2019-CU İLƏ ÖZƏL- İŞIQ TUTAN SEÇMƏLƏR

Xüsusi

İnsanları sev, lakin qısqanc olma, sahiblənmə. Mümkün qədər çox insanla əlaqə qur, lakin azad qal və qoy, onlar da azad qalsın. Basqı altına almağa çalışma və heç kimin səni basqı altına almağına icazə vermə.
Əşyalardan istifadə et, lakin unutma: bu dünyaya əllərin boş gəlirsən və gedərkən də əllərin boş olacaq, buna görə də heç bir şeyə sahib ola bilməzsən.

Sənin xoşbəxtliyin, sənin şüurunun keyfiyyətinə bağlıdır. Xaricdəki şeylərə bağlı deyil.

Gülmək, çiçək açmaqdır.

Pul, həyat tərzin nədirsə, onu zənginləşdirər.

Xoşbəxt bir insan, Tanrının hər yerdə olduğunu görər. Onu görə bilmək üçün xoşbəxt gözlərə ehtiyacın var.

Əgər kimsə səni təhqir etsə və sən sussan – heç bir şey olmamış kimi – qarşındakı insan daha da hirslənər; getdikcə daha da özündən çıxar. Sən də hirslənsən, o bunu anlaya bilər, ancaq səssizliyini anlaya bilməz. Hətta, sənin səssizliyin səbəbilə özünü çox təhqir edilmiş hiss edə bilər. Sən, səssizliyin sayəsində yüksəlirsən. O isə böcək kimi qalır.

Həyatın istifadə qaydası yoxdur.

Əgər sən kişisənsə və qısqancsansa, qadın beyninə sahibsən. Əgər qadınsan və qısqanc deyilsənsə, onda kişi beyninə sahibsən.

Nə üçün qadın kişidən daha qısqancdır? – çünki qısqanclıq qorxudan doğur. Kişi, qadınla müqayisədə daha az qorxar, səbəb budur – kişi qadınla müqayisədə daha az qorxar. Daha az qorxduğu üçün də daha az sahiblənir. Qadın ağlı daha çox qorxar, qorxu ona təbii gələr, həmişə titrəyər. Bu qorxu səbəbilə qadın daha çox sahiblənər. Sahib olduğuna tamamilə əmin olmadığı müddətcə xoşbəxt olmaz. Və tamamilə sahibləndiyi zaman da xoşbəxt ola bilməz, çünki kişi artıq ölüdür. Ancaq, azadlıq insanı canlı edər.

Gerçək bir insan,  onu xoşbəxt edən şeyləri edəcək cəsarətə sahibdir.

Yanına sayılmayacaq qədər çox, yüzlərlə quş gəlirdi. Hisslərin dilini bilirdi. Bu sevgidir. Heç kim sevgidən qorxmaz, quşlar belə. Və onlar mütləq sizdən daha çoxunu hiss edərlər, çünki düşünə bilmək üçün hər hansı bir vəsaitləri, kifayət qədər beyinləri yoxdur.

Əgər həqiqətən gerçəyin nə olduğunu öyrənmək istəyirsənsə, din və fəlsəfənin içində itməməyə diqqət et.

Bir şeylərin axtarışında olmaq, bir şeyləri arzulamaq ağlın ən başda gələn xəstəliyidir. Bir şey axtramamaq, bir şey istəməmək, varlığının ən böyük sağlamlıq işarəsidir.

Zen insanı məqsədsiz şəkildə dolanar, bir hədəfi, bir gələcəyi yoxdur. Anlıq yaşayar, beyni işin içinə qarışdırmaz; eynilə yarpağın etdiyi kimi özünü küləyə buraxar. Küləyə deyər ki, “Məni istədiyin yerə apar.” Əgər göyün üzündə küləklərlə yüksəklərə çıxarsa, yerdə qalanlara qarşı özünü üstün hiss etməz. Əgər yerə düşsə, küləklə göyün üzünə yüksələnlərə qarşı dəyərsizlik duyğusu bəsləməz. Uğursuz ola bilməz. Əsla məğlubiyyətə uğramış hiss edə bilməz. Məqsədin yoxdursa, necə uğursuz ola bilərsən? Və də əgər, bəli bir hədəfə doğru getmirsənsə, necə məğlubiyyətə uğramış kimi hiss edə bilərsən? Üzüntüyə yol açan gözləntilərdir. Şəxsi ehtiraslar, uğursuzluğu gətirər. Zen insanı uğursuz olduğu zaman belə müzəffərdir.

Sevdiyin insanla belə gerçək ola bilməsən, harda gerçək olacaqsan? Harda? Səni sevdiyini düşündüyün insanla da gerçək ola bilməsən, onunlaykən belə gerçəyi açıqlamağa qorxur və gizlənirsənsə, tamamilə azad ola biləcəyin bir yeri harda tapacaqsan?

İcazə ver, hər şey öz yoluna getsin.

Əgər özünə güvənirsənsə, mənə güvənə bilərsən, insanlara güvənə bilərsən, varoluşa güvənə bilərsən. Əgər özünə güvənməsən, başqa heç bir güvən mümkün deyildir.

Sevgi idarə edilə bilməz, sifarişlə ortaya çıxmaz. Bir dəfə yox olduğu zaman da, geri qaytarmağın yolu yoxdur.

Həqiqi eşq üçün sabah yoxdur, həqiqi eşq üçün zaman yoxdur. Əgər bir insanı sevirsənsə, sevirsən. Sabah nə olacağı səni maraqlandırmır. Bu an elə çoxdur ki, bu an bir sonsuzluqdur. Sabah nə olacaq, görəcəyik. Sabah gələndə… Və sabah heç gəlməz. Həqiqi eşq indiyə aiddir.

Kimisə sevirsən və söz verirsən: “Səni həyatım boyu sevəcəyəm.” Əslində çox yaxşı bilirsən ki, sabahından əmin ola bilməzsən; saxta bir söz verirsən. Bütün deyə biləcəklərin sadəcə bundan ibarət ola bilər: “Hal-hazırda sənə aşiqəm və sənə hər şeyimi verirəm. Daha sonrası haqqıda heç bir şey bilmirəm. Necə söz verə bilərəm? Məni bağışla.”

Əslində kimsə səni sevdiyi zaman təəccüblənirsən. “Nə, mən? Kimsə məni sevir?” Zehnindən bu fikir yüksəlir: “Məni tanımır, ona görə. Əgər məni tanısa, əgər məni olduğum kimi görsə, məni əsla sevməz.” Buna görə də sevgililər özərini bir-birilərindən gizlətməyə başlayır. Çox şey gizli saxlanır, sirlər açılmır, çünki ürəklərini açdıqları anda sevginin itməyə məhkum olduğundan qorxurlar. Özlərini sevə bilmədiklərinə görə, başqasının onları sevə biləcəyini necə qəbul etsinlər? Sevgi özünü sevməklə başlayar.

Həyat, çözüləcək bir problem deyil, yaşanacaq bir sirrdir.

Əslində gözəl insan da yoxdur, çirkin insan da yoxdur. Çirkin insan biri ilə uyumlu ola bilər; o zaman çirkin insan, o insan üçün gözəldir. Gözəllik uyumun bir kölgəsidir. Əslində bir insana gözəl olduğu üçün aşiq olmursan; olan bunun tam əksidir. Birinə aşiq olduğun zaman, o insan gözəl görünür. Gözəllik fikrini gətirən eşqdir; əksi olmaz.
Lakin sənə tam uyan birini tapmaq nadir hallarda olur. Kimsə o qədər şanslı olduğu zaman, o zaman həyat bir melodiya ilə yaşanar;  o zaman iki bədən və tək ruh var. Bu gerçək bir cütlükdür. Və harda belə bir cütlüyə rast gəlsən, böyük bir zərafət və musiqi vardır çevrələrində, böyük bir aura, gözəl bir işıq, bir səssizlik…

Özünü sev. Bu sənin təməl öhdəliyin olmalıdır. Özünü sev. Digər hər şey öz-özlüyündən olacaqdır, amma təməli budur.

Sevinc, bütün qorxular üçün əks təsirdir. Həyatın dadını çıxarmasan, qorxu başlayar. Həyatın dadını çıxarsan, qorxu itib gedər.

Qorxu, sahib olmaq arzusundan doğar; bir yan məhsuludur; sahib olmaq istəyərsən, buna görə də qorxu başlayar. Əgər sahib olmaq istəməsən, qorxu da olmaz.

Dünyada hər zaman möhtəşəm şeylərin olmağını gözləyərək bir sürü şey qaçıran tonlarla insan var. Olmaz. Sadəcə kiçik şeylər olar; yemək yeyərək, səhər yeməyi yeyərək, yürüyüşə çıxaraq, duş qəbul edərək, bir dostla danışaraq, sadəcə tək başına oturub göy üzünə baxaraq və ya yataqda uzanıb heç bir şey etməyərək. Bu kiçik şeylər, həyatı yaradır. Bunlar həyatın içindədir. Buna görə də hər şeyi sevinclə et və hər şey bir duaya çevrilsin.

Qorxursansa, qorxursan – niyə bunu problem edəsən ki?

Səhv etməkdən qorxma, çünki səhv etməkdən qorxsan, heç irəli gedə biməzsən və həyatı qaçırarsan. Səhv etmək, heç bir şey etməməkdən yaxşıdır.

Qorxu varsa və sən onunla bağlı bir şey etməyə başlasan, yeni bir qorxu başlayacaq; qorxu qorxusu; hər şey daha da qarışacaq. Buna görə də qorxu varsa, qəbul et. Onunla bağlı heç nə etmə, çünki “etmənin” bir köməyi olmayacaq. Sənin qorxudan edəcəyin hər hansı bir şey, daha çox qorxuya səbəb olacaq; qarışıqlıqla edəcəyin hər hansı bir şey, daha çox qarışıqlıq yaradacaq. Heç bir şey etmə! Qorxu varsa, qorxunun orda olduğunu bil və qəbul et.

Qorxu çözülə bilər, lakin ondan qurtulmaq üçün tələsmə; yoxsa gizlədəcəksən. Səbrli ol, izlə, anlamağa çalış. Sənin bir parçan olduğunu qəbul et. Sənə yapışan çirkin bir şey olduğunu düşünmə – bu, onu rədd etməkdir və rədd etmənin faydası olmayacaq. O sadəcə sənin bir parçandır. Sevgi necə bir parçandırsa, qorxu da elədir. Qəzəbin bir parçan olması kimi, o da sənin bir parçandır. Heç bir duyğunu rədd etmə, çünki bütün o duyğular səni yaradır və hamısı gərəklidir. Əlbəttə, tək bir duyğuya ilişib qalmaq lazım deyil; sənin içində həmişə bir orkestr olmalıdırlar, ölçülü qalmalıdırlar.

Eqonun ölümü, sənin ölümün deyil; eqonun ölümü, əslində həyat ehtimalıdır.

Qorxu hiss edilirsə, problem sevgidir. Daha sevgi dolu ol. Qarşındakı insana qarşı bir neçə addım at… çünki hamı qorxur, sadəcə sən yox. Sən birinin sənə gəlib sevməyini gözləyirsən – sonsuza kimi gözləyə bilməzsən, çünki qarşı tərəf də qorxur. Və qorxan insanlar bir şeydən çox qorxarlar və bu da rədd edilməkdir. Mən gəlib sənin qapını döysəm, sənin məni rədd etməyin bir ehtimaldır. Bu rədd, bir yaraya çevriləcək. Ona görə də gəlməməyim daha yaxşıdır. Yalnız olmaq daha yaxşıdır. Tək başına olmağın, kiminləsə yaxınlaşmamağın daha yaxşıdır, çünki rədd edilə bilərsən. Yaxınlaşdığın və sevgiyə dair addım atdığın anda ilk qorxu başlayar – qarşı tərəf səni qəbul etsə belə, ehtimal həmişə var – səni geri çevirə bilər. Buna görə də qadınlar əsla ilk addımı atmazlar; onlar daha çox qorxur. Həmişə kişidən gözləyirlər – kişi gəlməlidir. Onlar həmişə rədd etmə və qəbul etmə ehtimalını özlərinə saxlayırlar, qarşı tərəfə bu şansı verməzlər, çünki kişilərlə müqayisədə daha çox qorxarlar. Buna görə də bir çox qadın bir ömür boyu gözləyər! Qapılarına heç kim gəlməz, çünki qorxan bir insan bir anlamda elə çox qapanar ki, insanları özünə yaxınlaşdırmaz. Qorxan insan ətrafına elə çox titrəyişlər yayar ki, yaxınlaşan hər kəs vazkeçər. Hərkətlərində belə qorxunu hiss edə bilərsən.

Mənbə: Osho 
Hazırladı: Fidan Aslanova

VN:F [1.9.16_1159]
Rating: 0 (from 0 votes)

Fidan Aslanova

Fitret.az idarəçisi

 
Facebook

DOĞRU PEŞƏ NECƏ SEÇİLİR ?

Xüsusi

Doğru peşəni seçmək çətindir. Lakin yaxşı müəyyən edilmiş bir  kariyera yolunuz olsa, iş tapmağınız asanlaşar. Öz üzərinizdə çalışaraq, biraz planlama ilə və biraz da daxili müşahidə ilə sizin və ailənizin ehtiyaclarını qarşılayacaq qazanclı və qane edici bir yol müəyyənləşdirə bilərsiniz.

“Doğru peşə necə seçilir?” deyənlərdənsinizsə, özəl bir peşə seçimi kitabçası kimi bu yazımızı sona qədər diqqətli bir şəkildə oxumağınızı tövsiyyə edirik.

Peşə seçimində maraq dairələrinizi nəzərə alın

1 – Xəyallarınızdakı peşəni düşünün

Peşə seçməyə çalışarkən işləmək məcburiyyətində olmasanız belə, məşğul olmaq istədiyiniz bir peşəni düşünməlisiniz. Tutaq ki, çox varlısınız və işləməyə ehtiyacınız yoxdur. Buna rəğmən fürsətiniz olsa, hansı işlə məşğul olmaq istəyərdiniz? Bu suala verəcəyiniz cavab ən yaxşı peşə seçimi olmasa da, sizə nə etmək istədiyinizlə bağlı fikir verəcək. 

Aktyor və ya aktrisa olmaq istəyirsinizsə, konservatoriyaya və ya rabitə fakültəsinə daxil olmaq haqqında düşünə bilərsiniz.

Dünyanı gəzmək istəyirsinizsə, host\hostes ola bilərsiniz. Bu, dolanışğınızı təmin etməyin və xəyallarınızı gerçəkləşdirməyin ən yaxşı yoludur.

2 – Xobbilərinizi düşünün

Xobbilərinizi və ya etməyi sevdiyiniz şeyləri işə çevirmək çox asandır. Xobbilərin bir çoxu gerçək dünyanın ehtiyacları ilə və durumları ilə uyğundur. Etməyi sevdiyiniz şeyləri və bunları necə işə çevirə biləcəyinizi düşünün.

Məsələn, video oyunları oynamağı sevirsinizsə, video oyunu dizayneri, proqramçısı və ya keyfiyyətə nəzarət mütəxəssisi ola bilərsiniz.

İncəsənəti və ya şəkil çəkməyi sevirsinizsə, qrafiki dizayner ola bilərsiniz.

İdmanı sevirsinizsə, müəllim\müəllimə olun və sertifikat alaraq məşqçi kimi işləyin.

3 – Zövq aldığınız şeyləri və ya məktəbdə olarkən zövq aldığınız dərsləri düşünün.

Nəzəri fənlər gələcəkdəki peşənizin təməlini qoya bilər. Lakin bəzi peşələr üçün daha çox oxumalı ola bilərsniz. Yuxarı sinifdə oxuyarkən ən sevdiyiniz fənn, gələcəkdəki peşəniz ola bilər.   

Məktəbdə oxuyarkən ən çox kimya fənnini sevirdiniz? Laboratoriya texniki və ya əczaçı ola bilərsniz.

Məktəbdə oxuyarkən ən çox ədəbiyyat dərsini sevirdiniz? Onda,  redaktor və ya mətn yazarı ola bilərsniz.

Məktəbdə oxuyarkən riyaziyyat dərsini sevirdiniz? Onda, mühasib və ya sığorta mütəxəssisi ola bilərsniz.

Bacarıqlarınızı nəzərə alın

1 – Məktəbdə oxuyarkən və ya indi bacarıqlı olduğunuz sahələri düşünün

Məktəbdə oxuyarkən ən yaxşı oxuduğunuz dərsləri düşünün. Bacarıqlı olduğunuz sahə, etmək istədiyiniz şey olmaya bilər , lakin bacarıqlı olduğunuz bir sahəni seçməyiniz gələcəyinizi qarantiyaya almağınıza və uğurlu olmağınıza kömək edəcəkdir.

Fikrə ehtiyacınız varsa, bir öncəki addımda olan misalları incələyin.

2 – Nədə çox yaxşı olduğunuz barədə düşünün

Nəyisə təmir etmək və ya nəsə düzəltmək kimi müəyyən bir bacarıqlarda çox yaxşısınızsa, bu bacarıqlarınızdan istifadə edərək uğurlu ola bilərsniz. Təhsil almalı ola bilərsiniz v

ə ya ehtiyac olmaz,  lakin ixtisaslı işçilərə olan tələbat daha yüksəkdir və bu insanlar daha asan iş tapır.

Məsələn, dülgər, avtomobil təmiri, inşaat və elektrik işlərindən başı çıxan insanlar əlləri ilə çalışaraq və ya bir şeyləri təmir edərək qazanc təmin edə bilərlər. Bu peşələr davamlıdır və qane edicidir.

Aşbazlıq kimi bacarıqlar da asan bir şəkildə işə çevrilə bilər.

3 – İnsanlararası münasibətlərinizi gözdən keçirin

Bacarıqlarınız digər insanlara kömək etmək və digər insanlarla ünsiyyət qurmağa uyğundursa, sizin üçün münasib olan bir sıra iş seçimi var. Digərləri ilə yaxşı ünsiyyət quran və digərlərinə təsir edə bilən insanlar marketinq, satış və ya oxşar  pozisiyalarda asan bir şəkildə kariyera qura bilərlər.

Başqalarına göz qulaq olmağı sevirsinizsə, tibb bacısı\qardaşı ola bilərsniz, inzibati sahədə köməkçi və ya ofis meneceri ola bilərsiniz.

4 – Bilmirsinizsə, soruşun!

Bəzən, bacarıqlı olduğumuz sahələri müəyyənləşdirməkdə çətinlik çəkirik. Heç bir mövzuda yaxşı olmadığınızı düşünürsünüzsə, ailənizdən, qohumlarınızdan və ya müəlimlərinizdən soruşun. Onların fikirləri sizi təccübləndirə bilər!

Hal-hazırda olan vəziyyətinizi nəzərə alın

1 – Özünüzü kəşf edin

Nə etmək istədiyinizə qərar verməyiniz üçün özünüzü çox yaxşı tanımalısınız. Sizi həqiqətən də xoşbəxt edəcək bir işlə məşğul olmaq istəyirsinizsə, nə istədiyinizi və nələrdən zövq aladığınızı aydın bir şəkildə anlamalısınız. Bəzi insanlar özləri üçün önəmli olan şeyə qərar vermək üçün bir müddət işdən icazə alırlar.

Bunda yalnış bir şey yoxdur. Həyatınıza nifrət etməyinizə səbəb olacaq bir işlə məşğul olmaqdansa, bir müddət ara verib tezliklə nə istədiyinizə qərar verməyiniz gərəkdir.

2 – Maddi durumunuzu nəzərə alın

Kariyeranızı dəyişdirmək şansınız maddi durumunuza bağlı olaraq dəyişəcək. Bəzi karyera yolları üçün xüsusi təhsil lazım olur və bu təhsil  bahalı ola bilər. Lakin, təqaüd ala bilərsiniz.

3 – İstədiyiniz peşədə çalışmaq üçün gərəkli olan təhsili düşünün

Sahib olduğunuz təhsili və ya alacağınız təhsili nəzərə almağınız önəmlidir. Maliyyə durumunuz daha çox təhsil almağınıza əngəldirsə, sahib olduqlarınızdan isifadə etmək sizin üçün daha yaxşı olacaq. Vaxt məhdudiyyəti və başqa məhduduiyyətlər varsa, əlinizdəki attestat və ya universitet diplomunuzla kifayətlənməli ola bilərsiniz.

4 – Məktəbə qayıtmaq barədə fikirəşə bilərsiniz

Məhdudiyyətlər səbəbiylə daha çox təhsil almağınız gərəklidirsə, bu seçimi nəzərə  ala bilərsiniz. Hamının universitet diplomu yoxdur, amma bir çox peşə üçün təhsil önəmlidir və daha sürətlə irəliləməyinizə kömək edəcək.

Məsələn, texniki məktəblər ənənəvi təhsili istəməyənlər üçün yaxşı bir seçimdir.

5 – Daha çox araşdırın

Hələ də bir qənaətə gələ bilmirsinizsə, biraz da araşdırın.

Gələcəyinizi düşünün

1 – Daha əlçatan peşələri düşünün

Asan bir şəkildə istifadə edə biləcəyiniz kariyera fürsətlərini düşünün. Bu peşələr həm bacarıqlarınızın, həm də güzəştinizin olduğu peşələr ola bilər. Məsələn, ailənizlə eyni şirkətdə çalışa bilərsiniz, ailə şirkətiniz və ya dostunuz üçün işləyə bilərsiniz. Seçimləriniz məhduddursa, sürətli şəkildə giriş edə biləcəyiniz bir peşə seçmək, ən yaxşı seçim olacaqdır.

2 – Gələcəkdəki maddi rifahınız barədə fikirləşin

Diqqət etməli olduğunuz ən önəmli şeylərdən biri, seçdiyiniz sənətin məqbul bir maddi rifah səviyyəsində olmasıdır. Başqa sözlə desək, ailənizi və özünüzü dəstəkləyəcək kifayət qədər pul qazana biləcəksiz?

Unutmayın ki bu, çox pul qazanmalısınız demək deyil. Önəmli olan yeganə şey, özünüzə və etmək istədiklərinizə çatacaq qədər pul qazanmağınızdır.

3 – İşinizin gələcəkdəki davamlılığı barədə fikirləşin

Kariyeranızın davamlılığına diqət etməyiniz həyati önəm daşıyır. Toplum fərqli zamanlarda fərqli şeylər istədiyi üçün iş bazarı dalğalıdır. Müəyyən peşələrə hər zaman tələbat varkən, bəziləri sabit deyil. Bu səbəblə, seçdiyiniz peşənin sizin üçün və arzularınız üçün kifayət qədər qalıcı olduğuna əmin olun.

Məsələn, bəzi universitetlərin hüquq fakültəsi ödənişləri çox yüksək olsa da, insanların çoxsu hüquq fakültəsinə gedir, çünki gələcəkdə yüksək maaş alacaqlarını düşünürlər. Bununla yanaşı, hüquq fakültəsi məzunları üçün son bir neçə ildə elə də çox tələbat yoxdur.

Digər bir misal da, yazar olaraq çalışmaq və ya freelance

 işlərlə bağlı kariyera qurmaqdır. Bəzən xeyli iş ala bilərsiniz, bəzən də əlinizdə heç iş olmaz. Bu şəkildə işləmək üçün qərarlılıq və disiplin səviyyəniz yüksək olmalıdır və bu da hamıda yoxdur.

İpucları

İnsanların bir çoxu, onlar üçün hansı peşənin doğru olduğunu bilməzlər və bunu anlamaqları illər sürər. Buna görə də, geridə qaldığınızı düşünməyin!

Peşənizi semirsinizsə, dəyişin! Bəzən, bu daha çox çalışmalısınız deməkdir, lakin bu hər kəs üşün mümkündür.

Xəyalını qurmadığınız bir işi seçməyiniz dünyan sonu deyil. Həyatınız zindan etməyən, sizin və ailənizin gələcəyini qarantiyaya alan bir işiniz varsa, həyatınız və işinizlə bağlı xoşbəxt olmağa çalışın.


Mənbə:      www.yeniisfikirleri.net
Hazrıladı:   Fidan Aslanova 

VN:F [1.9.16_1159]
Rating: 0 (from 0 votes)

Fidan Aslanova

Fitret.az idarəçisi

 
Facebook

“KOMFORT ZONAMIZ”IN XARİCİNƏ ÇIXMAQ ÜÇÜN ETMƏLİ OLDUĞUMUZ ŞEYLƏR

Xüsusi

Komfort zonası! Tez-tez eşitdiyimiz anlayışlardan biri də budur! İnsanın, özünü güvəndə hiss etdiyi şərait olaraq adlandırıla biləcək komfort zonası, uğurlu və xoşbəxt olmaq üçün olduqca önəmlidir! Daha doğrusu, insanın öz-özünə cızdığı bu aşılmaz sərhədləri keçmək, istənilən həyata çatmaq üçün mütləq şərtdir, deməliyəm.  Onsuz da uğurlu insanlara baxanda, hardasa hamısının, komfort zonasının xaricinə çıxdıqları zaman, o məmnunluq duyğusuna çata bildiklərini görürük. Elə bu səbəblə də, bu gün sizlərlə komfort zonasının xaricinə çıxmaq üçün etməli olduğumuz şeylər haqqında danışmaq istədim.

Komfort zonanızda, yəni özünüzü rahat hiss etdiyiniz zonanın içində qaldığınız zaman, təbii olaraq güvəndə hiss edirsiniz. Məsələn, uzun illərdir çalışdığınız iş yerində.. davamlı olaraq anlaşmazlıq yaşadığınız münasibətdə.. yaşadığınız şəhərdə və ya hər hansı başqa bir yerdə! Lakin təbii ki, komfort zonasını sadəcə fiziki bir şey olaraq düşünməməlisiniz. Be"Komfort zonamız"ın xaricinə çıxmaq üçün etməli olduğumuz şeyləryninizin içindəki qəlibləşmiş düşüncələr də bir mənada komfort zonanız sayılır. Nəticədə, ətrafınızdakı o görünməz divarlar, hər nə olursa olsun, keçilmək məcburiyyətində olanlardır. Əgər siz də komfort zonanızın xaricinə çıxmaq  və riskə getməyin keyfini yaşamaq istəyirsinizsə, aşağıdakı tövsiyyələrə qulaq verməli, ətrafınızdakı görünməz dairəni aşmaq üçün səy göstərməlisiniz.

Komfort zonanızın xaricində nə olduğunun fərqinə varın!

Başqa sözlə, etməyə qorxduğunuz şeylərə və qorxunuza qalib gəldiyiniz zaman, nələr olacağını düşünün. Bunun üçün öncəliklə özünüzü harda güvəndə hiss etdiyinizi sorğulamalı, sərhədlərinizin tək-tək fərqinə varmalısınız. Məsələn, xoşbəxt hiss etmədiyiniz, lakin yaxşı pul qazanmağınızı təmin edən işinizi heç cür buraxa bilmirsiniz. O zaman komfort zonanızın işiniz olduğunu anlamalısınız. Sonrasında da sərhədlərinizin xaricinə çıxdığınız zaman, nələr ola biləcəyini düşünməli, həm qazanacaqlarınızı, həm də itirəcəklərinizi bir-bir yazmalısınız. Beləliklə, komfort zonanızın xaricində nələr olduğunu görəcək, qorxularınızın üzərinə getmək üçün daha yaxşı motivasiya qazana biləcəksiniz.

Qorxularınızın fərqinə varın!

Komfort zonanızın xaricinə çıxmaq üçün təbii olaraq qorxularınızın fərqinə varmağınız da gərəklidir. Təbii ki bunun üçün detallı bir şəkildə düşünməli, etməyə çəkindiyiniz şeyləri net olaraq müəyyənləşdirməlisiniz.
 Məsələn, X pozisiyasında işləmək istəyirsiniz, lakin istədiyiniz mərtəbəyə əsla çata bilməyəcəyinizi düşünürsünüz. Çünki güclü ünsiyyət bacarıqlarına sahib deyilsiniz. Əgər belə düşünürsünüzsə, daha da özələ enməli, özünüzə, “niyə ünsiyyət yönündən zəifəm?” kimi suallar yönləltməlisiniz. Topluluq önündə danışmaqdan, yeni insanlarla tanış olmaqdan, kifayət qədər təsirli ola bilməməkdən, razı salmaq baxımından özünüzü qeyri-kafi görməkdən, yoxsa başqa bir səbəbdən dolayımı ünsiyyətinizin zəif olduğunu düşünürsünüz. Qorxularınızı açıq və net olaraq müəyyən etsəniz, onların öhdəsindən gəlməyiniz daha asan olacaqdır.

Narahatlıq hissinin rahatlığını yaşayın!

Bundan öncə bu duyğunu yaşadınızmı, bilmirəm.. lakin komfort zonasının xaricinə çıxdığı zaman, insan özünü həqiqətən də çox yaxşımutluluk hiss edir! O alışdığınız, o güvəndiyiniz rahat şəraitin xaricinə çıxdığınız zaman, özünüzü, istədiyiniz hər şeyi edə biləcək qədər güclü hiss edir, əvvəldə olan narahatlıq hissinin rahatlığa çevrildiyini gördükcə durumdan daha çox həzz alırsınız. Deyək ki, insanlarla tanış olub qaynayıb-qarışmaqda çətinlik çəkirsiniz. Yeni tanış olduğunuz bir inanın qarşısında nə deyəcəyinizi bilmir, söhbətin davamını necə gətirəcəyiniz mövzusunda sıxıntı yaşayırsınız. Buna qaib gəlmək üçün etməli olduğunuz şey, hər gün daha çox insanla ünsiyyət qurmaqdır. Əvvəldə sizi sıxsa da, zamanla özünüzü rahatlamış hiss edəcək, narahatlığın tam əks yöndə dəyişdiyinə şahid olacaqsınız.

Məğlubiyyətlərlə təcrübə qazanın!

Komfort zonanınızın xaricinə çıxmaqdan çəkinirsiniz, çünki məğlubiyyətlərdən, uğursuz olmaqdan qorxursunuz. Halbuki etməli olduğunuz şey, hər məğlubiyyətin sizi uğura biraz da yaxınlaşdıracağını bilmək və addımlarınızı bu gerçəyə görə atmaqdır. Nəticədə, hər məğlubiyyət, o yolda biraz da təcrübə qazanmaq, qarşınıza çıxa biləcək uğursuzluq ehtimalarını daha da azaltmaqdır. Bir sözlə, məğlubiyyətləri təcrübə olaraq görməyə başlamalı, onların sizi müsbət yöndə inkişaf etdirəcəyinə inanmalısınız.

Kiçik addımlarla irəliləyin!

Komfort zonanızın xaricinə çıxmaq üçün tələsməyin. Yəni böyük addımlar ataraq sərhədlərinizin xaricinə çıxmağa çalışmayın. Bu mövzuda uğurlu olmaq üçün hədəfə doğru körpə addımları ilə irəliləyin. Deyək ki, topluluq önündə danışmağa çəkinirsiniz. Qorxunuza qaib gəlmək istəyirsinizsə, ilk dəfədən yüzlərlə insanın önünə çıxmaqdan qaçınmalısınız. Qarşınızdakı insanların sayını az-az artıraraq komfort zonanızın xaricinə daha rahat çıxa bilərəsiniz.

Sərhədlərini aşmaqdan qorxmayan insanlarla birikdə olun!

Komfort zonanızın xaricinə çıxmaq istəyirsiniz? O zaman ətrafınızdakı insanları gözdən keçirməlisiniz. Çünki ətarfınızdakı insanlar riskə getməkdən qorxan insanlardırsa, başqa sözlə desək,komfort zonasının xaricinə çıxmağa çəkinirlərsə, bu mövzuda uğurlu olmağınız çox çətindir. Çünki onların baxış bucağından istər-istəməz təsirlənir, aldığınız qərarlara verdikləri reaksiyalara görə görünməz dairənizi aşa bilmirsiniz. Əksinə, ətrafınızda eyni mövzuda cəsarətli insanlar olsa, komfort zonanızın xaricinə çıxmaq üçün sərhədlərin üsütnə getməyə  çəkinməzsiniz. Onların uğurlarından motivasiya alar, cəsur addımlarından ilham alaraq istədiyiniz nöqtəyə daha asan çatarsınız.

Bəhanələr taparkən özünüzə qarşı dürüst olun!

“İndi vaxtı deyil, biraz da gözləməliyəm, birdən hədəfə çata bilmədim, bunun üçün heç vaxtım yoxdur, özümü riskə ata bilmərəm…” Bəli, komfort zonasının xaricinə çıxmamaq üçün tapılan bəhanələr mövzuzunda diqqətli olmalısınız. Çünki bir çox insan komfort zonasının xaricinə çıxmaq istədiyini söyləyər, lakin bunu etməmək üçün də bəhanə tapmaqdan geri qalmaz. Əgər sərhədlərinizin xaricinə çıxmamaq üçün bəzi səbəblər irəli sürürsünüzsə, bunların bəhanəmi, yoxsa gerçək səbəbmi olduğu mövzusunda özünüzə qarşı  dürüst davranmalısınız.

Nə həyatı, nə də özünüzü çox ciddi qəbul etməyin!

Düşüncəsi belə sizi narahat edən şeyləri etməyi həqiqətən istəyirsinizmi? Qorxularınızın üzərinə gedərək addımlarınızı daha möhkəm atmağı, ətrafınızdakı dairəni genişləndirə bildiyiniz qədər genişləndirməyi deyirəm, həqiqətən istəyirsinizmi? Yaxşı bəs, bunu niyə etmirsiniz?

Çünki uğursuz olamaqdan qorxursunuz! İnsanların sizi tənqid edib mühakimə etməsindən çəkinir, “dost tanışın ağzında saqqız olacam” deyə qəlibləşmiş hə4_kyatınızın xaricinə çıxa bilmirsiniz. Halbuki etməli olduğunuz tək şey, həyatı biraz boş verməkdir! Başqa sözlə, özünüzü də, həyatı da çox ciddi qəbul etməməsiiniz. Uğursuz olsanız belə, bu vəziyyətlə əylənməyi bilməli, məğlubiyyətləri zarafata salmağın verəcəyi keyfi mütləq yaşamalısınız.


Mənbə: paratic.com

Müəllif: Nesrin Bayraktar
Hazıradı: Fidan Aslanova 

 

VN:F [1.9.16_1159]
Rating: +2 (from 2 votes)

Fidan Aslanova

Fitret.az idarəçisi

 
Facebook

SENEKADAN SEÇMƏLƏR

Xüsusi

Lútsius Ánneus Senéca (lat. Lucius Annaeus Seneca) — stoyaçı-filosof, şair, yazar, dövlət xadimi. SenekaRomastoisizminin ən görkəmli nümayəndəsi. İmperator Neronun müəllimi olmuşdur. “Gənc Seneka” kimi də tanınır. Ancaq əksər hallarda onu sadəcə “Seneka” kimi tanıyırlar.

SEÇMƏLƏR:

Zamanını heç bir şeyin oğurlamağına göz yummamaq, böyük bir insanın, insana xas yanılğıların üzərində olan bir insanın bacarığıdır. O insanın həyatı da çox uzundur, çünki vaxtı nə qədər olursa olsun, azad şəkildə və bütünüylə onun buyruğundadır. Elə buna görə də zaman ona kifayət etmişdir.

Xeyir, bizə bağışlanan həyat qısa deyil, onu qısaldan bizik; ömrümüz yox deyil, biz onu boş yerə xərcləyirik. Sərhədsiz, sonsuz zənginliklər pis bir idarəçinin əllərinə düşərsə, bir anda əriyib gedər; halbuki az da olsalar, əgər yaxşı bir insanın əlində qalsalar, zamanla çoxalarlar. Eyni şəkildə, yararlanmağı bilən insan üçün həyat da uzandıqca uzanar.

Ölümün ətrafında qoparılan vəlvələ ölümün özündən daha çox qorxuducudur.

Bir insanın xoşbəxtliyi, xaricdən gələn xoşbəxtliklərə bağlıdır deyə düşünmə əsla! Xaricdən gələndən məmnun olan insan, dayanıqsız səbəblərə sığınır deməkdir. İnsanın içinə çöldən girən hər sevinc, çıxar gedər də. Amma öz içindən doğulub gələn sevinc etibarlı, qəti və möhkəmdir, inkişaf edər, davamlı olar.

Xoşbəxtlik uğura, uğur isə zamanı dəyərləndirməyə bağlıdır.

Yaxşı yaşamaq üçün tələs və bunu bil ki, hər gün başlı başına bir həyatdır.

Üzüntünün göstərilişi, üzüntünün özündən daha çox şey tələb edər. Çox az  insan necə də öz qabıqlarının içində üzüntülərini yaşayarlar.

Xəfif acılar danışıla bilər, amma dərin acılar dilsizdir.

Kitabsız yaşamaq, kor, kar və dilsiz yaşamaqdır.

Çox şeyi qazanarkən bəzi şeyləri itirərsən. Həyatda elə seçimlər et ki, qazandığın şeylər itirdiklərinə dəysin.

Yüksək  ruhları iş qidalandırar.

Hazırladı: Fidan Aslanova 

VN:F [1.9.16_1159]
Rating: +11 (from 11 votes)

Fidan Aslanova

Fitret.az idarəçisi

 
Facebook

“APPLE” YARADICISI STİV COBSUN SON SÖZLƏRİ

Xüsusi

stiv cobs-ölüm

Stiv Cobs, Stiven Paul Cobs — tanınmış Amerika ixtiraçısı və biznesmeni. O, Apple şirkətinin yaradıcılarından biri, direktorlar şurasının sədri və baş icraçı direktoru idi. Cobs həmçinin Pixar şirkətinin icraçı direktoru idi; 2006-cı ildə Pixar şirkəti The Walt Dinsey Company-ni əldə etdikdən sonra onun direktorlar şurasının üzvü olur. XX əsrin 70-ci illərin sonunda o, Apple-in digər təsisçiləri olan Stiv Voznyak, Maykl Markkula və digərləri ilə birlikdə Apple II seriyalı kommersiyal cəhətdən çox uğurlu olan şəxsi kompyuteri layihələndirir, istehsal və satışını təşkil edir. 1980-ci illərin əvvəlində isə o Macintoshun yaranmasına gətirib çıxaran istifadəçi üçün komputer siçanını təkmilləşdirir.

1985-ci ildə direktorlar şurasından istədiyi dəstəyi ala bilməyən Stiv Cobs Apple-dan qovulur və o, daha sonra NEXT şirkətini qurur. Yeni şirkət universitetlər və biznes-strukturlar üçün kompyuter platforması hazırlamağa başlayır. 1996-cı ildə Apple qarşılıqlı razılaşma ilə NEXT şirkətini alır və Cobs yeni konqlomeratın sahiblərindən birinə çevrilir. O, həmçinin 1997-ci ildən şirkətin müvəqqəti baş icraçı direktoru olur, 2000-ci ildən isə bu vəzifəyə daimi təyin edilir. 2011-ci ilin avqust ayından icraçı direktor vəzifəsindən gedərək, vəfatına qədər Apple şirkətinin idarə heyətinin sədri olur.

ÖLÜMÜNDƏN QABAQ SON SÖZLƏRİ:

Mən biznes uğurlarının zirvəsinə yetişdim.
Başqalarının gözündə, mənim həyatım uğur rəmzi idi.
Bəli, iş ilə yanaşı, bəzi hobbilərim də olub. Amma bu bir faktdır ki, ən böyük məşğuliyyətim sərvətim olub.

Hal-hazırda bir xəstəxana çarpayısında uzanaraq həyat yolumu xatırlayıram. Anlayıram ki, qürur duyduğum sərvət və təltiflər qaçılmaz ölüm qarşısında əhəmiyyətsizdir.
Qaranlıq otaqda, süni tənəffüs aparatının yaşıl işıqlarına baxa-baxa aparatın mexaniki səslərindən həzz alıram. Yaxınlaşan ölümün nəfəsini hiss edirəm …

Yalnız indi anlayıram ki, ömrünüzün qalan hissəsini istirahət etmək üçün pul toplamaqla bərabər, həyatda sərvətlə bağlı olmayan başqa tərəflərin olmasını da göz ardı etməməliyik.
Bu daha əhəmiyyətli bir şey olmalıdır: Məsələn, mənim uşaqlıq xatirələrim, sevgi hekayələri, incəsənət …

Sərvət üçün çalışmaq sizi ancaq yerində qıvrılan bir insana çevirə bilər, mənim kimi.
Tanrı bizə qəlblərimizdə sevgi yaratmaq, hiss etmək üçün yollar bəxş etmişdir, şan-şöhrətlə formalaşmış illuziyalar deyil.

Qazandığım pulları özümlə götürə bilməyəcəm. Götürə bilcəyim şey sevgi ilə möhkəmlənmiş xatirələrimdir..
Bu, sizi müşayiət edəcək, təqib edəcək, siz irəlidə getmək üçün güc və işıq verəcək bir xəzinədir.

Sevgi ilə minlərlə kilometrlərə səyahət edə bilərsiniz. Həyat sonsuzdur. Siz getmək istədiyiniz yerə gedin. Yetişmək istədiyiniz zirvələrə nail olun. Bu sizin qəlbinizdə və əlinizdədir.

Dünyanın ən bahalı çarpayısı hansıdır? Xəstəxana çarpayısı.
Siz özünüz üçün sürücü tuta bilərsiz, özünüz üçün qazana bilərsiz, ancaq sizin əvəzinizə kimsə xəstə yatmaq istəməz.

İtirilmiş hər şeyi şeyi tapa bilərsiniz, bir şeydən başqa: HƏYAT!

Bu an belə, bizim həyatımızın hansısa bir mərhələsidir. Amma nəhayət, bir zaman pərdələr enəcək və hər şey bitəcək.
Sevgilinə, ailənə, dostlarına olan sevgini xəzinənə çevir.

Özünüzdən muğayat olun. Başqalarına da qayğı göstərin.

Hazırladı: Vüsaləddin Rüstəmov

VN:F [1.9.16_1159]
Rating: +14 (from 14 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus