BRUCE LEE-DƏN 20 HƏYAT DƏRSİ

1Bilgi sizə güc verər, lakin hörməti xarakterinizlə qazanarsınız.

2. Hər zaman ÖZÜNÜZ olsun, ÖZÜNÜZÜ ortaya qoyun və ÖZÜNÜZƏ inancınız olsun. Qətiyyən çöl dünyadan müvəffəqqiyyətli bir şəxsiyyət seçib, onu təqlid etməyə çalışmayın!

3. Ən sərt ağac, eyni zamanda ən asan qırılan ağacdır. Buna baxmayaraq bambuk və söyüd ağacları, küləkdə  əyilərək həyatda qalmağı bacarırlar.

4. Bir şeyi sahiblənmə duyğusu, ilk öncə beyində başlayar.

5. Acılar ən yaxşı təlimçidir. Göz yaşı, teleskopdan daha uzaq üfüqləri göstərər.

6. Konsentrasiya, bütün üstün qabiliyyətlərin təməlidir.

7. Özünü tanımağın ən yaxşı yolu, başqaları ilə birlikdə fəaliyyətə keçməkdə yatır.

8. Məğlubiyyət, sadəcə bir ruh halından ibarətdir. Uduzmağı bir həqiqət olaraq qəbul etmədiyi təqdirdə heç kim həqiqətən məğlub sayılmaz.

9. Əgər bir şeyi çox fikirləşməyə başlasanız, heç vaxt reallaşdıra bilməzsiniz. Hədəfinizə doğru ən azından hər gün bir qərarlı addım atın.

10. Sadəlik, əzəmətin açarıdır.

11. Qorxu, naməlumluqdan irəli gəlir və içimizdəki qorxunu ancaq özümüzü daha yaxşı tanıyaraq məğlub edə bilərik.

12. Asan bir həyat diləməyin, çətin olana dözə biləcək güc istəyin.

13. Ölümsüzlüyə gedən yol, xatırlanmağa dəyər bir həyat yaşmaqla başlayar.

14. Fiziki ya da başqa cür, əgər etdiyiniz hər şeyə bir məhdudiyyət qoysanız, bu bir müddət sonra işinizə və bütün həyatınıza yayılar. Limit deyə bir şey yoxdur; sadəcə irəliləmənin dayandığı nöqtələr var və bu nöqtələr qalmaq üçün yox; onları keçmək üçündür.

15. Müəllim sizə həqiqəti təqdim edən adam deyil. O sadəcə bir bələdçidir. Hər bir şagird, onun işarə etdiyi bir gerçəyi özü tapmalıdır.

16. Faydalı olan nə varsa, mənimsəyin; olmayanları isə həyatınızdan çıxarın. Və bu düstura tamamilə özünüzə xas olan bir şeylər də əlavə edin.

17. Niyyətiniz üzməyi öyrənməkdirsə, birbaşa suya dalın. Quruda dayanmağa davam etdiyiniz təqdirdə heç bir düşüncə sizə kömək edə bilməz.

18. Həyatı sevirsinizsə, vaxtınızı boş yerə xərcləməyin. Çünki həyat zamandan ibarətdir.

19. Səhvlər bağışlanmaz deyil; təki, onları qəbul edəcək cəsarətiniz olsun.

20. Hər birimizin içində döyüşdüyümüz şeytanlar var. Bunlar qorxu, nifrət və hirsdir. Bu şeytanları məğlub edə bilməsək, 100 illik həyat bir tragediyadan ibarətdir. Yox, əgər qalib gəlməyi bacarsaq, tək günlük bir həyat belə zəfər sayılır.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +24 (from 24 votes)

Fidan Aslanova

Fitret.az idarəçisi

 
Facebook

VAXTIN DÜZGÜN İDARƏ EDİLMƏSİ

Qərarsızlıq, nə istədiyini bilməmək, internet asılılığı, sosial şəbəkə asılılığı, məsuliyyətsizlik, tənbəllik, ərincəklik, düşünməyə vaxt ayırmamaq, televizora bağlılıq… Bu və bu kimi bir sıra şeylər, vaxtı düzgün idarə edə bilməməyimizə səbəb olur. Çox deyilən bir sözdür: Zaman, həyatdır. Bəli, deməli, zamanı düzgün idarə edə bilməmək, həyatımızı düzgün idarə edə bilməməkdir ki, bu da ən böyük itkidir. Bəs yaxşı ,vaxtı düzgün idarə edə bilmək üçün nə etmək lazımdır? Bu yolda atılacaq ilk addım, bunu nə üçün etməli olduğumuzu dərk etməkdir. Bayaq da qeyd etdiyim kimi vaxtla bağlı uğursuzluq, həyatla bağlı uğursuzluqdur. Vaxtı düzgün idarə etmək, onun, məqsədlər, məsuliyyətlər, zövqlər və xobbilər arasında balanslı bir şəkildə paylaşdırılaraq özəl həyat, ailə həyatı, iş həyatı, sosial həyat ilə VAXTIN DÜZGÜN İDARƏ EDİLMƏSİbağlı fəaliyyətlərin təsirli və məhsuldar bir şəkildə planlanması və gerçəkləşdirilməsi deməkdir.

Vaxtı düzgün idarə edə bilmək üçün gündəlik tutmaq  çox işimizə yarayacaq. Gündəlik tutmaq və plan qurmaq. Planlı olmamaq günün axarına qapılıb getməyimizə və günü itirməyimizə səbəb olur. Səhərlər, günə başlamazdan əvvəl gündəliyimizə həmin gün edəcəklərimizi, hansı saatlarda və nə qədər nə ilə məşğul olacağımızı qeyd etmək əla fikirdir. Bunları sözsüz ki, beynimizdə də planlaşdıra bilərik. Amma bunların göz qabağında olması, nizamlılıqdır, beyin üçün rahatlıqdır. Qeyd etdiyiniz işləri gördükdən sonra qeyd edilənin üstündən “yerinə yetirildi “ deyə xətt çəkməyin zövqünü mütləq dadmalısınız. Amma çalışın, planınıza sadiq qalın. Davamlı olaraq plan qurub buna əməl etməmək, psixoloji olaraq insana pis təsir edir. “Özümə sadiq deyiləm”, “Özümə verdiyim sözləri tutmuram”, “Tənbələm” və s. bu kimi fikirlərlə depressiyaya kimi belə sürüklənə bilərsiniz. İradəmiz  xaricində olan şeylər səbəbilə planın pozulması problem deyil, qaldığımız yerdən davam edə bilərik. Lakin bilərək yayınmaq mənfidir. “Yox” deməyi bacarmaq, vaxtın düzgün idarə edilməsi məsələsində çox önəmlidir. “Yox” demək deyəndə, bir çox insan, sadəcə kiməsə yox deməyin nəzərdə tutulduğunu düşünür. Halbuki, bu ən çox fəaliyyətlərə “yox” demək mənasındadır. Hansı ki, bu fəaliyyətlər lazımsızdır. Fikirləşərək yaşayın. Bir şeyi etməzdən öncə, özünüzə sual verin: “ Mən bunu niyə edirəm?”, “Bunun mənə gətirəcəyi faydalar nələrdir?”, “Bunları etməklə həyatım hansı vəziyyətdədir?”, “Nələri etməklə nələr qazanıb, nələr itirə bilərəm?” Mütləq bu suallarla yaşayın. Zaman keçdikdən sonra peşman olmayın. Əlbəttə, gündəlik tutmaq və plan qurmaq üçün də edəcəklərimizi bilmək lazımdır. Zaman, etmək istədiklərimiz və etmək məcburiyyətində olduğumuz fəaliyyətləri özündə birləşdirir.

Ortalama olaraq bir insanın vaxtını nəyə xərclədiyinə baxaq:

Yatmaq, yemək, şəxsi təmizlik, TV, internet, təhsil, iş yerimizdəki işimiz və s. bu kimi.

Qalan vaxtda nələrə zaman ayrıla biləcəyinə baxaq:

İdman, kitab oxumaq, mədəni fəaliyyətlər (kino, teatr, konsert, bu sahədə hansısa bir fəaliyyət və s. bu kimi) , ailənizə ayrılan zaman, dostlara ayrılan zaman, fərdi inkişaf, xobbiləriniz, dincəlmə, istirahət, musiqi, səyahət etmək və s. bu kimi..

Həyatınızın fərqində olVAXTIN DÜZGÜN İDARƏ EDİLMƏSİun və onun ehtiva etdiyi bütün fəaliyyətlərinizi müəyyən edib gündəliyə yazın. Qeyd etdiyim kimi, ola bilsin ki, çoxumuz bu fəaliyyətlərdən xəbərdarıq amma bunların göz önündə olması daha effektivdir.

Yatmaq vaxtımızı almasın! Özünüzü tanıyın və neçə saatlıq bir yuxunun sizə kifayət etdiyini öyrənin. Vaxt itirməmək üçün nə çox yatın, nə də vaxt qazanmaq üçün az yatın. Hər gün eyni saatda yatıb eyni saatda oyanmağa alışdırın, özünüzü. Bir müddət sonra bədən buna alışacaq. Bu həm sağlamlığınız, həm də rahat oyana bilməyiniz üçün çox faydalıdır. Yatmaq insan orqanizmi üçün çox önəmlidir. Fiziki, psixoloji və mənəvi sağlamlıqda rolu böyükdür. Yatmaq üçün mütləq vaxt ayırın!

Saata bağlı olun. Onu gözdən kənara qoymaq, vaxtı gözdən kənar qoymaq deməkdir ki, bu da yenə də günün axarına qapılıb getməyimizə səbəb olur. Fasiləyə əhəmiyyət verin! Planlı yaşamağın sıxıcı olacağını düşünməyin. Bəzən plansızlığı seçə bilərsiniz. Bəzi hallarda planı pozmaq məcburiyyətində də qala bilərsiniz. Amma planlı yaşamağın həyatınızın ana xətti olmaqdan çıxmasına icazə verməyərək.

Etdiyiniz hər bir şeyi niyə etdiyinizi fikirləşin. Hansı işlərinizin daha önəmli olduğunu müəyyən edin. Çətin olan işləri əvvəlcə edin. Təxirə salmaq xəstəliyindən bir dəfəlik xilas olun. Tələsməyin, səbrli olun, eyni vaxtda bir neçə şeylə məşğul olmayın, vaxt ayıraraq məşğul olun. Saat 4-də beyninizi, saat 5-ə təyin etdiyiniz iş haqqında düşünməklə məşğul etməyin, hər şeyə, vaxtı gələndə diqqətinizi verin. Gərəksiz olan hər şeyi həyatınızdan çıxarın. Bəzi işlərinizi uyğun vaxtlarda aradan çıxarmağı bacarın. Məsələn, kitab oxumağa vaxtınız yoxdur? Avtobusda, metroda, avtomobilinizlə tıxacda olanda və ya hansısa bir gözləmələr zamanı bunu yaxşı mənada aradan çıxara bilərsiniz. Həyatınız, günün sonunu gətirə bilməyə çalışmaqla keçməsin! Etmək istədiyiniz şeylərə vaxt ayırın!

VAXTIN DÜZGÜN İDARƏ EDİLMƏSİÖnəmli olan həyatımızın fərqində olmaq, onu düzgün idarə etməli olduğumuzun fərqində olmaqdır. Bu, bizi, vaxtı idarə etmək işində üsullar tətbiq etməyə yönəldəcək, onsuz da. Həyatdan nə qədər  zövq aldığınız, zamanınızı necə idarə etdiyinizlə birbaşa bağlıdır. Bəlkə də xoşbəxt olmamağımızın yeganə səbəbi budur: “Vaxtı düzgün idarə edə bilməmək!” Elə günü bu gündən vaxtınızı düzgün idarə etməklə məşğul olmağa başlayın və bununla da həyatınıza müsbət dəyişiklikləri dəvət edin!

Unutmayın! Vaxtınızı düzgün idarə etməklə, həyatınızın idarəsini öz öhdənizə götürmüş olursunuz! Əks halda isə, sizi və həyatınızı, siz yox, başqaları və başqa şeylər idarə edir. Gözünüzü açıb, bunu görməyi bacarın.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +30 (from 32 votes)

Fidan Aslanova

Fitret.az idarəçisi

 
Facebook

JİDDU KRİŞNAMURTİ-“İLK VƏ SON AZADLIQ”

Jiddu KrişnamurtiJiddu Krişnamurti ( 1895-1986), Hindistan əsilli məşhur filosof, natiq və yazıçıdır. 14 yaşında, “Teosophical Society” tərəfindən “dünya müəllimi “seçilmişdir. Həyatını, bütün dünyanı dolaşaraq, insanlarla həyata və dünyaya dair söhbətlər edərək keçirmiş, lakin onları hansısa bir dinə çəkməmişdir. Dünya üzərindəki milyonlarla insan, fərqindəliyin işığını yaymağa çalışan bu insandan çox şey öyrənmişdir. “İlk və son azadlıq” kitabında, Jiddu Krişnamurtinin  müxtəlif  mövzular barədə fikirləri ilə tanış ola bilərsiniz.

KİTABDAN SEÇMƏLƏR: 

“Sevgi haqqında”
Bir çoxumuz üçün sevgi nə anlam daşıyır? Birinə sevdiyimizi dedikdə nəyi nəzərdə tuturuq? O insana sahiblənməyi nəzərdə tuturuq. Bu sahiblənmədən də qısqanclıq yaranır, onu itirsəm, nə baş verər? Özümü boş , kimsəsiz hiss edərəm, ona görə də bu qısqaclığı qanuniləşdirirəm, ondan bərk-bərk yapışıram. Bir kimsədən bərk yapışmaqla, həmin insana sahiblənməklə qısqanclıq, qorxu və saysız-hesabsız münaqişələr yaranır. Belə bir sahiblənmənin sevgi olmadığı açıq-aşkardır, elə deyilmi?
Həssaslıq və emosionallıq eqoizmin bir növüdür. Hisslərlə dolu olmaq sevgi deyil, çünki həssas insan hisslərinə cavab almadıqda, öz hisslərini ifadə edə bilmədikdə qəddar bir adam ola bilər.
Sentimental, öz dini uğrunda göz yaşları tökən bir insan, sevgi hissindən məhrumdur.
Əsl hörmət olmayan yerdə sevgi yoxdur, istər xidmətçiniz olsun, istərsə də dostunuz olsun, əgər siz ona hörmət etmirsinizsə, burada sevgi yoxdur.
Özünüzdən aşağı hesab etdiyiniz qulluqçunuza qarşı sayğılı, mərhəmətli və səxavətli deyilsiniz, bunu nə vaxtsa müşahidə etmisiniz? Siz ancaq özünüzdən yüksəkdə duran şəxslərə hörmət edirsiniz: müdirinizə, milyonçuya, böyük evi olan adama, yüksək titullu insana, sizə yüksək vəzifə verə bilən adama hörmət edirsiniz. Ancaq sizdən vəzifəcə aşağı olanları vurursunuz, onlarla danışmağa xüsusi diliniz var. Ona görə də hörmət olmayan yerdə də sevgi yoxdur, mərhəmət, şəfqət, rəhmdillilik olmayan yerdə sevgi yoxdur.

Əgər həqiqətən də hörmət edirsinizsə, o zaman ən aşağı təbəqəyə də yüksəkdəkilərə qoyduğunuz hörmətlə yanaşın: belə olmadığınız müddətcə sevgi də olmaz.

«Nəyin axtarışındayıq?»
Problem ondadır ki, biz çox səbrsizik. İrəli getmək, bir nəticə əldə etmək istəyirik, ona görə də özümüzü incələməyə, nə də dərk etməyə vaxtımız var. Buna  alternativ olaraq, müxtəlif fəaliyyətlərə daxil oluruq- pul qazanmağa, uşaqlarımızı böyütməyə çalışırıq. Özümüzdən o qədər uzaqlaşmışıq ki, özümüz haqda düşünməyə, özümüzü müşahidə etməyə, öyrənməyə vaxtımız yoxdur.
Özünü dərketmənin bir sonu yoxdur – bu məsələdə bir uğur əldə edə və ya bir nəticəyə gələ bilmərsiniz. O sonu olmayan bir çaydır. İnsan onu öyrəndikcə, ona daldıqca, hüzur tapar.

«Özünü dərk etmək»
Özünü dərk etmə prosesi bizə başqa bir insan tərəfindən aşılana bilməz, hansısa bir kitabdan yararlanaraq bunu əldə də bilmərik. Onu kəşf etməliyik, kəşf etmək üçün də ortada niyyət, axtarış, araşdırma olmalıdır. O öyrənmə, dərin şəkildə araşdırma zəif olduğu və ya ümumiyyətlə olmadığı zaman səthi şəkildə özünü dərk etmə istəyinin də bir mənası yoxdur.
Cəsarət çox vacibdir, bu insanı azad edir. Ancaq cəsarətlə kəşf edə bilər, yaşaya bilərsiniz.
Yaradıcılıq ancaq insanın özünü dərk etdiyi zaman var.

«Təhsilin Funksiyası»
Zəkanın nə olduğunu bilirsiniz? Əlbəttə, azad şəkildə, qorxmadan, heç bir düstura bağlı olmadan düşünmə tutumudur ki, beləcə nəyin gerçək, nəyin doğru olduğunu öz-özünüzə öyrənməyə başlayarsınız. Lakin qorxsanız, əsla ağıllı ola bilməzsiniz. Maddi və ya mənəvi hər cür ehtiras narahatlıq və qorxu doğurur. Bu səbəblə, ehtiras sadə, açıq, bilavasitə və ağıllı bir zehin yaratmağa kömək etməz.
Həyat çevirdiyimiz bu çirkin şey deyil, həqiqətən çox gözəl bir şeydir və onun zənginliyi, dərinliyi, qeyri-adi gözəlliyini, ancaq hər şeyə qarşı – təşkilatlı dinlərə, adətə, bugünkü çürümüş cəmiyyətə – üsyan edəndə təqdir edə bilərsiniz  və beləcə, insan olaraq həqiqəti öz-özünüzə öyrənərsiniz. Təqlid etmək deyil, kəşf etmək – təhsil budur, elə deyilmi? Cəmiyyətinizin,valideynlərinizin və ya müəllimlərinizin sizə dediklərinə qulaq asmaq çox asandır. Bu etibarlı və asan bir varolma yoludur, amma yaşamaq deyildir. Çünki içində qorxu, çürümə və ölüm vardır.Yaşamaq, həqiqəti öz-özünüzə tapmaq deməkdir və bunu ancaq azad olanda, daxilinizdə içə çevrili daimi bir inqilab olanda edə bilərsiniz.

«Tanrıya inanmaq haqqında»
Bəs həqiqət nədir? Tanrı nədir? Tanrı söz deyil, cisim də deyil. Ölçülməyəni, zamana aid olmayanı bilmək üçün ağıl zamandan asılı olmamalıdır və bu da ağlın bütün düşüncələrdən, tanrı haqqındakı fikirlərdən qurtulması anlamına gəlir. Tanrı və ya həqiqət barəsində nə bilirsiniz? Bu həqiqət haqqında heç nə bilmirsiniz. Bütün  bildiyiniz sözlər,  başqalarının təcrübələri,  ya da daha özünüzün belə anlamadığınız təcrübələrdir. Bu, qətiyən tanrı deyil, həqiqət deyil, zamandan kənarda deyil. Zamandan kənarda olanı bilmək üçün zaman prosesi, yəni düşüncə, nəsə olma prosesi, bilik anlaşılmalıdır. Bu, ağlın arxa planıdır. Ağlın özü arxa plandır. Şüurlu və şüursuz, həm kollektiv, həm də fərdi. Bu səbədən ağıl bilinəndən azad olmalıdır ki-bu da ağlın tamamilə səssiz olması deməkdir-tanrını dərk etsin.

«Münasibətdə olmaq və yalnızlaşma»
Sərhədləriniz olduğu müddətcə- dini, milli, sosial və ya iqtisadi sərhədlər –dünyada heç bir zaman sülh ola bilməz. Bu danılmaz bir faktdır.
Güc axtarışında olmaq təbii olaraq həm də yalnızlıq deyilmi? Məncə, bunu anlamaq vacibdir, çünki sülh dünyası, müharibələrin, dəhşətli qırğınların və saysız-hesabsız səfalətlərin olmadığı bir dünya istəyən insan bu vacib məsələni anlmalıdır,elə deyilmi?
Sevən, mehriban insanın hakimiyət hissi olmur və buna görə də belə bir insan hansısa bir milliyətə, bayrağa bağlı bir insan deyil. Onun bayrağı yoxdur.
Milliyətçilik bir bəladır,çünki milliyətçilik, patriotçuluq ruhu ilə o insan təcrid divarı quracaqdır. Ölkəsinə o qədər bağlıdır ki, başqalarına qarşı divar hörmüşdür. Bir şeyə qarşı divar hörsəniz, nə baş verər? Həmin o şey daima divara çırpılmağa davam edər. Bir şeyə müqavimət göstərdiyiniz zaman həmin müqavimət onu göstərir ki, siz digəri ilə qarşıdurmadasız. Beləliklə də təcridolunma prosesi olan və güc axtarışının nəticəsi olaraq meydana gələn milliyətçilik də dünyada sülh yarada bilməz. Milliyətçi olan və qardaşlıqdan danışan adam yalançıdır, paradoksal həyat yaşayır.
İnsanın bir başqasıyla münasibət quraraq özünü dərk etməsi vacib məsələdir. O zaman bu münasibət təcridedici bir proses deyil, öz məqsədlərinizi, öz düşüncələrinizi, öz amalınızı kəşf etdiyiniz bir hərəkət olar və o kəşfin özü azadlığın və dəyişmənin başlanğıcını qoyar.

«Milliyətçilik haqqında»
Milliyyətçilik, çöl dünyada insanlar arasında ayrılıqlara, sinifləndirmələrə, savaşlara və çöküşə gətirib çıxarır; əgər diqqətlə baxsanız, bunun belə olduğunu görərsiniz.

«Dua və meditasiya haqqında»
İnsan özünü dərk edəndə doğru düşünür və əməlləri də doğru olur.

«Müharibə haqqında»
Müharibənin səbəbi əlbəttə ki, güc, mövqe, prestij və pul arzusudur; bundan əvvəl milliyətçilik adlanan xəstəlik, yəni bir bayrağa tapınmaq; bir də mütəşəkkil din adlanan xəstəlik, hansısa bir doqmaya tapınmaq da müharibəyə səbəbdir. Bütün bunlar müharibənin səbəbləridir; siz bir fərd olaraq mütəşəkkil dinlərdən hansısa birinə mənsubsunuzsa, güc arzulayırsınzsa, qısqancsınızsa,  sonu çürümə olan cəmiyyət yaratmağınız qaçınılmazdır. Ona görə də hər şey sizdən asılıdır, liderlərdən deyil. Bütün bunlar sizdən və məndən asılıdır, amma belə görünür ki, biz bunun fərqində deyilik. Bir dəfə atdığımız addımın məsuliyyətini hiss etsək, bütün bu müharibələrə, bu qorxunc səfalətə necə də tez son qoyardıq.
Dünyada sülh yaratmaq, bütün müharibələri dayandırmaq üçün hər bir fərd, siz və mən iç dünyamızda inqilab etməliyik. İç dünyada bu inqilab olmadan iqtisadi inqilabın mənası yoxdur, çünki aclıq psixoloji hallarımzın – acgözlük, qısqanclıq, ədavət və sahiblənmə kimi – yaratdığı iqtisadi şərtlərin nəticəsidir. Kədərə, aclığa, müharibəyə son vermək üçün psixoloji bir inqilab olmalıdır, amma çox az insan bunlarla üzləşməyə hazırdır. Sülh haqqında müzakirə apara, yeni qanunlar hazırlaya, yeni birliklər yarada bilərik, Birləşmiş Millətlər və s. kimi.. amma sülhə çata bilmərik, çünki vəzifəmizdən, hakimiyyətimizdən, pulumuzdan, mülkümüzdən, axmaq həyatlarımızdan əl çəkmək istəmirik. Başqalarına bel bağlamaq, çox faydasızdır; başqaları bizə sülhü gətirə bilməz. Heç bir lider, heç bir hökümət,  heç bir ordu, heç bir ölkə sülhü bizə verə bilməz. Sülh ancaq içdə olacaq və bu da çöl dünyada bir çevrilmə yaradacaq. İç dünyada çevrilmə təcrid olunmaq deyil. Əksinə, ancaq düzgün düşüncə olduğu zaman düzgün əməl oluna bilər; özünü dərk etmə olmadığı zaman düzgün düşüncə də olmaz. Özünü dərk etmədən sülh ola bilməz.
Çöl dünyadakı müharibəyə son vermək üçün öz içinizdəki müharibəyə son verməyə başlamalısınız. Sizlərdən kimsə başını aşağı salaraq «razıyam» deyəcək və çölə çıxıb son 10 ya da 20 ildə etdiyinizi yenə də təkrarlayacaqsınız. Razılığınız  sadəcə sözdədir və bunun heç bir mənası yoxdur, çünki dünyadakı səfalət və müharibələr sizin heç bir məna kəsb etməyən razılığınızla dayanacaq deyil. Onlar yalnız təhlükənin fərqinə vardığınız zaman, məsuliyyətinzin fərqinə vardığınız zaman, onu başqa birisinin öhdəsinə buraxmadığınız zaman duracaq. Əzabın fərqinə varsanız, təxirəsalınmaz işlərin vacibliyini görsəniz və onu təxirə salmasanız, o zaman özünüzü dəyişdirə bilərsiniz; sülh ancaq hüzurlu olduğunuz zaman, qonşunuzla sülh şəraitində olduğunuz zaman yaranar.

«Var olan» a təslim ol.
Biz var olanı anlamaq, dərk etmək istəmirik, var olana önyarqı, qınama, eyniləşdirmə eynəkləri ilə baxırıq; var olana baxmaq üçün bu eynəkləri çıxararaq baxmaq çox çətindir. Şübhəsiz ki, var olan həqiqətdir, doğrudur və bundan başqaları qaçışdır, həqiqət deyil.Var olanı anlamaq üçün ikiliyin mübarizəsi sona çatmalıdır, çünki var olandan başqa bir şey olma şəklindəki mənfi reaksiya var olanın anlaşılmasını inkar edir.
Qınamadan, ya da bir ad qoymadan dərk etməliyik. Davamlı olaraq, qınayan və etiketləyən bir zehin dərk edə bilməz; sadəcə içində saxladığı bir şeyi anlaya bilər. Var olanı anlamaq, dərk etmək, var olanın fərqində olmaq fövqəladə dərinlikləri ortaya çıxarır. Həqiqət, xoşbəxtlik və sevinc buradadır.

Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +14 (from 14 votes)

Fidan Aslanova

Fitret.az idarəçisi

 
Facebook

YAXŞI BİR DİNLƏYİCİ OLMAQ ÜÇÜN NƏ ETMƏLİ?

Əvvəlcə dinləmə səbəbinizi tapın. 
Dinləmənin tərzləri olduğunu bilirdinizmi? Yaxşı bir dinləyici olmağın ilk addımı da elə dinləmə səbəbinizi tapmaqdır. Yəni dinləməyinizin səbəbi zövq üçündürmü, fikir mübadiləsidirmi, məlumatları qiymətləndirməkdirmi, yoxsa, qarşınızdakının duyğularını anlamaq üçündürmü? Bunu bildikdən sonra qalanını etməyiniz daha asan olacaq.

yaxşı dinləyici. dinləmə zamanıDinləmə zamanı:
Səbrli olun və qarşınızdakı insanın çatdırmağa çalışdığı mesajına hörmət edin.
Diqqətinizi danışan adama verin, diqqətinizi dağıdacaq başqa şeylərlə maraqlanmayın.
Danışan adamın söylədiklərini, arada öz cümlələrinizlə ümumiləşdirin və qarşınızdan bu ümumiləşdirməyə dair təsdiq alın.
Dinlədiyiniz zaman ön mühakimənizi bir kənara qoyun. Unutmayın, hər kəsdən yeni məlumatlar əldə edə bilərsiniz.
Eqonuzu ön plana çıxarmayın. Eqosu güclü olan insanlar, özərini, danışan adamdan daha üstün görüb onun söylədiklərini dinləməyə bilərlər.
Necə deyildiyini yox, nə deyildiyini dinləməyə çalışın.
Danışanın izah etdiklərini axıra kimi, onun sözünü kəsmədən dinləyin.
Qarşınızdakı adam danışarkən onun söylədiklərinə verəcəyiniz cavabları yox, onun ifadə etmək istədiklərini düşünün.
Qarşınızdakı adamı dinlədiyinizi, bədən dilinizlə də bildirməniz, sizə güvən və hörmət qazandıracaq. Bunu, bədənlə yüngülcə önə doğru əyilmək, baş silkələmək, göz təmasında olmaqla göstərə bilərsiniz.

yaxşı dinləyici. səbrli olmaq və bədən diliYaxşı bir dinləyici:
Davamlı olaraq göz təması qurur.
Qarşısındakı insanın sözlə və davranışla verdiyi mesajlarını yaxşı dəyərləndirir.
Səbrlidir və danışan adamın sözünü kəsməməyə diqqət edir.
Qarşısındakı insanın cavablarına sözlə və davranışla cavablar verə bilir.
Qarşısındakı insanın anlatdıqlarını suallar soruşaraq daha detallı anlamağa çalışar.
Danışılan mövzunu ümumiləşdirir və öz cümlələri ilə doğru şəkildə ifadə edə bilir.
Qarşısındakı insanın duyğularını anlaya bilir.
Qarşısındakı insanın danışmağını maraqla dinləyir.
Dinləmək istədiyini və maraqlandığını qarşı tərəfə hiss etdirir.
Tənqid etmir və ön mühakiməçi deyil.
Fikirlərə açıqdır.

pis dinləyiciPis bir dinləyici:
Danışanın sözünü kəsir.
Danışan insanla göz təması qurmaqdan qaçınır.
Ətrafından təsirlənir və çox tez diqqəti dağılır.
Danışanı dinləməyən və söylədikləri ilə maraqlanmayan bir abı- havadadır.
Danışılan mövzunu dəyişdirir.
Cavabları hər zaman mühakimə edici bir üslubdadır.
Dar fikirlidir və qarşısındakı insanın duyğularını anlamağa çalışmır.
Dinləmək yerinə danışmağa üstünlük verir.
Davamlı olaraq tövsiyyə verərək qarşısındakı adamı narahat edir.
Dinləmək üçün heç zamanı yoxdur və danışıqları kəsərək bitirir.

Mənbə: Pudra.com ; sanaldanisman.blogspot.com
Hazırladı: Fidan Aslanova

Beyenmeler
0   2  
VN:F [1.9.16_1159]
Rating: +30 (from 32 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus

MƏN KİMƏM?

Bizi əmələ gətirən ünsürlər nələrdir? Maddi ünsürləri onsuz da bilirsiniz; cəsədiniz -yaşınız, kilonuz, cinsiyyətiniz kimi şəxsinizə aid məlumatlar. Maddi ünsürləri təyin etmədə bir çətinlik olduğunu düşünmürəm. Əsas çətinlik mənəvi olaraq, “mən kiməm?” sualına cavab tapmaq. Cavablandırmağa çalışaq:

mən kiməm?Mən- zamanım. 
Doğumdan ölümədək yaşanan hər bir dəqiqə mənəm. Doğulmamışlar və ölmüşlər “mən kiməm?” sualına cavab aramır.Yaşadığın zamanda nə edirsənsə o sənsən. Bu baxımdan “Zamanımı necə xərcləyirəm?” sualı ilə “Mən kiməm?” sualı arasında bənzərlik var.
Həyatındakı müəyyən bir zaman aralığının, saatın, günün, ay və ya ilin keçmişini əhəmiyyətsiz hesab edirsənsə, bil ki şəxsiyyətinə böyük bir hücum edirsən. Yaşadığı zamana əhəmiyyət verməyən, özünü əhəmiyyətsiz hesab edir deməkdir. Bu mövzuda hədəfimiz, hər bir dəqiqənə əhəmiyyət vermək və planlamaqdır.

Mən- Əlaqələrim.
Ən çox əlaqə yaratdığın, danışdığın, paylaşdığın kəslər qısaca yaxın ətrafın “Mən kiməm?” sualına veriləcək ikinci əhəmiyyətli cavabdır. Sən ailənsən, yoldaşlarınsan, iş ətrafınsan. Bu insanlarla qurduğun ünsiyyət keyfiyyəti, sənə qarşı rəftarları, sənin yanaşmanın, sənin şəxsiyyətini meydana gətirən ana ünsürlərdir. Bu nöqtədə seçdiklərin, səni təyin edər. “Dostunu göstər deyim sən kimsən” – atalar sözündəki kimi…

Mən- İşim.
Seçdiyiniz iş və onun ünsürləri sizi təyin edən faktorların üçüncüsüdür. İşimiz niyə bizi təyin edir? Zamanımızın çoxunu işimizdə xərcləyirik. Ehtiraslarımız, hədəflərimiz, ideallarımız onunla təyin olunur. İş dünyasında əldə etdiyimiz tutum və davranışlar ümumi xarakterimiz olur. Səhv iş, səhv insan yaradar. İş, işi görən adamı özünə bənzətməzsə bədbəxt edər.

Mən- Düşüncəm, Mən- Davranışım.
Fransız filosof Dekartın Latınca yazımıyla “Cogito ergo sum” – Düşünürəmsə deməli varam. Yəni “Mən” ilə “Düşüncə” eyni tutulmuşdur. Təəssüf ki, bu yanaşma xalqa enməmişdir. Çünki düşüncə (həyat fəlsəfəsi) tətbiq sahəsni tapa bilmədiyi zaman bir heçdir və Məni təsvir etməkdən uzaqlaşar. Tarixdə çox az insan əvvəl düşünüb sonra yaşamışdır.. Düşünüb daha sonra icra edən bir cəmiyyət, fikrimcə, uğur əldə edə bilər.

“Dünyanı dəyişmək istəyirsənsə birinci özündən başla.” Öz həyatımızı da bu baxımdan araşdırsaq, dəyişmək üçün əvvəl davranışlarımızı dəyişdirməliyik. Deməli mən davranışlarımam.

Müəllif: Naz Ramizqızı

Beyenmeler
0   2  
VN:F [1.9.16_1159]
Rating: +31 (from 33 votes)

Vüsaləddin Rüstəmov

Fitret.az idarəçisi. Mühəndis. Fikir və düşüncə yazıçısı.

- Sayt ünvanı

 
TwitterFacebookGoogle Plus