2019-CU İLƏ ÖZƏL- İŞIQ TUTAN SEÇMƏLƏR

Xüsusi

İnsanları sev, lakin qısqanc olma, sahiblənmə. Mümkün qədər çox insanla əlaqə qur, lakin azad qal və qoy, onlar da azad qalsın. Basqı altına almağa çalışma və heç kimin səni basqı altına almağına icazə vermə.
Əşyalardan istifadə et, lakin unutma: bu dünyaya əllərin boş gəlirsən və gedərkən də əllərin boş olacaq, buna görə də heç bir şeyə sahib ola bilməzsən.

Sənin xoşbəxtliyin, sənin şüurunun keyfiyyətinə bağlıdır. Xaricdəki şeylərə bağlı deyil.

Gülmək, çiçək açmaqdır.

Pul, həyat tərzin nədirsə, onu zənginləşdirər.

Xoşbəxt bir insan, Tanrının hər yerdə olduğunu görər. Onu görə bilmək üçün xoşbəxt gözlərə ehtiyacın var.

Əgər kimsə səni təhqir etsə və sən sussan – heç bir şey olmamış kimi – qarşındakı insan daha da hirslənər; getdikcə daha da özündən çıxar. Sən də hirslənsən, o bunu anlaya bilər, ancaq səssizliyini anlaya bilməz. Hətta, sənin səssizliyin səbəbilə özünü çox təhqir edilmiş hiss edə bilər. Sən, səssizliyin sayəsində yüksəlirsən. O isə böcək kimi qalır.

Həyatın istifadə qaydası yoxdur.

Əgər sən kişisənsə və qısqancsansa, qadın beyninə sahibsən. Əgər qadınsan və qısqanc deyilsənsə, onda kişi beyninə sahibsən.

Nə üçün qadın kişidən daha qısqancdır? – çünki qısqanclıq qorxudan doğur. Kişi, qadınla müqayisədə daha az qorxar, səbəb budur – kişi qadınla müqayisədə daha az qorxar. Daha az qorxduğu üçün də daha az sahiblənir. Qadın ağlı daha çox qorxar, qorxu ona təbii gələr, həmişə titrəyər. Bu qorxu səbəbilə qadın daha çox sahiblənər. Sahib olduğuna tamamilə əmin olmadığı müddətcə xoşbəxt olmaz. Və tamamilə sahibləndiyi zaman da xoşbəxt ola bilməz, çünki kişi artıq ölüdür. Ancaq, azadlıq insanı canlı edər.

Gerçək bir insan,  onu xoşbəxt edən şeyləri edəcək cəsarətə sahibdir.

Yanına sayılmayacaq qədər çox, yüzlərlə quş gəlirdi. Hisslərin dilini bilirdi. Bu sevgidir. Heç kim sevgidən qorxmaz, quşlar belə. Və onlar mütləq sizdən daha çoxunu hiss edərlər, çünki düşünə bilmək üçün hər hansı bir vəsaitləri, kifayət qədər beyinləri yoxdur.

Əgər həqiqətən gerçəyin nə olduğunu öyrənmək istəyirsənsə, din və fəlsəfənin içində itməməyə diqqət et.

Bir şeylərin axtarışında olmaq, bir şeyləri arzulamaq ağlın ən başda gələn xəstəliyidir. Bir şey axtramamaq, bir şey istəməmək, varlığının ən böyük sağlamlıq işarəsidir.

Zen insanı məqsədsiz şəkildə dolanar, bir hədəfi, bir gələcəyi yoxdur. Anlıq yaşayar, beyni işin içinə qarışdırmaz; eynilə yarpağın etdiyi kimi özünü küləyə buraxar. Küləyə deyər ki, “Məni istədiyin yerə apar.” Əgər göyün üzündə küləklərlə yüksəklərə çıxarsa, yerdə qalanlara qarşı özünü üstün hiss etməz. Əgər yerə düşsə, küləklə göyün üzünə yüksələnlərə qarşı dəyərsizlik duyğusu bəsləməz. Uğursuz ola bilməz. Əsla məğlubiyyətə uğramış hiss edə bilməz. Məqsədin yoxdursa, necə uğursuz ola bilərsən? Və də əgər, bəli bir hədəfə doğru getmirsənsə, necə məğlubiyyətə uğramış kimi hiss edə bilərsən? Üzüntüyə yol açan gözləntilərdir. Şəxsi ehtiraslar, uğursuzluğu gətirər. Zen insanı uğursuz olduğu zaman belə müzəffərdir.

Sevdiyin insanla belə gerçək ola bilməsən, harda gerçək olacaqsan? Harda? Səni sevdiyini düşündüyün insanla da gerçək ola bilməsən, onunlaykən belə gerçəyi açıqlamağa qorxur və gizlənirsənsə, tamamilə azad ola biləcəyin bir yeri harda tapacaqsan?

İcazə ver, hər şey öz yoluna getsin.

Əgər özünə güvənirsənsə, mənə güvənə bilərsən, insanlara güvənə bilərsən, varoluşa güvənə bilərsən. Əgər özünə güvənməsən, başqa heç bir güvən mümkün deyildir.

Sevgi idarə edilə bilməz, sifarişlə ortaya çıxmaz. Bir dəfə yox olduğu zaman da, geri qaytarmağın yolu yoxdur.

Həqiqi eşq üçün sabah yoxdur, həqiqi eşq üçün zaman yoxdur. Əgər bir insanı sevirsənsə, sevirsən. Sabah nə olacağı səni maraqlandırmır. Bu an elə çoxdur ki, bu an bir sonsuzluqdur. Sabah nə olacaq, görəcəyik. Sabah gələndə… Və sabah heç gəlməz. Həqiqi eşq indiyə aiddir.

Kimisə sevirsən və söz verirsən: “Səni həyatım boyu sevəcəyəm.” Əslində çox yaxşı bilirsən ki, sabahından əmin ola bilməzsən; saxta bir söz verirsən. Bütün deyə biləcəklərin sadəcə bundan ibarət ola bilər: “Hal-hazırda sənə aşiqəm və sənə hər şeyimi verirəm. Daha sonrası haqqıda heç bir şey bilmirəm. Necə söz verə bilərəm? Məni bağışla.”

Əslində kimsə səni sevdiyi zaman təəccüblənirsən. “Nə, mən? Kimsə məni sevir?” Zehnindən bu fikir yüksəlir: “Məni tanımır, ona görə. Əgər məni tanısa, əgər məni olduğum kimi görsə, məni əsla sevməz.” Buna görə də sevgililər özərini bir-birilərindən gizlətməyə başlayır. Çox şey gizli saxlanır, sirlər açılmır, çünki ürəklərini açdıqları anda sevginin itməyə məhkum olduğundan qorxurlar. Özlərini sevə bilmədiklərinə görə, başqasının onları sevə biləcəyini necə qəbul etsinlər? Sevgi özünü sevməklə başlayar.

Həyat, çözüləcək bir problem deyil, yaşanacaq bir sirrdir.

Əslində gözəl insan da yoxdur, çirkin insan da yoxdur. Çirkin insan biri ilə uyumlu ola bilər; o zaman çirkin insan, o insan üçün gözəldir. Gözəllik uyumun bir kölgəsidir. Əslində bir insana gözəl olduğu üçün aşiq olmursan; olan bunun tam əksidir. Birinə aşiq olduğun zaman, o insan gözəl görünür. Gözəllik fikrini gətirən eşqdir; əksi olmaz.
Lakin sənə tam uyan birini tapmaq nadir hallarda olur. Kimsə o qədər şanslı olduğu zaman, o zaman həyat bir melodiya ilə yaşanar;  o zaman iki bədən və tək ruh var. Bu gerçək bir cütlükdür. Və harda belə bir cütlüyə rast gəlsən, böyük bir zərafət və musiqi vardır çevrələrində, böyük bir aura, gözəl bir işıq, bir səssizlik…

Özünü sev. Bu sənin təməl öhdəliyin olmalıdır. Özünü sev. Digər hər şey öz-özlüyündən olacaqdır, amma təməli budur.

Sevinc, bütün qorxular üçün əks təsirdir. Həyatın dadını çıxarmasan, qorxu başlayar. Həyatın dadını çıxarsan, qorxu itib gedər.

Qorxu, sahib olmaq arzusundan doğar; bir yan məhsuludur; sahib olmaq istəyərsən, buna görə də qorxu başlayar. Əgər sahib olmaq istəməsən, qorxu da olmaz.

Dünyada hər zaman möhtəşəm şeylərin olmağını gözləyərək bir sürü şey qaçıran tonlarla insan var. Olmaz. Sadəcə kiçik şeylər olar; yemək yeyərək, səhər yeməyi yeyərək, yürüyüşə çıxaraq, duş qəbul edərək, bir dostla danışaraq, sadəcə tək başına oturub göy üzünə baxaraq və ya yataqda uzanıb heç bir şey etməyərək. Bu kiçik şeylər, həyatı yaradır. Bunlar həyatın içindədir. Buna görə də hər şeyi sevinclə et və hər şey bir duaya çevrilsin.

Qorxursansa, qorxursan – niyə bunu problem edəsən ki?

Səhv etməkdən qorxma, çünki səhv etməkdən qorxsan, heç irəli gedə biməzsən və həyatı qaçırarsan. Səhv etmək, heç bir şey etməməkdən yaxşıdır.

Qorxu varsa və sən onunla bağlı bir şey etməyə başlasan, yeni bir qorxu başlayacaq; qorxu qorxusu; hər şey daha da qarışacaq. Buna görə də qorxu varsa, qəbul et. Onunla bağlı heç nə etmə, çünki “etmənin” bir köməyi olmayacaq. Sənin qorxudan edəcəyin hər hansı bir şey, daha çox qorxuya səbəb olacaq; qarışıqlıqla edəcəyin hər hansı bir şey, daha çox qarışıqlıq yaradacaq. Heç bir şey etmə! Qorxu varsa, qorxunun orda olduğunu bil və qəbul et.

Qorxu çözülə bilər, lakin ondan qurtulmaq üçün tələsmə; yoxsa gizlədəcəksən. Səbrli ol, izlə, anlamağa çalış. Sənin bir parçan olduğunu qəbul et. Sənə yapışan çirkin bir şey olduğunu düşünmə – bu, onu rədd etməkdir və rədd etmənin faydası olmayacaq. O sadəcə sənin bir parçandır. Sevgi necə bir parçandırsa, qorxu da elədir. Qəzəbin bir parçan olması kimi, o da sənin bir parçandır. Heç bir duyğunu rədd etmə, çünki bütün o duyğular səni yaradır və hamısı gərəklidir. Əlbəttə, tək bir duyğuya ilişib qalmaq lazım deyil; sənin içində həmişə bir orkestr olmalıdırlar, ölçülü qalmalıdırlar.

Eqonun ölümü, sənin ölümün deyil; eqonun ölümü, əslində həyat ehtimalıdır.

Qorxu hiss edilirsə, problem sevgidir. Daha sevgi dolu ol. Qarşındakı insana qarşı bir neçə addım at… çünki hamı qorxur, sadəcə sən yox. Sən birinin sənə gəlib sevməyini gözləyirsən – sonsuza kimi gözləyə bilməzsən, çünki qarşı tərəf də qorxur. Və qorxan insanlar bir şeydən çox qorxarlar və bu da rədd edilməkdir. Mən gəlib sənin qapını döysəm, sənin məni rədd etməyin bir ehtimaldır. Bu rədd, bir yaraya çevriləcək. Ona görə də gəlməməyim daha yaxşıdır. Yalnız olmaq daha yaxşıdır. Tək başına olmağın, kiminləsə yaxınlaşmamağın daha yaxşıdır, çünki rədd edilə bilərsən. Yaxınlaşdığın və sevgiyə dair addım atdığın anda ilk qorxu başlayar – qarşı tərəf səni qəbul etsə belə, ehtimal həmişə var – səni geri çevirə bilər. Buna görə də qadınlar əsla ilk addımı atmazlar; onlar daha çox qorxur. Həmişə kişidən gözləyirlər – kişi gəlməlidir. Onlar həmişə rədd etmə və qəbul etmə ehtimalını özlərinə saxlayırlar, qarşı tərəfə bu şansı verməzlər, çünki kişilərlə müqayisədə daha çox qorxarlar. Buna görə də bir çox qadın bir ömür boyu gözləyər! Qapılarına heç kim gəlməz, çünki qorxan bir insan bir anlamda elə çox qapanar ki, insanları özünə yaxınlaşdırmaz. Qorxan insan ətrafına elə çox titrəyişlər yayar ki, yaxınlaşan hər kəs vazkeçər. Hərkətlərində belə qorxunu hiss edə bilərsən.

Mənbə: Osho 
Hazırladı: Fidan Aslanova

Beyenmeler
0   1  
VN:F [1.9.16_1159]
Rating: +2 (from 2 votes)

Fidan Aslanova

Fitret.az idarəçisi

 
Facebook

2017-Cİ İL BİTMƏDƏN ETMƏLİ OLDUĞUNUZ 3 ŞEY

Xüsusi

Yaxşısı ilə, pisi ilə bir ilin də bitməsinə sayılı günlər qaldı. Bəzən 5 dəqiqənin belə nə qədər gec keçdiyinə şahid olarkən, hər il bu zamanlarda o boyda ilin gedişinə şahid oluruq. Düşü2017-ci il bitmədən etməli olduğunuz 3 şeynəndə umuzun gələn və 12 ayın bitməsini  simvolizə edən ilin son ayı, həm xəyal qırıqlıqlarına, həm də ümüdlərə ev sahibliyi edə bilər. Kimimiz, 2017- cil il üçün gözəl   xəyallar qurduq, kimimizin də heç bir gözləntisi olmadı. Yeni il ruhunun ətrafımızı bürüməyə başladığı dekabr ayı, sanki  bir səhfənin qapanacağının və yepyeni bir səhfənin açılacağının xəbərçisi kimidir, deyə bilərik. Yaxşı bəs, bu dəyişiklik üçün günləri saymağa başladığımız bu aralar nələr edilə bilər?

BU İLİ ANALİZ EDİN

Öncəliklə bu ilin müsbətlərini və mənfilərini ortaya çıxara biləcəyiniz detallı bir analiz edə bilərsiniz. Bəzilərimiz üçün olduqca gözəl, bəzilərimiz üçün isə olduqca pis keçən bu ilin bizdən apardıqları ola biləcəyi kimi, bizə qatmış olduqları da ola bilər. Bunları daha dəqiq bir şəkildə görə bilmək üçün kağızı qələmi əlinizə alaraq, bu il yaşadığınız və həyatınıza toxunduğunu düşündüyünüz hadisələri yaza bilərsiniz. Bu hadisələri məhsuldarlıq və duyğu əsaslı olaraq  dəyərləndirə bilərsiniz. Yəni bütün bunlar yaşanarkən\yaşandıqdan sonra sizin üçün müsbət və mənfi tərəflərinin nələr olduğunu müəyyənləşdirə bilər, bu durumların təsiri ilə duyğu durumunuzda nə kimi dəyişikliklərinin olduğunun fərqinə vara bilərsiniz.

HƏDƏFLƏRİNİZİ İNCƏLƏYİN

Elə ya da belə 365 gün 6 saatdan ibarət olan,  lakin əslində gözümüzü açıb yum017-ci il bitmədən etməli olduğunuz 3 şeyana kimi keçən bir ilin də sonuna yaxınlaşırıq. Bir çox il olduğu kimi, 2017-ci ilə girməzdən öncə də, “Bu il mütləq bunu edəcəm”, “Bu il 100 faiz belə belə  olacam” kimi hədəflər barındıran cümlələr qurmuş ola bilər, bəzi qərarlar almış ola bilərsiniz. Sizin təxminən 1 il əvvəl müəyyənləşdirmiş olduğunuz hədəfləriniz nələr idi? Hədəflərinizi incələyərkən, onları gerçəkləşdirmək adına necə bir yol izlədiyinizi özünüzə xatırlada bilər, hədəflərinizin bugünkü durumu üzrə  dəyərləndirmə apara bilərsiniz. Hansısa bir hədəfiniz gerçəkləşdisə, həmin vaxt atmış ola biləcəyiniz ən doğru addımın hansı ola biləcəyini düşünə bilər, gerçəkləşmədisə də “Necə bir yol izləsəydiniz, hədəfinizə çata bilərdiniz ?” sualını öz-özünüzə müzakirə edə bilərsiniz.

2018-i PLANLAYIN

Həyatın nə zaman nə gətirəcəyi və götürəcəyi bəlli olmadığı üçün zamanı planlamaq olduqca çətin və xəyali ola bilər. Lakin yenə də etmək istədiklərimiz istiqamətində bir layihə yarada bilərik. Layihənizi formalaşdırarkən, özünüzlə olan münasibətiniz, başqaları ilə olan münasbətiniz, iş həyatınız, şəxsi həyatınız kimi bir çox mövzunu ələ ala bilrəsiniz. Məsələn sizin layihənizdə,  bu il “Əlimdə olmayan şeylər üçün özümə hirslənməyəcəm” kimi bir maddə ola bilər. 2017-ci il bitmədən etməli olduğunuz 3 şeyYeni ildə özünüzə əlavə etmək istədiyiniz müsbətləri müəyyənləşdirə bilər, hədəflərinizi bu istiqamətdə qura bilərsiniz. Hədəf deyəndə ağlınıza mütləq çox böyük işlər gəlməsin, sizin bu ilki hədəfiniz müəyyən bir sayda kitab oxmaq, sizə ən maraqlı gələn şəhərləri gəzmək də ola bilər. Yeni başlayan hər bir ili, yazılmağı gözləyən bir ssenari kimi düşünə bilər və öz ssenarinizin səhnələrini yarada bilərsiniz. Beləcə, yaşamaq məqsədiniz və hədəfləriniz istiqamətində  irəliləyərkən daha az ilişə bilər, daha sürətli və keyifli bir sürüş təcrübəsi yaşaya bilərsiniz.

Müəllif: Bilge Aydoğan
Mənbə: www.uplifers.com
Hazırladı: Fidan Aslanova

 

Beyenmeler
0   2  
VN:F [1.9.16_1159]
Rating: 0 (from 0 votes)

Fidan Aslanova

Fitret.az idarəçisi

 
Facebook

YENİ İLƏ ÖZƏL 53 KİÇİK DƏYİŞİKLİK

Xüsusi

Həyatımızı yeniləmək üçün dəyişiklik etmə qərarınyenilikı istənilən bir vaxt verə bilərik. Amma müəyyən bir zamanlar var ki, bunun üçün bizə daha da motivasiya verir və bunu etməli olduğumuzu xatırladır. Belə zamanlardan biri də yeni il qabağıdır. Hər yeni bir  il yaxınlaşarkən keçib getməkdə olan ilimizdə yaşadığımız həyatımıza göz atır, yenilənən il tarixi ilə birlikdə həyatımızda da yenilik arzusuyla qərarlar veririk. Unutmaq lazım deyil ki, bəzən kiçik, lap kiçik şeylər həyatımızda böyük fərq yarada bilər. Bu yazıda, bu kiçik şeylərin bəzilərini sizinlə paylaşacam.

1.Səhər tezdən oyanmaq üçün zəngli saatı qurursunuzsa, saatın çaldığını eşidən kimi yataqdan qalxın. (Sonra bunun üçün özümüzə çox təşəkkür edəcəyik.)
2. Səhər yeməyi yeyin. Hər gün eyni səhər yeməyini yeməyin.
3. Yeyib-içdikdən sonra çirkləndirdiyiniz qabları yuyub, qurudub yerlərinə qoyun.
4. Güzgüyə çox baxmayın.
5. Hər gün kifayət qədər su için.
6. Daha çox kitab oxuyun.
7. Daha çox hərəkət edin.
8. İşə gecikməyin. Hətta iş vaxtından biraz tez gedin.
9. Sizə mesaj gələn kimi baxmayın. İcazə verin, yadınızdan çıxsın, yadınıza düşəndə baxarsınız.
10. Səliqəli olun.
11. Bişirib-düşürmək işində ustalaşın. Həm özünüz, həm də başqaları üçün bişirin.
12. Daha çox film izləyin.
13. Bayıra çıxmağa ərinməyin. Evinizin, komfort zonanıza çevrilməyinə icazə verməyin.
14. Gülümsəməyə davam edin.
15. Heç bir sağlamlıq probleminiz olmadığı halda və ya kiçik problemləriniz olduğu halda müayinə və konsultasiya üçün həkimə gedin.
16. Mesaj yazmayın, zəng edin.
17. Yemək aralarında oruc tutun.
18. Mesaj yazan kimi cavab gözləməyin.
19. Daha çox rəqs edin.
20. Daha çox mahnı oxuyun.
21. İşdən qaçmayın, əksinə üstünə gedin.
22. İş vaxtı bitən kimi iş yerindən çıxın, ləngiməyin.
23. Axşam tez yatın.
24. Soyuqqanlı olmağı öyrənin.
25. Kifayət qədər pulunuz olduğunu, hətta varlı olduğunuzu düşünün.
26. Hər evdən çıxanda, atılası zibil olub-olmadığını yoxlayın.
27. Ağız baxımınız diş fırçalamaqdan ibarət olmasın.
28. Templi piyada yeriməklə daha çox məşğul olun.
29. Nəyəsə görə kiməsə hirslənmək istəyəndə, vazkeçin.
30. Marketlərdə alış-veriş etdikdən sonra sizə verilən çekləri atmayın. Toplayın. Mütəmadi olaraq aldığınız şeylərə, onların qiymətlərinə, ümumiyətlə, aldığınız şeylərin qiymətlərinə diqqət edin. Mütəmadi olaraq aldığınız şeylərin siyahısını tərtib edin. Eləcə də həmin şeylərin yaratdığı xərci müəyyən edin.
31. Daha çox oyun oynayın. Söhbət virtual oyunlardan getmir.
32. Bədəninizi sevməyi, komplekssiz olmağı, özgüvənli olmağı, cəsur olmağı, vecsiz olmağı, daxilən güclü olmağı öyrənin.
33. Bilinməyənə açıq olun.
34. Daha çox qonaq gedin, daha çox qonaq qəbul edin.
35. Geyiminizə diqqət göstərin. (Bunun üçün çox pula ehtiyac yoxdur.)
36. Müxtəlif saç düzümlərini yoxlayın.
37. Ayaqqabılarınızın sayını artırın.
38. Alıb bəyəndiyiniz hər hansı bir şeyin şəklini çəkib saxlayın.
39. Yatağınızı toplayın.
40. Gələcək haqqında narahat olmayın.
41. Keçmişdəki səhvlərinizə ilişib qalmayın.
42. Sevmədiyiniz insanları həyatınızdan çıxarın.
43. İnsanların sizin haqqınızda nə düşündüklərinə ilişib qalmayın.
44. Çoxdan arzusunda olduğunuz xobbi ilə məşğul olmaq üçün mükəmməl zamanı gözləməyin.
45. Çox oturmayın. (Yazı yazarkən oturduğum halda, bu maddəni oturduğum yerdən qalxıb yazdım.)
46. Yataq dəstlərinizin təmizliyinə önəm verin. Vaxtlı-vaxtında dəyişdirdiyinizdən əmin olun.
47. Mütəmadi olaraq hər 2 ayda bir dəfə saçlarınızı uclarından kəsdirin.
48. Daha çox sağ əlinizi işlədirsinizsə, arada sol; daha çox sol əlinizi işlədirsinizsə, arada sağ əlinizlə bir şey etməyi yoxlayın.
49. Daha çox kompliment edin.
50. Oturanda imkan varsa ayaqqabılarınızı çıxarın.
51. Davamlı olaraq çox rahat və eləcə də bir qədər narahat ayaqqabı geyinməyin. Bunları, ara-ara bir-biri ilə əvəz edərək geyinin.
52. Vaxtlı-vaxtında kompüterinizin, telefonunuzun ekran şəklini dəyişin.
53. Səhər tezdən oyanıb bayıra çıxın.

2017-ci ildə bunları etməmişiksə, 2018-ci ildə etməyimiz diləyi ilə…

Müəllif: Fidan Aslanova 

Beyenmeler
0   1  
VN:F [1.9.16_1159]
Rating: +1 (from 1 vote)

Fidan Aslanova

Fitret.az idarəçisi

 
Facebook

HAVADA YENİ İL QOXUSU VAR… :)

Xüsusi

2016-cı ilin 31 dekabrna az qalıb. Qarşıdan, qeyd edəcəyimiz bir bayram günü və daxil olacağımız yeni bir il gəlir. İçində olduğumuz il, yaxşısı.. pisi ilə tarix olmaq üzrədir. Yaxşı bəs biz, ildə bir dəfə qapımızı döyən bu fürsətləri necə dəyərləndirməkdəyik? Bu bayram ərəfəsində, köhnə ili yola salıb təzə ili qarşılamaq ərəfəsində necə yaşayırıq? Bayram gününü və il dəyişməsini yaxşı mənada bəhanə edib, hansHavada yeni il qoxusu var...ı addımları atırıq? Önəmsəyirikmi…?

Önəmsəmək çox gözəl bir şeydir. Həyatımıza parıltı qatan bir şey. Bu baxımdan, yeni ilin gəlişini önəmsəmək, bu aralar edə biləcəyimiz ən gözəl şeylərdən biridir və yeni ili önəmsəmək adına edə biləcəyimiz bir çox şey var. Bayram əhval-ruhiyyəsi yaratmaq, yeni il abı-havasına bürünmək də çətin deyil.

Belə ki,

Yeni il mahnılarından ibarət bir playlist hazırlaya bilər və yeni il ərəfəsində..bayram günü  bu mahnıları dinləyə və hətta alət çalırsınızsa, ifa da edə bilərsiniz. Musiqinin gücü, müzakirəolunmazdır. : )
Onsuz da, bu mahnıları başqa vaxtı dinləməyin, ifa etməyin dadı yoxdur, yeri gəlmişkən haqqını verin. : )

Geyimlərinizdə, yeni ilin rəmzi olan ağ, qırmızı, yaşıl rənglərdən istifadə edə bilərsiniz.

Evinizi, iş otağınızı bəzəyə bilərsiniz. Satın alaraq və ya özünüz hazırlayaraq zövqlü dekorasiya fikirləri ortaya qoya bilərsiniz. Yaradıcılığınızı işə salın.

Sizin üçün çox gözəl bir xobbi var! Yeni ilə aid min bir əl işi hazırlaya bilərsiniz.

“Gəncliyin sirri nədir?” sualına, “bir əl işi ilə məşğul olmaq” cavabı verilə bilər. Çünki əl-göz koordinasiyasını təmin edən və nizamlı edilən yaradıcı bir fəaliyyət, qavrayışın azalmasını yavaşladaraq beynin gənc qalmasına köməkçi olur.

Şəhərdə yeni il gəzintisinə çıxa bilərsiniz. Tək və ya sevdiyiniz insanlarla birlikdə.

Bayram günü ilə bağlı foto və videolar çəkib, nə vaxtsa baxıb xatırlayacağınız xoş  xatirələr toplaya bilərsiniz.

Yeni il partiləri təşkil edə bilərsiniz.
Dostlar, bir aHavada yeni il qoxusu var...raya gəlmək, rəqs etmək, oyun oynamaq, hədiyyələşmək, təşkilatçılıq.. insana çox yaxşı təsir edən şeylərdən biri.

Gözəl bir bayram süfrəsi hazırlaya bilərsiniz.
Yaradıcılığınızı ortaya qoymaq üçün bundan gözəl incəsənət nümunəsi? : )

Evinizə qonaq dəvət edə və ya siz kiminsə evinə qonaq gedə bilərsiniz.

Sevdiyiniz insanlara yeni il hədiyyələri ala bilərsiniz və ya bu hədiyyələri özünüz hazırlaya bilərsiniz. Xüsusilə də uşaqlara. Üstəlik, bunun üçün çox pul xərcləməyə ehtiyac yoxdur. Önəmli olan, hədiyyənin, kreativ yanaşmağınızı.. içdən və səmimi diqqət göstərdiyinizi əks etdirməsidir.

İş yoldaşlarınızı bir qutu bayram şokoladlarına qonaq edə bilərsiniz.

Təbrik üçün mesaj yazmağa yox, zəng edib danışmağa üstünlük verin. Mesaj yazmaq istəsəniz belə, şablon mesajlardan əl çəkin! Həqiqətən sevdiyiniz insanlara səmimi bayram mesajları göndərə bilərsiniz.

Yola saldığınız ilin son saatlarında səmimi bir yeni il duası edə bilərsiniz. Pulsuzdur və əks təsiri yoxdur. : ) Əksinə, faydaları var. ( link: http://fitret.az/dua-etm%C9%99yin-faydalari/ )
Təəssüf ki, çoxumuz dua etməyi, xüsusilə də səmimi bir dua etməyi unutmuş vəziyyətdəyik. Yaradıcı ilə qırılmış əlaqələrimizi bərpa etmək üçün yaxşı füsrətdir. : )

Dünyaca məşhur Dr. Alexis Carrel demişdi :“Dua, insanın yarada biləcəyi ən güclü enerjidir”.

Yeni ildə həyata keçirmək, etmək istədiklərHavada yeni il qoxusu var..inizi yazdığınız bir siyahı hazırlaya bilərsiniz. İllik plan hazırlamağın əsl vaxtıdır.

Bayram gününə önəm verin. Bütün günü evdə keçirəsi olsanız belə, baxımlı olun.. bayram üçün xüsusi geyinib hazırlaşın. Həmin gün səhər tezdən oyanın və bayrama özəl bir gün keçirin.

Yeni ilə aid gözəl filmlərindən ibarət bir siyahı hazırlayıb, filmlərə baxa bilərsiniz. Bu filmlərdən ancaq bu vaxtı zövq almaq olar. : )

Tanımadığımız insanlarla sevgi paylaşımı etmək üçün də yaxşı fürsətdir. Bunun da min bir yolu var. Ən sadəsi… “Frenk İ. Flatçer, Oppenger Kollin and Kompani şirkətinin sifarişiylə hazırladığı öz reklam şedevrlərindən birində, bizə  Çin fəlsəfəsinin aşağıdakı möhtəşəm nümunəsini təqdim etmişdir:

Yeni ildə təbəssümün qiyməti.

Onun qiyməti heç nədir, ancaq çox şey yaradır.
O, onu alanları zəngin edir, onu verənləri yoxsul eləmir.
O, bircə an davam edir, onun haqqında xatirə isə bəzən həmişəlik qalır.
Onsuz yaşaya biləcək dövlətli çox deyil və elə yoxsul da çox deyil ki, onun mərhəmətiylə varlanmamış olsun. O, evdə bəxtəvərlik, işlərdə xoş niyyətlilik abı-havası yaradır və dostlar üçün parol kimi xidmət göstərir.
O, yorğun adam üçün ilham, naümid olan üçün ümid nuru, başını itirmiş adam üçün günəş parıltısı və dərdə qarşı ən yaxşı təbii vasitədir.
Bunula belə, onu nə pulla, nə xahiş minnətlə, nə borca almaq, nə də oğurlamaq mümkündür. Çünki o özündə elə bir dəyər təcəssüm etdirir ki, saf ürəklə verilməsə, heç kəsə azacıq da olsa, fayda gətirməycək.
Əgər ötüb keçməkdə olan ilin son dəqiqələrində , iş elə gətirsə ki, satıcılarımızdan nəsə alarkən onların yorğun olduqlarını, sizə təbəssüm bəxş etməyə belə heyləri olmadığını görsəniz, öz təbəssümlərinizdən birini onlar üçün qoyub getməyinizi xahiş etmək olarmı?” ( Deyl Karnegi )

Havada yeni il qoxusu var
Bunu unutmayın. Siz, enerji yaradıb ötürə bilən möhtəşəm varlıqlarsınız. Bayram ərəfəsində, sizi gözləyən yeni bir il yaxınlaşarkən, bu gücünüzdən istifadə edin. İl başının önəmi, səhər vaxtının önəmi kimidir. Səhər vaxtını necə dəyərləndirməyimiz günümüzün gedişatına necə təsir edib onu müəyyənləşdirirsə, təzə il gələrkən içində olduğumuz ruh halı da bütün ilimizə bu tip bir effektlə yansıyır. Yeni bir ilin həyatınıza gəlişini önəmsəmək işində hər kəsə uğurlar! : )

Hazırladı: Fidan Aslanova Red

Beyenmeler
0   2  
VN:F [1.9.16_1159]
Rating: +1 (from 3 votes)

Fidan Aslanova

Fitret.az idarəçisi

 
Facebook

HƏQİQƏTƏN, NƏ İSTƏYİRİK?

Xüsusi

Həqiqətən, nə istəyirik?Hər şey, monoton bir həyatın toruna ilişməklə başladı. Başınızı bayıra uzatmaqdan qorxduğunuz kürənizdə eləcə oturdunuz. Hər səhər eyni şeyləri etməkdən heç bezmədiniz. Əyləncələriniz belə eyni idi və məqsədlərinizin forması hər zaman o önünüzə çəkilən  qəliblərdən ibarət idi. Həyatı qavrayışınız, başqalarının qavradıqlarından örnəklər idi. Bəlkə hər şey mənfi deyildi,  amma, içinizdəki potensialın kəşfinə çıxma dan qəbullanmışdınız dörddə birinizlə yaşamağı. Hər zaman böyük insanlara heyranlıq duydunuz və radikal dəyişiklikləri  edənləri şaşqınlıqla qarışıq izlədiniz. Qibtə etdiniz və ya qısqandınız. Olmağı dilədiyiniz həyatları, məsuliyyət duyğusu ilə xalçanın altına itələdiniz. Onlar orada idi, amma görməzdən gəlmək daha asan idi.

Maddi Şeylər…

Hər gün maddi bir şeyləri, birilərinə gücünüzü isbat etmək üçün satın almağa çalışdınız. Rifahınız və zənginliyiniz qarantiniz idi. Həyatınız, sığortalanmış malların zəmanəti ilə orada eləcə dayanarkən, yaşamadıqlarınız içinizdə düyün olmuşdu. Bir gün, getməkdən bezdiyiniz işinizi buraxanda, belinizdə çantanız, yanınızda sevdiklərinizlə dünyanın başqa qitələrini, ölkələrini gəzmək və yaşadığınız şəhərdən ibarət olan həyatınıza bir parça anlam qatmaq, məsuliyyətlərdən qurtulmaq, öz-özünüzlə baş-başa qalmaq tək istəyiniz idi, bəlkə də.

Bu yazı, işinizi buraxın, məktəbinizi buraxın və dəniz kənarına köçüb bir yazar olun kimi şablonları anlatmır və ya məsuliyyət duyğunuzu sonsuza qədər zibilliyə atın və heç kimi arayıb axtarmadan yaşadığınız şəhəri səbəbsizcə tərk edin də  demir. Bu yazı, ömrünü status qayğısı, uğursuzluq qorxusu və maddi zəmanətlərə doymadan eyni həyatı dəfələrlə yaşayan hər birimizdən bəhs edir. Ortada bir təzad görülə bilər bəlkə.. və ya,  gerçəklərən uzaq bir xəyal dünyasında yolçuluğa çıxmış görüntüsü verə bilər sizlərə. Necə qavradığınız, hansı ruh halı ilə oxuduğunuz və xarakter olaraq nə qədər maddi olduğunuzla bağlıdır. Ömrü boyunca maddi sıxıntı çəkmiş bir insanla, rifah içində yaşamış birinin baxış bucağı əlbəttə ki, fərqliliklər göstərərcək. Eqonun və ruhun doyum nöqtəsi, arayış və qavrayış fərqliliklərini yarada bilər. Lakin bu yazıda nəzərdə tutulan tamamilə insanı insan edən gerçək istəkləridir. Maddiyatdan və toplum qayğısından uzaq xəyalını qurduğu kəşfə çıxması ilə bağlıdır. Bəlkə bir təşviqdir, bəlkə bir özünü tənqid. Hər Həqiqətən, nə istəyirik?nə olursa olsun, hamımızın biraz hiss etdikləridir. Maddi məqsədlərimizə çatdıqdan sonra yaşamımıza anlam qatmaq üçün daha başqa arayışlara girməyimizlə bağlı bir hekayədir.

“Ferrarisini satan müdrik” axınının bir parçası deyil söylədiklərim. Şablonlarla başınızı qatmaq da deyil. Lakin,  bayıra başımızı uzatdığımız zaman yan qonşumuzun yeni maşını ilə və güc bəla dolandırdığımız evimizlə bağlı o qədər müqayisə edirik ki, gerçək istəklərimizi dinləməkdən uzaq qalırıq. Birilərinin həyatda əldə etdiklərinə qibtə ilə baxırıq. Oyuncaq dükanında özünü itirən uşaqlar kimi aldıqca doymuruq. Nə istədiyimizi bilmədən sadəcə alırıq. İmpulslarımızla arzulayırıq. Olmadığı zaman ağlayırıq. Böyük bir körpə kimi əmziyin ağzımıza tıxanmağını gözləyirik. Yaxşı, bəs, həqiqətdə, nə istəyirik?

Gözəl bir maşın və ya ev, insan məhsulu və mənəviyyatdan uzaqdır. Pulumuz cibimizdə ikən, yenisini alırıq. Sonrakı il üçün başqa  bir yenisini də alırıq. İstəklərimiz də köhnəlir və ya istədiyimizi zənn etdiklərimiz. Qapının önündə dayanan dörd təkər bizim etibarımızdır. Ona görə qadınlar və ya kişilər bizə sayğı göstərir. Evimiz, sayğı görmək üçün yaxşı döşənmiş olmalıdır. Geyimlərimiz çeşid-çeşid olmalıdır. Sayğı görmənin indilərdə xarakterimizlə əlaqəsi çox azdır. Bilirəm, çox neqativ bir yazı oldu. Lakin, bu bir oyanış olmalıdır, məncə. Əvvəlki zamanlar üçün darıxıb dururuq. Özləm duyduğumuz zamanlardakı kimi mənəvi davranmağı da unuturuq. Hamımız toplum olaraq eyni şeylərə özləm duyurıq amma aradakı fərqləri analiz etməkdən uzaq qalırıq. İnsan münasibətləri indilərdə bu maddi dəyərləndirmələrdən dolayı olduqca təhlükədədir. Hər kəs fərdi çıxarları və maddi etibarının arxasınca qaçır. Təkraralanan həyatına ilişib qaldığına görə qısır dövrəsi bu anlamda da eynidir. Kürəsinə qapatır özünü və xaricinə çıxmaq üçün qışqırıb durur. Səssizcə qışqırmaqdır bu. Özünü Həqiqətən, nə istəyirik?yorarasan amma nəticədə heç kim səni eşitməz. Elə isə, niyə dəyişdirməzsən davranışını və tərzini? İnsanı dəyişdirmək çətindir deyərlər. Alışqanlıqları dəyişdirmək hər şeydən çətindir. Lakin həyatda qala bilmək təbii bir seleksiyanın nəticəsidir. Bir dəyişimə ayaq uydurmaq gərəklidir.

Elə isə yazının əvvəlinə qayıdın. Təkrarlanan həyatlarınıza dəyişiklikləri gətirin. Məmnun olmadığınız həyatınızı təkrarlamayın. Nə üçün yaşadığınız həqiqətən önəmlidir. Bəlkə, səhərlər dəniz kənarında edilən xoş bir piyada gəzinti, idman salonlarına üzv olmaqdan daha yaxşı təsir edər. Aidiyyat duyğunuzu qidalandırmaq üçün üzv olduğunuz bir çox sosial fəaliyyətin süniliyi, təbii bir zamanda tanış olduğunuz dostun yerini tutmaya bilər. Köhnə maşınlara qarşı maraqlı olmaq, yenini satın almaq üçün duyulan düşkünlüyü bir xobbiyə çevirə bilər. Geyimlərinizi özünüz də tikə bilərsiniz.

Bütün bu saydıqlarım detallarda yatan xoşbəxtliklərdən başqa bir şey deyil. Həyatın anlamını çata bilmədiklərimizə yüklədiyimiz zaman duyduğumuz ümidsizliyi, eyni anlamı detallarda yaşatdığımız zaman nə əldə etdiyimizi görməmək çox çətindir.

Hər gün  kürəyə qapatılmış və qəlib istəklərin xaricinə çıxmayan, bir-birinin eynisi olan insanlar görmək üzücüdür. Çıxış yolunu itirib, labirantı evi bilmiş bütün bu insanlar üçün bir güzgü tutmağı diləyərdim. Hər gün duyulan iş qayğısı, həyat yoldaşı qayğısı və məsuliyyəti, böyük bir istəklə üzərinə alına bilməmiş uşaqların gələcəyi arasında nə istədiyini heç bir zaman anlaya bilməmiş bir çox insan xoşbəxt və ya bədbəxt olduğuna qərar vermədən yaşayır. Gerçəklər önəmlidir və alışqanlıqlar asanlıqla tərk edilə bilməz, amma bir gün olsun, “Mən nə istəyirəm?” və “Həqiqətən də istədiklHəqiqətən, nə istəyirik?ərim, sahib olduqlarımdırmı?” suallarını özlərindən soruşduqları zaman, xoşbəxt insan üzlərini addım atdığınız hər yerdə görmək çox da çətin olmayacaq. Yepyeni bir ili salamlayarkən, sualları bir problem olaraq yox, çıxış yolu olaraq görməliyik. Çünki həyat bir imtahan olsa belə, doğru cavabları tapmaq sadəcə özümüzü anlamaqdan keçər.

 

Mənbə: indigodergisi.com
Müəllif: Ezgi Ergin
Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +8 (from 8 votes)

Fidan Aslanova

Fitret.az idarəçisi

 
Facebook