata bildim, vicdanına toxuna bildim. Bu, mənim üçün və bütün yəmənli qızlar üçün nə qədər önəmlidir, bir bilsən. Sən ordasan, bir başqa ölkədə, başqa şərtlər altında, rahat  həyatın var və hətta mənə, bizə yardım edə bilmək gücün var. Mənim üçün dünyaya səslənə bilərsənmi? Yəməndə qız doğulmağın nə qədər acı olduğunu, nə qədər arxa planda qaldığını, dəyərsizləşdiyini, insani hüquqlardan məhrum edildiyini deyə bilərsənmi?! Bir qadının şiddət görməsini düşün, dilənçiliyə, fahişəliyə, hətta narkotik satıcısı olmağa məcbur edilməsini düşün, dinləmə (oxuma) sadəcə, bu dediklərimi düşün… İndi isə sənə çıxış yolunu anladacağam. Ya bizə xilaskar olacaqsan, ya da bizə bu həyatda: “Həyatına davam elə”, -deyənlərdən. Hansı ki, biz davam etməyin nə olduğunu belə hələ dərk edə bilmirik.  Çoxları zənn edir ki, bu həyatı yaşamağımıza səbəb bizim dinimizdir. Yox, bu, belə deyil. Düzdür, mən oxumağı və yazmağı bacarmıram, amma mənim babam mənə həmişə dinimizin mükəmməl olduğunu izah edərdi, mənə Quran oxuyardı, əslində, dinimizdə qadınların nə qədər dəyərli olduğunu deyərdi. Hətta o, mənə bəzi ayələri əzbərlətmişdi: “Allah`ın onlardan birini digərindən üstün etdiyinə və öz mallarından xərclədiklərinə görə kişilər qadınlar üzərində himayəçidirlər…” (Nisa Surəsi, 34). Babam mənə deyirdi ki, kişiyə qadını qorumaq vəzifəsi verilmişdir. Hətta bu ayədə keçən “kavvam” kəlməsi ərəbcədən “qoruyan, göz-qulaq olan” demək imiş. Əslində, demək istəyirəm ki, əsl Quranda əmr edilən din yaşansaydı, nə mən, nə anam, nə də başqa yəmənli qadınlar bu həyatı yaşayardı. islam-qadın-örtüYəməndə kişi və qadın bərabərsizliyi çox üstün səviyyədədir, ancaq Quranda Allah əmr edir ki: “Mənim qatımda ən üstün olanınız irqiniz, cinsiniz deyil, təqvaca üstün olanınızdır”. Bax, əslində, mən bu həyatın arzusundayam, cinsiyyətin fərq qoyulmadığı, eyni hüquqlara sahib cəmiyyət istəyirəm. Bəlkə də bir çox yerdə əsl islam yaşanmır, elə buradakı kimi. Amma biz daha acınacaqlı vəziyyətdəyik. Sizdən istəyim bizim üçün birləşməyinizdir… Əgər dünyada əsl İslami birlik yaradılarsa, heç kimsə müsəlman bir qardaşının , bacısının zülmünə, əziyyətinə göz yummaz və mütləq bizləri bu vəziyyətdən, çətinlikdən xilas edər. Bax, mən bu örpəyimi çıxarsam, mənim üz cizgilərimə diqqət etsən, vicdanın titrəyər. Ona görə yox ki, mən döyülmüşəm. Üzümün yaralarından deyil, sadəcə üz cizgilərim o qədər dərinləşib ki, ruhumdakı yaralar üzümə əks olunub. Ağlamıram, ağlamayacağam, səbirlə məni dinləyən dünyanı, müsəlmanları gözləyirəm, sən də məni dinlədin və bunları yazmağını, səsimi hər kəsə duyurmağını istəyirəm. Unutma, mən qadınam və mənim yerimdə hər hansı bir qadın ola bilərdi. Biz mədəni şəkildə zindan həyatı yaşayırıq. Yardım üçün son dəfə hər müsəlmana səslənirəm, bizim üçün İslamı yaşayın və bizi də xilas edin.

Mən bu yazını, əslində, öz düşüncələrim əsasında yazdım, amma bunu yazmağıma vadar edən yəmənli qadınların həyatını araşdırmağım oldu. Yəni həqiqətdə mən Yəmənli bir qızdan müsahibə almamışam, sadəcə onlar haqqında oxuyub öyrəndiklərim mənə o qədər təsir etdi ki, onu ancaq ən gözəl bu şəkildə izah edə bilərdim. Düşündüm ki, bu şəkildə qələmə alsam, insanlar daha çox diqqət edər. Əslində, sadəcə diqqət etmələrini istəmirəm, yuxarıda deyildiyi kimi, həll yolu üçün müsəlmanların birləşərək əziyyət görən hər müsəlman qadını, hər bir müsəlmanı zülmdən xilas etməsini istəyirəm. Nəinki şiddət və əzab görən müsəlman qadınlar, hətta dinindən və irqindən asılı olmayaraq, hər qadının, hər insanın gözəl həyat yaşamağa haqqı var və kimsənin də bu haqqı onun əlindən almaq hüququ yoxdur! Mənim üçün tək çıxış yolunun təkcə müsəlmanların deyil, bu həyatı yaşayan hər kəs üçün həll yolunun məhz əsl İslam, əsl Quran olduğunu düşünürəm.

Müəllif: Züleyxa Sultan

Beyenmeler
0   2  
VN:F [1.9.16_1159]
Rating: +6 (from 6 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus