İNSANDA ƏTALƏT HALI NƏDİR ?

Xüsusi

Xalq arasında daha çox tənbəllik olaraq bilinən, hətta lüğətdə belə, tənbəllik, işsiz qalma mənalarında olan ətalət, bilinənin əksinə, tənbəlliyi içində barındıran, lakin tənbəllikdən fərqli bir vəziyyətdir. Təəssüf ki, bu yalnış tərif, ətalətin yalnış anlaşılmasına və bilinmədiyi üçün də doğru çözümə gedilə bilməməsinə yol açır. Yaxşı bəs ətalət nədir?

Ətalətin kəlmə anlamı, passivlik halıdır. Hər hansı bir hərəkətə qarşı bir çox səbəbə bağlı olaraq müqavimət göstərmə vəziyyətidir. İnsanın,  nəyi istədiyini və buna çatmaq üçün nələr edə biləcəyini bildiyi halda, hərəkətə keçməməsi, içində var olan potensialını, bacarıqlarını istifadə etməməsi, yəni etməli olduğu şeyi bildiyi halda etməməsi, onun ətalət halında yaşadığının göstəricisidir. İstəksizlik, yorğunluq, depressiya, tənbəllik kimi vəziyyətlərin bir arada yaşandığı bir növ psixoloji xərçəng olaraq adlandırılan ətalət, gizlincə gəlir və fərq edilmədiyi zaman bütün bədəni və ruhu ələ keçirir. Ən tipik əlamətləri: tənbəllik, təxirə salmaq, tükənmişlik sendromu, bezginlik, bəhanəçilik, istəksizlik kimi passivlik hallarıdır.

Ətalətin yaranmasını anlatan məşhur bir hekayə var. Bu, çox insan tərəfindən bilinən, suya atılan qurbağanın hekayəsidir ki, hətta elmi bir təcrübədir. Qurbağa öncə  isti su ilə dolu olan qaba atılır və o dəqiqə də canını qurtarmaq üçün qabdan bayıra tullanır. Sonra, qurbağa təkrar olaraq su dolu bir qaba atılır, lakin bu dəfə suyun istiliyi noraml səviyyədədir və qurbağa da halından məmnundur. Bu əsnada, qab odun üstünə qoyulur və su yavaş-yavaş isinir. Bunun nəticəsində müşahidə olunan isə budur ki, halından məmnun olmağın verdiyi rahatlıqla, qurbağa  suyun istiliyinin artdığını hiss etməyib. Bu, ətalətli halda yaşayan insanların vəziyyətinə bir nümunədir. Ətalət insanın həyatına gizli bir şəkildə girir və özünü fərq etdirmədən insanı ələ keçirir.

Ətalət, insanın həyatında iki cür olur : İnsanın ruhunu ələ keçirən psixoloji ətalət və bədənini ələ keçirən fizioloji ətalət.

Psixoloji ətalət, bir çox psixoloji faktorlara bağlı olaraq ortaya çıxan və depressif ruh halını artıran ətalət halıdır. Fiziki ətalət isə, bədəndəki hərəkətlərin yavaşlığıdır. Son dönəmlərdə artan oturaq masa işləri  bu ətaləti daha da yaymaqdadır. Bu iki ətalət biçimi bir-birinə bağlı və biri digərinə yol açan bir döngü biçimindədir. Fiziki ətalət psixoloji ətalətə çevrilə bildiyi kimi, psixoloji ətalət də fiziki ətalətə çevrilə bilər.

Psixofizioloji  bir vəziyyət olan ətalət, bir çox səbəbə bağlı osla da, başlıca səbəbləri bunlardır:

1) Məqsədsizlik: Həyat məqsədinin nə olduğunu bilməməkdən, özünə bir yol, bir yön seçə bilməməkdən qaynaqlanan və nəticədə ətalətə aparan vəziyyətdir.

2) Mükəmməlliyyətçilik: Edilən hər şeyin mükəmməl olmalı olduğu inancına söykənən mükəmməlliyyətçiliyin verdiyi qatılıq və heç bir şeyin istədiyi kimi olmamasından qaynaqlanan stres nəticəsində ətalətə aparan xarakter biçimidir.

3) Pulsuzluq: Etmək istədiyi şeylərin müəyyən bir sərmayə tələb etməsi və özündə bu sərmayənin olmamasının verdiyi çarəsizlik nəticəsində ətalətə aparan bir vəziyyətdir.

4) Mənfi duyğular və düşüncələr: Temperament olaraq neqativ baxış bucağına sahib olan fərdlər və bu baxış bucağının verdiyi mənfi duyğular ilə özünü sabotaj edər və nəticədə ətalətin yaranmasına zəmin hazırlayar.

5) Passiv müqavimət: Etməyi istəmədiyi bir şeyi etməkdə çətinlik çəkən inanların öz içində göstərdiyi inad və müqavimətin ətalət yaratmasıdır.

6) Öyrənilmiş çarəsizlik: Hədəfinə çatmaq üçün önünə çıxan əngəlləri aşmağa çalışan və hər dəfəsində uğursuzuqla qarşılaşan  insanın, bacaracağına dair inancını itirib ümüdsüzlüyə qapılması nəticəsində bir şey etmək istəməməsindən qaynaqlanan vəziyyətdir.

7) Daxili qaşıdurmalar: Fərd, etməli olduğu işi öz dəyərlərinə, şəxsiyyətinə uyğun hesab etmir, lakin məcburiyyətdən dolayı edirsə, bu vəziyyət insanda daxili qarşıdurma yaradaraq bir müqavimət ortaya çıxarır. Bu müqavimət zamanla ətalətə çevrilir.

8) Doğru öncəlik müəyyən edə bilməmək: Potensialından çox özünə iş yükləmə, intensivlik və gün içində çıxan təcili işlərin, önəmli işlərin yerini alması səbəbiylə yaranan stres ətalətə çevrilir.

Göstərilən bu başlıca səbəblər xaricində də bir çox səbəbə bağlı olaraq ortaya çıxan ətalət, fərqinə varılıb çözümünə gedilmədiyi təqdirdə, insanı günü-gündən ruhi pozulmalara aparan təhlükəli bir həyat tərzidir.

Mənbə: www.bilgiustam.com
Hazırladı: Fidan Aslanova

 

Beyenmeler
11   0  
VN:F [1.9.16_1159]
Rating: +2 (from 2 votes)

Fidan Aslanova

Fitret.az idarəçisi

 
Facebook

MİŞEL DE MONTEN – ESSELƏR -2

Xüsusi

Mişel de Monten - "Esselər"Bəzən davranışlar o qədər ziddiyyətlidir  ki, eyni insan tərəfindən ortaya qoyulmuş olmaqları qeyri-mümkün kimi görünür.

Özümü tanımağıma kömək edəcək, yaxşı yaşayıb yaxşı ölməyi öyrədəcək olan bilgini axtarmaq üçün oxuyuram.

“Bir şeyi itirməyin verdiyi üzüntü ilə onu itirmək qorxusunun verdiyi üzüntü eynidir. ” Yazar bu sözü ilə onu itirməkdən qorxduğumuz müddətcə həyatdan zövq ala bilməyəcəyimizi anlatmaq istəmişdir. Halbuki, bunun tam əksini söyləmək də mümkündür; bu yaxşıdan əmin olmadığımız və əlimizdən alınacağından qorxduğumuz müddətcə onu o qədər yaxından və sevgi ilə qucaqlayıb sıxarıq. Çünki, soyuğun odun təsirini gücləndirməsi kimi istəklərimiz də qarşılaşdığı çətinliklərlə daha da kəskinləşər və asanlığın gətirdiyi bezginlik qədər zövqümüzü azaldan başqa bir şey yoxdur.
Bu, hər işdə belədir: Çətinlik, şeylərin dəyərini artırar.

Bir şeyi qadağan etmək, insanı həvəsləndirməkdir.

İstədiyimiz şeyi tamamilə əldə etməyimiz, bizim, onu kiçik görməyimizə yol açar. Əskiklik və bolluq eyni sıxıntıya yol açar.

Özüm üçün nə olduğuma önəm verdiyim qədər başqa insanlar üçün nə olduğuma önəm vermirəm. Öz varlığımla zəngin olmaq istəyirəm, borc aldıqlarımla deyil. Digərləri, hadisələri və görüntüləri sadəcə xaricdən görürlər. Habuki, hər birimiz içimiz qorxu və alov dolu olsa belə, xaricə yaxşı görünə bilərik. Onlar mənim ürəyimi yox, sadəcə davranışlarımı görürlər.

Adımızın ucaldılması deyə adlandırdığımız şey, adımızın ağızdan ağıza yayılmasıdır. Adımızın hər kəs tərəfindən bilinib yaxşı qarşılanması və bunun bizə yararı olmasını istəyərik, bu xoş görülə bilər. Amma bu xəstəliyin aşırısı insanın özü haqında nə şəkildə olursa olsun danışılmasını istəməsidir. Erostrat və Manlius Capitolin- in yaxşı bir şöhrət yerinə böyük bir şöhrət arzuladıqları söylənir. Geniş yayılmış bir qüsurdur bu… Bizim haqqımızda necə danışıldığına deyil, danışılıb danışılmadığına diqqət edərik. Adımızın başqa insanların ağzında olduğunu bilmək bizə yetər, amma nə şəkildə dolaşdığının elə də önəmi yoxdur. Tanınmaq, həyatını başqalarının qorumasına verməyin bir növüdür.

Digər bir şan və şöhrət növü də, insanın öz dəyəri ilə bağlı yaratdığı yaxşı fikirlərdir. Öz özümüzə şişirdilmiş bir sevgi daşıyarıq və bu da, özümüzü, gerçəkdə olduğumuzdan daha fərqli görməyimizə səbəb olar. Sevgidə də belədir, sevdiyimiz insana gözəlliklər və yaxşılıqlar yükləyərik, aşiq olan insan sevdiyi şeyi daha fərqli, olduğundan daha qüsursuz görər, çünki mühakimə forması dəyişər. Amma yenə də, bu xətaya düşmək qorxusu ilə insanın özünü tanımağı önəmsəməməsini və özünü olduğundan daha aşağıda görməsini istəməzdim.

İnsan hər yerdə axmaqlıq edə bilər, amma şeirdə əsla.
“Heç kim, pis bir şair qədər özünə güvənə bilməz.” ( Martial)

Yenidən oxuduğum zaman yazmış olmaqdan utanıram. Elə şeylər görürəm ki, silinməyi haq edirlər.” (Ovide)

Çalışma və zövq, təbiətləri bir-birilərinə heç bənzəməsə də, tam bilmədiyim təbii bir nöqtədə birləşirlər.

Görünən qüsurlar daha az ciddidir, sağlam bir görüntünün altında gizlənsələr, daha təhlükəlidirlər. ( Seneca)

Hirslənməyə haqqı və gücü olan ailə fərdlərinə bunu tövsiyyə edirəm: Öncəliklə, hirslənmək mövzusunda qənaətcil olsunlar, hər saat hirs saçmasınlar, çünki önəmi və təsiri azalar. Sıradan və idarəsiz  qışıqırıb çığırmaqlar bir alışqanlıq halına gələr və buna görə də hər kəs üçün lağ mövzusuna çevrilər. Bir stəkanı düzgün yumadığı və ya nərdivanı yaxşı yerləşdirmədiyi üçün yüz dəfə danladığınız xidmətçini, oğurluq etdiyi üçün danlamağınızın heç bir təsiri olmaz.

Qorxaqmı, zalımmı və ya sadiqmi olduğunuzu yalnız siz bilə bilərsiniz, digərləri sizi görməz, naməlum düşüncələri ilə haqqınızda təxminlər  edərlər. Çünki sizin gerçək təbiətinizi sizin göstərdiyinizdən daha az görərlər. Elə buna görə də, onların mühakimələrinə yox, öz mühakimələrinizə güvənməlisiniz.

Ruhun böyüklüyü böyük işlərdə yox, sıradan işlərdə özünü göstərər.

Tənbəlliyin verdiyi qüsurlar, çalışmaqla düzəldilməlidir. ( Seneca)

Zehnimi doldurmaqdansa, onu öz-özümə işləməyi üstün tuturam.

Ən böyük insanlar, bunu sabit məşğuliyyətləri halına gətiriblər. Çünki onlar üçün yaşamaq, düşünməkdir. ( Çiçero)

Ürəkli Spartalılar, döyüş zamanı çılğınlığa qapılmamaq və duyğularını sakitləşdirə bilmək üçün yumşaq bir musiqi dinləmək istərlərmiş. Halbuki digər sıradan xalqlar, bu cür vəziyyətlərdə əsgərlərin cəsarətini yaxşıca gücləndirmək və ortaya çıxarmaq üçün şiddətli və kəskin səslərdən istifadə edirlər.

Hazırladı: Fidan Aslanova 

Beyenmeler
0   15  
VN:F [1.9.16_1159]
Rating: +6 (from 6 votes)

Fidan Aslanova

Fitret.az idarəçisi

 
Facebook

TƏNBƏLLİK NƏDİR?

Tənbəllik, aktiv olmağa qarşı könülsüzlükdür. Bir işi edə biləcək ikən bundan çəkinmə, bir məşğuliyyət  üçün səy etməmə və hərəkətə keçməmə halıdır. Adətən, edilməyi lazım olanı etməyən adama yaraşdırılan bir sifətdir. Ərincəklik, uyuşuqluq, başıboşluq, avaralıq ilə yaxın anlamdadır. Müxtəlif dinlər və görüşlər tərəfindən tənqid edilmiş bir davranışdır. Birinin əskikliyini görəndə, “tənbəl” deyərik.  Bəs yaxşı, insan nə üçün tənbəllik edər? Bəlkə də bəzilərimiz üçün sualı bu cür qoymalı: Niyə tənbəl olmayaq?

Öncəliklə, söyləmək lazımdır ki, burada tənbəllik deyərkən, nəzərdə tutduğumuz, edilməsi lazım olan bir şey var ikən bundan geri durmaqdır. Şüurlu bir şəkildə dincəlmək və ya eləcə dayanmaq tənbəllik olmaya bilər. Lazım olan işi etməmə halına tənbəllik deyə bilərik. Hərəkətsizlik ilə qarışdırılmamalı, bir əskiklik və geri durma davranışı olduğu xatırlanmalıdır. Fərqli baxışlara görə hər zaman edəcək bir şeylər tapıla bilər və ya edəcək heç bir şey yoxdur. Bunu tənbəllik daxilində deyil, həyatda nə etməli sualına bağlaya bilərik.

İmmanuel Kanta görə, insan, bütün insanlar üçün bir qanun olacaq biçimdə davranmalıdır. İnsanlıq bir vasitə olaraq yox, bir məqsəd olaraq görülməlidir. Elə davranmalıdır ki, insan özünü bir qanun qoyucu olaraq hiss edə bilsin. Bu məqsədlər, vəzifə əxlaqının əsaslarını təşkil edir. Ancaq beləcə, yaxşı bir niyyətdən, dolayısı ilə saf yaxşılıqdan bəhs edə bilərik. Vəzifənin  əxlaqlı, yəni yaxşı ola bilməsi üçün universal olanı düşünərək hərəkət etməliyik. Yalnız özünü düşünmək bizi yanıldar və tənbəlliyə sövq edər. Məncillik kimi, düzəldilməyi gözləyən bir dar fikirlilikdən söz edə bilərik.

Bir düşünək, öz başımızamı insan olduq? Yaxşı, bəs insan olmağın ortaqlıq tərəfinə nə deməli? Təbiətimiz tənbəllik üzərinəmi qurulub? İnsanın təbiətdəki fərqli mövqeyi haradan gələ bilər? Ünsiyyət..əlaqə nə olan şeydir? Aydındır ki, insan ehtiyaclarını qarşıladıqdan sonra boş durmamış və sonrakılar üçün dəyər yaratmışdır. İnsan, həyatı bir vəzifə bilmiş və sonrakılara çatdırmaq üçün çabalamışdır. Eynilə filosof kimi, fiziki ehtiyaclarını tamamlamaqla kifayətlənməmişdir. Ardına baxmaq və həyatı anlamağa çalışmaq davranışlarını göstərmişdir.

Mənbə: www.dmy.info
Hazırladı: Fidan Aslanova

Beyenmeler
0   16  
VN:F [1.9.16_1159]
Rating: +4 (from 14 votes)

Fidan Aslanova

Fitret.az idarəçisi

 
Facebook

GÖTEDƏN SEÇMƏLƏR

Göte- Alman şair, teatr yazarı, yazıçı, hüquqçu, filosof. Yohann Volfqanq Göte ( 1749-1832) Almaniyanın Frankfurt şəhərində, varlı bir ailədə düYohann Volfqanq Götenyaya gəlib. Kiçik yaşlarından etibarən bir neçə xarici dil öyrənib. Fikri, nəzəri və bədii işığını başda öz ölkəsi Almaniya olmaqla, bütün Avropanın orta çağ qaranlığına yansıtmış; Fridrix von Şiller  ilə birlikdə aydınlıqçı, duyğusal və romantik bir axını təmsil edən Veymar Klassisizminin baş rol oyunçularından biri olmuş və Alman ədəbiyyatında izləri silinməyəcək təsirlər buraxmışdır. Aydınlanma dövrü Qərb ədəbiyyatının nəhənglərindən sayılan və dünyaca məşhur “Faust” adlı poetik, fəlsəfi oyunun yazarıdır. Xüsusilə, bu oyunda ortaya qoyduğu insan kimyası, bitki morfologiyası və heyvan dünyasının bir-birilərindən  qarşılıqlı təsiri, işıq və rənglərin xarakterləri, çağırışımları kimi mövzularda fəlsəfi yanaşmalar etmiş, öz çağını aşan elmi nəzəriyyələr ortaya atmışdır. Modern halı və diqqət çəkən fikirləri ilə sadəcə Almaniyanı deyil, bütün Avropanı təsiri altına almış, modern və aydınlanmış Qərb mədəniyyətinin  musiqisinin, şeirinin və fəlsəfəsinin təkamül  müddətində bir çox sənətçi üçün ilham qaynağı olmuşdur.

SEÇMƏLƏR:

Bir insanın çata biləcəyi ən yüksək səviyyə, öz inanc və düşüncələrinin şüuruna varmaq, öz özünü tanımaqdır.

Kifayət qədər zamanımız həmişə vardır, təki  doğru istifadə edək.

Faydasız bir həyat, erkən bir ölümdür.

Ən gözəl təsir, iki oxşar ruhun bir-birinə etdiyi təsirdir.

Tələsmə, amma tənbəllik də etmə.

Siz özünüzə inanın, başqaları da sizə inanacaqdır.

Az ümid edib çox əldə etmək həyatın həqiqi bir sirridir.

Hər an özümüzü dəyişdirməli, yeniləməli və gəncləşdirməliyik, yoxsa qatılaşarıq.

Yaxşılıq, insanları bir-birinə bağlayan qızıl zəncirdir.

Dünyada sevgiyə və coşğuya açıq bir qəlb qədər dəyərli bir şey yoxdur.

Qabiliyyət, sükunət içində ortaya çıxar. Xarakter isə dünyanın fırtınaları içində.

İnsan özünü yalnız insanda tanıyar.

Malını itirən, bir şey itirmişdir. Şərəfini itirən bir çox şey itirmişdir. Amma cəsarətini itirən hər şeyini itirmişdir.

Heç zaman güvənməmək,  hər zaman güvənmək qədər böyük bir yalnışdır.

Böyük yükləri qaldıra bilmək üçün onların ortasını tapmaq lazımdır.

Bütün ərdəmlərin təməl xüsusiyyəti, yüksəlmə yolunda davamlı bir səy, şəxsən özünlə cəng halında olmaq, daha böyük və dərin bir saflığa, müdrikliyə, yaxşılıq və sevgiyə istiqamətli doymaq bilməyən bir istəkdir.

Gilasların və tutların dadını uşaqlardan və sərçələrdən soruş.

Tənqid, müasir yazarların vərdişindən başqa bir şey deyil.

Danışacaq olsan, necə danışardınsa, elə də məktub yaz. O zaman gözəl yazarsan.

Lazım gələrsə,  məktəblərimiz var, hətta dünyaca məşhur universitetlərimiz də var amma insanın və xarakterinin gerçək təhsili üçün qurulmuş heç bir şeyimiz yoxdur. Buna görə də içimizdə çoxumuz  xaraktersizdir.

Yüz növ şeyi yarımçıq bilməkdənsə, bir şeyi tam bilib tətbiq etmək insanı daha yaxşı yetişdirər.

Mənfəət güdməyən yaxşılıq ən yüksək və ən gözəl faizi gətirər.

İnsanı dostca münasibətdən daha çox yetişdirən, daha saf və canlı olaraq oyanıq saxlayan  nə var?

Məqsədinə çatmaq istəyirsən? Onda öz yolunu kəsmə.

Qadınlar ilk təəssüratlarına güvənəcək və bunları cəsarətlə dilə gətirəcək qədər xoşbəxtdirlər.

Evin qiyməti,  ancaq axşam olduğu zaman anlaşılar.

Hər irəliləmə bir cəsarət işidir və ancaq cəsarət sayəsində qəti olaraq irəliləmək olar.

Gənclik, şərabsız sərxoşluqdur.

Gənclik yol göstərilmək ehtiyacı duyar.

Təəssüratları təptəzə və güclü qəbul etmək, gəncliyin qibtə ediləcək bir xoşbəxtliyidir, tənqidi  bilgi artdıqca o saf zövqlərin də qaynağı quruyar.

Gördüyüm, eşitdiyim nə varsa hamısını topladım və dəyərləndirdim. Əsərlərim müxtəlif minlərlə insanla qidalandı. Cahillər, müdriklər, başlı insanlar, axmaq başlar, uşaqlar, yaşlılar.. hamısı mənə gəlib düşüncələrini, qabiliyyətlərini, ümüdlərini, varlıq biçimlərini təqdim etdilər. Çox zaman başqasının əkdiyi yerdən məhsul topladım. Əsərim, tərtib edən birinin əsəridir və adı da Götedir.

İnsan dünyanın xoşuna gələcək bir şey etdimi, o zaman dünya belə bir şeyi ikinci dəfə etməyimiz üçün əlindən gələni edər.

Heç kim yoxlamadan gücünün nəyə  çatdığını bilməz.

Peşəmdə yazar olmağımda böyük yığın nə istəyir, hər kəsə necə faydalı olaram, deyə heç soruşmamışam. Hər zaman məqsədim özümü daha qavrayışlı və daha yaxşı hala gətirmək, şəxsiyyətimin özünü yüksəltmək, sonra yaxşı və doğru bildiyim şeyləri dilə gətirmək olub.

Yalın gözəli gözəldən anlayan dəyərləndirər, süslənmiş  isə yığına xitab edər.

İki zidd baxışın ortasında həqiqət yer alır.

Həyat bizə hər addımda doğru yolu göstərir.

Həyata inan! O xətibdən və kitabdan daha yaxşı öyrədir.

Həyatın biçim qazansın, düşüncən həyat, canlandırıcı gücün hər zaman yetişdirici olsun.

İnsanların bizə uyğunlaşmasını gözləmək böyük bir dəlilikdir. Mən bunu heç etmədim, insanları hər zaman incələməyə və xüsusiyyətlərini tanımağa çalışdığım bir fərd olaraq gördüm, lakin simpatiya gözləmədim. Müxtəlif xarakterlər haqqında bilgi və həyatda lazımlı bacarıqlar yalnız belə əldə edilə bilər.

Ruhların gerçək uyumu halında olan insanlar bir-birlərinə durmadan yaxınlaşarlar. Görünüşdə bir-birilərindən uzaqlaşsalar, belə.

Yaşlandığım kimi həm də ağıllan.

Bir dostda yanılmaq, dostlarını yanıltmaqdan yaxşıdır.

Bu gündən dəyərli heç bir şey yoxdur.

Bir mübahisə əsnasında, hirsləndiyimiz anda gerçək üçün məşğul olmağı buraxar, özümüz üçün məşğul olmağa başlayırıq.

Edə bilərsiniz. Çünki etməlisiniz!

Xarici dil, insanın özünü yenidən tapdığı fərqli  bir aynadır.

Memarlıq əsərini donmuş bir musiqi olaraq təsvir edərdim.

İnsan hər gün bir parça musiqi dinləməli, yaxşı bir şeir oxumalı, gözəl bir tablo görməli və mümkünsə, bir neçə məntiqli cümlə söyləməlidir.

Hazırladı: Fidan Aslanova

Beyenmeler
0   16  
VN:F [1.9.16_1159]
Rating: +12 (from 12 votes)

Fidan Aslanova

Fitret.az idarəçisi

 
Facebook

TƏNBƏLLİK XƏSTƏLİYİ

Can sıxıntısı, dünyaya tənbəlliklə birlikdə gəlib.

İnsanı vaxtından əvvəl əldən salan şey varsa, o da tənbəllikdir.

İki əsas günah var ki, digər bütün günahlar bundan meydana gəlir: Səbrsizlik və tənbəllik.

İnsanlar tənbəl deyil, sadəcə özlərində ilham qaynağı meydana gətirəcək qədər güclü məqsədləri yoxdur.

Tənbəllik, uğurun ilk düşmənidir.

Tənbəllər, hər zaman bir şey etməyə həvəslənərlər.

Vaxtında bir addım atmayan tənbəl, sonradan yüz addım atmaq məcburiyyətində qalar.

Tənbəl insan,  şeytanın oyuncağıdır.

Tənbəl adam hər zaman “edəcəm” deyər, halbuki “edirəm” deməyi lazımdır. Çünki gələcəyi doğuran işdir.

Çalışmaq, insanın gerçək tərbiyəsidir, tənbəllik həm bədənə, həm ruha, həm də şüura zərər verir.

Tənbəllik haqqında necə də yerində və doğru söylənmiş bir sözlərdir.

Tənbəllik etmək, bizi, hər zaman geriyə atan bir haldır.Tənbəllikdən qurtulmağın yollarından biri, hərəkətə keçməkdir. Hərəkətə keçmək üçün hanısa bir motivasiya gözləməyin. Siz hərəkətə keçin, motivasiya da gələcək. Bizi, nəyisə etməkdən saxlayan yeganə şey, onu etməməyimizdir.

Pessimist ruh halı, psixoloji narahatlıqlar, zehnin qarışıq olması, motivasiya əskikliyi, nizamsız həyat tənbəlliyin yaranmasına səbəb olur. Tənbəllik etməyimizə səbəb olan şeylər arasında, sözsüz ki, yorğunluq, enerjisizlik, halsızlıq, ərincəklik də var.. Buna görə də tənbəllikdən qurtulmaq üçün həyat tərzimizə də göz atmaq lazımdır. Hərəkətsizlik, günün böyük qismini oturaraq keçirmək, ekranlardan limitsiz istifadə, düzgün qidalanmamaq, kifayət qədər su içməmək, kifayət qədər yatmamaq, günün böyük bir qismini havasız mühitlərdə keçirmək də tənbəlliyə gətirib çıxaran ünsürləri yaradır.

Bir işə başlamağın yeganə yolu, o işə dərhal, indi başlamaqdır. Hadisələrə, “indi” eynəyi ilə baxıla bilsə, o işin edilə bilməsi, insan üçün daha asan bir hal alır. Lakin “başqa bir gün”, “bir ara”, “sonra” eynəkləri ilə baxıldığında çox vaxt iş nəticəsiz qalır, hətta o işə heç başlanılmır. Bir işi etməyə başlamaq üçün gözləməyin, o anda edin, tənbəlliyə fürsət verməyin, həyatınıza girməsi üçün qapı açmayın.

Tənbəllik sizə necə bir həyat verdi? Tənbəl olmasanız, necə bir həyatınız ola bilərdi? Bunlar barəsində düşünün.

Hazırladı: Fidan Aslanova

Beyenmeler
0   16  
VN:F [1.9.16_1159]
Rating: +13 (from 17 votes)

Fidan Aslanova

Fitret.az idarəçisi

 
Facebook